Семен Багдасаров., архивное фото

Семён Багдасаров: Бояд исмоилиёни тоҷикро ба ҷанги Сурия фиристод

2032
(Таҷдидшуда 19:25 28.04.2017)
Семён Багдарсаров бар ин бовар аст, ки Русия бояд Тоҷикистонро муътақид кунад ки исмоилиёни Кӯҳистони Бадахшонро ба ҷанги Сурия бифиристад

ДУШАНБЕ, 28 апр — Sputnik. Бояд ҳанг ё баталионе аз исмоилиён ташкил карду ба ҷанги Сурия фиристод, бовар дорад Семён Багдасаров, коршиноси масоили Ховари Миёна ва Осиёи Марказӣ, мудири Маркази мутолеоти кишварҳои Ховари Миёна ва Осиёи Марказӣ.

Вай ин пешниҳодро дар барномаи "Шом бо Владимир Соловёв" матраҳ кард, ки дар он коршиносон буҳрони Сурияро баррасиву таҳлил мекарданд.

Вай дар ин барнома гуфт: "Кишваре чун Тоҷикистон дорем, ки узви Созмони Паймони амнияти дастҷамъӣ аст. Шаҳре ҳаст Саламия ном дар Сурия, ки дар он ҷамоате бузург аз исмоилиён зиндагӣ дорад. Дар Тоҷикистон, ки 44,5 дарсад аз сарзаминашро Кӯҳистони Бадахшон ташкил медиҳад, камубеш 200 то 250 ҳазор исмоилиён зиндагӣ доранд, ки Саламия барояшон шаҳре муҳим аст. Чаро мо набояд раҳбарони Тоҷикистонро муътақид накунем, ки 2 — 3 ҳанг аз довталабонро ҳамроҳ бо ҷангомӯзону ҷангафзорҳои русӣ ба Сурия бифристанд?"

Sputnik Тоҷикистон аз ин коршинос пурсид, ки оё ин пешниҳод то куҷо воқеъӣ ва шуданист?

"Исмоилиён розӣ хоҳанд шуд. Онҳо метавонанд ҳанг ташкил бидиҳанд, агар мо кумакашон кунем. Вале на исмоилиён ва на раҳбарии кишвар даст ба чунин коре нахоҳанд зад. Чаро? Чун раҳбарии Русия ҳам аз онҳо чунин дархосте накардааст. Ин кор шуданӣ буд, агар раҳбарони Русия исрор мекарданд, вале аз Маскав чунин пешниҳоде ба Тоҷикистон нашудааст", — тавзеҳ дод Багдасаров.

Ёдоварӣ мекунем, ки ҳамин коршинос чанде пеш хабар дода буд, ки имоми исмоилиёни ҷаҳон шоҳзода Карим Оқохони IV 19 — 20 апрел аз Маскав боздид хоҳад кард. Вале Багдасаров аз додани ҳаргуна тавзеҳ дар бораи ин сафар худдорӣ карда буд.

Ин пешниҳоди Семён Багдасаров бо вокуниши тунди бархе аз корбарони тоҷикистонии шабакаҳои иҷтимоъӣ рӯ ба рӯ шуд. Бисёре аз онҳо ин пешниҳодро ғайри қобили қабул хонданд ва Багдасаровро муттаҳам ба сиёсатбозӣ карданд.

Аз ҷумла, коршиноси мустақил Алӣ Ализод дар вокунише тунд ба ин пешниҳод пурсон шуд, ки чаро ва ба чи далеле шаҳрвандони Тоҷикистон бояд аз манофеъи Русия дар Сурия пуштибонӣ кунанд?

Дуктур Абдулло Давлатов, раҳбари пешини Иттиҳодияи тоҷикистониёни Русия, низ пешниҳоди Багдасаровро нописанд ва муғоир бо манофеъи миллии Русия в Тоҷикистон шумурд.

