Астана, архивное фото

Панҷумин даври музокироти Сурия дар Остона оғоз шуд

43
(Таҷдидшуда 12:58 04.07.2017)
Дар ин давр аз музокирот қарор аст дар бораи озод кардани зиндониён ва минтақаҳои ташаннуҷзудоишуда гуфтугӯ шавад

ДУШАНБЕ, 4 июл — Sputnik. Панҷумин давра аз музокироти оштиҷӯёна дар муноқишаи Сурия дар пойтахти Қазоқистон — шаҳри Остона оғоз шуд.

Мавзуъи аслии ин давра аз музокирот, ки бо ширкати намояндагони мухолифони мусаллаҳи давлати Сурия баргузор хоҳанд шуд, таъйини минтақаҳои ташаннуҷзудоишуда аст, ки тафоҳумнома дар ин бораро дар давраи чаҳорум имзо карда буданд.

Мухолифони мусаллаҳ дар чаҳорумин даври музокироти Остона, ки дар сеюм ва чаҳоруми моҳи май 2017 баргузор шуд, ширкат накарданд.

"Муҳимтарин масъала чигунагии таъйини ин минтақаҳо дар амал аст. Ин масъала бисёр мушкил аст. Нахуст бояд нақшаи ҷуғрофиёӣ ҳамоҳанг шавад. Сипас бояд ба таврфуқ расид, ки кадом тараф ин минтақаҳоро контрол хоҳад кард ва ҳамчунин кадом маворидро бояд контрол кард. Тарафҳо бояд ҳамчунин ба тавофуқ бирасанд, ки бо гурӯҳҳое, ки тавофуқотро мешикананд, бо созмонҳои "Ҷабҳаи Нусрат" ва "Давлати исломӣ" дар он минтақа ҳузур доранд, чигуна бархӯрде бояд карда шавад", — гуфт яке аз ҳамсуҳбатҳои Sputnik.

Яке аз дигар мавзуъҳои ин музокирот масъалаи ташкили Кумитаи оштии миллии Сурия хоҳад буд.

Интизор меравад, ки муҳимтарин дастоварди панҷумин даври музокирот эъломи оғози амалиёти контроли чаҳор минтақаи ташаннуҷзудоишуда дар Сурия бо нерӯҳои се кишвари зомин — Русия, Эрон ва Туркия хоҳад буд.

Ҳамчунин интизор меравад, ки яке аз дастовардҳои ин музокирот тавофоқот дар бораи озод кардани зиндониён шавад.

"Дар паи ин музокирот кишварҳои зомин оғози амалиёти контроли манотиқи ташаннуҷзудоишударо эълом ва минтақаҳои зери назари худро дақиқ хоҳанд кард", —  гуфт ҳамсуҳбатамон.

Вай афзуд, ки ҳамакнун коргурӯҳи муштараки Русия, Эрон ва Туркия бархе аз ҷузъиёти корашро ҳамоҳанг мекунад, ки дар тавофуқномаи ниҳоӣ гунҷонда хоҳанд шуд.  

Эрон, Русия ва Туркия чаҳор маҳи гузашта дар чаҳорумин даври музокироти сурӣ дар Остона, тафоҳумномаи эҷоди чаҳор минтақаи амн дар Сурияро имзо карданд, ки дарбаргирандаи манотиқе дар устони Идлиб, минтақаи шимолии шаҳри Ҳимс, Ғутаи шарқӣ ва бахшҳое дар ҷануби ин кишвар аст.

Дар ин музокирот, Қазоқистон ба унвони мизбон ва ҳамчунин Амрико ба унвони нозир ҳузур доштанд.

43
Барчаспҳо:
музокироти оштии Сурия, ДОИШ, Туркия, Эрон, Қазоқистон, Русия, Сурия
Мавзуъ
Оштии тоҷикон намунае коромад барои ҳалли буҳрон дар Сурия аст
Нерӯҳои дарёии Русия сангарҳои "Давлати исломӣ"-ро дар Сурия мушакборон карданд
Сарони Русия ва Исроил буҳрони Сурияро баррасӣ карданд
Оштӣ дар Сурия бо иштироки Русия, Эрон ва Туркия баррасӣ шуд
День 9 июля

Ҷашнҳои рӯзи 9 июл дар Тоҷикистон ва ҷаҳон

6
(Таҷдидшуда 20:44 08.07.2020)
Рӯзи нӯҳуми июл Рӯзи байналмилалии теннис буда, дар Озарбойҷон – Рӯзи кормандони сохторҳои хизмати дипломатӣ, дар Аргентина — Рӯзи Истиқлолият ва дар Қазоқистон – Рӯзи Хадамоти андоз мебошад

Рӯзи 9 июл дар ҷаҳон чӣ рух дод

Соли  1788 Коннектикут Иёлати панҷуми ИМА шуд.

