Подписано Соглашение между Дагестаном и Согдийской областью Республики Таджикистан

Доғистон ва Суғд ҳамкориҳои дуҷонибаро густариш медиҳанд

70
(Таҷдидшуда 18:45 13.05.2017)
Дар паи сафари раҳбари Ҷумҳурии Доғистон ба вилояти Суғд миёни ин минтақаҳои Русия ва Тоҷикистон санади ҳамкории густарда имзо шуд

ДУШАНБЕ, 13 май — Sputnik. Рамазон Абдулатипов ва Абдураҳмон Қодирӣ дирӯз дар Хуҷанд дар заминаи ҳамкориҳои тиҷорӣ-иқтисодӣ, илмӣ-фаннӣ ва ҳунарӣ-фарҳангӣ миёни Ҷумҳурии Доғистон ва вилояти Суғд тавофуқнома имзо карданд.

Ба иттилоъи дафтари равобити умумии раҳбари Доғистон, ин санад дар анҷоми дидори Рамазон Абдулатипов ва ҳайъати ҳамроҳаш бо раиси вилояти Суғд ва ҳайъати устондорӣ имзо шуд.

Бино ба ин тавофуқнома, Доғистон ва вилояти Суғд қасд доранд равобиту ҳамкориро дар заминаҳо иқтисодӣ, бозаргонӣ, илмиву омӯзишӣ, фанноварӣ, ҳунару фарҳанг густариш диҳанд. Тарафҳо қарор доданд, ки дар заминаҳои саноеъ ва кишоварзӣ, улуму фанновариҳои пешрафта, меъмориву сохтусоз, ҳунар, гардишгарӣ, варзиш ва омӯзиш ҳамкориҳоро тавсеъа диҳанд.

Аз ҷумла, тарафҳо қасд доранд шароитро барои роҳандозии ҳамкориҳои илмӣ ва табодули иттилоъоти илмӣ ва омӯзишӣ миёни донишгоҳҳои Доғистону Суғд мусоъид кунанд.

Дар заминаи меъмориву сохтусоз қарор шуда ҳамкориро дар заминаҳои баҳрагирӣ аз тарҳу фанновариҳои нави сохтусоз, бозсозӣ ва навсозии корхонаҳои сохтмонӣ ва роҳандозии хариду фурӯши масолеҳи сохтусозӣ миёни минтақаҳоро густариш диҳанд.

Ҳамчунин тавофуқ шуда, ки тарафҳо шароитро барои хариду фурӯши колоҳову фаровардаҳои кишоварзӣ миёни Доғистону Суғд беҳбуд кунанд.

Ин санад ҳамчунин заминаро барои тавсеъаи ҳамкориҳо миёни бунгоҳҳои фарҳангии ду минтақа, ширкати гурӯҳҳои пешакору ҳунардӯст дар ҷашнвораву озмунҳо, иҷрои намоишҳо, баргузории намоишгоҳҳо ва сафарҳои ҳунариву фарҳангӣ дар Доғистону Суғд фароҳам меоварад.

Дар чорчӯби ин тавофуқнома дар назар гирифта шуда, ки шароит барои баҳрабардории беҳина аз доштаҳои табиъиву фарҳангии ҷумҳурии Доғистону вилояти Суғд дар заминаи гардишгарӣ фароҳам оварда шавад. Чунончи, қарор аст гашту гузори гардишгарони тоҷику доғистонӣ дар маконҳои дидании ду сарзамин роҳандозӣ шавад ва ширкатҳои гардишгарӣ хадамоташонро дар намоишгоҳҳои ҷаҳонгардӣ дар ду кишвар пешниҳод кунанд.

Ёдоварӣ мекунем, ки раҳбари Ҷумҳурии Доғистон Рамазон Абдулатипов 10 — 12 май бо сафари корӣ дар Тоҷикистон қарор дошт ва дар чорчӯби ин сафар бо раисҷумҳури Тоҷикистон Эмомалӣ Раҳмон низ дидору мулоқот карда буд.

Раҳбари Доғистон дар ин сафар ҳамчунин аз минтақаи озоди иқтисодии "Суғд", маҷмааи торихиву фарҳангии "Қалъаи Хуҷанд" ва Боғи милии "Ваҳдат" боздид кард.

70
Барчаспҳо:
тавофуқнома, ҳамкорӣ, Рамазон Абдулатипов, Абдураҳмон Қодирӣ, Тоҷикистон-Русия, Доғистон, Суғд
Мавзуъ
Раҳбари Доғистон Рамазон Абдулатипов ба вилояти Суғд омад
Дидори Раҳмон бо Абдулатипов: доғистониҳо тоҷиконро забонӣ русӣ ёд медиҳанд
Раиси вилояти Хатлон ба аёдати маъб рафт

Раиси вилояти Хатлон аз ҳисоби худ ба маъюби 26-сола панҷ ҳазор сомонӣ кумакпулӣ дод

26
(Таҷдидшуда 02:53 06.07.2020)
Раиси вилояти Хатлон Қурбон Ҳакимзода дар ноҳияи Ёвон Хуҷамурод Хуҷаевро, ки маъюби гурӯҳи якум аст, аёдат кард

ДУШАНБЕ, 6 июл — Sputnik. Ба нақл аз дафтари матбуоти мақомоти вилояти Хатлон, Хуҷамурод, ки сокини деҳаи Боғдараи Ҷамоати деҳоти ба номи Ҳасан Ҳусейнов аст ва ӯ 26 сол дорад.

