Биёбон дар бистари қадими дарёи Арал. Акс аз бойгонӣ

Кишварҳои Осиёи Марказӣ барномаи эҳёи дарёи Аралро омода мекунанд

84
(Таҷдидшуда 19:11 20.06.2017)
Бунёди байналмилалии наҷоти дарёи Арал ва намояндаҳои кишварҳои Осиёи Марказӣ омодасозии барномаи ёрирасонӣ ба бошандагони канораҳои дарёи Аралро оғоз карданд

ДУШАНБЕ, 20 июн — Sputnik. Имрӯзҳо пойтахти Туркманистон мизбони ҳамоиши "Нақши Бунёди байналмилалии наҷоти дарёи Арал дар рушди ҳамкорӣ миёни кишварҳои Осиёи Марказӣ" аст.

Намояндаҳои Бунёди байналмилалии наҷоти дарёи Арал ва кишварҳои Осиёи Марказӣ дар Ишқобод роҳҳои наҷоту эҳёи дарёи Арал ва ёрирасонӣ ба бошандагони он минтақаро баррасӣ доранд.

Раисҷумҳурии Туркманистон Қурбонқулӣ Бердимуҳаммадов дар ин ҳамоиш гуфт, Бунёди байналмилалӣ барномаи ёрирасониву пуштибонӣ аз бошандагони минтақаи дарёи Аралр омода кардааст.

Вай ҳамчунин эълом карда, ки ҳадафи аслии Туркманистон дар замони раёсаташ дар ин Бунёд беҳбуди вазъи иқтисодиву иҷтимоъиву муҳитзистии кишварҳои ҳавзаи дарёи Арал, фароҳамсозии баҳрабардории хирадварзона аз об ва посдошти муҳими зист дар минтақа хоҳад буд.

"Туркманистон дар мақоми раёсати давраии Бунёд ҳама кӯшишу талошашро хоҳад кард то обрӯи Бунёд дар ҷаҳон ва эътибораш дар мубориза бо офатҳои табиъии ҷаҳонӣ бештар шавад", — таъкид кард раҳбари он кишвар.

Дар чорчӯби ин ҳамоиш нишастҳову коромӯзиҳо дар мавзуъи рушди "диплумосии об" миёни кишварҳои минтақа низ баргузор хоҳанд шуд.

Қарор аст, ки дар поёни ин ҳамоиш барномаи наҷоту эҳёи дарёи Арал ниҳоӣ ва тасвиб шавад.

84
Барчаспҳо:
дарёи Арал, Бунёди байналмилалии наҷоти дарёи Арал, Қурбонқулӣ Бердимуҳаммадов, дарёи Арал, Осиёи Марказӣ
Мавзуъ
Ӯзбакистон ба Арал сайёҳонро барои табобат ва дамгирӣ ҷалб мекунад
Конкурс Чакомаи Гесу в Худжанде

Мӯдарозтарин духтари Душанберо муайян карданд

93
(Таҷдидшуда 21:07 24.02.2021)
Дар Душанбе фестивали "Чакомаи гесу" ҷамъбаст гардид ва ғолибони озмун - духтарони муйдарози пойтахт муайян шуданд

ДУШАНБЕ, 24 фев — Sputnik. Имрӯз дар шаҳри Душанбе бо ташаббуси Мақомоти иҷроияи ҳокимияти давлатии шаҳр "Чакомаи гесӯ" баргузор гардид.

Дар оғози фестивал намоишгоҳи маҳсулоти ороишии  ҳунармандон, анвои гуногуни ороиши миллии занонаи аз ҷиҳати экологӣ фоидаовар ва лавозимоти марбут ба парваришу ороиши мӯйю рӯй  ба маъраз гузошта шуд.

Дар фестивал инчунин ашъори баланпоя ва суруду рақс, ривояту таронаҳои мардумӣ оид ба ҳусну таровати рӯй, ҷозибаи гесӯ, сарулибос ва ороишоти миллӣ, истифодаи маҳсулоти табиии ватанӣ дар парваришу нигоҳбини рӯйю мӯй ва муҳофизати пӯсти дасту рӯй тарғибу ташвиқ гардид.

