Пул. Акс аз бойгонӣ

Кӣ доротар: музди кори президентҳо чанд аст

850
(Таҷдидшуда 17:10 23.04.2018)
Ҳамеша ҷолиб аст фаҳмидан, ки дигарон чи қадар музд мегиранд, вале на ҳама розӣ ҳастанд ин гуна маълумоти махфиро ифшо кунанд. Вале, ҳаққи заҳмати раисҷумҳурон ва нахуствазирон махфӣ нест

ДУШАНБЕ, 23 апр — Sputnik. Дар бораи ҳаққи заҳмати роҳбарони дигар кишварҳо Sputnik Тоҷикистон бо истинод ба сомонаи  Paywizard, хабар медиҳад. 

Музди кори солонаи раисҷумҳури Русия Владимир Путин  151,32 доллар дар як сол, ки баробар 12,586 доллар дар як моҳ ё 414 доллар дар як рӯз мебошад. 

Бояд таъкид кард, ки маоши миёна дар Русия 140 доллари амрикоиро ташкил медиҳад.

Пештар Владимир Путин қонун дар бораи боло бурдани моҳонаи ҳадди ақалро то сатҳи ҳазинаи зиндагии ҳадди ақал имзо кард.

"Моҳонаи ҳадди аққал аз 1 май соли 2018 ба 11.163 рубл дар як моҳ муайян карда шавад"-гуфта шудааст дар санад.

Таъкид карда мешавад, ки қонун аз 1 майи соли 2018 дар амал татбиқ хоҳад шуд.

Моҳонаи раисҷумҳури Русия 151 ҳазор маротиба бештар аз ҳаққу заҳмати раисҷумҳури Амрико Доналд Трамп будааст. Вақте, ки Доналд Трамп президенти Амрико шуд, моҳонаи худро як доллар кард, то пулро барои буҷа  сарфаҷӯӣ кунад.

Дар ҳамин ҳол, моҳонаи ҳаддаи ақал дар ИМА 1160 доллар дар як моҳро ташкил медиҳад. Аз рӯи қонун моҳона барои нигаҳдории раисҷумҳури Амрико дар як моҳ 400 ҳазор доллар пешбинӣ шудааст. 

Дар феҳрасти раисҷумҳуроне, ки моҳонаи аз ҳама паст доранд, ҷойи дувумро  раисҷумҳури Украина Петр Порошенко гирифтааст. 

Моҳонаи ӯ 12,220 доллар дар як сол, ё бештар аз ҳазор доллар дар як моҳ будааст. Вале ин ба ӯ халал намерасонад, ки ӯ ҷойи 6-ро дар феҳрасти сарватмандтарин шахсони Украина бо 1,3 миллиард доллар, бигирад. Моҳонаи ҳадди ақал дар Украина 131 долларро ташкил медиҳад.

Дар ҳамин ҳол роҳбари Чин Си Ҷинпин бо дарназардошти он, ки моҳонаи ӯро соли 2015-1,5 баробар боло бурданд, 20,500 доллар дар сол будааст. Моҳонаи ҳадди ақали дар Чин вобаста ба вилоят аз 150 то 300 доллар дар як моҳ, будааст.   

Моҳонаи раисҷумҳури Финландия Саули Ниинисте 146, 700 доллар дар як сол ё 12, 225 доллар дар як моҳ аст. Дар ин кишваре, ки яке аз кишварҳои пешрафта ба ҳисоб меравад моҳонаи ҳадди ақал 2000 доллар будааст.

Нахуствазири Бритониёи Кабир Тереза Мэй аз Владимир Путин сарватмандтра аст. Моҳонаи ӯ 198,500 доллар дар як сол будааст. Вале моҳонаи ҳадди аққал дар Британиё 1,569 долларро ташкил медиҳад. Бояд қайд намуд, ки моҳонаи Тереза Мэй чанд ҳазор доллар бештар аз музди раисҷумуҳури Фаронса Эммануэл Макрон будааст.

Моҳонаи аз ҳамма ҳама зиёдро раисҷумҳуи Сингапур Ли Сянлун мегирифтааст. Моҳонаи ӯ 2,2 милион доллар дар як сол будааст. Аммо қаблан моҳонаи ӯ бештар будааст, вале бо сабаби норозигии мардум ҳаққи заҳмати ӯро 36% кам карданд. Моҳонаи ҳадди аққал дар Сингапур наздик ба ҳазор доллар аст.

