Президент РТ Эмомали Рахмон

Эмомалӣ Раҳмон ҳайъате аз Шурои мудирони Бонки рушди Осиёиро пазируфт

39
(Таҷдидшуда 20:45 19.06.2017)
Тоҷикистон ва Бонки рушди Осиёӣ ҳамкориҳоро дар заминаи пуштибонӣ аз тарҳҳои зерсохтории таробарӣ ва энержӣ густариш медиҳанд

ДУШАНБЕ, 19 июн — Sputnik. Эмомалӣ Раҳмон имрӯз ҳайъате аз Шурои мудирони Бонки рушди Осиёиро дар Кохи миллат пазируфту дурнамои ҳамкориҳои Тоҷикистон бо он бонкро баррасӣ кард.

Бино ба иттилоъи дафтари иттилоърасонии раёсатҷумҳурӣ, Эмомалӣ Раҳмон дар ин дидор ҳамкории бистсолаи Тоҷикистон ва Бонки рушди Осиёиро "ризоятбахш" арзёбӣ кард. Вай ёдоварӣ кард, ки дар ин муддат Тоҷикистон аз БРО беш аз 1,5 милёрд дулор сармоя дарёфт карда, ки онро "калонтарин шарики рушди кишвар" гардондааст.

Тарафҳо дар ин дидор ҳамкориҳои Тоҷикистон бо БРО дар заминаҳои энержӣ, таробарӣ ва пуштибонӣ аз барномаҳои таъмини амнияти хӯрокворӣ аз самтҳои бартаридор дар оянда арзёбӣ карда ва хостори баҳрабардории комил аз имконоти мавҷуд барои беҳбуди равобити дуҷониба шуданд.

Давлати Тоҷикистон ва БРО тавофуқ карданд, ки ҳамкориро дар заминаҳои пуштибонӣ аз тарҳҳои зерсохтории таробарӣ ва энержӣ густариш диҳанд. Чунончи, қарор шуд дар тарҳҳои навсозии роҳи Оби Гарм — Роғун — Нуробод дар шоҳроҳи Ваҳдат — Рашт — марзи Қирғизистон (Ваҳдат — Қарамиқ)  ва нерӯгоҳи барқобии Норак ҳамкориҳо жарфтар шаванд.

Ҳамчунин дигар тарҳҳое, ки тавлиду интиқоли нерӯи барқро меафзоянд ва дар тавсеъаи ҳамкориҳои минтақаӣ ва таъмини суботи сиёсиву иҷтимоъии минтақа нақши калон доранд, низ аз барномаҳои аслии ҳамкорӣ хонда шуданд.

Тоҷикистон ва БРО ҳамчунин қарор доданд, ки дар заминаи ҷалби сармоя барои бартараф кардани пайомадҳои офатҳои табиъӣ дар кишвар ва ҳалли масъалаҳои марбут ба суботи молӣ ва тарози будҷа, ки давлати Тоҷикистон ба он ниёз дорад, ҳамкориҳоро бештар кунанд.

39
Барчаспҳо:
энержӣ, таробарӣ, ҳамкорӣ, БРО, Бонки рушди Осиёӣ, Эмомалӣ Раҳмон, Тоҷикистон
Мавзуъ
Дидори Эмомалӣ Раҳмон ва Серж Саргсян: нӯҳ санади нави ҳамкорӣ имзо шуд
Мулоқоти Эмомалӣ Раҳмон бо Дабири кулии СММ
День 16 июля

Ҷашнҳои рӯзи 16 июл дар Тоҷикистон ва ҷаҳон

0
(Таҷдидшуда 19:36 15.07.2020)
Рӯзи шонздаҳуми июл дар кишварҳои Иттиҳоди Давлатҳои Мустақил аз Рӯзи кормандони металлург ҷашн гирифта мешавад

Рӯзи 16 июл дар ҷаҳон чӣ рух дод

Соли 1850 дар Франсия озодии матбуот маҳдуд карда шуд.

Соли 1918 дар Конгресси ИМА оид ба идора кардани воситаҳои телекомуникатсионӣ қарор қабул карда шуд.

Соли 1999  арзиши саҳмияҳои ширкати "Майкрософт", ки Билл Гейтс муассиси он аст, ба 100 миллиард доллари амриокӣ баробар шуд.

Билл Гейтс, архивное фото
© Sputnik / Григорий Сысоев
Билл Гейтс, архивное фото

Соли 1925 дар Бағдод аввалин маротиба интихоботи парлумонии Ироқ баргузор гардид.

