Александр Князев, архивное фото

Коршинос: Узбакистону Туркманистон ба тарҳи CASA-1000 нахоҳанд пайваст

142
(Таҷдидшуда 19:53 10.07.2017)
Коршиноси умури сиёсӣ ва масоъили Осиёи Марказӣ Александр Князев бар ин бовар аст, ки Узбакистон ва Туркманистон ба тарҳи CASA-1000 нахоҳанд пайваст

ДУШАНБЕ, 10 июл — Sputnik. Раисҷумҳури Афғонистон дар дидори сарони кишварҳои роҳандози тарҳи CASA-1000 дар Душанбе умедвор шуда буд, ки Узбакистону Туркманистон ҳам ба тарҳи интиқоли нерӯи барқ аз Тоҷикистону Қирғизистон ба Афғонистону Покистон бипайванданд.   

Александр Князев дар суҳбат бо Sputnik Тоҷикистон пайвастани Туркманистону Узбакистон ба тарҳи интиқоли нерӯи барқ аз Осиёи Марказӣ ба Осиёи Ҷанубӣ (ОМОҶ) ё CASA-1000-ро баъид донист.

"Дар асл интиқоли нерӯи барқ аз шимол ба ҷануб (Қирғизистон — Тоҷикистон — Афғонистон — Покистон — Ҳинд), ки тарҳи ОМОҶ-1000 дар назар дорад, бо манофеъи содиротии Туркманистон ва Узбакистон дар таззод аст", — тавзеҳ дод ин коршинос.

Вай ёдоварӣ кард, ки Туркманистону Узбакистон ҳамакнун ба Афғонистон барқ содир мекунанд ва дар назар доранд интиқоли барқ ба ин кишварро афзоиш диҳанд. Аз ин рӯ, тавоноии тавлиди барқ дар неругоҳҳои гармоӣ ва гозии худро афзоиш медиҳанд, ки заминаи содироти барқи бештар ба Афғонистон ва Покистону Ҳиндро фароҳам месозад.

Узбакистон ва Туркманистон аз тавлидкунандагони умдаи нерӯи барқ ва усулан рақиби Тоҷикистону Қирғизистон дар бозори фурӯши барқ ҳастанд. Афзун бар ин, тарҳҳои ин ду кишвар арзонтар аз тарҳи ОМОҶ-1000 ҳастанд.

Эмомалӣ Раҳмон дар Роғун
© Официальная страница пресс-службы президента РТ в Facebook.

Ин дар ҳоле аст, ки ба далели мушкилоти фаъолияти нерӯгоҳҳои барқобӣ дар Тоҷикистон ва Қирғизистон дар фасли сармо ва буҳрони шадиди камбуди барқ дар ин ду кишвар, Душанбе ва Бишкек танҳо дар шаш моҳ аз сол метавонанд, аз тариқи хатти CASA-1000 ба Афғонистону Покистон барқ мунтақил кунанд. Аммо имтиёзи Туркманистон ва Узбакистон ин аст, ки ин ду кишвар бо истифода аз нерӯгоҳҳои гармоии худ дар чаҳор фасл ба Афғонистон барқ содир мекунанд.

"Аз ин рӯ, масрафкунандаҳо дар Афғонистону Покистону Ҳинд бештар нерӯи барқро аз Узбакистону Туркманистон харидор ҳастанд, ки арзонтар аст. Бино бар ин гумон накунам, ки ин ду кишвар бихоҳанд ба тарҳи ОМОҶ-1000 бипайванданд", — тавзеҳ дод Князев.

Вай ҳамчунин афзуд, ки дар сурати роҳандозии нерӯгоҳи барқобии Роғун имкони содироти барқи бештар аз Тоҷикистон  ба Афғонистон ва Покистон дар оянда фароҳам хоҳад шуд, аммо иттисоли ду турбинаи нахусти ин неругоҳ ба шабакаи барқи саросарии Тоҷикистон дар солҳои оянда танҳо метавонад, барои ҳали мушкили буҳрони шадиди камбуди барқ дар ин кишвар дар фасли сармо мусоидат кунад. Аз сӯи дигар дар Қирғизистон ҳануз ҳеҷ коре барои такмили сохти нерӯгоҳи барқобии ниматамоми Қанбарото анҷом нашудааст, ки заминаи афзоиши тавлиди барқ дар ин кишварро муҳайё созад.

