Уничтожение  незаконных наркотических веществ, архивное фото

Ожонс: дар вилояти Хатлон 1279 мӯътод ба қайд гирифта шудааст

86
(Таҷдидшуда 15:58 27.06.2018)
Дар пайи як амалиёти кормандони Ожонсии назорати маводи нашъаовар дар вилояти Хатлон 4 килову 64 грамм маводи нашъадорро мусодира карданд

ДУШАНБЕ, 27 июн — Sputnik. Ожонси назорати маводи нашъаовар дар гузориши вижае хабар дод, ки дар вилояти Хатлон 1279 мӯътод расман ба қайд гирифта шудаанд. Дар маркази вилоят — шаҳри Бохтар ин нишондод ба 197 нафар мерасад.

"Дар худи шаҳри Бохтар бошад ин рақам ба 197 нафар расидааст, ки ба ҳар сад ҳазор аҳолӣ 183 нашъаманд рост меояд", — менависад манбаъ.

Манбаъ афзудааст, дар Бохтар ба наздикӣ як нашъаҷаллоб, ки байни сокмнон ғайриқонунӣ маводи мухадирро тақсим мекард, боздошт шуд.

"Зимни амалиёти вижа дар ҳудуди шаҳри Бохтар, Давлатов Баҳриддин зодаи ноҳияи Восеъ дастгир шуд", — менависад ожонс.

Ҳангоми кофтукови шахсӣ аз хонаи истиқоматии муттаҳам 4 килову 64 грамм маводи мухаддир навъи афюн ва ҳероин пайдо ва мусодира шуд.

"Тафтишоти пешакӣ муайян намуд, ки Давлатов Баҳриддин аз ҳудуди шаҳри Бохтар хонаи истиқоматиеро ба иҷора гирифта, ба нашъамандон маводи мухаддир мефурухтааст. Вай кӯшиш мекардааст, ки сафи мизоҷонашро аз ҳисоби донишҷӯён ва ҷавононе, ки аз дигар ноҳияҳо ба маркази шаҳри Бохтар барои идомаи таҳсил ё дарёфти кор рафтаанд, зиёд намояд", — таъкид мекунад манбаъ.

Аз рӯи ҳодисаи мазкур парвандаи ҷиноятӣ оғоз шуда, нисбати Давлатов Баҳриддин тафтишот идома дорад.

86
Барчаспҳо:
Ожонсӣ, Бохтар, ҳероин, афюн, маводи мухаддир, Тоҷикистон, Тоҷикистон
Таблетки, архивное фото

Дар Хатлон беш аз 10 ҳазор тонна маводи доруворию ороишӣ нобуд карда шуд

35
(Таҷдидшуда 17:50 20.09.2020)
Мақомоти вилояти Хатлон эълон доштааст, ки дар вилоят беш аз 10 ҳазор тонна маводи тиббии муҳлаташон гузашта, сӯзонда нобуд карда шуд

ДУШАНБЕ, 20 сен — Sputnik.  Ба нақл аз рӯзномаи “Ҷуҳурият” беш аз 10 тонна маводи доруворӣ, ороишию гигиенӣ ва молҳои тиббие, ки муҳлати истифодаашон гузаштааст, аз тарафи  сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон нобуд карда шуд.

“Бояд гуфт, ки зиёда аз 9 тонна маводи тиббии муҳлаташон гузаштаро ширкатҳои фарматсевтӣ ва муассисаҳои тандурустӣ  худ барои нобуд кардан ба сарраёсат супурдаанд”,- таъкид доштааст Одина Шарифзода, сардори шуъбаи назорати давлатии фарматсевтии сарраёсат.

Ба гуфтаи Одина Шарифзода дар қиёс ба солҳои пешин маданияти соҳибкорон ва масъулони муассисаҳои тандурустӣ дар самти хизматрасонӣ ба аҳолӣ беҳтар шудааст.

Мутахассисони сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилоят эълон дошт, ки барои боз ҳам баланд бардоштани сатҳу сифати хизматрасонии тиббӣ пайваста корҳои фаҳмондадиҳию таблиғотиро  бештар роҳандозӣ хоҳанд кард.

