Портфели - Sputnik Тоҷикистон
Тағйироти кадрӣ дар Тоҷикистон
Хабарҳои дигари таъйину барканориҳо дар Тоҷикистонро аз ин пайванд пайдо мекунед

Тағйироти кадрӣ дар Вазорати умури хориҷии Тоҷикистон

© Sputnik / Игорь ЛекаркинЗдание МИД РТ в Душанбе, архивное фото
Здание МИД РТ в Душанбе, архивное фото - Sputnik Тоҷикистон
Обуна шудан
Дар феҳрасти мақомдорони Вазорати умури хориҷии Тоҷикистон, ки дар сомонаи ин ниҳод нашр шудааст, бархе тағйирот сурат гирифтааст

ДУШАНБЕ, 7 дек — Sputnik. Бар асоси феҳрасти нашркардаи ВУХ, тағйироти нав ин таъини Сафарзода Баҳодур Давлат ба мақоми сардори сарраёсати консулии Вазорати умури хориҷии Тоҷикистон мебошад. Баҳодур Сафарзода дар ин мақом Холназаров Баҳром Маҳмадназаровичро иваз кардааст.

Здание МИД РТ в Душанбе, архивное фото - Sputnik Тоҷикистон
Ҷазои сангин дода шавад: Ёддошти Ҳукумати Тоҷикистон ба ВУХ Русия

Мақоми муовини сардори сарраёсати консулӣ дар рӯйхати нашршуда дар сомонаи ВУХ феълан холӣ мебошад. Пештар ба ҳайси муовини сардори сарраёсати мазкур Масуд Халифазода кор мекард, ки моҳи сентябри соли равон бо фармони раисиҷумҳур Эмомалӣ Раҳмон сафири Тоҷикистон дар Бритониё таъин гардид.

Дар феҳрасти ВУХ, аз чеҳраҳои нисбатан расонаӣ, Ашраф Гулов, собиқ консули генералии Тоҷикистон дар Русия зикр шудааст, ки мақоми феълияш сардори Раёсати кадрҳо ва иттилооти махсуси Вазорати умури хориҷии Тоҷикистон мебошад.

Бар асоси ин рӯйхат айни ҳол Мурод Саидзода,  ба ҳайси сардори Раёсати кишварҳои Аврупо ва Амрико, Ардашер Қодирӣ, сардори Раёсати кишварҳои Осиё ва Африқо, Бахтӣ Сарвар Меҳмонович, сардори раёсати ИДМ, Аслиддин Ғафурзода, сардори раёсати шартномавӣ-ҳуқуқӣ, Зикриё Саидов, сардори раёсати молиявӣ фаъолият дар сохтори ВУХ мекунанд.  

Лентаи хабарҳо
0