Махмадсаид Убайдуллоев, архивное фото

Маҳмадсаид Убайдуллоев қонунгузоронро муттаҳам ба қонуншиканӣ кард

112
(Таҷдидшуда 16:03 18.05.2017)
Раиси Маҷлиси Миллии Тоҷикистон аз риоя нашудани қонуни танзими маросим нигаронӣ кард ва аз соҳибмансабон хост нисбат ба рухдодҳои кишвар беэътино набошанд

ДУШАНБЕ, 18 май — Sputnik. Маҳмадсаид Убайдуллоев дар ҷаласаи имрӯзи Маҷлиси Миллии Тоҷикистон дар баррасии масъалаи ислоҳи қонуни танзими ҷашну маросим аз камкории соҳибмансабон ва масъулини давлат дар иҷрои ин қонун интиқод кард.

Раиси Маҷлиси Миллӣ ёдоварӣ кард, ки ин қонун даҳ сол пеш тасвиб шуда, вале ҳануз ҳам муқаррароташ пурра иҷро намешаванд. Вай вакилони Маҷлиси Миллиро муваззаф кард бо интихобкунандгон дар ҳавзаҳои интихоботӣ дидор карда назарашонро дар бораи иҷрои ин қонун бипурсанду ба маҷлис пешниҳод кунанд.

Убайдуллоев гуфт, ки дар дигар кишварҳои Осиёи Марказӣ, ки чунин қонуне ҷорӣ кардаанд, бархе аз муқаррароташон бисёр хуб иҷро мешаванд.

"Вале дар Тоҷикистон иҷрои ин қонун бо мушкилот дучор шуда ва муқаррароташ ҳамвора нақз мешаванд. Ин масъаларо, ки чаро қонун иҷро намешавад, бояд рафту дар маҳалл пайгирӣ кард, ки чаро чунин аст?", — гуфт вай.

Маҳмадсаид Убайдуллоев бетафовутиву беэътиноии соҳибмансабону масъулинро далели аслии иҷро нашудани муқаррорти ин қонун донист.   

Вай гуфт, соҳибмансабон бояд худашон намунаи ибрат барои мардум мешуданд: "Ҳарчанд гуфтем, ки биёед худамон намунаи ибрат шавем, нашуд".

Гуфтанист, ахиран раисҷумҳур Эмомалӣ Раҳмон низ аз қонуншикании соҳибмансабон нигарон шуда ва чанд тан аз масъулинро барои нақзи қонуни танзими ҷашну маросим аз симат барканор кардааст.

112
Барчаспҳо:
қонунгузорӣ, Маҳмадсаид Убайдуллоев, Тоҷикистон
Мавзуъ
Убайдуллоев барои густариши низоми маҷлисмеҳварӣ бо нишон қадрдонӣ шуд
Убайдуллоев дар Петербург дар мавзӯи мубориза бо тероризм суханронӣ мекунад
Иҷлосияи нуҳум бо қарори Рустам: ваколати Маҳмадсаид Убайдуллоев қатъ шуд
Таджикская актриса Тахмина Раджабова

Марги нобаҳангоми падар, хонавайронӣ ва ишқи нав : ногуфтаҳои Таҳмина Раҷабова - видео

79
(Таҷдидшуда 18:43 16.07.2020)
Таҳмина Раҷабова - ровӣ ва ҳунарпешаи синамо дар бораи зиндагии шахсӣ, марги падар, ҳунар, нақшҳо дар синамо ва интихоби касб гуфт

ДУШАНБЕ, 16 июл  — Sputnik. Таҳмина Раҷабова ҳунарпешаи сермаҳсули синамои Тоҷикистон дар барномаи "Ногуфтаҳо" - и журналист Орзу Исоев дар бораи ҳаёти пурпечутоби худ нақл кард.

Таҳмина ҳамагӣ 17 сол дошт, ки падараш бармаҳал дар 42-солагӣ аз олам чамш пӯшид. Тарбияи се фарзанд, Таҳмина, бародараш ва хоҳарчааш, ки ҳамагӣ 1 солу ҳашт моҳ дошт бар дӯши модар монд.

Пас аз чанде Таҳминаро бо писари амакаш хонадор карданд.