Соли 1948 Созмони байналмилалии меҳнат Конвенсияи ҳифзи ҳуқуқи иттиҳодияҳоро қабул намуд.

День 8 июля
© Sputnik / Стас Этвеш / Вишнякова Мария

Соли 1952 Ҷумҳурии Демократии Германия  (ГДР) дар бораи таъсис додани сотсиализм қарор қабул кард.

Соли 1957 дар ҷадвали химиявии Менделеев 102-юмин  элементи химиявӣ кашф карда шуд. Элементи навро донишмандоне, ки дар Швейтсария фаъолият мекарданд, ба хотири Алфред Нобел «Нобелий»  номгузорӣ намуданд.

Соли 1961  Юнон дар бораи дохил шудан ба Иттиҳоди иқтисодии Аврупо қарор қабул кард.

Соли 1988  варзишгари немис  Габриэла Ранш барои партофтани гурз  ба масофаи 76 метру 80 сантиметр рекорди ҷаҳонӣ гузошт.

Соли 1997 чемпиони ҷаҳон Майк Тайсон барои раҳоӣ ёфтан аз дасти ҳарифи худ дар майдони ҳарб гӯши ӯро газид ва аз бозӣ ронда шуд.

Соли 2006 дар давраи ниҳоии Чемпионати ҷаҳон оид ба футбол дар Германия дастаи мунтахаби Италия дастаи Франсияро дар силсилазарбаҳои 11-метра (вақти асосӣ 1:1) мағлуб намуд ва маротибаи 4-ум чемпиони чаҳон шуд.

Рӯзи 9 июл дар Тоҷикистон чӣ рух дод

Соли 1996 дар Ҷумҳурии Тоҷикистон аз тарафи ширкати муштараки Тоҷикистону Голландия «Тоҷик Тел» мавҷи телефонӣ сар дода шуд.

День 7 июля
© Sputnik / Стас Этвеш / Вишнякова Мария

Соли 2010 дар тарабхонаи «Суҳбати дӯстон»- и шаҳри Истаравшан бо ширкати  Эмомалӣ Раҳмон тӯйи хонадоршавии 10 ҷуфти ҷавон ва хатнатӯйи 40 кӯдак аз оилаҳои камбизоат баргузор гардид.

Соли 2012  Президент Эмомалӣ Раҳмон ва Сафири Фавқулода ва Мухтори вақти Америка дар Тоҷикистон Кеннет Гросс масоили гуногунҷанбаи ҳамкории Тоҷикистону ИМА-ро баррасӣ намуданд.

Соли 2015 дар шаҳри Уфа-пойтахти Ҷумҳурии Бошқирдистони Федератсияи Русия Эмомалӣ Раҳмон дар мулоқоти ғайрирасмии сарони давлатҳои аъзои БРИКС (Бразилия, Россия, Ҳиндустон, Чин ва Африқои Ҷанубӣ), СҲШ ва Иттиҳоди иқтисодии Авруосиё, ки дар мавзӯи «Роҳҳои баланд бардоштани некуаҳволии мардумони кишварҳои мо» баргузор шуд, иштирок ва суханронӣ намуд.

Ҷашнҳои рӯзи 9 июл

  • Рӯзи байналмилалии теннис.
  • Дар Озарбойҷон – Рӯзи кормандони сохторҳои хизмати дипломатӣ.
  • Дар Аргентина — Рӯзи Истиқлолият.
  • Дар Қазоқистон – Рӯзи Хадамоти андоз.

Рӯзи 9 июн кӣ ба дунё омадааст

1901 — Барбара Картленд (соли даргузашт. 2000), нависандаи пурмаҳсули англис дар асри  XX.

