Вазорати мудофиаи Русия

Вокуниши Русия ба хабари ҳамлаи ҳавопаймоҳо аз Тоҷикистон ба Афғонистон

1349
(Таҷдидшуда 15:25 27.08.2018)
Вазорати мудофиаи Русия хабарҳои нашршуда дар бораи зарбаи ҳавопаймоҳои ҷангандаи Русия ба шимоли Афғонистонро рад кард

ДУШАНБЕ, 27 авг — Sputnik. Вазорати дифоъ гуфтааст, иттилоъ, ки ҳавопаймоҳои Русия Толибонро дар шимоли Афғонистон ҳадафи зарбаи ҳавоӣ қарор додаанд, асос надорад.

Ин ниҳод таъкид кардааст, ки ҳавопаймоҳои ҷангандаи Русия ҳеч дастури низомие нагирифтаанд ва дар навоҳии наздимарзии Тоҷикистону Афғонистон вазифаи ҷангиеро иҷро накарда истодаанд.

Ин дар ҳолест, ки расонаҳо ахиран аз қавли мақомоти Афғонистон хабар доданд, ки ҳавопаймоҳо аз қаламрави Тоҷикистон минтақаи таҳти назорати Толибонро ҳадафи зарба қарор додаанд.

Кумитаи давлатии амнияти миллии Тоҷикистон низ ин иддаоро рад кард.

Дар ҳамин ҳол созмони террористии "Толибон" низ даст доштанашонро дар ҳамлаи 26 август дар Фархор рад карда, изҳор доштааст, ки ҷангиёнаш ҳадафи ҳамлаи ҳавоӣ қарор нагирифтаанд. Ин созмони мамнуъ ҳамла ба шаҳрвандони Тоҷикистон дар Фархорро кори қочоқбарон хонда, таъкид намудааст, ки ҷангиёни ин созмони террористӣ иҷозаи амалиёти берун аз қаламрави Афғонистонро надоранд.

Нашри ин хабарҳо дар ҳолест, ки 26 август, як мошини ҳомили се шаҳрванди Тоҷикистон дар ноҳияи Фархор ҳадафи ҳамла қарор гирифт, ки дар натиҷа ду нафар кушта ва як нафар маҷруҳ шуд. Бар асоси иттилои аввалия ин ҳамла аз сӯи Толибон амалӣ шудааст, ки гӯиё ба "Нива"-и ҳомили ҷангалбонҳои тоҷик аз минтақаи Дарқади вилояти Тахори Афғонистон тир холӣ кардаанд.

Гуфта мешавад,  тирпаронӣ аз "гранатамёт" амалӣ шуда, дар натиҷа Амирхон Саидови 53-сола,  Давлат Сангакови 50-сола кушта ва  Сафархон Раҳмонов  маҷруҳ шудааст.

Мақомоти Тоҷикистон расман то ҳол ин ҳамларо шарҳ надодаанд.

1349
Барчаспҳо:
раддия, дифоъ, вазорат, Маскав, ҳавопаймо, ҳамла, Русия-Тоҷикистон
Тестирование на коронавирус (COVID-19)

Вазорат омори тозаи сироят, фавт ва шифоёбӣ аз коронавирус дар Тоҷикистонро эълон кард

405
(Таҷдидшуда 19:51 03.08.2020)
 Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки дар як шабонарӯзи охир дар ҷумҳурӣ 43 ҳодисаи нави бемории COVID-19 дарёфт гардидааст

ДУШАНБЕ, 3 авг — Sputnik. Бино ба гузориши Вазорати тандурустӣ давоми 24 соати ахир дар ҷумҳурӣ 43 ҳодисаи нави бемории COVID-19 дарёфт гардида,  дар маҷмӯъ шумораи гирифторони ин беморӣ ба  7538  нафар баробар гардид.

"То санаи  3 август  дар мамлакат  6317 (83,8%)  нафар аз бемории COVID-19 шифо ёфта,  бар асари он 61  нафар фавтидаанд", - омадааст дар хабарнома.

Вазорати тандурустӣ қайд карда, ки Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намуда истодаанд.