"Аз ҳамаи хостгорҳо хонаводаи мо писари амакамро интихоб карданд. Мо пас аз се сол ҷудо шудем. Хислатҳоямон ҷур нагирифт. Фикр мекунам ҳамин тӯйи мо ба хотири ба дунё омадани писарам - Муҳаммадҷовид буд", - ба ёд меорад Таҳмина ва мегӯяд, гарчанде дар хонавайрон шудани ӯ "таги коса нимкоса буд", ӯ имрӯз нисбати касе бадбинӣ ё ғараз надорад.

Таҳимна пас аз чанде марди зиндагиашро пайдо кард, вале ӯ аввал зидди ҳунрапеша шудани ӯ буд.

"Ӯ ба ман шарт гузошта буд: ё ман ё синамо. Ман синаморо интихоб кардам ва ӯ гуфт, ман туро бо синамоят қабул дорам", - нақл мекунад боифтихор Таҳмина ва иқрор мешавад, ки ҳамсарашро бисёр дӯст медорад.

Ҳунарпеша бо шавҳари дуюмаш то ҳол ягон фарзанд надоранд ва Таҳмина мегӯяд пас аз хатми таҳсил, албатта барои ҳамсараш фарзанде ба дунё меоорад.

"Замоне, ки мо ошно шудем, ман аллакай шартномаю қарордодҳои кориамро баста будам. Ба ҳамин сабаб натавонистам то ҳол фарзанд ба дунё биоварам", - гуфт Таҳмина.

Имрӯзҳо Таҳмина Раҷабова яке аз сермаҳсултарин ҳунарпешаҳои Тоҷикистон ба шумор меравад. То имрӯз ӯ дар 32 филм нақш офаридааст ва талош дорад, ки дар оянда ба сифати коргардон низ филмҳои ҷадиду диданӣ рӯи навор биёрад.

"Ман бисёр мехоҳам нақшҳои психологӣ офарам ва филҳоро когардонӣ кунам", - мегӯяд Таҳмина.

Айни замон Таҳмина донишҷӯи соли дуввуми бахши магистратураи Донишгоҳи давлатии кинематографии Русия (ВГИК) мебошад.

79
Барчаспҳо:
кино, "Телевизиони Сафина", ҳунар, Синамо, Тоҷикистон
Помощник президента по вопросам социального развития и связям с общественностью Абдуджаббор Рахмонзода

Раҳмонзода дар ВМКБ: боздид аз сохтмони мактабу бонк то гармхонаҳои Давлатмамадов

47
(Таҷдидшуда 17:20 16.07.2020)
Ёвари Президенти Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо ҷараёни корҳои созандагиву ободонӣ дар  Вилояти Мухтори Кӯҳистони Бадахшон ошно шуд

ДУШАНБЕ, 16 июл – Sputnik. Тавре қаблан иттилоъ додем, гурӯҳи корӣ таҳти роҳбарии ёвари Президенти Ҷумҳурии Тоҷикистон оид ба масъалаҳои рушди иҷтимоӣ ва робита бо ҷомеа Абдуҷаббор Раҳмонзода бо мақсади ошноӣ бо ҷараёни корҳои созандагиву ободонӣ бо сафари корӣ дар  Вилояти Мухтори Кӯҳистони Бадахшон қарор дорад.

Гурӯҳи мазкур 15 июл бо корҳои сохтмонӣ дар иншооти ҷашнии ноҳияи Рӯшон шинос шуда, аз якчанд хоҷагиҳои деҳқонии ноҳия дидан намуд. Дар ин бора ба АМИТ «Ховар» хабар додаанд.

Гуфта мешавад, ки гурӯҳи мазкур аз гармхонаҳои соҳибкори ноҳияи мазкур Ҳамдам Давлатмамадов дидан намудааст.

Иттилоъ дода шуд, ки Ҳамдам Давлатмамадов дар хоҷагии деҳқониаш 5 адад гармхонаи муосир ташкил намуда, ҳамарӯза маҳсулоти кишоварзиро ба бозори шаҳри Хоруғ ба фурӯш мебарорад. Соҳибкор зикр намуд, ки дар ташкили чунин гармхонаҳо ба ҳамдеҳагонаш кумак мерасонад.

