Государственный флаг Таджикистана на флагштоке в Душанбе, архивное фото

Сарду гарм: ҳаво дар Тоҷикистон шабона сарду рӯзона гарм мешавад

66
(Таҷдидшуда 13:46 28.03.2018)
Созмони ҳавошиносии Тоҷикистон иттилоъ медиҳад, ки имрӯз, 11 декабр ҳаво дар саросари кишвар абриву нимаабрӣ ва сард хоҳад шуд

ДУШАНБЕ, 11 дек — Sputnik. Созмони ҳавошиносии Тоҷикистон ба огоҳии шаҳрвандон мерасонад, ки имрӯз ҳаво дар саросари кишвар абрноку нимаабрӣ ва сард хоҳад буд.

Дар вилояти мухтори Кӯҳистони Бадахшон ҳаво абриву нимаабрӣ ва бебориш хоҳад буд. Бод аз сӯи ғарб бо тағйири ҷиҳат ба шарқ 3 — 8 метр дар сония хоҳад вазид. Ҳаво дар шарқи вилоят шабона 15 — 20 дараҷа сард ва рӯзона 3 — 8 дараҷа сард мешавад. Дар ғарби ин вилоят ҳаво шабона 6 — 11 дараҷа сард ва рӯзона 0 — 5 дараҷа гарм мешавад.

Дар шаҳри Хоруғ ҳаво абрӣ ва бебориш шуда бод аз сӯи ғарб 2 — 7 метр дар сония хоҳад вазид. Шабона ҳаво 4 — 6 дараҷа сард ва рӯзона 3 — 5 дараҷа гарм мешавад.

Бино ба додаҳои ҳавошиносон, имрӯз дар вилояти Хатлон низ ҳаво абриву бебориш шуда, бод аз сӯи ғарб бо тағйир ҷиҳат ба шарқӣ 3 — 8 метр дар як сония мевазад.

Ҳаво дар водиҳо шабона 0 — 5 дараҷа сард ва рӯзона 5 — 10 дараҷа гарм мешавад. Дар доманакӯҳҳо ҳаво шабона 3 — 8 дараҷа сард шуда ва рӯзона 1 — 6 дараҷа гарм хоҳад шуд.

Дар шаҳри Қӯрғонтеппа ҳаво абриву бебориш шуда бод аз сӯи ғарб 3 — 8 метр дар сония хоҳад вазид. Ҳаво шабона 0 — 2 дараҷа сард ва рӯзона 6 — 8 дараҷа гарм мешавад.

Дар шаҳру ноҳияҳои тобеъи Марказ ҳаво абриву камбориш буда, бод аз сӯи ғарб бо тағйири ҷиҳат ба шарқ 3 — 8 метр дар сония мевазад. Ҳаво дар водиҳо шабона аз —4 то +1 дараҷа сард ва рӯзона 5 — 10 дараҷа гарм ва дар кӯҳсорон шабона 5 — 10 дараҷа сард ва рӯзона —2 + 3 дараҷа мешавад.

Дар вилояти Суғд низ ҳаво нимаабрнок ва бебориш шуда, вале дар бархе аз ноҳияҳо меғолуд мешавад. Бод аз сӯи ғарб бо тағйири ҷиҳат ба шарқ 3 — 8 метр дар сония хоҳад вазид. Ҳаво дар водиҳо шабона аз —4 +1 дараҷа сард ва рӯзона 2 — 7 дараҷа гарм ва дар кӯҳсорон шабона 5 — 10 сард ва рӯзона 0 — 5 дараҷа сард мешавад.

Дар шаҳри Хуҷанд ҳаво нимаабриву бебориш ва меғолуд шуда, шабона 2 — 2 дараҷа сард ва рӯзона 4 — 6 дараҷа гарм мешавад.

Дар шаҳри Душанбе ҳаво нимаабрнок ва бебориш шуда, бод аз сӯи шарқ 3 — 8 метр дар сония мевазад. Ҳаво шабона 0 — 2 дараҷа сард ва рӯзона 7 — 9 дараҷа гарм мешавад.

66
Барчаспҳо:
Созмони ҳавошиносии Тоҷикистон, Тоҷикистон
Мавзуъ
Абру сармо: ҳавошиносон сардии ҳаворо пешбинӣ мекунанд
Боду борону туфони гард: ҳавошиносон барои имруз ҳавои номусоид пешбинӣ мекунанд
Созмони ҳавошиносӣ: имрӯз ҳаво то 43 дараҷа гарм мешавад
Созмони ҳавошиносии Тоҷикистон: ҳавои кишвар бисёр гарм мешавад
Паспорт гражданина США

Беш аз 5,5 ҳазор амрикоӣ аз шаҳрвандии худ даст кашиданд: сабаб дар чист?

