Флаги Ирана на одной из улиц Тегерана

Эрон ба ҳар як ҳаракати Амрико ҷавобҳои ҷиддӣ ваъда кардааст

419
(Таҷдидшуда 13:30 13.05.2019)
Ҷон Болтон, мушовири президенти Амрико оид ба амнияти миллӣ ҳафтаи гузашта эълон кард, ки ИМА гуруҳи зарбазани ҳавоии “Авраам Линколн” ва гуруҳи тирандозҳои фавриашро ба соҳилҳои Эрон раҳсипор кардааст

ДУШАНБЕ, 13 мая — Sputnik. Эрон ба “сари” Амрико зарба хоҳад зад, агар аз ҷониби мақомоти ИМА ягон ҳаракатҳои ҷангӣ пешбинӣ шавад, гуфтааст генерали Сипоҳи посдорони Инқилоби исломӣ Амир-Алӣ Ҳоҷизода. Гуфтаҳои ӯро телешабакаи Al Arabia овардааст. 

 “Агар амрикоиҳо ҳуҷум кунанд, мо ба сари онҳо зарба хоҳем зад”, - қайд кардааст генерал.

Вай қайд кардааст, ки мавҷудияти низомиёни амрикоӣ дар ин минтақа таҳдидҳои зиёд ба бор овардаанд. Аммо феълан “таҳдид ба имконият табдил ёфтааст”, қайд кардааст Амир Алӣ Ҳоҷӣ.

Ҷон Болтон, мушовири президенти Амрико оид ба амнияти миллӣ ҳафтаи гузашта эълон кард, ки ИМА гуруҳи зарбазани ҳавоии “Авраам Линколн” ва гуруҳи тирандозҳои фавриро ба соҳилҳои Эрон раҳсипор кардааст. Ба гуфтаи ӯ "ин як ҳушдорӣ ба Эрон аст. Ва ҳар як ихтилофи Эронро нисбати манфиатҳои Амрико зарбаҳои шадиди ҷавобӣ интизор хоҳад буд”.

Ёдовар мешавем, ки низоъҳои зенрин баъди эълоне аз ҷониби мақомоти Эрон дар бораи “тасмими иҷро накардани баъзе уҳдадориҳо” дар доираи созишнома дар бораи барномаи ядроӣ, сар заданд.

Роҳбари Эрон Ҳасан Руҳонӣ, низ эълон карда буд, ки ба кишварҳои Аврупо барои барпо намудани гуфтушунидҳо 60 рӯз муҳлат медиҳад. Маълумотҳои дахлдор ба Британияи Кабир, Фаронса, Олмон, Чин ва Русия низ пешкаш карда шудаанд. 

419
Барчаспҳо:
ҷанг, низомиён, Амрико, Эрон
Пояс чемпиона UFC

Агар Ҳабиб наояд, кӣ барои унвони қаҳрамонӣ мубориза мебарад - раҳбари UFC номҳоро гуфт

187
(Таҷдидшуда 22:58 24.01.2021)
Имрӯз номзадҳои эҳтимолӣ барои унвони қаҳрамонӣ дар як мусобиқа ширкат варзиданд. Муборизаи яке аз онҳо шомро пеш мебурду задухӯрди дигар рӯйдоди бузург буд

ДУШАНБЕ, 24 январ - Sputnik. Президенти UFC Дана Уайт гуфт, ки агар қаҳрамони феълии ин ташкилот дар вазни сабук Ҳабиб Нурмуҳаммадов дар ниҳоят карераи худро ба анҷом расонад, ба кӣ имконият медиҳад, то барои унвони қаҳрамонӣ мубориза барад.

Ӯ дар ин бора зимни нишасти хабарӣ пас аз мусобиқаи UFC 257 изҳор дошт.

Ба гуфтаи Уайт, амрикоиҳо Дастин Поре ва Майкл Чандлер барои унвони қаҳрамонӣ дар вазни сабук мубориза мебаранд.

"Агар Ҳабиб биравад, Поре ва Чандлер барои унвони қаҳрамонӣ мубориза хоҳанд бурд",- гуфт роҳбари UFC.

Уайт гуфт, пас аз рақобати варзишкор Поре ва Конор дар доираи рақобати UFC 257 аз Ҳабиб Нурмуҳаммадов дар бораи баргаштан ба майдони ҳарб пурсон шуд.

Нурмуҳаммадов гуфт, барои рақобат бо Поре боз мегардад ё не?

Ба гуфти Ҳабиб на Макгрегор ва на Поре наметавонанд барои ӯ рақиб бошанд.

