Тоҷикистон аз Бонки ҷаҳонӣ 50 милюн дулор кумак дарёфт кард

© Фото : Аз хадамоти матбуоти раисҷумҳурМулоқот бо Директори кишварии Бонки ҷаҳонӣ оид ба Осиёи Марказӣ хонум Лилия Бурунчук 17.05.2017
Мулоқот бо Директори кишварии Бонки ҷаҳонӣ оид ба Осиёи Марказӣ хонум Лилия Бурунчук 17.05.2017 - Sputnik Тоҷикистон
Обуна шудан
Шурои мудирони Бонки ҷаҳонӣ бо ихтисоси 50 милюн дулор кумак ба Тоҷикистон барои тақвияти зерсохтҳои ин кишвар дар баробари осебҳои табиъӣ мувофиқат кард

ДУШАНБЕ, 12 июл — Sputnik. Ин кумаки молӣ барои тавонафзоии зерсохторҳои Тоҷикистон дар баробари селу гилшор, заминларза, заминлағжиш, сангрезиш ва дигар балоҳои табиъӣ равона хоҳад шуд.

Нурекская ГЭС, архивное фото - Sputnik Тоҷикистон
Бонки ҷаҳонӣ барои бозсозии бузургтарин нерӯгоҳи ҶТ $225 млн медиҳад

Ба гузориши вебгоҳи расмии Бонки ҷаҳонӣ, Тоҷикистон, ки кишваре кӯҳистонӣ аст, аз назари заминшиносӣ ва сохтори печидаи зистмуҳитӣ дар баробари балоҳои табиъӣ ба шиддат осебпазир аст ва кӯҳнаву фарсуда будани зерсохторҳо метавонад осебу зиёне фаровон барои иқтисоди ин кишвар дар пай дошта бошад.

Дар ин гузориш таъкид шуда, ки бахши умдаи роҳҳои иртиботӣ, пулҳо, саддҳо ва шабакаҳои обёрии заминҳои кишоварзии Тоҷикистон дар даврони Шуравӣ сохта шуда ва ниёз ба сармоягузорӣ ва бозсозӣ дорад.

Бонки ҷаҳонӣ таъкид кардааст, ки дар солҳои 1992 то 2016 ҳаводиси табиӣ наздик ба як милёрду 800 милюн дулор хисорот ба иқтисоди Тоҷикистон ворид кардаанд.

Лентаи хабарҳо
0