ВУД: тафтиши муроҷиати як модар бо боздошти писараш анҷомид

© PixabayЮвелирные изделия, архивное фото
Ювелирные изделия, архивное фото - Sputnik Тоҷикистон
Обуна шудан
Вазорати умури дохилии Тоҷикистон мегӯяд, тафтиши шикояти як модар ба ин ниҳод бо боздошти писараш анҷомид

ДУШАНБЕ, 27 сен - Sputnik. Тибқи иттилои дафтари матбуоти Вазорати умури дохилии Тоҷикистон, ба ин ниҳод зани 52-сола,  сокини ҷамоати деҳоти Ҷусти ноҳияи Шаҳринав аз дуздии шабонаи ҷавоҳироташ шикоят кардааст.

Ӯ арз доштааст, ки шаби 9 ба 10-уми сентябри соли 2018, тахминан соати 02:00 шахси номаълум бо роҳи пинҳонӣ ба хонаи истиқоматиаш ворид шуда, аз дохили ҷузвдон ҷавоҳироти гуногуни тиллоӣ, ки арзиши умумиашон 3 ҳазору 550 сомониро ташкил медиҳад, дуздида, аз ҷойи ҳодиса ғайб задааст.

“Ҳангоми гузаронидани чорабиниҳои оперативӣ-ҷустуҷӯӣ аз ҷониби кормандони милитсия писари соҳибхона ҷавони 28-солаи сокини ноҳияи Шаҳринав ҳамчун гумонбар дар содир намудани ҷинояти дуздӣ дастгир карда шуд”-омадааст дар иттилоияи ин ниҳод.

ВУД афзуд, ки аз рӯи ин ҳодиса парвандаи ҷиноятӣ оғоз гардида, тафтишот давом дорад.

Лентаи хабарҳо
0