Муттаҳамон дар қочоқи кислотаи мадҳушкунанда

Боздошти 2 нафар ҳангоми фурӯши кислота бо нархи 20 ҳазор доллар дар Душанбе

698
(Таҷдидшуда 11:14 03.09.2018)
Вазорати умури дохилии Тоҷикистон аз боздошти ду нафар барои муомилоти ғайриқонунӣ бо маводи кимиёвии мадҳушкунандаи нашъадор хабар дод

ДУШАНБЕ, 3 сен — Sputnik. Тибқи иттилои ВУД маъмурини милисаи ноҳияи Шоҳмансур дар шаҳри Душанбе,  Мухаммедов Муҳаммадхони 27-сола ва Халилов Комилҷони 43-сола, истиқоматкунандагони ҷамоати Хистеварзи  ноҳияи Бобоҷон Ғафуровро боздошт намудаанд.

Манбаъ мегӯяд, муттаҳамон ҳангоми ба фурӯш гузоштани 120 килограм маҳлули махсус, ки ба воситаҳои перекурсорҳо шомил мебошад, дастгир гардиданд. Мақомот инчунин аз боздошти ронандаи кироякаш Хайриддинов Илҳомиддин хабар доданд, аммо парвандаи ҷиноӣ алайҳи ду муттаҳами асосӣ оғоз гардидаст.

"Муайян шуд, ки маҳлули мусодирашуда ангидриди кислотаи атсетат буда, ба рӯйхати миллии воситаҳои нашъадор, моддаҳои психотропӣ ва перекурсорҳо шомил буда, барои омода намудани воситаҳои нашъадор истифода мешавад", — омадааст дар иттилоияи ВУД.

Мақомоти умури дохилӣ афзуданд, ки муттаҳамон маводи мазкурро аз шаҳрванди Қирғизистон харида, тариқи қочоқ вориди Тоҷикистон кардаанд ва ҳангоми қасди фурӯш бо маблағи 20 ҳазор доллар дар Душанбе боздошт гардиданд.

Феълан  Мухаммедов Муҳаммадхон ва Халилов Комилҷон дар ҳабси пешакӣ қарор дошта, нисбаташон бо моддаи 202 иловаи 1-и Кодекси ҷиноӣ парванда оғоз гардида, тафтишот идома дорад

698
Барчаспҳо:
қочоқ, маводи нашъаовар, парванда, боздошт, Тоҷикистон
Свеча

Мотам дар хонаводаи Сатторовҳо, соҳибкорони хайрхоҳи тоҷик-акс

2718
Шамсулло Сатторов, яке аз бародарон Сатторовҳо, ки ахиран барои хайрашон ба табибони Ҳисор дар сархати расонаҳо қарор гирифта буданд, даргузашт

ДУШАНБЕ, 27  май — Sputnik. Раёсати ҷамъияти миллӣ-фарҳангии тоҷикони вилояти Иркутск, аз марги Сатторов Шамсулло Ҳикматуллоевич, ки дар синни 47-солагӣ аз бемории саратон даргузашт, изҳори андуҳ кардааст.

Садбарг Боқиева, рӯзноманигор ва фаъоли ҷамъиятӣ, дар бораи марги Сатторов дар саҳифаи фейсбукияш хабар дода, ҳамдардии ҷамъияти тоҷикони Иркутскро ба хонаводааш баён доштааст.

Ахиран бародарон Сатторовҳо ба маркази саломатӣ дар Ҳисор 16500 кило орд, 1650 кило биринҷ, 1650 литр равған, 1650 кило шакар, 1650 кило макарон, 3300 дона собун ва 3000 дона ниқоби тиббӣ дастрас кардаанд.

Бародарон Давронҷон, Баҳромҷон, Убайдулло, Рустамҷон, Шамсулло ва Суҳробшо Сатторовҳо - соҳибкорони тоҷик, зодаҳои шаҳри Ҳисор мебошанд, ки дар Русия ба соҳибкорӣ машғуланд.

Давронҷон Сатторов, яке аз шаш бародарон  дар пайи хайри охирашон изҳор дошта буд, ки  "ману бародаронам ятим калон шудем ва дар тарбияи модарамон  Хосиятбону Азизова, рӯҳаш шод бод, бузург шудем. Аз ин рӯ хуб медонам, ки кӯдакони ятим ба чӣ ниёз доранд ва қалби кӯчакашон чӣ мехоҳад".

2718
Барчаспҳо:
хайрхоҳӣ, Русия, Тоҷикистон
Меваю сабзавот дар бозор, акс аз бойгонӣ

Азми мақомоти Хатлон барои содироти 90 ҳазор тон меваю сабзавот ба хориҷа

93
(Таҷдидшуда 20:54 27.05.2020)
Мақомоти Хатлон мегӯянд, имрӯз, 27 май, аз вилоят ба Русия боз 50 тонна олу содир карда шуд. Соҳибкорони маҳаллӣ олуро аз ноҳияи Кӯшониён дар қуттиҳои махсус бор карда, тавассути мошинҳои борбар роҳии Санкт-Петербург намуданд

ДУШАНБЕ, 27  май — Sputnik. Тибқи иттилои мақомоти Хатлон, рӯзе пеш боғпарварони ноҳияи Ҷалолиддини Балхӣ низ бо мусоидати бахши намояндагии Агентии содироти назди Ҳукумати Ҷумҳурии Тоҷикистон дар вилоят ба хориҷи кишвар 51 тонна меваҷотро содир карда буданд.

Президент Эмомали Рахмон открыл спортивный комплекс в Ховалингском районе
© Официальная страница пресс-службы президента РТ в Facebook.

Манбаъ таъкид намудаст, ки имрӯз аз вилояти Хатлон, асосан навоҳии Ҷ. Балхӣ, Кӯшониён ва Ҷайҳун ба хориҷи мамлакат ҷамъан 139 тонна мева бо иловаи лимӯ содирот шудааст.

“Мавсими содироти меваҷот, тавре ки мутахассисон таъкид мекунанд, тоза шурӯъ шудааст. Имсол, тибқи дурнамо аз шаҳру навоҳии вилояти Хатлон ба мамолики хориҷи дуру наздик 90 ҳазор тонна меваю сабзавот содирот хоҳад шуд”, - омадааст дар иттилоия.

Мақомоти Хатлон мегӯянд, то 27 май ин нақша ба андозаи 40,5% иҷро гардида, ба хориҷа 36 ҳазору 429,1 тонна меваю сабзавот, аз ҷумла 36 ҳазору 255,2 тонна пиёз содир карда шудааст. Дар муқоиса бо ҳамин давраи соли 2019 ба хориҷи мамлакат ба андозаи қариб 15 ҳазор тонна маҳсулоти бештар содирот шудааст.

Манбаъ таъкид кардаст, ки маҳсулоти кишоварзии истеҳсоли вилояти Хатлон асосан ба Қазоқистон, Покистон, Афғонистон, Федератсияи Русия ва Қирғизистон равона гардидааст.

93