Кайраккумская ГЭС Дружба народов, архивное фото

Тоҷикистон барои навсозии НБО "Қайроққум" аз Бонки урупоӣ 120 милюн дулор мехоҳад

42
(Таҷдидшуда 19:38 07.07.2017)
Музокироти Тоҷикистон бо Бонки урупоии бозсозиву тавсеъа барои дарёфти эътибори бештар барои бозсозии нерӯгоҳи барқобии "Қайроққум" идома дорад

ДУШАНБЕ, 7 июл — Sputnik. Ба гузориши хабаргузории "ТоҷикТА" ба нақл аз манбаъе дар Вазорати энержӣ ва саноеъи Тоҷикистон, барои дувумин марҳилаи бозсозии НБО "Қайроққум" 120 милюн дулор лозим аст.

Бонки урупоии бозсозиву тавсеъа яке аз сармоягузорони аслии ин тарҳ аст ва давлати Тоҷикистон бо ин бонк барои дарёфти эътибори бештар барои иҷрои ин тарҳ музокиротро идома медиҳад.

Гуфта мешавад, ки пас аз навсозии комил тавоноии нерӯгоҳ аз 126 мегаватт то 170 мегаватт афзоиш хоҳад ёфт.

Ёдоварӣ мекунем, ки БУБТ барои нахустин марҳилаи навсозии НБО "Қайроққум" 71 милюн дулор ихтисос додааст. Дар паи анҷоми ин марҳила аз навсозӣ тавоноии нерӯгоҳ 16 мегаватт бештар хоҳад шуд.

42
Барчаспҳо:
нерӯгоҳи барқобӣ, бозсозӣ, Бонки урупоии бозсозиву тавсеъа, Тоҷикистон
Мавзуъ
Тоҷикистон тарҳи навсозии НБО "Қайроққум"-ро оғоз кард
Тоҷикистон нерӯгоҳҳои барқобии Норак ва Қайроққумро бозсозӣ мекунад
Рабочая встреча под председательством Исфаринского района по эпидемиологической ситуации и профилактике заболевания

Ҷаласаи ситоди сайёр дар Суғд: дар Ҷаббор Расулов сироят ба вируси корона коҳиш ёфт

68
(Таҷдидшуда 12:27 01.06.2020)
Дар ҷаласаи ситоди сайёри вилояти Суғд раиси ноҳияи Ҷаббор Расулов, муовинони раиси ноҳия, роҳбарони сохторҳои қудратӣ, раисони ҷамоатҳо, сардухтур ва роҳбарони корхонаҳои саноатии ноҳия иштирок карданд

ДУШАНБЕ, 1 июн – Sputnik. Дар ноҳияи Ҷаббор Расулов ситоди сайёри назди Раиси вилоят оид ба вазъи эпидемологӣ ва пешгирии паҳншавии бемории COVID-19 баргузор шуд, иттилоъ додааст дафтари матбуоти мақомоти вилояти Суғд.

Дар ҷаласаи корӣ раиси ноҳия таъкид карадааст, ки аз ҷониби мақооти кишвар барои солимии ҷомеъа тамоми шароитҳо фароҳам оварда шудааст.

Ҳамзамон, дар машварати корӣ ба Раиси вилоят хабар доданд, ки дар ноҳияи Ҷаббор Расулов вазъи эпидемологӣ таҳти назорати кормандони соҳаи тиб қарор дорад.

Ҳамзамон қайд карда шуд, ки барои фаъолияти табибон дар беморхонаҳо ва табибони оилавӣ барои пешгирии сироятёбӣ тадбирҳои зарурӣ андешида шудааст.

“Дар натиҷа ҳоло сироятёбии сокинон ба бемории COVID - 19 дар ноҳияи Ҷаббор Расулов ру ба пастрави ниҳода дар ҳолати коҳишёбӣ арзёбӣ карда шуд”, - таъкид доштааст раиси ноҳияи Ҷаббор Расулов.

Ҳамзамон аз ҷониби Раиси вилоят дастур дода шуд, ки дорувориҳои зарурӣ, корҷома, ниқоб ва маводҳои антисептикӣ ҳадди ақал барои се моҳ захира карда шавад.

Ҳамчунин ба раисони ҷамаотҳо ва фаъолон супориш дода шуд, ки байни мардум ташвиқоту тарғиботи пешгирии бемориро пурзур намоянд ва гаштугузор, баромадан аз хона, бе ниқоби муҳофизатӣ манъ карда шавад.

“Меъёрҳои нигоҳ доштани фосила риоя гардад, зеро риоя нагардидани қоидаҳои санитари гигенӣ боиси паҳншавии беморӣ мегардад. Барои харидории маводи рӯзгор аз хизматрасониҳои дастарас истифода намоянд. Дар марказҳои саломатӣ барои фавран расонидани машваратҳои тиббӣ тариқи Онлайн чораҷӯи намуда, фаъолияти баландгӯякҳо барои огоҳонидани мардум мунтазам ба роҳ монда шавад”, - таъкид доштааст раиси вилояти Суғд Раҷаббой Аҳмадзода.

Инчунин раиси вилоят барои пурзӯр кардани корҳои безараргардони ва саривақт бартараф кардани манбаъҳои пайдоиш ва паҳншавии беморӣ, ба масъулин дастур дод, ки дар ин самт корҳоро бо ҳам бештар намоянд.