Қурбон Ҳакимзода, раиси вилояти Хатлон зикр кард, ки айни ҳол сохтмони манзили истиқоматии нав барои оилаи Хуҷамурод бомаром идома дошта, аллакай марҳилаи бомпӯши хона ҷараён дорад.

“Давлат ҳеҷ гоҳ афроди имконияти ҷисмоиашон маҳдуд, ятимону бепарасторонро танҳо намегузорад. Пас аз пурра ба анҷом расидани сохтмони манзили зист, дар фикри барпо намудани тӯй шуда, Шуморо хонадор мекунем”, - қайд намуд зимни суҳбат бо Хуҷамурод Хуҷаев раиси вилояти Хатлон.

Қурбон Ҳакимзода пас аз мулоқот бо Хуҷамурод ба ӯ 5 ҳазор сомонӣ кумакпулӣ ва барои хонаводааш маҳсулоти ғизоӣ, аз қабили орд, равған, биринҷ, макарон, картошка, пиёз, қанд ва ғайра тақдим намуд.

Вай ҳамчунин ба масъулони ниҳодҳои дахлдор дастур дод, ки сохтмони манзили зисти Хуҷамурод Хуҷаевро бо сифати баланд ва дар муҳлатҳои кутоҳтарин ба анҷом расонида шавад.

26
Барчаспҳо:
кумакпулӣ, маъюб, Хатлон, Тоҷикистон
Президент Ирана Хасан Рухани, архивное фото

Рӯҳонӣ: пинҳони мубтало шудан ба коронавирус таҷовуз ба ҳуқуқи дигарон аст

59
(Таҷдидшуда 02:46 06.07.2020)
Раисҷумҳури Эрон гуфт, агар касе бидонад, ки ба вируси корона мубтало шудааст вазифаи шаръӣ ва инсонӣ дорад, ки ба атрофиёнаш иттилоъ диҳад ва худро қарантина кунад

ДУШАНБЕ, 6 июл — Sputnik. Ҳасани Рӯҳонӣ ахиран дар ҷаласаи Ситоди миллии муқобила бо вируси корона гуфт,  агар фарде мехоҳад вориди идорае шавад бояд аз ниқоби тиббӣ истифода кунад ва агар накард, набояд ба ӯ хизматрасонӣ карда шавад, иттилоъ додааст хабаргузории “Парстудей”.

Раисҷумҳури Эрон таъкид кард, ки вуруди кормандон бидуни ниқоби тиббӣ ба идораҳо мамнуъ аст ва агар корманд дар идорае серодам бидуни ниқоби тиббӣ меояд, бояд барои ӯ фаҳмонанд ва ӯро баргардонанд.

Рӯҳонӣ афзуд, набояд иҷоза дода шавад, ки дар метро ва автобус мардум бидуни  ниқоби тиббӣ ворид шаванд ва вазири умури дохила ва ҳамаи шаҳрдориҳо талоши худро ба кор бигиранд ва ҳар ҷо лозим аст аз неруи интизомӣ ва басиҷ истифода кунанд.

Раисҷумҳури Эрон ҳамчунин афзуд, мавзӯи муҳим ва мавриди таъкиди мо аз рӯзи аввал ин буд, ки бояд худамонро бо ин шароит омода кунем  яъне аз рӯзи аввал гуфтем, ки ин вирус меҳмони нохондаи кутоҳмуддат нест ва мумкин аст то охири сол ва ҳатто то соли оянда низ идома дошта бошад.

Рӯҳонӣ таъкид кард, ки мардум бояд то замони тавлиди  дору ва ё ваксина барои муқобила бо ин беморӣ, фарзро бар ин қарор диҳанд, ки ҳама мумкин аст олуда бошанд ва лизо бояд дар иртиботи иҷтимоӣ бо ашхос, ниҳояти диққат ва эҳтиёти лозимро ба амал оваранд.

Ҳамзамон, вай бо ташаккур аз ҳамаи муҳаққиқоне, ки барои ёфтани дору ва ё ваксинаи ин беморӣ талош ва кор мекунанд, ибрози умедворӣ кард, ки ин талошҳо идома ёбад ва ба натиҷаҳои мусбат бирасад.

59
Барчаспҳо:
Раисҷумҳур, Ҳасан Руҳонӣ, ҳуқуқ, таҷовуз, вирус, Эрон