Селевой поток в Дарвазе

Пайомадҳои сел дар Дарвоз: 14 куштаву 20 захмӣ дар Афғонистон

340
(Таҷдидшуда 18:27 11.07.2017)
Селу гилшоре, ки 8 - 9 июл дар дараҳое аз Дарвоз дар каронаи чапи рӯди Панҷ фурӯ рехта буданд, дар ҳар ду канора осебу зиён ба ҷону моли мардум задаанд

ДУШАНБЕ, 11 июл — Sputnik. Дар паи фурӯ рехтани селу гилшор дар каронаи афғонистонии Дарвоз чанд рӯз пеш 14 кас ҷон бохтаву 20 кас захмӣ шудааст, гузориш медиҳад созмони FOCUS.

Сел дар Дарвоз
© Фото : Аз саҳифаи сухангӯи раиси ВМКБ Нилуфар Асламшоева

"Селу гилшор дар бахшҳои Нусай, Шикай ва Кӯфоб дар Афғонистон 143 хонаро куллан ва 55 хонаро қисман хароб карда ва 16 нерӯгоҳи барқобии хурд, 22 ҷӯйбор, 13 бунгоҳи обрасонӣ, 2,5 килуметр рох ва 11 пулро нобуд кардаанд", — гузориш дода ин барномаи Шабакаи тавсеъаи Оқохон дар Афғонистон.

Ҳамин селу гилшорҳо дар каронаи тоҷикистонии Дарвоз низ вайрониҳое бар ҷой гузоштаанд. Чунончи, дар паи гилшоре, ки аз дараи Рованаки Шикай фурӯ рехта, дар рустои Хостав аз ҷамоати Нулванд 20 хона зери об монд ва рафту омад дар шоҳроҳи Душанбе — Хоруғ баста шуд. Дар ин русто 138 кас аз сел осеб дида ва давлати Тоҷикистон барояшон ёрии моддӣ расондааст.

Ин ёрӣ 9 тон маводи хӯрокворӣ, аз ҷумла 4 тону 400 килуграм орд, 660 килуграм рӯғани рустанӣ, 550 килуграм биринҷ, 550 килуграм нахӯд, 550 килуграм шакар, 550 килуграм сиёҳгандум (гречка), ҳамчунин 66 баста колоҳои масрафи ҳаррӯза ва 110 баста маводи хӯрокиро дар бар гирифтааст.

Ин маводро кормандони Кумитаи умури изтирории Тоҷикистон ба ноҳияи Дарвоз бурдаву ба селзадагон додаанд.

Ёдоварӣ мекунем, ки 9-уми июл селе дигар аз дараи Хванд дар Афғонистон фурӯ рехтаву рустоҳои Деҳхо ва Хвандро бо бисёре аз хонаҳову кишту боғҳояшон вайрон кард.

Шабона сатҳи об дар пушти сарбанди селовард беш аз даҳ метр баланд шуда ва дар рустои Ширговад се хона ва чандсад метр аз шоҳроҳи байналмилалии Дуашанбе — Кӯлоб — Қалъаи Хумбро вайрон кард.

Кумитаи ҳолатҳои фавқулода дар Дарвоз аз аҳолии рустоҳои Ёгед, Шикев, Сангевн, Пунишор, Нулванд, Жак, Марғ, Хостав ва Зиғар хост, ки шабро дар ҷойҳои амн ва баландтар аз рӯдбор рӯз кунанд.

Кумитаи умури изтирорӣ дар Дарвоз Ситоди ёрирасонӣ ташкил карда ва ба аҳолии селзада кумакҳои аввалияро мерасонад.

340
Барчаспҳо:
вайрониҳо, гилшор, сел, FOCUS, Шабакаи тавсеъаи Оқохон, Тоҷикистон-Афғонистон, Дарвоз
Мавзуҳо:
Сел дар Дарвоз (13)
Мавзуъ
Селе дигар дар Дарвоз рустоҳоро вайрон кард
Ба сокинони Дарвоз хаймаҳо ва маводи озуқаворӣ доданд: хисорот номаълум
Сел дар Дарвоз ду қурбонӣ гирифт
Историк Гафур Шерматов

Рӯнамоии китоби таърихнигори тоҷик дар бораи Ҷанги Бузурги Ватанӣ: видео

6
(Таҷдидшуда 11:38 08.08.2020)
Таърихнигори тоҷик Ғафур Шерматов китоби худро дар бораи аҳамияти иштироки Тоҷикистон дар Ҷанги Бузурги Ватанӣ муаррифӣ кард

ДУШАНБЕ, 8 авг — Sputnik. Рӯнамоии китоби тозанашри таърихшинос оид ба ҶБВ дар Маркази илму фарҳанги Русия сурат гирифтааст, дар ин бора телевизиони “Мир 24”гузориш додааст.

