Президент Таджикистана Эмомали Рахмон

Дастовардҳои сафари раисҷумҳур ба Данғара: дабиристон, ҷӯйбор, корхона

50
(Таҷдидшуда 12:24 13.05.2017)
Раиси Ҷумҳурии Тоҷикистон дар раванди сафари корӣ ба ноҳияи Данғара якчанд бунгоҳи омӯзишиву кишоварзиву санъатиро ифтитоҳ кард

ДУШАНБЕ, 13 май — Sputnik. Раисҷумҳури Тоҷикистон Эмомалӣ Раҳмон дирӯз, 12 май бо сафари корӣ аз ноҳияи Данғара боздид кард.

Ба гузориши дафтари иттилоърасонии раисҷумҳур, раҳбари Тоҷикистон дар раванди ин сафар дар рустоҳои Сангтӯда ва Хуррамзамин сохтмонҳои нави ду дабиристонро ба баҳрабардорӣ расонд.

Вай ҳамчунин дар маросими баҳрабардорӣ аз марҳилаҳои дувум ва севуми тарҳи обёрии заминҳои кишоварзии водии Данғара ширкат кард. Дар паи иҷрои ин тарҳ дар солҳои 2001 — 2016 бар заминҳои кишоварзии ноҳия боз 4,2 ҳазор ҳектор киштзор афзуда шуд. Ҳазинаи куллии иҷрои ин мароҳил 42 милюн дулор буда ва барои иҷрои мароҳили поёнии он дар соли 2017 беш аз 380 ҳазор дулор ҳазина шудааст.

Дар ин сафар ҳамчунин ҷӯйбори обёрии тарҳи "Водии Данғара — 3" низ ба баҳрабардорӣ расонда шуд. Ин ҷӯйбор 39 килуметр дарозо дорад ва оби рӯди Вахшро ба 900 ҳектор пахтазор, 300 ҳектор гандумзор, 100 ҳектор полез, 100 ҳектор алафзор ва 300 ҳектор боғ хоҳад расонд.

Барои кандани ин ҷӯйбор 33 милюн дулор ҳазина шуда, ки аз ин 4,1 милюн дулор сармояи ҳукумати Тоҷикистон, 15,8 милюн дулор эътибори вомии Бонки исломии тавсеъа ва 13,8 милюн дулор эътибори Бунёди арабии тавсеъаи иқтисодии Кувайт аст.

Эмомалӣ Раҳмон ҳамчунин дар маросими ифтитоҳи корхонаи тавлиди фаровардаҳои санъатӣ ширкат кард. Ин корхонаро ширкати маҳдудмасъулияти "КМ МУОСИР" бо ҳазинаи беш аз 15 милюн дулор дар муддати якуним сол бунёд хоҳад кард. Дар он 150 корманд солона 20 ҳазор тон маҳсулоти санъатӣ тавлид хоҳанд кард.

Раисҷумҳур ҳамчунин раванди сохту бозсозии роҳҳо дар ноҳияи Данғараро бозрасӣ кард.

50
Барчаспҳо:
дабиристон, ҷӯйбор, корхона, Эмомалӣ Раҳмон, Данғара, Тоҷикистон
Мавзуъ
Ифтитоҳи мактаб аз ҷониби Эмомалӣ Раҳмон дар ноҳияи Данғара
Таджикские мастера готовят подарок к зимней Олимпиаде в Пекине

Туҳфаи устоҳои тоҷик барои Бозиҳои зимистонаи олимпии Пекин

28
Ҷамшед Ҷӯраев ва Насим Негматов ду устои бомаҳорати тоҷик мебошанд, ки шӯҳрати наққошкориҳои онҳо берун аз Тоҷикистон ҳам паҳн шудааст

ДУШАНБЕ, 6 авг — Sputnik. Ҷамшед Ҷӯраев ва Насим Негматов ду устои машҳури тоҷик мебошанд, ки амалҳои ҷолиби наққошии онҳо иншоотҳои фарҳангӣ ва маконҳои дӯстдоштании кишварро оро медиҳанд. Ифтихори котиботи Созмони Ҳамкории Шанхай – толори рамзи қароргоҳи СҲШ – тариқи ҳамин ҳунар оро ёфтааст. 

Ҳамчунин, ороиши павилони СҲШ дар доираи Намоишгоҳи ҷаҳонии санъати боғдорӣ соли 2019 дар Пекин ба Ҷамшед ва Насим супорида шуда буд. Павилони СҲШ миёни меҳмонони намоишгоҳ машҳур шуд, хусусан ҳунари рассомон баҳои баланд гирифт.

Арчаи миллӣ бо розигии Президент: дастур барои насб пеши идораю хонаҳо - аксҳо

Кумитаи милли олимпии Тоҷикистон хабар медиҳад, ки устоҳои тоҷик омодагиро ба Бозиҳои зимистонаи олимпӣ, ки аз 4 то 20 феврали соли 2022 дар Пекин баргузор мешаванд, шуруъ карданд. Тилисми ин чорабинии бузурги варзишӣ – панда бо номи Бин-Дундун интихоб шудааст.

Зимнан, рассомони тоҷик тасмим гирифтаанд якчанд лавҳаро бо наққошии панда – ҳайвони дӯстдори миллионҳо нафар дар ҷаҳон – омода кунанд.

Дар доираи Бозиҳои олимпӣ, онҳо инчунин умед доранд, ки намоишгоҳ ташкил мекунанд ва ҳунарашонро ба пекиниҳо ва меҳмонони пойтахти Чин ошно менамоянд.

28
Барчаспҳо:
тоҷик, усто, туҳфа, Бозиҳои олимпӣ

Вазорати тандурустӣ фавти як дардманди дигар аз коронавирусро тасдиқ кард: омори нав

334
Шабонарӯзи гузашта дар Тоҷикистон боз як маризи дигари коронавирус ба ҳалокат расид. Вазорати тандурустӣ низ фавти як беморро тасдиқ карда гуфт, ки шумораи умумии қурбониён ба 62 нафар баробар шуд

ДУШАНБЕ, 6 авг — Sputnik. Вазорати тандурустӣ омори ҷадиди фавт, сироят ва шифоёбии шаҳрвандони Тоҷикистонро аз коронавирус нашр намуд.

Ба иттилои котиботи вазорати мазкур, шабонарӯзи гузашта боз як маризи дигар аз коронавирус ҷон бохт. Бо илова шудани ҳолати ҷадиди фавт, теъдоди умумии қурбониёни вируси COVID-19  дар кишвар ба 62 нафар баробар шуд.

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

Зимнан, вазорат таъйид намуд, ки дар як шабонарӯзи охир 99  нафар гумонбарон зери назорати табибон қарор дошта, 44 нафар баъд аз муолиҷа ба хонаҳояшон рухсат дода шуданд.

Инчунин,  дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба  7665  нафар баробар гардид.

Ҳамзамон, то санаи   6 август дар мамлакат  6443 нафар аз бемории COVID-19 шифо ёфтаанд.

334
Барчаспҳо:
омор, Вазорати тандурустӣ, Тоҷикистон
Мавзуҳо:
Пайомадҳои COVID-19 дар Тоҷикистон ва ҷаҳон