1931 — Андрей Капитса (соли даргузашт 2011), ҷуғрофдони рус, таҳқиқгари Антарктида, профессор, узви Академияи илмҳо.

1938 - Лия Ахеджакова, ҳунарпешаи театр ва синамо, ҳунарманди халқии Русия.

1950 — Виктор Янукович, сиёсатмадори украинӣ, президенти Украина дар солҳои (2010—2014).

1956 — Том Хэнкс, ҳунарманди амрикоӣ, коргардон, продюсер дорандаи ду ҷоизаи "Оскар" ва чаҳор  "Золотой глобус".

Рӯзи 9 июл дар Тоҷикистон кӣ ба дунё омадааст

1941-2008 – нависанда  Азиз Раҳим.

1954 – ҳавошинос, нависанда Александр Пиров.

6
Барчаспҳо:
ҷашн, Ҷаҳон, Тоҷикистон
Мавзуъ
Ҷашнҳои рӯзи 6 июл дар Тоҷикистон ва ҷаҳон
Ҷашнҳои рӯзи 4 июл дар Тоҷикистон ва ҷаҳон
Ҷашнҳои рӯзи 3 июл дар Тоҷикистон ва ҷаҳон
Ҷашнҳои рӯзи 5 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 8 июл дар Тоҷикистон ва ҷаҳон
Давлат Худоназаров советский, таджикский кинодокументалист, политик и общественный деятель. Народный артист Таджикской ССР (1989)

Худоназаров филми офаридаи Далер Имомалиро арзёбӣ кард

105
(Таҷдидшуда 23:38 08.07.2020)
Сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров ширкати филми коргардон Далер Имомалиро дар Ҷашнвораи синамои мусалмонон дар Қазон арзёбӣ кард

ДУШАНБЕ, 8 июл — Sputnik. Филми нави ҳуҷҷатии коргардони ҷавони тоҷик Далер Имомалӣ "Кӯчаи умед - 612" ба 16-умин Ҷашнвораи байналмилалии синамои мусалмонӣ дар Қазон, даъват шуд.

Чунин таваҷҷӯҳ ба филми Далер Имомалӣ хабари хушоянд аст, гуфт сиёсатмадор, фаъоли ҷамъиятӣ ва коргардони барҷастаи тоҷик Давлат Худоназаров.

Ӯ ёдоварӣ кард, ки соли гузашта коргардони тоҷик аллакай як филми худро дар ин ҷашнвора ба намоиш гузошта буд.

Ба фикри Давлат Худоназаров филми Далери Имомалӣ бисёр унвони зебо ва ғайриоддӣ дорад - "Кӯчаи умед - 612". 

"Қаҳрамони филм Саъдулло Раҳимов - шахсияти илмӣ, намояндаи бузурги фарҳанги тоҷик. Ӯ фаъолияти касбияшро дар шӯъбаи философияи Академияи илмҳои Тоҷикистон оғоз карда буд. Баъдтар киношинос ва мунаққид шуд. Ҳамаи даҳсолаҳо ӯ дар мавқеъи худ устувор буд. Ба муносибати шахсӣ бо он ё ин коргардон нигоҳ намекарда, ӯ доим рост ва он чиро, ки эҳсос мекард, мегуфт ", - афзуд Худоназаров дар суҳбат бо Sputnik Тоҷикистон.

Ӯ қайд кард, ки корҳои Раҳимов ба беҳтар шудани сифати синамои "Тоҷикфилм" таъсири мусбат кард.

Худоназаров ҳамчунин баргузории 16-умин ҷашнвораи Қазонро воқеъаи хушоянд арзёбӣ карда, гуфт аз як тараф ин ҷашнвора ҳамаи синамогарони мусалмонро якҷо ҷамъ меорад ва аз сӯи дигар барои ҳамагон кушода аст.

Дар баробари ин Худоназаров ба ин аст, ки ҷашнвора метавонад миқёси худр бо филмҳои минтақавии Русия васеътар кунад.

Ба гуфти ӯ, филмҳо аз ҳар минтақа бозгукунандаи симои ҳар минтақа шуда барои ошноӣ бо онҳо заминаи хубе хоҳанд буд.

105
Барчаспҳо:
ҷашнвораи кино, Қазон