«Аз кохишёбии сироятёби бемори форигболи накрда корхои ташвикоти дар бозору магоза таквият дода шавад. Зеро пастшавии сироятёби холо пурра бартараф ёбии бемори нест. Сокинонро зарур аст пеш аз ҳама аҳли оилаи худ ва ҷомеаро аз сироятёбӣ ва паҳншавии бемории COVID-19 эҳтиёт намоянд. Аз ҳар гуна ҷамъомадҳо ва барпо кардани маракаҳои хонаводагӣ худдори намоянд”, -гуфт Аҳмадзода.

Ҳамзамон дар машварати корӣ масъалаҳои кишоварзӣ, аз ҷумла саривақт гузаронидани кишти картошка, мувофиқи агротехникаи парвариши пахта, ба роҳ мондани нашъу намои пахта ва фаъолияти мунтазами корхонаҳои саноатӣ ва пойгоҳҳи обкашӣ мавриди баррасӣ қарор гирифт.

68
Барчаспҳо:
ноҳия, корхона, ситод, раис, муовин, Ҷаббор Расулов, Тоҷикистон, Суғд
Руки задержаного в наручниках, архивное фото

Ошкор шуд, кӣ аз корхонаи “Дуоб” 40 ҳазор долларро дуздид

127
(Таҷдидшуда 12:15 01.06.2020)
Вазорати умури дохилаи Тоҷикистон хабар додааст, ки кормандони милитсия марди 43 соларо, ки дар дуздии корхонаи ҶДММ “Дуоб” гумонбар медонанд боздошт карданд

ДУШАНБЕ, 1 июн – Sputnik. Вазорати умури дохилаи Тоҷикистон эълон кард нафаре, ки аз корхонаи ҶДММ “Дуоб”  30 ҳазор доллару 40 ҳазор сомонӣ дуздӣ кард боздошт шудааст, иттилоъ додааст дафтари матбуоти вазорат.

Бино бар иттилои манбаъ, кормандони милитсия, ҳангоми гузаронидани як амалиёти махсус марди 43-солаи сокини ноҳияи Рӯдакӣ ҳамчун гумонбар дар содир намудани кирдори дуздӣ дастгир карда шуд.

ВУД: мақомдор барои ситонидани 5 ҳазору 400-сомонӣ пора дастгир шуд

Гуфта шудааст, ки номбурда, моҳи январи соли 2020, бо роҳи пинҳонӣ ба корхонаи ҶДММ “Дуоб”, воқеъ дар кӯчаи Машъал, ки ба марди 44-солаи сокини пойтахт тааллуқ дорад, ворид шуда, аз он ҷо 30 ҳазор доллари амрикои ва 40 ҳазор сомониро дуздида, аз ҷойи ҳодиса ғайб задааст.

Дар ҳоли ҳозир, кормандони милитсияи Тоҷикистон аз руи ҳодисаи мазкур тафтишотро идома доранд.

127
Барчаспҳо:
корхона, гумонбар, дуздӣ, боздошт, вазорати умури дохила, Тоҷикистон
Разработка экспресс-тестов на коронавирус учеными из центра Сколково

Гирифторони COVID-19 муайян мешаванд: дар Хуҷанд ташхисгоҳи нав ба кор шурӯъ кард

0
(Таҷдидшуда 12:36 01.06.2020)
Озмоишгоҳ дар Хуҷанд барои зудтар муайян кардани мубталошавии аҳолӣ ба бемориҳои сироятӣ, махсусан COVID-19 мусоидат мекунад

ДУШАНБЕ, 1 июн - Sputnik. Дар шаҳри Хуҷанд ташхисгоҳи нави вирусологӣ фаъол шуд, хабар медиҳад Ҳукумати вилояти Суғд.

Ташхисгоҳ дар Маркази назорати давлатии санитарию эпидемиологии вилояти Суғд сохта шудааст.

"Ташхисгоҳи мазкур бо мақсади муайян намудани бемории сироятии коронавируси нави COVID-19 дар заминаи Маркази назорати давлатии санитарию эпидемиологии вилояти Суғд таъсис дода шуд. Ҳамзамон, имкон дорад, ки  дар ташхисгоҳ  дар як шабонарӯз то 150-200 таҳлил гузаронида шавад", - омадааст дар иттилои манбаъ.

Гуфта мешавад, мутахассисони ташхисгоҳ дар Муассисаи давлатии "Пажӯҳишгоҳи тиббии профилактикии Ҷумҳурии Тоҷикистон" аз курси махсуси омӯзишӣ гузаштаанд. Дар оянда низ дигар кормандони озмоишгоҳ дар ин муассисаи тиббӣ марҳила ба марҳила тарзу усули гузаронидани таҳлилҳоро меомӯзанд.

Ба гуфти коршиносон, фаъол гардидани чунин озмоишгоҳ дар шаҳри Хуҷанд барои зудтар муайян кардани мубталошавии аҳолӣ ба бемориҳои сироятӣ, махсусан  COVID-19-ро метезонад.

Бино ба таҳлили коршиносони соҳаи тиб, барои мубориза бо бемории короновирус, қабл аз ҳама, муайян намудани беморӣ ба воситаи ташхис муҳим буда, кори табибонро то андозае осон ва барои дурнамои табобати муваффақона мусоидат мекунад.

Вазорати тандурустӣ аз тадриҷан кам шудани коронавирус дар Тоҷикистон хабар дод

То имрӯз намунаи таҳлили гумонбарони бемории COVID-19 барои ташхис ба шаҳри Душанбе фиристода мешуд.

0