Эмомалӣ Раҳмон дар Ваҳдат

Нақши раисҷумҳур Эмомалӣ Раҳмон дар истиқрори сулҳ дар Тоҷикистон

123
(Таҷдидшуда 22:53 27.06.2017)
Сафорати Ҷумҳурии Тоҷикистон дар Русия имрӯз нишасте ба муносибати 20-умин солгарди Рӯзи ваҳдати миллӣ баргузор кард

ДУШАНБЕ, 27 июн — Sputnik. Ширкаткунандагон дар ин нишаст нақши раисҷумҳур Эмомалӣ Раҳмонро дар истиқрори сулҳ дар Тоҷикистон баррасӣ карданд.

Барои ширкат дар ин мизи гирд мудири Маркази пажӯҳишҳои роҳбурдии Раёсати Ҷумҳурии Тоҷикистон Худобердӣ Холиқназар ва профессори Пажӯҳишгоҳи забону адабиёти Фарҳангистони улуми ҶТ Абдунабӣ Сатторзода даъват шуданд. 

Пас аз намоиши филме мустанад дар бораи роҳҳои расидан ба оштиву зиндагии осоишта, сафири Тоҷикистон дар Русия Имомуддин Сатторов нишастро оғоз кард ва Рӯзи ваҳдати миллиро ба ширкаткунандагон табрик гуфт.

Вай дар суханронии худ роҳи раисҷумҳур Эмомалӣ Раҳмон аз замони расидан ба раҳбарии Тоҷикистон то ба боз овардани оромӣ ва оштӣ ба кишвари ҷангзадаро ёдоварӣ кард ва гуфт: "Бисёре аз дастовардҳои мардуми тоҷикон дар заминаи бунёди давлати демократӣ, ҳуқуқбунёд ва дунявии Тоҷикистон бо номи Эмомалӣ Раҳмон гиреҳ хӯрдаанд".

"Ҷойгоҳи шоистаи Тоҷикистон дар ҷомеъаи ҷаҳонӣ, нақши кишвар дар ҳалли буҳронҳои минтақаӣ ва байналмилалӣ аз дигар дастовардҳои Эмомалӣ Раҳмон ҳастанд. Аз ин рӯ, расман Асосгузори сулҳу ваҳдат ва Пешвои миллат хонда шудани Эмомалӣ Раҳмон арзёбии мардуми тоҷик аз дастовардҳо ва арҷгузорӣ ба

Худобердӣ Холиқназар, мудири Маркази пажӯҳишҳои роҳбурдӣ, ки дар гуфтушунидҳои оштиҷӯёнаи давлату мухолифин ширкат дошта, бархе аз ҷузъиёти онҳоро бозгӯ кард.

Чунончи, вай гуфт, замоне, ки Толибон дар соли 1996 бахше бузург аз Афғонистонро гирифта буд ва давлати он кишвар дар вилояти Тахор мустақар шуда буд, қарор буд, ки яке аз давраҳои музокирот дар Хӯстдеҳ дар он вилоят баргузор шавад.

"Ҳайъатҳои музокиракунандаи давлату мухолифин аз Машҳад бо ҳавопаймо сӯи Тахор парвоз карданд, вале дар ҳавои Ҳирот ҷангандаҳои "Толибон" моро водор ба фуруд омадан карданд. Раҳбарони "Толибон", ки бо Алқоида иртибот доштанд, намегузоштанд, ки мо ба Тахор биравем. Мулло Умар, раҳбари "Толибон", ҳавопаймо фиристод ва ҳайъати Иттиҳодияи мухолифин Кандаҳор рафт, аммо ҳайъати давлатӣ дар Ҳирот монд. Пас аз ду рӯз тавонистем Тахор бирасем ва музокиротро анҷом бидиҳем. Он замон Покистон намехост, ки тоҷикон оштӣ кунанд", — гуфт вай.

Ӯ ҳамчунин гуфт, раисҷумҳур Эмомалӣ Раҳмон аз нахустин гомҳояш дар сиёсат худро "сиёсатмадоре қавиирода ва дурандеш" нишон дод ва дар роҳи расидани тоҷикон ба оромиву оштӣ ҷонбозиҳо кард.

Профессор Абдунабӣ Сатторзода аз амалиёти сулҳофаринии Созмони милали муттаҳид ёд кард ва сулҳи Тоҷикистонро "яке аз амалиёти муваффақи сулҳофаринии СММ" хонд.

"Далели аслии комёб шудани оштигарии СММ дар Тоҷикистон ин буд, ки талошҳои оштихоҳонаи он созмон бо манофеъи миллии худи тоҷикон ва кишварҳои Русия ва Эрон, ки дар ҳалли ихтилофи тоҷикон ҳамсуд буданд, созгор омад", — гуфт вай.

"Барои он ки аз таҷрибаи нодири сулҳи тоҷикон сабақҳои даркорӣ гирифта бошем ва дигар ба иштибоҳоте, ки солҳои 1990-ум карда будем, роҳ надиҳем, онро бояд ҳамаҷониба омӯхт ва дар мактабу донишгоҳҳо омӯзонд. Инак чанд соз аст, ки дар донишкадаи равобити байналмилали Донишгоҳи миллии Тоҷикистон дарси "Таҷрибаи сулҳи тоҷикон" таълим дода мешавад", — таъкид кард профессор Сатторзода.

123
Барчаспҳо:
оштӣ, ваҳдат, Сафорати Ҷумҳурии Тоҷикистон дар Русия, Худобердӣ Холиқназар, Абдунабӣ Сатторзода, Имомуддин Сатторов, Эмомалӣ Раҳмон, Тоҷикистон
Мавзуъ
Аз тақдими портрет то шеъру суруд: Пешвози Эмомалӣ Раҳмон дар шаҳри Ваҳдат
Путин раисҷумҳури Тоҷикистонро бо Ваҳдати миллӣ таҳният гуфт
Раисҷумҳур дар Ваҳдат: ширкат дар тӯй ва ифтитоҳи бинои 20-ошёна
Эмомалӣ Раҳмон: "мардуми тоҷик ҳаргиз намегузорад, ки ваҳдат газанд ёбад"
День 15 июля

Ҷашнҳои рӯзи 15 июл дар Тоҷикистон ва ҷаҳон

13
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

13
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Гробы с умершими от заражения вирусом

Афзоиши фавт аз COVID - 19 дар Тоҷикистон: омори тозаи Вазорати тандурустӣ

1108
Вазорати тандурустии Тоҷикистон омори тозаи гирифторӣ, фавт ва шифоёбӣ аз коронавируси COVID - 19 - ро нашр кард

ДУШАНБЕ, 14 июл – Sputnik. Шабонарӯзи гузашта дар Тоҷикистон 48 ҳолати нави сироятёбӣ ба COVID-19 ва 1 фавт ба қайд гирифта шуд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои Вазорат, аз 30 апрел то 14 июл дар кишвар шумораи гирифторони COVID-19 ба 6643 нафар расида, аз ин беморӣ то кунун дар мамлакат 5332 нафар ё худ 80,2%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз ин беморӣ дар мамлакат ба 56 нафар расид.

"Давоми шабонарӯзи охир 178 нафар гумонбарон зери назорати табибон қарор дошта, 54 нафар баъд аз муолиҷа ба хонаҳояшон рухсат дода шуданд", - омадааст дар хабарнома.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

1108
Барчаспҳо:
Вазорати тандурустӣ, Тоҷикистон, омор
Мавзуҳо:
Пайомадҳои COVID-19 дар Тоҷикистон ва ҷаҳон