"Ман бо Ҳабиб суҳбат кардам, ӯ ба ман гуфт: "Дана биё росташро мегӯем, ман чанд сатҳ аз ин бачаҳо болотарам". Намедонам ин сухан хурсандиовар нанамуд, мебинем", - гуфт раҳбари UFC Дана Уайт.

Аммо ин гуфтаҳои Ҳабиб ба варзишкори дигари амрикоӣ Майкл Чандлер хуш наомад ва ӯ Ҳабибро ба майдони ҳарб даъват кард.

Бояд гуфт, ки ҳарду варзишгари эҳтимолӣ, ки барои камарбанд имкон дорад мубориза баранд, имрӯз дар мусобиқае, ки дар "Ҷазираи муҳорибаҳо" -и Абу-Даби баргузор шуда буд, ҳунарнамоӣ карданд.

Муборизаи Чандлер бо Дэн Ҳукер аз Зеландияи Нав барҷастатарини шом буд ва муқовимати Поре ва Макгрегор муборизаи асосӣ буд.

Посухи Конор ба шарҳи Ҳабиб дар бораи шикаст: ба майдон хонд

Поре дар даври дуввум бо нокаут пирӯз шуд, Чандлер рақиби худро бо зарбаҳои шадид дар даври аввал мағлуб кард.

 

 

187
Барчаспҳо:
зӯрозмоии размикорон, қаҳрамонӣ, Ҳабиб Нурмуҳаммадов, қаҳрамони UFC
Граждане Таджикистана на рынке труда в городе Худжанде

Тасвиби грант барои таъмини тоҷикистониён бо кор

88
(Таҷдидшуда 21:21 24.01.2021)
Маҷлиси намояндагони Тоҷикистон созишномаи грантӣ бо Бонки Осиёии Рушдро тасвиб кардааст, ки ба татбиқи лоиҳаи “Беҳтарсозии малакаҳои касбӣ ва имкониятҳои бокортаъминшавӣ” равона мешавад

ДУШАНБЕ, 24 янв— Sputnik. Юсуф Маҷидӣ, муовини вазири молияи Тоҷикистон, зимни муаррифии лоиҳа гуфт, ки маблағи умумии лоиҳа 34,65 миллион доллари амрикоӣ мебошад.

“Аз он 30,0 млн. доллар аз ҳисоби гранти Бонки Осиёии Рушд, 1,5 млн. доллар аз ҳисоби гранти Хазинаи Ҷопон оид ба технологияҳои иттилоотӣ ва коммуникатсионӣ ва 3,15 млн. доллар ҳамчун саҳми Ҳукумати Ҷумҳурии Тоҷикистон ба таври озодкунӣ аз андозҳо пешбинӣ гардидааст”, - изҳор дошт Маҷидӣ.

Ноиби вазири молия афзуд, мақсади лоиҳа беҳтарсозии малакаҳои касбӣ ва имконияти бакортаъминшавии ҷавонон, занон ва муҳоҷирони меҳнатӣ дар бозори меҳнати дохилӣ ва беруна мебошад.

“Аз ҷумла сохтмон ва муҷаҳҳазгардонии Маркази омӯзиши соҳаи туризм ва хизматрасонӣ дар шаҳри Душанбе, Маркази омӯзиши соҳаи энергетика дар шаҳри Роғун ва Маркази омӯзиши соҳаи агросаноатӣ дар ноҳияи Данғара, инчунин, се маркази хизматрасонии муҳоҷирон дар ноҳияи Восеъ, шаҳрҳои Бохтар ва Хуҷанд дар назар дошта шудаанд”, - иттилоъ дод Маҷидӣ.

Нашрияи парлумонии “Садои мардум” аз қавли ноиби вазири молия афзуд, дар доираи лоиҳа инчунин идрорпулӣ барои занҳои танҳо, аз оилаҳои камбизоат, хариди ҳашт адад микроавтобус дар марказҳои омӯзишӣ ва  чор воситаи нақлиёти хизматрасонии маъмурӣ дар назар аст.

Ташкили низоми нави иттилоотии бозори меҳнат тавассути таҷҳизоти иттилоотӣ ва коммуникатсионӣ, омӯзиши ҳайати коргарон ва баҳрагирандагони лоиҳа оид ба рушди технологияи иттилоотӣ ва коммуникатсион, ташкили курсҳои касбомӯзӣ ва тақвияти рушди касбии муҳоҷирони меҳнатӣ аз бандҳои дигари лоиҳаи мазкур арзёбӣ шудааст.

88
Барчаспҳо:
грант, Тоҷикистон