Деньги в чемодане, архивное фото

Узбакистону Олмон ба 4 миллиард доллар созишнома ба имзо расониданд

93
(Таҷдидшуда 14:20 15.01.2019)
Бо анҷоми форуми тиҷорӣ миёни Олмону Узбакистон дар Берлин дар соҳаҳои нафту газ, нафту кимиё ва энергетика созишномаҳо ба имзо расонида шуд

ДУШАНБЕ, 15 янв - Sputnik. Ширкатҳо ва бонкҳои Узбакистон рӯзи душанбе дар Берлин баҳри амалигардонии лоиҳаҳои гуногун ба миқдори умумӣ 4 миллиард бо Олмон созишнома ба имзо расониданд, хабар додааст дафтари матбуотии Кумитаи давлатӣ оид ба сармоягузорӣ.

Ба маълумоти дафтари матбуоти муассиса 14 январ дар Берлин форуми тиҷори ҳарду кишвар баргузор гардид. Дар ин чорабинӣ ноиби вазири иқтисод ва энергетикаи Олмон Экхард Франс ва роҳбари Кумитаи давлатии сармоягузории Узбакистон Суҳроб Холмуродов, иштирок доштанд.

“Дар анҷоми форуми тиҷорӣ баҳри амалигардонии нақшаҳои лозима ба миқдори 4 миллиард доллар, созишнома ба имзо расонида шуд”, - омадааст дар иттилоия.

Бо маълумоти кумита, дар соҳаҳои нафту газ, нафту кимиё ва энергетика бо ширкатҳои ThyssenKrupp, Linde, Takraf, Siemens, оид ба истеҳсоли лавозимотҳои сохтумонӣ бо ширкатҳои Knauf ва бунёди меҳмонхонаҳо бо Plaza Hotelgroup, ҳуҷҷатҳои ҳамкорӣ ба имзо расонида шуданд.

Ёдовар мешавем, ки чанде пеш ноиби вазири умури хориҷаи Узбакистон Илҳомҷон Неъматов ба рӯзноманигорон гуфта буд, ки раисҷумҳур Шавкат Мирзиёев 21-23-юми январи соли равон мақсади сафар ба Олмонро дорад.

93
Барчаспҳо:
маблағ, созишнома, Олмон, Узбакистон
Рустами Шоҳмурод, вакили парлумони Тоҷикистон, акс аз бойгонӣ

Қонуни нави хизмати ҳарбӣ: маблағу тартибро Ҳукумат муайян мекунад

817
Шӯрои Маҷлиси намояндагони Тоҷикистон лоиҳаи қонуни нав “Дар бораи уҳдадории ҳарбӣ ва хизмати ҳарбӣ”-ро ҷонибдорӣ кард

ДУШАНБЕ, 18 янв — Sputnik. Рустам Шомурод, раиси кумитаи Маҷлиси намояндагон оид ба тартиботи ҳуқуқӣ, мудофиа ва амният зимни ҷаласаи Шӯро аз ҳадафҳои қонуни нав гуфт.

“Уҳдадории ҳарбиро шаҳрвандони ҷинси марди Ҷумҳурии Тоҷикистон, қатъи назар аз миллат, нажод, забон, эътиқоди динӣ, мавқеи сиёсӣ, вазъи иҷтимоӣ, таҳсилот ва молу мулк, ки аз ҷиҳати саломатӣ ва инкишофи ҷисмонӣ қобили адои хизмат мебошанд, инчунин шаҳрвандони ҷинси зани Ҷумҳурии Тоҷикистон, ки ба талаботи муқарраршуда ҷавобгӯ буда, аз рӯи ихтисосҳо барои Қувваҳои Мусаллаҳи Ҷумҳурии Тоҷикистон, қӯшунҳо ва воҳидҳои дигари ҳарбӣ ихтиёран тайёрии заруриро гирифтаанд, иҷро мекунанд”, - изҳор доштааст Шомурод.

