Церемония присвоения очередных званий сотрудникам милиции

Пешниҳоди либоси нави милиса ба Раҳмон ва тағйири ном ба политсия

1434
Намунаи либоси нави кормандони милиса дар аввали баҳори соли ҷорӣ барои тасдиқ ба раисҷумҳури Тоҷикистон Эмомалӣ Раҳмон пешниҳод карда мешавад

ДУШАНБЕ, 25 янв — Sputnik. Тарҳи либоси нави милисаи тоҷик барои тасдиқ ба Эмомалӣ Раҳмон пешниҳод карда мешавад, иттилоъ додааст ожонсии Regnum.

Намунаи либосҳои нави милисаи тоҷик моҳи марти соли ҷорӣ барои тасдиқ ба раисҷумҳури кишвар пешкаш мегарданд.

Ҳамоҳангсози миллӣ доир ба масоили ислоҳот дар милитсия Фарҳодбек Шодмонзод муайян кардааст, ки дар навбати аввал бо либосҳои нав кормандони хадамоти посбониву назорат, БДА ва нозирони минтақавии шаҳри Душанбе таъмин мешаванд.

Инчунин қайд шудааст, ки дар либосҳо ба ҷои калимаи “милитсия” - “политсия”навишта мешавад.

Озмуни тарҳи либос ва нишонаҳои фарқкунандаи кормандони милиса дар моҳи сентябри соли гузашта эълон шуда буд. Иштириккунандагони озмуни мазкур бояд тарҳи нави либоси зимистона, болопӯшҳои баҳорию тирамоҳӣ, кителҳо, шим, доман, сарпӯш ва пойафзол кормандони милисаро пешниҳод мекарданд.

1434
Барчаспҳо:
тарроҳ, Раҳмон, Тоҷикистон, милиса
Мавзуҳо:
Раисҷумҳури Тоҷикистон Эмомалӣ Раҳмон (156)