Посгоҳе дар марзи Тоҷикистону Узбакистон. Акс аз бойгонӣ

Тоҷикистону Узбакистон раванди наздик шудани ду кишварро идома медиҳанд

95
Протоколи ҳамоҳангсозии манотиқи баҳсбарангези марзи Тоҷикистону Узбакистон дар паи беҳбуд ёфтани равобит миёни ду кишвар имзо шуд

ДУШАНБЕ, 2 июн – Sputnik. Рӯзномаи русии “Коммерсант” навишта, ки давлатҳои Тоҷикистону Узбакистон раванди наздик шудани ду кишварро, ки бо расидани Шавкат Мирзиёев ба қудрат оғоз ёфта, пайгирона идома медиҳанд.

Чунончи, коргурӯҳи муштараки давлатҳои Тоҷикистону Узбакистон дарнишасте, ки дирӯз дар Душанбе баргузор шуд, аломатгузории марзи миёни ду кишварро баррасӣ карданд. Дар фарҷоми ин нишаст тарафҳо протоколи ҳамоҳангсозии манотиқи баҳсбарангези марзиро имзо карданд.

Коршиноси умури сиёсӣ Абдулғанӣ Мамадазимов мегӯяд, ки дар ин нишаст хатти марз миёни ду кишвар дар қаламрави ноҳияҳои Спитаману Зафаробод ва Бекобод мушаххас шудааст.

“Ин иқдом бояд яке аз баҳсбарангезтарин омилҳо дар равобити ду кишвари ҳамсояро аз миён бардорад”, — гуфта мешавад дар матлаби рӯзномаи “Коммерсант”.

Ба гуфтаи Мамадазимов, гарм шудани равобит ҳамин акнун дар марз эҳсос мешавад: чунончи, марзбонон ва кормандони гумрук нармтар шудаанд ва бадгумонӣ аз марзгузарҳо низ дигар ба чашм намерасад.

Таҳлилгари узбак Фарҳод Толибов низ мегӯяд, ки шиддати масъалаи минтақаҳои аломатгузоринашудаи марз нисбат ба вазъ дар солҳои 2000-ум фурӯкаш кардааст.

“Ин мавзуъ ҳалл шуда ва акнун хатти марз дар ин минтақа бояд қонунан расмӣ шавад”, — тавзеҳ дод ӯ.

Ёдоварӣ мекунем, ки то кунун 20 дарсад аз 1300 килуметр марз миёни Тоҷикистону Узбакистон аломатгузорӣ нашудааст.        

 

95
Барчаспҳо:
марзбандӣ, аломатгузорӣ, Абдуғанӣ Мамадазимов, Тоҷикистон-Узбакистон
Мавзуъ
Тоҷикистону Узбакистон марзашонро аломатгузорӣ карданд
Тоҷикистон мехоҳад мусофирбарии заминӣ бо Узбакистонро аз сар гирад
Мусобиқа, акс аз бойгонӣ

Пирӯзии “Гурги куҳӣ” аз Тоҷикистон дар Дубай бар Нуриддин Самир-видео

19
(Таҷдидшуда 10:43 21.09.2020)
Сиёвуш Гулмамадов, бо лақаби “Гурги куҳӣ” аз Тоҷикистон дар вазни 64 кило дар Дубай ҳарифаш аз Марокашро мағлуб кард

ДУШАНБЕ, 21 сен — Sputnik. Гулмамадов, размикори 33-сола аз Тоҷикистон, ки дар Амороти Муттаҳидаи Араб ҳунарнамоӣ мекунад, Нуриддин Самир, размикор аз Марокашро чанд бор бо зарбаҳояш ба пушт хобонд, аммо ӯ таслим нашуд. Дар пайи анҷоми се даври сабқат доварон бо як овоз пирӯзиро ба Сиёвуш Гулмамадов доданд.

Дар пайи пирӯзӣ ва гирифтани ҷоизаи K-1 COMBAT, Гулмамадов аз ин созмон тавсиф намуд, ки хеле зуд пеш рафта истодааст. Ӯ дар ҷамъбасти ҳунарнамоӣ ба тими мураббиён ва мухлисонаш миннатдорӣ карда, бо забони тоҷикӣ илова намуд, “саломат бошед бародарҳо, касе маро дастгирӣ кард”.

Дар мавриди оянда Гулмамадов изҳор дошт, ки тасмимро ҳайати мураббиён мегиранд, аммо худи ӯ омода аст, ки як ҳафта пас боз вориди майдон шаваду бо ҳарифи навбатӣ қувваозмоӣ намояд.

19
Пост БДА в Хороге, архивное фото

Сангзанӣ дар Хоруғ баъди футбол: ВУД теъдоди маҷруҳон ва иншооти осебдидаро гуфт

1125
(Таҷдидшуда 10:02 21.09.2020)
Вазорати умури дохилии Тоҷикистон бо нашри як иттилоия сангзанӣ дар шаҳри Хоруғро шарҳ додааст, ки дар пайи он беш аз 20 нафар ҷароҳат бардоштанд

ДУШАНБЕ, 21 сен — Sputnik. Тибқи иттилои ВУД, 19 сентябри соли 2020, соати 19:00 дар майдончаи варзишии мактаби таҳсилоти миёнаи умумии №2, воқеъ дар маҳаллаи "Гулакен"-и шаҳри Хоруғ байни дастаҳои маҳаллаҳои "Гулакен" ва "Хоруғи боло"-и шаҳри Хоруғ бозии нимфиналии футбол баргузор гардид.

Манбаъ афзуд, ки баъди ба анҷом расидани бозӣ соати 20:00 байни мухлисони маҳаллаҳои Гулакен ва Хоруғи боло муноқишаи гурӯҳӣ ба амал омад.

"Дар натиҷаи сангпартоӣ аз ҳарду ҷониб 21 нафар ҷароҳатҳои гуногуни ҷисмонӣ бардошта, 20 адад шишаҳои тирезаи МТМУ №2 дар шаҳри Хоруғ, 7 шишаҳои хонаҳои истиқоматӣ, 6 адад автомашинаи шаҳрвандон зарари техникӣ бардошта, 6 адад тиреза ва 4 курсии варзишгоҳ, 5 шишаҳои тирезаи бинои БДА "Амонатбонк" шикаста шудааст", - омадааст дар иттилоияи ВУД.

Манбаъ таъкид кард, ки вобаста ба ҳолати мазкур нисбати гурӯҳи авбошон парвандаи ҷиноятӣ оғоз гардида, тафтишот идома дорад. ВУД афзудааст, ки чорабиниҳои оперативӣ-ҷустуҷӯӣ барои ҷустуҷӯ намудани гунаҳкорон гузаронида шуда истодааст.

Феълан назари худи иштирокдорони қазия маълум нест.

1125
Барчаспҳо:
Футбол, Хоруғ, Тоҷикистон