Инчунин гурӯҳи корӣ аз сохтмони муассисаи таълимӣ барои 640 нафар хонанда, бинои маорифи ноҳияи Рӯшон, ки бо маблағи 3 миллион сомонӣ бунёд мегардад, инчунин аз бинои бонки амонатгузорӣ «Амонатбонк» дар ноҳияи Рӯшон, ки  бо дастгирии Ҳукумати Ҷумҳурии Тоҷикистон бо сарфи  1 миллиону 999 ҳазор сомонӣ сохта мешаванд, шинос шудаанд.

Раҳмонзода зимни суҳбат бо  масъулин  зикр кардааст, ки корҳои сохтмониро сари вақт ва бо сифати аъло ба анҷом расонанд, зеро биноҳои бунёдшаванда бояд солҳои тӯлонӣ ба аҳолии ноҳия хизмат расонанд.

Роҳбари ҳайати гурӯҳи кориро дар ин сафар Котиби Шӯрои амнияти Ҷумҳурии Тоҷикистон Насрулло Маҳмудзода, муовини роҳбари Дастгоҳи иҷроияи Президенти Ҷумҳурии Тоҷикистон Саъдӣ Қодирзода ва дигар шахсони расмӣ ҳамроҳӣ намудаанд.

47
Барчаспҳо:
гармхона, боздид, ВМКБ, Абдуҷаббор Раҳмонов
Здание Счетной палаты Таджикистана

27 ширкату корхона аз Палатаи ҳисоб “халос” шуданд шарҳи мақомот

0
 Ҳудуди 27 ширкат дар пайи мораторий аз феҳристи санҷишҳои Палатаи ҳисоби Тоҷикистон хориҷ карда шудаанд

 ДУШАНБЕ, 16 июл — Sputnik. Қарахон Чиллазода, раиси Палатаи ҳисоб, зимни як нишасти матбуотӣ ба хабарнигорон гуфт, дар пайи судури як фармони Президенти Тоҷикистон ин ширкату корхонаҳо аз нақшаи санҷишҳо хориҷ карда шуданд.

“Инҳо ширкатҳое ҳастанд, ки бо истеҳсолот машғул ҳастанд ва аз нақшаи корхонаву ширкатҳое, ки бояд соли 2020 аз сӯи Палатаи ҳисоб санҷида мешуданд, ҳазф гардиданд”, - гуфт Қарахон Чиллазода.

Бино ба иттилои Палатаи ҳисоби Тоҷикистон, ин корхонаву ширкатҳо, аз ҷумла “Ангишти Исфара”, “Шахтаи Фон Яғноб”, “Зиддӣ”, “Шӯробод”, “Камаробод”, “Назарайлоқ”, КВД “Сементи тоҷик”, КВД “Нури Ховар”, “Чароғ”, “Грант”, Корхонаи муштараки Тоҷикистону Канада “Апрелевка”, Корхонаи муштараки Тоҷикистону Чин “Зарафшон”, Ширкати куҳии саноатии Тоҷикистону Хитой ва ғайра мебошанд.

15 январи соли 2019 Эмомалӣ Раҳмон, Президенти Тоҷикистон фармонеро ба имзо расонд, ки бино ба он, ба ҳама намуди санҷишҳои фаъолияти субъектҳои соҳибкорӣ дар соҳаҳои истеҳсолии кишвар то 1 январи соли 2021 ба хотири дастгирии давлатии соҳибкорӣ, ташкили ҷойҳои кории нав, таҳкими иқтидори саноатию содиротии ҷумҳурӣ, кам намудани санҷишҳо ва фароҳам овардани фазои мусоид барои соҳибкориву сармоягузорӣ мораторий эълон карда шуд.

Палатаи ҳисоб гуфт, барои хунукназарӣ чанд мансабдори давлатиро ҷазо доданд

Дар пайи ин фармон мақомоти санҷишу назорат ва ҳифзи ҳуқуқ, аз ҷумла Прокуратураи генералӣ, Палатаи ҳисоб, Агентии назорати давлатии молиявӣ ва мубориза бо коррупсия, Бонки миллӣ ва мақомоти андозу гумрук дар ин муддат ҳаққи санҷишро нахоҳанд дошт.

0