Дар фестивали мазкур муовини Раиси шаҳри Душанбе Мавсума Муинӣ, Раиси Кумитаи занон ва оилаи назди Ҳукумати Ҷумҳурии Тоҷикистон Ҳилолбӣ Қурбонзода, ғолибони даври ноҳиявии фестивал аз ноҳияҳои пойтахт ва сокинони шаҳр  иштирок намуданд.

Мавриди зикр аст, ки давоми се соли охир фестивали мазкур дар доираи эълон гардидани солҳои 2019-2021 ҳамчун Солҳои рушди деҳот, сайёҳӣ ва ҳунарҳои мардумӣ дар тамоми қаламрави мамлакат доир  мегардад.

Рустам Эмомалӣ қарор кард: дар Душанбе фестивали "Чакомаи гесу" баргузор шавад

Дар фарҷоми Фестивал ғолибони бахшҳои он ва иштирокчиёни фаъол бо диплому сипоснома ва ҷоизаи махсуси мақомоти иҷроияи ҳокимияти давлатии шаҳри Душанбе сарфароз гардонида шуданд.

93
Сафири Афғонистон ба мулоқоти генерал Зуҳуров рафт

Дидори сафири Афғонистон бо Зуҳуров ва изҳори сипоси генерал аз Ағбар

134
(Таҷдидшуда 21:13 24.02.2021)
Сафири Афғонистон дар Тоҷикистон ба дидори генерал Сайдамир Зуҳуров рафт ва аз меҳмондории собиқ раиси КДАМ изҳори сипос кард

ДУШАНБЕ, 24 фев – Sputnik. Сафири Ҷумҳурии Исломии Афғонистон дар Тоҷикистон Муҳаммад Зоҳир Ағбар бо собиқ раиси амнияти Ҷумҳурии Тоҷикистон Сайдамир Зоҳуров дар манзили зисташ мулоқоти дӯстона анҷом дод, хабар медиҳад Сафорати Афғонистон дар Тоҷикистон.

"Мақсади ташриф арҷгузорӣ ба ҷаноби Зоҳуров, вазири собиқи тоҷик ва эҳтиром ба муносибати Рӯзи Артиш ва Қувваҳои Амнияти Тоҷикистон буд", - менависад манбаъ.

Манбаъ меафзояд, "бешак, ҷаноби Зуҳуров яке аз шахсиятҳои миллӣ ва фаъоли амниятии Тоҷикистон ва дӯсти деринаи мардуми Афғонистон аст, ки дар замони муқовимат бо мардуми Афғонистон робитаи мустақим дошт ва дар ҳамкорӣ дар ироаи кумак дареғ надошт".

Дафтари матбуотӣ меафзояд, ки далели хотираҳои неки ҷаноби генерал, аксе бо қаҳрамони миллии Афғонистон аст, ки дар девори хонааш овезон аст.

Зуҳуров гуфтааст, ки сафири Афғонистон барои ташрифаш миннатдор аст ва аз мардуми афғон хотираҳои хубе дорад.

Ёдрас мешавем, дирӯз Сайдамир Зуҳуров, ки мардуми Тоҷикистон унвони генерали халқиаш додаанд, 70-солагиашро ҷашн гирифт.

Сафири Афғонистон ба дидори генерал Саидамир Зуҳуров рафт
Сафорати Афғонистон дар Тоҷикистон
Сафири Афғонистон ба дидори генерал Саидамир Зуҳуров рафт

Ӯ  аз мутахассисони ҳирфаӣ ва саршиноси кишвар аст, ки дар сулҳу ваҳдати миллӣ ҳам саҳми босазое гузоштааст. Генерал, феълан пас аз сарнишинӣ дар чанд ниҳодҳои кишвар, аз ҷамла КДАМ бознишаста аст. Худаш, баъди чанд ҷарроҳии ҷиддӣ, "зинда монданашро мӯъҷиза медонад".

134
Барчаспҳо:
мулоқот, сафир, Саидамир Зуҳуров