Ба иттилои котиботи Маҷлиси намояндагон, лоиҳи қонуни мазкур бо мақсади пурра ба танзим даровардани муносибатҳои хизмати ҳарбӣ, аз ҷумла даъвати шаҳрвандон ба хизмати ҳарбӣ, таҳия ва пешниҳод гардидааст.

“Дар лоиҳаи Қонун тартиби нави хизмати ҳарбӣ дар ҳайати захираҳои даъвати сафарбарӣ пешбинӣ гардидааст. Айни ҳол шаҳрвандони дар ҳайати эҳтиётӣ қарордошта сол ба сол бинобар синну соли ниҳоии дар ҳайати эҳтиётӣ будан кам шуда истодаанд, ки ҳангоми сафарбарӣ ё ҳолати ҷангӣ пуррагардонӣ ба Қувваҳои Мусаллаҳи Ҷумҳурии Тоҷикистон бо мақсади таъмини амнияти кишвар мушкилиро ба миён меорад”, - омадааст дар иттилоия.

Таъкид шудааст, ки татбиқ намудани чунин намуди хизмати ҳарбӣ ба зиёд гардидани шаҳрвандони ҳайати эҳтиётӣ ва ҷалби бештари ҷавонон мусоидат намуда, саркашии онҳо аз иҷрои вазифаи конститутсионӣ бартараф мегардад. Тартиб ва андозаи маблағи хизмати ҳарбии мазкурро Ҳукумати Ҷумҳурии Тоҷикистон муайян мекунад, афзудааст котиботи Маҷлиси намояндагон.

“Зимнан, дар лоиҳаи Қонуни мазкур ҷиҳати басанда будани афсарони ҳайати эҳтиётӣ ва ба танзим даровардани фаъолияти кафедраҳои ҳарбии назди муассисаҳои таълимии давлатии таҳсилоти олӣ, ба хатмкунандагони кафедраҳои ҳарбӣ додани рутбаи ҳарбии афсарӣ пас аз адои 12 моҳи хизмати ҳарбии ҳатмии муҳлатнок пешбинӣ карда шудааст”, - омадааст дар иттилоия.

817
Барчаспҳо:
қонун, хизмати ҳарбӣ, Тоҷикистон
Болғаи додгоҳ, акс аз бойгонӣ

Фармони барканории раиси додгоҳ

393
(Таҷдидшуда 20:33 18.01.2021)
Эмомалӣ Раҳмон, раисиҷумҳури Тоҷикистон, зимни анҷоми тағйироти кадрӣ фармони барканории як раиси додгоҳро низ имзо кардааст

ДУШАНБЕ, 18 янв — Sputnik. Тибқи иттилои котиботи раисиҷумҳури Тоҷикистон, имрӯз бо фармони Эмомалӣ Раҳмон, Маъруфҷон Бурҳониён аз вазифаи раиси ноҳияи Бобоҷон Ғафуров барканор шуд.

“Мутобиқи моддаи 69 Конститутсияи Ҷумҳурии Тоҷикистон фармон медиҳам: Бурҳониён Маъруфҷон аз вазифаи раиси суди ноҳияи Бобоҷон Ғафурови вилояти Суғд озод карда шавад”, - омадааст дар фармон.

“Чор ҳазор доллар пора гирифт”: фармони Президент дар бораи Рухшона Раҳмонализода

Дар фармони раисиҷумҳури Тоҷикистон далели барканории Бурҳониён зикр нашудааст.

Бурҳониён Маъруфҷон аз моҳои апрели соли 2018 дар мақоми раиси суди ноҳияи Бобоҷон Ғафурови вилояти Суғд кор мекард. Қабл аз ин, Бурҳониён мақоми муовини якуми раиси суди ноҳияи Бобоҷон Ғафуровро ба уҳда дошт.

393
Барчаспҳо:
додгоҳ, фармон, Тоҷикистон