Бо иҷрои тарҳи CASA-1000 Тоҷикистон ва Қирғизистон дар шаш моҳ аз сол метавонанд, наздик ба 5 милёрд киловатт/соат барқро аз тариқи ин хати интиқоли энержӣ ба Афғонистон ва Покистон мунтақил кунанд.

Ҳазинаи иҷрои ин тарҳ, ки бояд дар соли 2020 ба баҳрабардорӣ бирасад, беш аз як милёрд дулор баровард шудааст. Саҳми Тоҷикистон дар ин тарҳ 314 милюн дулор, Қирғизистон 209 милюн, Афғонистон 354 милюн ва Покистон 209 милюн дулор аст.

142
Барчаспҳо:
ОМОҶ-1000, CASA-1000, Александр Князев, Осиёи Ҷанубӣ, Тоҷикистон-Осиёи Марказӣ
Мавзуъ
Князев дар бораи вохӯрии роҳбарони ВУХ-ОМ дар ИМА: манфиатҳои кишварҳо мухолифанд
День 15 июля

Ҷашнҳои рӯзи 15 июл дар Тоҷикистон ва ҷаҳон

23
(Таҷдидшуда 20:05 14.07.2020)
Рӯзи понздаҳуми июл Рӯзи байналмилалии малакаи ҷавонон буда, дар Ботсвана – Рӯзи президент ва дар Бруней  – Рӯзи султон мебошад

Рӯзи 15 июл дар ҷаҳон чӣ рух дод

Соли 1888 аввалин маротиба дар таърихи 1000-солаи Ҷопон вулқони Бандай фаввора зад.

День 14 июля
© Sputnik / Стас Этвеш / Вишнякова Мария

Соли 1922 Ҳизби коммунистии Ҷопон таъсис дода шуд.

Соли 1923 Парлумони Италия Конститутсияи нав қабул кард.

Соли 1933 аввалин маротиба яккапарвозӣ бо ҳавопаймо дар гирди кураи Замин оғоз гардид.

Соли 1965 Конгресси ИМА қонунеро қабул намуд, ки талаб мекард дар қуттиҳои сигор ба саломатӣ зиён доштани он навишта шавад.

Соли 1992 миёни Ҷумҳурии Тоҷикистон ва Ҷумҳурии Исломии Афғонистон муносиботи дипломатӣ барқарор гардиданд.

Рӯзи 15 июл дар Тоҷикистон чӣ рух дод

Соли 2009 Сарвари давлат Эмомалӣ Раҳмон дар Миср дар маросими муаррифии китоби «Тоҷикон дар оинаи таърих» бо тарҷума ба забони арабӣ иштирок ва суханронӣ намуд.

День 13 июля
© Sputnik / Стас Этвеш / Вишнякова Мария

Соли 2009 дар Миср зимни вохӯрии Эмомалӣ Раҳмон ва Президенти вақти Филиппин хонум Глория Макапагал Арройо масоили ташкил ва густариши ҳамкории судманд миёни ду кишвар баррасӣ шуд.

Соли 2010 Эмомалӣ Раҳмон ва  муовини ёвари Президенти вақти Иёлоти Муттаҳидаи Америка Майкл Макфол масоили ҳамкории гуногунҷанбаи Тоҷикистону Америкаро баррасӣ намуданд.

Соли 2015 Сарвари давлат Эмомалӣ Раҳмон баҳри шиносоӣ бо ҷараёни корҳои барқарорсозӣ ва суҳбат бо бинокорони Неругоҳи барқи обии «Роғун» ба мавзеи бунёди ин иншоот ба шаҳри Роғун сафар карда, дар он ҷо аз тамоми қитъаҳои сохташавандаи рӯизаминӣ ва иншооти асосии зеризаминӣ боздид намуд.

Соли 2016 дар шаҳри Душанбе иҷлосияи ҳафтуми палатаи болоии Парлумони Тоҷикистон, даъвати панҷум баргузор гардид, ки дар он қариб 40 масъала баррасӣ карда шуд.

Ҷашнҳои рӯзи 15 июл

  • Рӯзи байналмилалии малакаи ҷавонон.
  • Дар Ботсвана – Рӯзи президент.
  • Дар Бруней  – Рӯзи султон.

Рӯзи 15 июл кӣ ба дунё омадааст

1606 — Рембрандт Харменс ван Рейн (соли даргузашт 1669), яке аз рассомони машҳури ҳолландӣ.