Ҷойи дувумро дар феҳраст раисҷумуҳри Швейтсария Дорис Лойтхард гирифтаасат. Моҳонаи ӯ 437 ҳазор доллар будааст. Ҷойи севумро нахуствазири Австралия Майкл Тернбулл ишғол кардааст. Ҳаққи заҳмати ӯ дар як сол 403,700 долларо ташкил медиҳад.

850
Барчаспҳо:
кӣ бештар, музди кор, Дар ҷаҳон
Бухара, старый город

Аз фардо дар Бухоро маҳдудиятҳои карантинӣ бардошта мешавад

13
(Таҷдидшуда 13:21 09.08.2020)
Пештар маҳдудиятҳои карантинӣ дар вилояти Фарғона сабуктар карда шуданд. Аз 3 август дар ин минтақа фаъолияти бозору марказҳои савдо, кошонаи ҳусн ва муассисаҳои хусусии томактабӣ аз сар гирифта шуд

ДУШАНБЕ, 9 авг — Sputnik. Аз 10 август дар ҳудуди Бухоро маҳдудиятҳои карантинӣ пай дар пай бардошта мешавад. Дар ин бора Sputnik Ӯзбекистон бо такя ба ҳокимияти вилояти Бухоро хабар медиҳад.

Аз фардо фаъолияти муассисаҳои зерин иҷоза дода хоҳад шуд:

  • тарабхона, кафе ва дигар маконҳои истеъмоли таом (дар баробари ин баргузории шабнишиҳо ва чорабиниҳои оммавӣ дар дохили онҳо иҷоза дода намешавад);
  • меҳмонхонаҳо;
  • тамрингоҳҳо барои машқи бадан;
  • марказҳои омӯзишии ғайридавлатӣ (дар гурӯҳ набояд беш аз 10 кас ҳузур дошта бошад);
  • кӯдакистонҳои хусусӣ ё ғайридавлатӣ;
  • бозорҳои либоса ва масолеҳи сохтмонӣ;
  • сартарошхонаҳо ва кошонаи ҳусн. 

Пештар маҳдудиятҳои карантинӣ дар вилояти Фарғона сабуктар карда шуд.

Аз 3 август дар ин минтақа фаъолияти бозору марказҳои савдо, кошонаи ҳусн ва муассисаҳои хусусии томактабиро иҷоза доданд.

13
Барчаспҳо:
маҳдудият, қавонин, Бухоро
Мавзуҳо:
Пайомадҳои COVID-19 дар Тоҷикистон ва ҷаҳон
Последствия разрушений после селевого потока в Пенджакенте

Обшавии пиряхҳо ва фаромадани сел: ҳушдори Ожонси ҳавошиносӣ аз гармии тоқатфарсо

142
(Таҷдидшуда 12:31 09.08.2020)
Бино ба ҳушдори Ожонси ҳавошиносӣ, боду ҳавои гарми чанд рӯзи охир эҳтимолан боиси фаромадани сел мешавад

ДУШАНБЕ, 9 авг — Sputnik. Ожонси ҳавошиносии Тоҷикистон боду ҳавои гарм дар Тоҷикистонро пешгӯӣ кард.

Бино ба гузориши Ожонси ҳавошиносӣ дар ҳудуди Тоҷикистон то рӯзи 9 август ҳарорати 40 дараҷаӣ боқӣ мемонад.

Ҳушдори Ожонси ҳавошиносӣ аз гармии тоқатфарсо дар моҳи август

Танҳо дар ноҳияи дурдасттарини ВМКБ- Мурғоб ҳарорати ҳаво то 25 дараҷа гарм хоҳад шуд.

Чунин гармӣ боиси обшавии пиряхҳо шуда, сатҳи дарёҳоро баланд мебардорад ва эҳтимолан боиси фаромадани сел мешавад.

То 44 дараҷа: Ҳушдори Кумита аз гармои шадид давоми чанд рӯзи оянда

Дар ҳудуди вилояти Суғд ва қисмати ғарбии Вилояти Мухтори Кӯҳистони Бадахшон эҳтимоли обхезӣ вуҷуд дорад.

142
Барчаспҳо:
пирях, гармӣ, Ожонси ҳавошиносӣ