Бисёре аз исмоилиёни тоҷик ҳам ин пешниҳодро бепоя ва носозгор бо омӯзаҳои мазҳаби исмоилӣ ва ормонҳои оштиҷӯёнаи исмоилиён донистанд.

2032
Барчаспҳо:
ҷанг дар Сурия, Семён Багдасаров, Кӯҳистони Бадахшон, Сурия, Тоҷикистон, Русия
Мавзуъ
"Сад пушаймонӣ аз Сурия": ҳушдор ба наврасони тоҷик аз пайомадҳои ҷангҷӯӣ
День 9 июля

Ҷашнҳои рӯзи 9 июл дар Тоҷикистон ва ҷаҳон

19
(Таҷдидшуда 20:44 08.07.2020)
Рӯзи нӯҳуми июл Рӯзи байналмилалии теннис буда, дар Озарбойҷон – Рӯзи кормандони сохторҳои хизмати дипломатӣ, дар Аргентина — Рӯзи Истиқлолият ва дар Қазоқистон – Рӯзи Хадамоти андоз мебошад

Рӯзи 9 июл дар ҷаҳон чӣ рух дод

Соли  1788 Коннектикут Иёлати панҷуми ИМА шуд.

Соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.

День 8 июля
© Sputnik / Стас Этвеш / Вишнякова Мария

Соли 1952 Ҷумҳурии Демократии Германия  (ГДР) дар бораи таъсис додани сотсиализм қарор қабул кард.

Соли 1957 дар ҷадвали химиявии Менделеев 102-юмин  элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий»  номгузорӣ намуданд.

Соли 1961  Юнон дар бораи дохил шудан ба Иттиҳоди иқтисодии Аврупо қарор қабул кард.

Соли 1988  варзишгари немис  Габриэла Ранш барои партофтани гурз  ба масофаи 76 метру 80 сантиметр рекорди ҷаҳонӣ гузошт.

Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.

Соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.

Рӯзи 9 июл дар Тоҷикистон чӣ рух дод

Соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.

День 7 июля
© Sputnik / Стас Этвеш / Вишнякова Мария

Соли 2010 дар тарабхонаи «Суҳбати дӯстон»- и шаҳри Истаравшан бо ширкати  Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.

Соли 2012  Президент Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.

Соли 2015 дар шаҳри Уфа-пойтахти Ҷумҳурии Бошқирдистони Федератсияи Русия Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуд.

Ҷашнҳои рӯзи 9 июл

  • Рӯзи байналмилалии теннис.
  • Дар Озарбойҷон – Рӯзи кормандони сохторҳои хизмати дипломатӣ.
  • Дар Аргентина — Рӯзи Истиқлолият.
  • Дар Қазоқистон – Рӯзи Хадамоти андоз.

Рӯзи 9 июн кӣ ба дунё омадааст

1901 — Барбара Картленд (соли даргузашт. 2000), нависандаи пурмаҳсули англис дар асри  XX.

1931 — Андрей Капитса (соли даргузашт 2011), ҷуғрофдони рус, таҳқиқгари Антарктида, профессор, узви Академияи илмҳо.

1938 - Лия Ахеджакова, ҳунарпешаи театр ва синамо, ҳунарманди халқии Русия.

1950 — Виктор Янукович, сиёсатмадори украинӣ, президенти Украина дар солҳои (2010—2014).

1956 — Том Хэнкс, ҳунарманди амрикоӣ, коргардон, продюсер дорандаи ду ҷоизаи "Оскар" ва чаҳор  "Золотой глобус".

Рӯзи 9 июл дар Тоҷикистон кӣ ба дунё омадааст

1941-2008 – нависанда  Азиз Раҳим.

1954 – ҳавошинос, нависанда Александр Пиров.

19
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

114
(Таҷдидшуда 23:38 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Далер Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Давлат Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, мегуфт ", - афзуд Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров ба ин аст, ки ҷашнвора метавонад миқёси худр бо филмҳои минтақавии Русия васеътар кунад.

Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

114
Барчаспҳо:
ҷашнвораи кино, Қазон