1870 — Леонид Красин (соли даргузашт1926), револютсионери русиягӣ, корманди ҳизбӣ.

1905 — Александр Хвиля (фавт 1976), ҳунарманди русиягӣ ва украинӣ, ҳунарманди халқии ИҶШС.

1939 - Алӣ Ҳоманаӣ, сиёсатшиноси эронӣ, президенти Эрон (1981—1989), раҳбари давлат  (аз соли 1989).

Рӯзи 15 июл дар Тоҷикистон кӣ ба дунё омадааст

1922 – ҳунарманди шоистаи Тоҷикистон Ҳалима Насибулина.

1941 – журналист Нур Табаров.

1948 – журналист Саидқул Шопалангзода.

1953 – журналист ва нависанда Раҳмон Остон.

1954 – нависанда  Баҳманёр.

Рӯзи 15 июл кӣ даргузашт

1904 — Антон Чехов (соли таваллуд 1860), драматург ва нависандаи рус.

Рӯзи 15 июл дар Тоҷикистон кӣ даргузашт

1954 — Садриддин Айни (соли таваллуд 1878), шоир ва нависандаи тоҷик, асосгузори адабиёти муосири тоҷик.

23
Барчаспҳо:
Тоҷикистон, ҷашн, Ҷаҳон
Мавзуъ
Ҷашнҳои рӯзи 8 июл дар Тоҷикистон ва ҷаҳон
Ҷашнҳои рӯзи 7 июл дар Тоҷикистон ва ҷаҳон
Ҷашнҳои рӯзи 9 июл дар Тоҷикистон ва ҷаҳон
Ҷашнҳои рӯзи 10 июл дар Тоҷикистон ва ҷаҳон
Ҷашнҳои рӯзи 11 июл дар Тоҷикистон ва ҷаҳон
Ҷашнҳои рӯзи 13 июл дар Тоҷикистон ва ҷаҳон
Ҷашнҳои рӯзи 14 июл дар Тоҷикистон ва ҷаҳон
Ҷашнҳои рӯзи 12 июл дар Тоҷикистон ва ҷаҳон
Гробы с умершими от заражения вирусом

Афзоиши фавт аз COVID - 19 дар Тоҷикистон: омори тозаи Вазорати тандурустӣ

1210
Вазорати тандурустии Тоҷикистон омори тозаи гирифторӣ, фавт ва шифоёбӣ аз коронавируси COVID - 19 - ро нашр кард

ДУШАНБЕ, 14 июл – Sputnik. Шабонарӯзи гузашта дар Тоҷикистон 48 ҳолати нави сироятёбӣ ба COVID-19 ва 1 фавт ба қайд гирифта шуд, хабар медиҳад АМИТ «Ховар» бо истинод ба маркази матбуоти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон.

Тибқи иттилои Вазорат, аз 30 апрел то 14 июл дар кишвар шумораи гирифторони COVID-19 ба 6643 нафар расида, аз ин беморӣ то кунун дар мамлакат 5332 нафар ё худ 80,2%-и гирифторон шифо ёфтаанд. Ҳамзамон, дар ин муддат шумораи ҳолатҳои фавт аз ин беморӣ дар мамлакат ба 56 нафар расид.

"Давоми шабонарӯзи охир 178 нафар гумонбарон зери назорати табибон қарор дошта, 54 нафар баъд аз муолиҷа ба хонаҳояшон рухсат дода шуданд", - омадааст дар хабарнома.

Бояд гуфт, ки Ҳукумати Ҷумҳурии Тоҷикистон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодааст.

Имрӯзҳо дар 85 беморхонаи ҷумҳурӣ зиёда аз 7 ҳазору 500 табиб ва 25 ҳазор корманди миёнаи тиб сафарбар шудаанд. Ба ғайр аз ин, дар муассисаҳои кумаки аввалияи тиббию санитарии ҷумҳурӣ 7 ҳазору 600 табиб ва зиёда аз 24 ҳазор корманди миёнаи соҳаи тиб бо мақсади дарёфт, пешгирӣ ва расонидани кумаки аввалия ба мардум хизмат мерасонанд.

1210
Барчаспҳо:
Вазорати тандурустӣ, Тоҷикистон, омор
Мавзуҳо:
Пайомадҳои COVID-19 дар Тоҷикистон ва ҷаҳон