Китоби тозанашр "Ҷанг ва Ғалаба. Тоҷикистон дар Ҷанги Бузурги Ватанӣ"  унвон дошта, муаллиф барои таҳияи он панҷ сол заҳмат кашидааст.

Собиқадори ҶБВ аз Тоҷикистон, чӣ гуна пулемёти ҷангиашро дар осорхонаи Маскав шинохт?

Ба гуфтаи Шерматов, тамоми саҳмҳо ва ҷангҳоеро, ки зодагони ҶШС Тоҷикистон кардаанд, дар як китоб ҷой додан номумкин аст, аммо ӯ дар матн муҳимтарин марҳилаҳои Ҷанги Бузурги Ватаниро, ки ба  Тоҷикистон рабт дорад, қайд кардааст.

Аз Сталинград то Берлин: саргузашти собиқадори 112-солаи ҶБВ аз Тоҷикистон

Аксари сафҳаҳои китоб ба ҳаёти аҳолии ҷумҳурӣ дар рӯзҳои Ҷанги Бузурги Ватанӣ бахшида шудаанд.

Дар муаррифии китоб инчунин намояндагони пойгоҳи низомии 201-и Русия ва сафири фавқулодда ва мухтори Русия дар Тоҷикистон Игор Лякин-Фролов ширкат варзиданд.

6
Барчаспҳо:
таърих, рӯнамоӣ, Ҷанги Бузурги Ватанӣ, муҳаққиқ, Ғафур Шерматов
Девушка в наручниках, архивное фото

Занакҷанг: боздошти се зан барои латукӯби Саодати 23 сола соати 4-и субҳ-видео

109
(Таҷдидшуда 11:07 08.08.2020)
Мақомоти пулиси пойтахт аз боздошти се зан хабар медиҳад, ки дар ташкили занозании гуруҳӣ ва латукӯби ҷавонзани дигар муттаҳам мешаванд

ДУШАНБЕ, 8 авг — Sputnik. Бино ба иттилои сомонаи расмии РВКД Душанбе  боздошти занон дар пайи таҳқиқи навори дар шабакаҳои интернетӣ санаи 6 август паҳншуда сурат гирифтааст.

Манбаъ мегӯяд, дар навор лаҳзаи латукӯби як нафар ҷавонзан аз ҷониби гуруҳи 5-6 нафараи занон инъикос гардида, гуруҳи занони авбош бар замми он, ки ҷабрдидаро латукуб намуда истодаанд, боз аз дашному ҳақоратҳои қабеҳ истифода намуда, тартиботи ҷамъиятиро дар вақти шабона дағалона вайрон ва оромии сикононро халадор намудаанд.

Ин ниҳод гуфтааст, дар пайи баррасии навор Шаҳноза Ҳакимова, сокини 30-солаи ноҳияи Мӯъминобод, ки қаблан бо ҷурми дуздӣ маҳкум шуда буд, Дилбар Шарипова, сокини 33-солаи шаҳри Кӯлоб ва сокини шаҳри Ҳисор Садафмо Холоваи 29-сола боздошт шудаанд.

Гуфта мешавад, дар натиҷаи санҷиш муайян карда шуд, ки санаи 6 август тахминан соатҳои 4 ба 5-и саҳарӣ нафарони дастгиршуда ҳангоми қарор доштан дар кӯчаи Неъмат Қарабоев бо маслиҳати пешакӣ аз ҳиссиёти авбошӣ ва бадбинӣ нисбат ба шаҳрванд Назирова Саодат Рустамовна 23 сола, зода ва сокини шаҳри Душанберо дар ҳайати гуруҳӣ ва ба таври ваҳшиёна мавриди латукуби шадид қарор дода, тартиботи ҷамъиятиро дағалона вайрон намудаанд. 

Манбаъ мегӯяд, нисбат ба се тани боздоштшуда парвандаи ҷиноӣ оғоз шуда, ҳамзамон ду тани дигар дар ҳолати бозпурсиянд ва гар дар ин ҳодиса шарикияшон исбот шавад, онҳо низ ба ҷавобгарӣ кашида мешаванд.

109