Рӯзи 16 июл дар Тоҷикистон чӣ рух дод

Соли 2009 раисҷумҳури Тоҷикистон дар Ҷумҳурии Мисри Араб дар ҷаласаи 15-уми сарони давлатҳо ва ҳукуматҳои аъзои Ҳаракати адами тааҳҳуд суханронӣ намуд.

День 15 июля
© Sputnik / Стас Этвеш / Вишнякова Мария

Соли 2010 сарвари давлат Эмомалӣ Раҳмон аз як қатор хоҷагиҳои деҳқонии ноҳияҳои Рўдакӣ ва Ҳисор дидан карда, бо роҳбарону фаъолон ва кишоварзони ноҳияҳои тобеи ҷумҳурӣ машварати корӣ доир намуданд.

Ҷашнҳои рӯзи 14 июл дар Тоҷикистон ва ҷаҳон

Соли 2012 дар шаҳри Душанбе Эмомалӣ Раҳмон ва ҳайати вакилони Парлумони Аврупо масоили ҳамкории дуҷонибаро баррасӣ карданд. Зикр гардид, ки Тоҷикистону Иттиҳоди Аврупо дар ҳамдастию ҳамбастагӣ метавонанд дар ҳалли бисёр мушкилоти Осиёи Марказӣ ва Афғонистон нақши муассир дошта бошанд.

Соли 2018 масъалаҳои мубрами равобити дуҷонибаи Тоҷикистону Ӯзбекистон мавриди баррасӣ қарор дода шуданд.

Ҷашнҳои рӯзи 16 июл

  • Дар Уругвай – Рӯзи ғалаба дар Чемпионати ҷаҳон оид ба футбол.
  • Дар кишварҳои Иттиҳоди Давлатҳои Мустақил – Рӯзи металлург.
  • Дар Украина — Рӯзи муҳосибон.

Рӯзи 16 июл кӣ ба дунё омадааст

Соли 1872 — Руал Амундсен, тадқиқотчии норвегӣ, сайё ва кашфкунанда.

Соли 1907 — Барбара Стэнвик ҳунарманди амрикоӣ, дорандаи премияи "Эмм", "Золотой глобус" ва "Оскар".

Рӯзи 16 июл дар Тоҷикистон кӣ ба дунё омадааст

Солҳои (1900-1967) – овозхони опера, ҳунарманди хизматнишондодаи Тоҷикистон Залмон Муллоқандов.

Солҳои (1947-2009) – доктори илмҳои иқтисод Дона Гулмирзоев.

0
Барчаспҳо:
ҷашн, ҷаҳон, Тоҷикистон
Чрезвычайный и Полномочный псол Таджикистана Сатторов Имомуддин

Дар бораи қаллобон, парвозҳо ва издиҳом: Сатторов вазъи муҳоҷиронро дар Русия шарҳ дод

43
(Таҷдидшуда 01:23 16.07.2020)
Сафири фавқулода ва мухтори Тоҷикистон дар Русия Имомуддин Сатторов вазъи муҳоҷирини дар сарҳади Қазоқистон бандмонда ва онҳое, ки хоҳиши ба ватан бозгаштро доранд, шарҳ дод

ДУШАНБЕ, 15 июл — Sputnik. Вазъи муҳоҷирон дар марз ва парвозҳои содиротӣ дар гуфтугӯ бо Sputnik Тоҷикистон аз ҷониби сафири фавқулода ва мухтори Тоҷикистон дар Русия Имомуддин Сатторов шарҳ дода шуд.

Як қатор парвозҳои содиротӣ ва хабарҳо дар бораи барқарор шудани парвозҳои байнулмилалӣ аз ҷониби Русия дар байни шаҳрвандони Тоҷикистон боиси изтироб шуданд.

Сафир хоҳиши шаҳрвандон барои тарки Русия карданро шарҳ дода гуфт, маълумотҳо дар ВАО паҳн мешавад, ки мавҷи дуввуми коронавирус ба амал меояд: табиист, ки мардум метарсанд.

"Бале, ин вирус вуҷуд дорад ва он ояндаи наздик нест нахоҳад шуд. Мо бояд бо он зиндагӣ кунем" - илова кард Сатторов.

Сафир дар бораи гирифтории кормандони сафорат ба CVID-19

Дипломат инчунин  хабарҳо дар бораи гирифтор шудани кормандони сафоратхона ба коронавирусро шарҳ дод.

