Кубки с борьбы во Дворце борьбы им. Ярыгина

Ҷавонони Бадахшон Рӯзи оштии миллиро бо зӯрозмоӣ гиромӣ медоранд

158
(Таҷдидшуда 14:10 10.06.2017)
Силсилае аз мусобиқаҳои варзишӣ бо ибтикори Кумитаи ҷавонону варзиш дар вилояти мухтори Кӯҳистони Бадахшон роҳандозӣ шуда ки то ҷашни 20-умин солгарди оштии миллии тоҷикон идома меёбанд

ДУШАНБЕ, 10 июн — Sputnik. Кумитаи ҷавонону варзиши Тоҷикистон ба муносибати 20-умин солгарди оштии миллӣ ва "Соли ҷавонон" силсилае аз мусобиқаҳои варзишӣ дар ноҳияҳои вилояти мухтори Кӯҳистони Бадахшон баргузор мекунад.

Ба гузориши Кумитаи ҷавонону варзиш ба нақл аз вебгоҳи рӯзномаи "Ҷавонони Тоҷикистон", дар ноҳияи Дарвоз ба ин муносибат дар варзишгоҳи "Авесто" мусобиқаи футбол баргузор мешавад. Дар ин зӯрозмоӣ 22 даста ширкат мекунанд, ки аз ҷавонону наврасону кӯдакони зодашуда дар солҳои 2000 — 2011 ташкил шудаанд.

"Дар назар аст, ки аз миёни дастаҳои мазкур як дастаи мунтахаб барои мусобиқаи вилоятӣ омода намоем", — гуфтааст Расулҷон Шокиров, мудири Бахши ҷавонон, варзиш ва сайёҳии ноҳияи Дарвоз.

Дар чорчӯби ин ибтикор ҳамчунин ноҳияи Ванҷ мусобиқаи куштии миллӣ баргузор мешавад. Дар варзишгоҳи ҷамоати деҳоти Муҳаммадулло Абдуллоев наврасони зодашуда дар солҳои 1999 — 2000 зӯрозмоӣ хоҳанд кард.

"Ин мусобиқа ба хотири ҷалби наврасон ба суннатҳои варзиши аҷдодӣ, тақвияти сиҳативу саломатӣ ва рӯ овардани онҳо ба беҳзистиву машғулиятҳои муфид пешбинӣ гардидааст", — гуфтааст Масрур Ғайратов, мудири Бахши кор бо ҷавонон ва варзиши ноҳияи Ванҷ.

Дар ноҳияи Рӯшон ба муносибати "Соли ҷавонон" ва 20-умин солгарди оштии миллӣ мусобиқаи "Тӯпи чармин" бо ширкати 11 даста аз наврасону ҷавонони футболдӯст баргузор мешавад. Ғолибон дар ин мусобиқа Ҷоми Бахш, ифтихорнома ва ҷоизаи нақдӣ ба маблағи аз 900 то 3000 сомонро дарёфт хоҳанд кард.

"Ин мусобиқа бо ҳадафи рушди футболи тоҷик, таҳкими тарзи ҳаёти солим, дӯстӣ миёни наврасону роҳандозӣ шудааст", — гуфтааст мудири Бахши ҷавонон, варзиш ва гардишгарии Рӯшон Холисамо Саидхонова.

Дар ноҳияи Шуғнон дар чорчӯби барномаҳои "Соли ҷавонон" ба муносибати Рӯзи байналмилалии ҳифзи муҳити мусобиқаи волейбол баргузор шудааст.

Дар варзишгоҳи рустои Кӯшк 8 даста аз ҷавонон бо ҳам барои ба даст овардани ҷоизаҳои Бахши ҷавонон, варзиш ва гардишгарии Шуғнон рақобат кардаанд.

Бахши кор бо ҷавонон ва варзиши ноҳияи Ишкошим низ дар варзишгоҳи марказии ноҳия мусобиқаи "Тӯпи чармин" баргузор мекунад.

Дар ин мусобиқа 7 даста аз наврасону кӯдакони мактабҳои варзишӣ ва таҳсилоти ҳамагонӣ байни ҳам барои муайян кардани беҳтарин даста ва футболбоз рақобат доранд.

Дар назар аст, ки беҳтарин даставу бозикунони ин зӯрозмоӣ барои ширкат дар мусобиқаҳои вилоятӣ ва кишварӣ интихоб шаванд.