5
Соли гузашта, ҳамагӣ 2072 амрикоӣ аз баҳри шаҳрвандии худ гузаштанд ва шаҳрвандии дигар давлатро пазируфтанд

ДУШАНБЕ, 11 авг – Sputnik. Ширкати "Бамбриҷ" дар Ню - Йорк гузорише дар мавриди афзун шудани теъдоди шаҳрвандони амрикоӣ, ки аз шаҳрвандии худ даст мекашанд, интишор намуд.

Ба гузориши ин ширкат, дар шаш моҳи аввали соли ҷорӣ дасти кам 5800 нафар аз шаҳрвандони Амрико аз баҳри шаҳрвандии худ гузаштанд.

Дар ҳоле, ки соли гузашта ҳамагӣ 2072 нафар аз шаҳрвандии худ даст кашиданд.

Манбаъ меафзояд, афроде, ки тарки шаҳрвандӣ кардаанд аз иттифоқоте, ки дар давраи раёсатҷумҳурии Доналд Трамп, раиси ҷумҳурии ин кишвар рӯй додааст, аз наҳваи мудирияти ҳамагирии корона ва сиёсатгузориҳо дар Амрико хаста шудаанд.

Трамп пешниҳод намуд, интихоботи раёсатҷумҳурӣ дар Амрико ба таъхир гузошта шавад

Бар асоси ин гузориш, ҳар шаҳрванди амрикоӣ агар дар Амрико набошад ва бихоҳад шаҳрвандии амрикоии худро канор бигузорад, бояд 2350 доллар бипардозад ва шахсан дар сафорати Амрико дар кишваре, ки зиндагӣ мекунад, ҳузур пайдо кунад.

Бамбриҷ пешбинӣ кард бо вуҷуди хатарҳое, ки дар канор гузоштани шаҳрвандии амрикоӣ вуҷуд дорад, ин раванд ҳамчунон рӯ ба афзоиш хоҳад буд.

Дар ин гузориш омадааст, агар Трамп дар интихоботи раёсатҷумҳурии ноябри имсол пирӯз шавад, мавҷи наве аз шаҳрвандонеро шоҳид хоҳем буд, ки шаҳрвандии амрикоии худро канор хоҳанд гузошт.

5
Барчаспҳо:
даст кашидан, шаҳрвандӣ, Амрико

Бозори "Теплий стан" дар Маскав баста шуд: ФСБ муҳоҷирони ғайриқонуниро меҷӯяд

66
(Таҷдидшуда 17:57 11.08.2020)
Вуруд ва бурун рафтан аз бозори "Теплий стан" дар шаҳри Маскав муваққатан масдуд гардид. Иллати баста шудани бозор ба шикори муҳоҷирони ғайриқонунӣ рабт дода мешавад

ДУШАНБЕ, 11 авг – Sputnik. Дар бозори "Теплий стан" - и шаҳри Маскав алъон рейди кормандони пулис алайҳи муҳоҷирони ғайриқонунӣ ҷараён дорад.

Даромад ва баромади мардум ба бозори мазкур муваққатан масдуд гардидааст, хабар медиҳад ТАСС бо истинод ба мақомоти ҳифзи ҳуқуқ.

Муҳоҷирон бекор монданд: дар Маскав бузургтарин бозору марказҳои савдо баста мешаванд

Зикр мегардад, ки рейди мазкур ба хотири дастгир намудани муҳоҷирони ғайриқонунӣ пиёда гардидааст.

"Тибқи маълумоти пешакӣ, гумонбаршудагоне, ки дар сохтакории як қатор ҳуҷҷатҳо ва мӯҳрҳо машғул буданд, ҳоло дастгир карда мешаванд", - таъкид мешавад дар хабар.

Гуфта мешавад, амалиёти мазкур дар ҳамкории пулис бо Хадамоти федеролии Русия ва Росгвардия сурат мегирад.

Тибқи гузоришҳои тасдиқнашуда, ин рейд метавонад ба бархӯрди байни муҳоҷирон ва полис дар авоили моҳи август бастагӣ дошта бошад.

66
Барчаспҳо:
ғайриқонунӣ, муҳоҷирон, Маскав, баста, бозор