35
Барчаспҳо:
вилоят, сӯзондан, нобуд кардан, нобуд, маводи доруворӣ, Хатлон, Тоҷикистон
Вице-премьер Узбекистана Уктам Барноев

Вируси сархӯр: бар асари COVID-19 муовини сарвазири Ӯзбекистон даргузашт

1236
(Таҷдидшуда 17:24 20.09.2020)
Имрӯз дар шаҳри Тошканд бар асари вируси корона муовини сарвазири Ӯзбекистон Уктам Барноев даргузашт

ДУШАНБЕ, 20 сен — Sputnik. Имрӯз муовини сарвазири Ӯзбекистон оид ба масъалаҳои рушди аграрӣ ва ҳифзи амнияти ғизоӣ Уктам Барноев даргузашт, иттилоъ додааст хабаргузории UzNews.uz дар истинод ба наздикони ӯ.

Гуфта шудааст, ки муовини сарвазири Ӯзбекистон дар синни 56-солагӣ аз олам чашм пӯшид.

Тибқи иттилои расмӣ, Уктам Барноев бар асари вируси корона даргузаштааст.

Таъкид шудааст, ки муовини сарвазири Ӯзбекистон дер боз аз вируси корона дар Олмон табобат мегирифт. Як ҳафта пеш ӯро ба як бемористонҳои шахсӣ дар Осиёи Марказӣ Аkfa Medline, ки дар шаҳри Тошканд воқеъ аст, интиқол доданд.

Уктам Барноев соли 1964 ба дунё омадааст. Ӯ хатмкунандаи Донишкадаи муҳандиси обёрӣ ва механизатсияи хоҷагии қишлоқи Тошкандро хатм кардааст.

Оқои Барноев дар солҳои 2000 то соли 2002 дар вазорати кишоварзӣ ва захираҳои оби Ӯзбекистон дар вазифаҳои гуногуни роҳбарикунанда кору фаъолият кардааст.   

Солҳои 2007 то 2008 Барноев ба ҳайи муовини аввали вазири кишоварзӣ ва захираҳои обӣ Ӯзбекистон кор кард. Сипас дар давоми ду сол Ҳокими вилояти Самарқанд кор кардааст.  Ҳамзамон ӯ соли 2016 ба ҳайси Ҳокими вилояти Бухоро низ кор кардааст.

Аз 6 июли соли 2020 ба вазифаи раиси Федератсияи асппарварӣ ва варзиши аспии Ӯзбекистон таъйин шуда буд.

1236
Барчаспҳо:
Тошканд, муовини сарвазир, даргузашт, вируси корона, Ӯзбекистон

Муроҷиати видеоии Путин ба Маҷмаи умумии Созмони милал

0
(Таҷдидшуда 21:23 20.09.2020)
Ин муроҷиати видеоии Владимир Путин, раисҷумҳури Русияро тамоми ҷаҳон дар рӯзи ифтитоҳи нишасти ҳафтоду панҷумини Маҷмаи умумии СММ тамошо хоҳанд кард

ДУШАНБЕ, 20 сен — Sputnik. Раисҷумҳури Русия Владимир Путин дар нишасти 75-умини Маҷмаи умумии Созмони милали муттаҳид иштирок мекунад.

Тавре телевизиони "Россия 1" гузориш медиҳад, президент аллакай махсус барои Маҷмаи умумии Созмони милали муттаҳид муроҷиати видеоӣ сабт кардааст.

Дар навор дида мешавад, ки Путин дар назди овезае, ки дар он "Ояндаи ҳама бо қувваи ҳама" навишта шудааст, суханронӣ мекунад.

Афзун бар ин дар навор, бастаи ғафсеи коғазҳоро метавон дид, ки бо он сарвари кишвар навор сабт кардааст.

Ҳафтаи дараҷаи олии нишасти 75-уми Маҷмаи умумии СММ дар Ню-Йорк аз 22 то 29 сентябр баргузор мешавад.

Бо далели пандемия, чорабинӣ дар "формати виртуалӣ" баргузор мешавад. Дар ҳамин ҳол, дар толор аз ҳар як кишвар як намоянда иштирок хоҳад кард.

СММ: муҳоҷирони Осиёи Миёна дар кишварҳои Аврупо ҳавзаҳои террористӣ ташкил доранд

Маҷмаи умумӣ ба роҳбарони кишвар ва вазирон пешниҳод кардааст, ки баромадҳояшонро сабт кунанд ва онро дар толор намоиш хоҳанд дод. Давомнокии видео на бояд бештар аз 15 дақиқа бошад.

Навори муроҷиати Путинро дар рӯзи ифтитоҳи нишаст - 22 сентябр намоиш медиҳанд.

Бино бар иттилои котиботи СММ, созмон аз роҳбарони 26 кишвар чунин навор дарёфт кардааст.

0