158
Барчаспҳо:
волейбол, футбол, куштӣ, варзиш, Кумитаи ҷавонону варзиш, вилояти Мухтори Кӯҳистони Бадахшон, Тоҷикистон
Мавзуъ
Мусобиқаи варзишӣ бахшида ба Рӯзи ваҳдати миллӣ дар Афғонистон
Варзишгарони тоҷик аз Қазоқистон ду медал оварданд
Пожар, архивное фото

Сержант то омадани оташнишонҳо сӯхторро хомӯш кард

107
Вазорати умури дохилии Тоҷикистон мегӯяд, новобаста аз бурдани корҳои зиёди пешгирикунанда, ҳамоно бисёре аз масъулини дӯкону марказҳои савдо, мағозаву бозорҳо қоидаҳои бехатарӣ аз сӯхторро нодида мегиранд

ДУШАНБЕ,  31 окт — Sputnik. Тибқи иттилои ВУД, шаби 29 ба 30-юми октябри соли равон тахминан соати 01:00, дар маҳаллаи 91-уми шаҳри Душанбе, дар нуқтаи савдои тезтайёр сӯхтор сар зад.

"Дар ин ҳангом корманди ШБДА РВКД дар шаҳри Душанбе, сержанти хурди милитсия Мирзоев Хуршед, ки дар ин минтақа хизмат мебурд, ин ҳодисаро пай бурда, дар баробари хабар додани ба бахши оташнишонӣ, худ низ дарҳол аз паи хомӯш намудани сӯхтор мешавад. Мавсуф ба воситаи тирезаи нуқтаи савдо ворид онҷо шуда, оташро дар як муддати кӯтоҳ хомӯш мекунад", - омадааст дар иттилоияи ВУД.

Манбаъ афзуд, дар натиҷа аз таъсири алангаи оташ қисми рости пешонии сержанти хурди милитсия Мирзоев Хуршед осеб дидааст. Айни ҳол номбурда бо бардоштани ҷароҳати ҷисмонӣ дар Раёсати тибби ВКД таҳти муоинаи табибон қарор дорад.

ВУД таъкид кардааст, ҷасорат, масъулият ва садоқати корманди милитсия буд, ки ин ҳодисаи сӯхтор хомӯш карда шуду дигар ашёҳои нуқтаи савдо аз коми оташ эмин нигоҳ дошта шуданд.

107
Барчаспҳо:
оташхомӯшкунӣ, сӯхтор, Тоҷикистон
Новая операционная в районой больнице №5 в джамоате Далион Боло Деваштичского района

Дар вилояти Суғд 459 иншооти соҳаи тандурустӣ таъмир мегардад

21
(Таҷдидшуда 21:41 31.10.2020)
Дар нӯҳ моҳи соли равон дар вилояти Суғд, сохтмон, азнавсозӣ ва таъмири 64 оншооти тандурустӣ ба итмом расонида шудааст

ДУШАНБЕ, 31 окт — Sputnik. Ба муносибати ҷашни 30-солагии Истиқлоли Тоҷикистон дар вилояти Суғд давоми солҳои 2019-2021 сохтмон, азнавсозӣ ва таъмири 459 иншооти соҳаи тандурустӣ ба нақша гирифта шудааст.

Бино ба гузориши Вазорати тандурустӣ, аз ин шумора 64 адад беморхонаҳо, 118 адад бунгоҳҳои саломатӣ, 86 адад марказҳои саломатӣ, 18 адад таваллудхонаҳо, 101 адад нуқтаҳои хатна ва 72 адад дорухонаҳо мебошанд.

Бино ба иттилои Раёсати тандурустии вилояти Суғд, соли 2020 бояд, 123 адад иншооти соҳаи тандурустӣ , аз ҷумла 15 адад беморхонаҳо, 39 адад бунгоҳҳои саломатӣ, 20 адад марказҳои саломатӣ, 5 адад таваллудхонаҳо, 13 адад нуқтаҳои хатна ва 31 адад дорухонаҳо бо маблағгузорӣ аз ҳамаи сарчашмаҳо сохтмон, азнавсозӣ ва таъмиру тармими онҳо ба итмом расонида шавад.

"Дар нуҳ моҳи соли равон сохтмон, азнавсозӣ ва таъмиру тамими 64 адад иншоотҳои тандурустӣ, аз ҷумла 10 адад беморхонаҳо, 16 адад бунгоҳҳои саломатӣ, 14 адад марказҳои саломатӣ, 2 адад таваллудхона, 8 адад нуқтаҳои хатнаи кӯдакон ва 14 адад дорухонаҳо ба итмом расонида шудааст", - омадааст дар хабарнома.

Манбаъ афзуда, ки ба муносибати истиқболи сазовори 30-солагии истиқлол корҳои ободонию созандагӣ, сохтмон, азнавсозӣ ва таъмиру тармим дар тамоми муассисаҳои тандурустии вилоят идома дорад.

21
Барчаспҳо:
азнавсозӣ, таъмир, беморхона, Суғд