Ин ниҳод аз шаҳрвандон даъват дорад, ки ҷиҳати пешгирии сирояти мазкур пеш аз ҳама  қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

405
Барчаспҳо:
омор, тандурустӣ, Тоҷикистон, Вазорати тандурустӣ
Киевский банк оцеплен

Ҳамлаи террористӣ дар Киев: шаҳрванди Ӯзбекистон бо бомб таҳдид карду бонкро забт намуд

273
(Таҷдидшуда 18:49 03.08.2020)
Шаҳрванди Ӯзбекистон, ки яке аз бонкҳоро дар дохили маркази бузурги тиҷоратӣ забт кард, талаб дорад, ки ӯро бо пахши мустақим тариқи телевизион намоиш диҳанд

ДУШАНБЕ, 3 авг — Sputnik. Забти маркази тиҷоратӣ аз ҷониби шаҳрванди Ӯзбекистон чун ҳамлаи террористӣ унвон шудааст, хабар медиҳад РИА Новости бо такя ба Вазорати корҳои дохилаи Укриана.

Хабар дар бораи забти маркази тиҷоратӣ рӯзи 3 август ба мақомоти пулис расид. Ҳамлагар дар маркази бузурги тиҷоратии "Леонардо" воқеъ дар ноҳияи Шевченкои Киев қарор дорад.

"Намояндаи "Универсал бонк" занг зада хабар дод, ки марди номаълуме тақрибан 35 сола гуфт дар ҷузвдонаш бомб дорад ва талаб кард, ки пулисро ҷеғ зананд. Кормандони бонк дохили биноро тарк карданд, вале раҳбарияти бонк бо хоҳиши худ он ҷо монд", - навиштааст муовини раҳбари ВКД Украина Антон Герашенко дар саҳифаааш дар Facebook.

Кормандони мақомоти қудратӣ ба ҷои ҳодиса ҳозир шуда бо мард гуфтугӯ карданд. Бино бар хабари ВКД ҳамлагар шаҳрванди Ӯзбекистон, соли таваллудаш 1988 мебошад. Мувофиқи хабари пешакӣ ин мард Суҳроб Раҳматович Каримов мебошад.

"Дар паи гуфтугӯ мо фаҳмидем, ки ин мард мехоҳад ба пахши мустақими шабакаҳо барояд. Ҳатто ба назди мо омада пурсиданд, ки оё имконияти баргузор кардани ин кор ҳаст. Мумкин ин талаби ӯ иҷро шавад, чун ин ҷо аллакай роҳи баргузории ин корро ҷустуҷӯ доранд. Феълан аз дохили маркази тиҷоратӣ мардумро берун мекунанд", - менависад шабакаи News One.

Герашенко изҳор дошт, ки мақомоти пулис аниқ намедонанд, ки ӯ бомба ё силоҳ дорад ё не.

Тоҷик аст? Тоҷикистон ҳуввияти нафаре, ки нияти ҳамлаи террористӣ дошт, месанҷад

"Ӯ талаб дорад, ки расонаҳоро ба назди ӯ биёранд ва ӯ мехоҳад мусоҳиба диҳад. Давомаш чун сенарияи Лутск идома мекунад, фақат мо намедонем, ки ӯ дар воқеъ бомб дорад ё не" , - гуфт Герашенко рӯзи 3 август дар мусоҳиба бо телевизиони "Украина 24".

Тибқи охирин хабар кормадони ВКД ин ҳодисаро ҳамлаи террористӣ унвон кардаанд.

273
Барчаспҳо:
шаҳрванд, ҳамлаи террористӣ, Киев

Хайр Маскав: маросими пӯшидашавии Олимпиадаи соли 1980 - аксҳои нодир

0
(Таҷдидшуда 19:45 03.08.2020)
  • Маросими пӯшидашавии Олимпиадаи XXII соли 1980
  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Маросими пӯшидашавии Олимпиадаи XXII соли 1980
  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
Рӯзи 3 августи соли 1980 дар Маскав маросими пӯшидашавии Бозиҳои тобистона баргузор гардид. Ин маросим аз зеботарин маросимҳо дар таърихи олимпиада шинохта шудааст

Бозиҳои тобистонаи олимпии соли 1980 дар Маскав аз 19 июл то 3 август идома кард. Ин нахустин олимпиада дар қаламрави Урупои Шарқӣ буд. 