"Ин метавонад бо ҳама гуна шахс, аз ҷумла кормандони сафорат рух диҳад. Ҳеҷ гуна хатар вуҷуд надорад, чораҳои эҳтиётӣ андешида шудаанд: сафорат дар ҳолати қаблии корӣ кор мекунад, одамонро қабул мекунад, таҳдиди боздоштан ё пӯшида нест. Мо пурра кор карда истодаем ва кор хоҳем кард." - илова намуд Сатторов.

Дипломат аз ҳамватанон даъват кард, ки ба таври оммавӣ Русияро тарк накунанд ва дар сарҳад ҷамъ наоянд.

Ҳамзамон, Сатторов бори дигар муҳоҷиринро аз қаллобон огоҳ кард, ки дар паси шунидани кушодани сарҳадҳо ба таври назаррас фаъол шудаанд.

"Мо борҳо ба мақомоти ҳифзи ҳуқуқ огоҳ кардаем, ки дар ин ҷо одамон ё ширкатҳое ҳастанд, ки бо интиқоли одамон ба сарҳад машғуланд. Мо огоҳ карда будем, ки вазъ дар Қазоқистон хеле мушкил аст, аз роҳи заминӣ Русияро тарка кардан ғайриимкон аст" гуфт сафири Тоҷикистон дар Русия ва қайд кард, ки вазъ бо ҷамъшавии муҳоҷирон дар вилояти Самара бисёр саволҳоро ба бор меорад.

Вай илова намуд, ки чунин интиқолдиҳандагон, қаллобон ва нафароне, ки ҳуҷҷат омода мекунанд, бояд аз ҷониби мақомоти ҳифзи ҳуқуқи Русия нисбаташон чораҷӯйӣ шавад.

Ҳаракати нақлиётӣ миёни Русия ва Тоҷикистон баста боқӣ мемонад

Сафир инчунин издиҳоми муҳоҷирон дар назди бинои сафоратхонаҳои ҷумҳуриҳои Осиёи Марказиро шарҳ дод.

"Набояд дар маркази Маскав, дар назди бинои сафорат мардум  ҷамъ шавад ва набояд ба корманди сафорат ҳамла шавад. Фаъолияти мӯътадили намояндагии дипломатӣ ба кишвари қабулкунанда вобаста аст. На танҳо муҳофизати сафорат, балки пешгирии чунин қонуншиканӣ низ зарур аст", - афзуд Сатторов.

Вай афзуд, ки сафоратхонаҳо барои ҳалли баъзе масъалаҳо салоҳияти зарурӣ надоранд.

Сафири Тоҷикистон зикр кард, ки вазъи эпидемиологӣ дар Русия мӯътадил аст ва вазифаи асосии ҳоло ин ором кардани мардум, фаҳмондани он аст, ки ҳама фаъолият тадриҷан ба роҳ монда мешавад.

Оғози гуфтушунидҳои Тоҷикистону Русия барои барқарорсозии парвозҳо

"Тоҷикистон ва Русия музокиротро дар бораи барқарор кардани хадамоти ҳавоӣ оғоз кардаанд. Аммо ба ҳар ҳол мо бояд механизмҳоеро таҳия намоем, ки инро дар шароити хатари паҳншавии коронавирус чӣ гуна анҷом додан мумкин аст ", илова намуд Сатторов.
Ҳамчун намуна, дипломат шарҳ дод, ки пеш аз парвозҳои махсус аз Русия озмоишҳои фаврии мусофирон барои коронавирус гузаронида мешаванд.

Сатторов: 3 000 тоҷикистонӣ хоҳиши парвоз аз Русия ба Тоҷикистонро доранд

"Сарҳадҳо то абад баста намешаванд. Аз ин иқтисодиёту дигар соҳаҳо зарар мебинад ва одамон азият мекашанд"-гуфт сафир.

Дипломат гуфт, ки шумораи муроҷиатҳо ба сафорат якбора кам шудааст: парвозҳои ҳамарӯза аз Русия ба Тоҷикистон иҷро карда мешаванд.

"Ҳоло дигар воҳима нест, мо аксари ниёзмандонро баровардем," -илова карда сафири Тоҷикистон дар Русия.

Ҳамзамон, дар бораи одамоне, ки мехоҳанд аз ватан ба Русия баргарданд, набояд фаромӯш кард: онҳо низ дар хориҷа оила ва хешовандони худро доранд, ҳатто агар онҳо зодаи Тоҷикистон бошанд, хулоса кард Имомуддин Сатторов.

43