Барфрезӣ. Акс аз бойгонӣ

Ҳушдори КҲФ аз барфрезӣ ва боди тунд

377
Дар Тоҷикистон номусоиди боду ҳаво барфрезӣ ва боди сахт ба вижа дар вилояти Суғд пешбинӣ мешавад

ДУШАНБЕ, 16 янв — Sputnik. Кумитаи ҳолатҳои фавқуллода аз барфрезию тундбод ҳушдор медиҳад.

Ба иттилоъи манбаъ, рӯзҳои 16 ва 17-уми январ ҳаво номусоид мешавад.

Дар ин рӯзҳо ба вижа дар манотиқи вилояти Суғд, барфрезии зиёд ва боди тунд пешбинӣ мешавад. Ҳамчунин фаромадани меғ дар роҳҳои мошингард дар назар аст.

Кумитаи ҳолатҳои фавқуллода шаҳрвандон ва меҳмонони кишварро ҳушдор месозад, ки дар ин рӯзҳо дар роҳҳо боэҳтиёт бошанду қоидаи ҳаракат дар роҳро риоя намоянд.

Ба хотири амният, КҲФ даъват мекунад, ки шаҳрвандон дар ин замон ҳаракат дар роҳҳои кӯҳиро ба таъхир гузанд, ё чандин маротиба роҳи мошингардро пеш аз ҳаракат тафтиш намоянду чархҳои тобистонаро ба зимистона иваз кунанд.

Пештар хабар дода шуд, ки имрӯз дар Тоҷикистон ҳавои тағйирёбандаи абрӣ ва дар баъзе ноҳияҳо боридани барф ва вазиши боди тунд пешбинӣ мешавад.

Дар назар аст, ки имрӯз дар Тоҷикистон барфборад.

377
Барчаспҳо:
ҳушдор, КҲФ Тоҷикистон, Тоҷикистон

Вакил гуфт, бекор кардани патент барои муҳоҷирон чӣ пайомад дорад

148
(Таҷдидшуда 20:06 28.10.2020)
Ба гуфти вакил сабукӣ барои муҳоҷирони метавонад вокунииши манфии шаҳрвандони Русияро ба бор орад ва ба амният хатар дошта бошад

ДУШАНБЕ, 28 окт — Sputnik. ВУД Русия пешниҳод карда, ки қонун "Дар бораи вазъи ҳуқуқии шаҳрвандони хориҷӣ дар ФР" ислоҳ карда шавад ва барои бархе аз гурӯҳи муҳоҷирон патент бекор гардад.

Светлана Бессараб, узви Кумитаи Думаи давлатӣ оид ба меҳнат, сиёсати иҷтимоӣ ва собиқадорон, дар суҳбат бо Парламентская газета аз чунин навоварӣ интиқод кард.

Дар Русия барои муҳоҷирони ғайриқонунӣ низ Маркази имдод ифтитоҳ мешавад

"Ман ба чунин ташаббус эҳтиёткорона муносибат мекунам. Тавре таҷриба нишон медиҳад, аз ҷумла дар кишварҳои Урупо, на ҳамеша пур кардани ҷойҳои корие, ки мардуми бумӣ намехоҳад аз ҳисоби муҳоҷирон, хуб аст. Аксар вақт ин амалкард бо амнияти давлатӣ алоқаманд аст". қайд кард Бессараб.

Вакил афзуд, ки чунин навгониҳо барои муҳоҷирони сохтмончӣ метавонад вокунииши манфии шаҳрвандони Русия ва иттифоқҳои касабаро ба бор орад.

Чунин вокуниш махсусан имрӯзҳо, ки сатҳи бекорӣ дар Русия дар ҳоли афзоиш аст, интизоршаванда мебошад.

Ба ширкатҳои бузурги сохтмонӣ иҷозат дода мешавад, муҳоҷиронро аз Тоҷикистон даъват кунанд

Рӯзи 26 октябр Вазорати корҳои дохилии Русия тарҳи ислоҳи қонун "Дар бораи вазъи ҳуқуқии шаҳрвандони хориҷӣ дар Федератсияи Русия" -ро барои муҳокимаи умум нашр кард.

Тибқи ҳуҷҷат, хориҷиён метавонанд бидуни патент ва иҷозатномаи кор дар ширкатҳои байналмилалии Русия кор кунанд: дар сохтани иншооти барои чорабиниҳо зарурӣ пешбинишуда ва ҳангоми омодагӣ ва иштирок дар чунин чорабиниҳо.

Рӯйхати чорабиниҳо, ташкилкунандагон ва лоиҳаҳои сохтмонро ҳукумат муайян мекунад.

148
Барчаспҳо:
муҳоҷирон, хатар, патент, Русия
Президент РФ Владимир Путин

"Мо дар бораи мавҷи дуюм намегӯем": Путин дар бораи мубориза бо COVID - 19

285
(Таҷдидшуда 18:59 28.10.2020)
Президенти Русия Владимир Путин бо ҳайъати ҳукумати кишвар ҷаласа баргузор карда вазъияти ҳамагирии коронавирусро баррасӣ намуд

ДУШАНБЕ, 28 окт — Sputnik. Дар Русия дар бораи мавҷи дуюми коронавирус сухан намеравад, изҳор дошт президенти кишвар Владимир Путин ҳамгони ҷаласаи онлайн бо ҳайъати ҳукумат.

"Мо дар бораи мавҷи дуюм намегӯем. Пештар мо баррасӣ кардем, ки ба бархе аз манотиқи кишвар ҳамагирӣ нав мерасад", - гуфт раҳбари Русия.

Путин таъкид кард, ки ба ҳамаи воқеъоти рухдода бояд сари вақт расидагӣ кард.

"Дастамонро бояд болои набз нигоҳ дорем!", - афзуд кишвардор.

Таъсир ба наслҳо: табиб оқибатҳои хатарноки коронавирус дар кӯдаконро гуфт

Дар баробари ин Путин ба муовини сарвазир Татяна Голикова дастур дод, ки ба манотиқи кишвар комиссияи вижа равон кунад, то вазъияти мубориза бо коронавирусро дар маҳалҳо омӯзад.

Кӯдакон COVID-19-ро паҳн намекунанд: табибон афсонаи интиқоли вирусро рад карданд

Ҳамчунин, сарвари Русия талаб кард, ки фавран барои дору барои беморони COVID-19 маблағ ҷудо карда, ба минтақаҳои кишвар барои таҷҳизоти муҳофизатӣ ва тестҳои коронавирус 10 миллиард рубл фиристанд.

285
Барчаспҳо:
мубориза, Владимир Путин, Русия, вируси корона
Мавзуҳо:
Пайомадҳои COVID-19 дар Тоҷикистон ва ҷаҳон