Макони асосии баргузории мусобиқаҳо шаҳри Маскав буд. Вале бархе аз рақобатҳо дар Таллин, Киев, Ленинград ва Минск низ гузаронида шуданд.

Ба Бозиҳои тобистонаи олимпии соли 1980 - 5179 варзишкор аз 80 давлати ҷаҳон омада буданд.

Номбардорони Тоҷикистон дар Олимпиадаи соли 1980

Маросими пӯшидашавии Олимпиада рӯзи 3 август баргузор гардид. Барномаи консертӣ чанд соат идома кард.

Байрақи сафеди олимпӣ фароварда шуд ва таҳти навои Эдуард Артёмов "Эй варзиш ту ҳамеша пешравӣ ҳастӣ" духтарон бо пироҳанҳои якранг ба майдон баромаданд ва композитсияи даврони Юнони қадимро нишон доданд. Оташи олимпӣ ҳамон лаҳза хомӯш шуд.

Дар рӯи экран симои Хирсак - рамзи Олимпиадаи соли 80-ум намудор шуд. Расми Хирсакро навиштаҷоти "Роҳи сафед" ҳамроҳӣ мекард.

Яке аз ҳассостарин лаҳазот ашкрезии хирсак шуд.

Дар охири маросим меҳмононро сюрприз интизор буд. Дар мобайни майдон таҳти суруди "Хайр Маскав" дар иҷрои Лев Лешенко ва Татяна Антсиферева хирси бузурге бо пуфакҳо пайдо шуд.

Таҳти суруд ва замоне, ки Хирсак ба ҳаво бармехост, аксари мардум ашк мерехтанд.

Олимпиадаи соли 1980 то ҳол дар хотири меҳмонон ва аксари тамошобинону варзишкорон нақш бастааст. Ин бозиҳо яке аз боадолаттарин дар таърихи варзиш шинохта шудаанд, зеро пас аз итмоми онҳо ягон аризаи шикоятӣ ба комиссияи варзишӣ ворид нашудааст.

0
  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Маросими пӯшидашавии Олимпиадаи XXII соли 1980, 3 август дар майдони ба номи Ленин (Лужники) баргузор гардид.

  • Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).
    © Sputnik / Дмитрий Донской

    Оташи олимпӣ дар маросими пӯшидашавии Олимпиадаи XXII соли 1980 дар майдони ба номи Ленин (Лужники).

  • Маросими пӯшидашавии Олимпиадаи XXII соли 1980
    © Sputnik / Юрий Сомов

    Маросими пӯшидашавии Олимпиадаи XXII соли 1980.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Олимпиадаи соли 1980 натанҳо барои шаҳрвандони ИҶШС балки мардуми ҷаҳон рухдоди муҳиме шуд.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Торжественная церемония закрытия Игр XXII Олимпиады. Центральный стадион имени В.И. Ленина 3 августа 1980 года.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Барои миллионҳо меҳмони хориҷӣ Бозиҳои олимпии соли 1980 дар Маскав бо меҳмоннавозӣ ва меҳрубонии мардуми рус ёддошт шуд.

  • Маросими пӯшидашавии Олимпиадаи XXII соли 1980
    © Sputnik / Сергей Гунеев

    Оташбозӣ дар маросими пӯшидашавии Олимпиадаи XXII соли 1980 дар майдони Лужники.

  • Маросими пӯшидашавии Олимпиадаи XXII соли 1980
    © Sputnik / Юрий Абрамочкин

    Олимпиадаи соли 1980 яке аз бозиҳои боадолаттарин дар ҷаҳони варзиш шинохта шудааст, чун дар давоми мусобиқот ягон аризаи шикоятӣ дар бораи натиҷаҳои бозиҳо навишта нашудааст.

  • Маросими пӯшидашавии Олимпиадаи XXII соли 1980
    © Sputnik / Владимир Акимов

    Маросими пӯшидашавии Олимпиадаи XXII соли 1980 дар майдони Лужники.

  • Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд
    © Sputnik / Владимир Акимов

    Президенти Кумитаи байналмилалии Олимпӣ лорд Килани дар маросими пӯшидашавии олимпиада варзишкорон ва тамошобинонро хушомадед мегӯяд.

Барчаспҳо:
маросим, олимпиада, Маскав