Национальная сборная Таджикистана провела заключительный матч в 2018 году

Имрӯз бозии дӯстонаи мунтахаби Тоҷикистон ва Баҳрайн баргузор мешавад

91
(Таҷдидшуда 15:01 07.11.2020)
Мунтахаби миллии Тоҷикистон пеш аз бозии дӯстона бо тими Баҳрайн тамрин мекунад. Имрӯз рақобати ин ду даста баргузор хоҳад шуд

ДУШАНБЕ, 7 ноя – Sputnik. Тими миллии Тоҷикистон имрӯз ба Аморати Муттаҳидаи Арабӣ сафар карда, ба Дубай расид ва дар меҳмонсарои "Ҳилтон" ҷойгир шуд, хабар медиҳад Федератсияи футболи Тоҷикистон.

Рӯзи 7 ноябр, дар Дубай дастаи мунтахаби миллии Тоҷикистон бо тими миллии Баҳрайн ва 12 ноябр бо Аморати Муттаҳиддаи Арабӣ бозиҳои санҷишиву дӯстона мегузаронад.

Бино ба гузориши манбаъ, дар ин сафар сармураббӣ Усмон Тошев бо худ 25 футболбозро ҳамроҳ гирифтаст, ки аз инҳо 3 кас дарвозабон, 8 кас муҳофизатгар, 9 кас ниммуҳофизатгар ва 5 кас ҳамлагар мебошанд.

Гуфта мешавад, ки ниммуҳофизи "Локомотив"-Пловдиви Булғористон Парвизҷон Умарбоев дар бозии якуми тими миллии кишвар муқобили мунтахаби миллии Баҳрайн иштирок намекунад.

Умарбоев рӯзи 8 ноябр бо тими миллии кишвар дар Дубай ҳамроҳ мешавад.

Бегоҳи имрӯз тамрини даста нақшагузорӣ шудааст.

Ҳайати тими миллии Тоҷикистон дар бозиҳои дӯстона бо тимҳои миллии Баҳрайн 7 ноябр ва АМА 12 ноябр:

Дарвозабонҳо: Рустам Ятимов ("Истиқлол"), Шоҳрух Қирғизбоев ("Локомотив-Помир"), Мухриддин Ҳасанов ("Хуҷанд");

Муҳофизон: Давронҷон Эгашев ("Бунёдкор", Узбекистон), Аҳтам Назаров, Искандар Ҷалилов, Зоир Ҷӯрабоев, Табрези Давлатмир, Ваҳдат Ҳанонов (ҳама аз "Истиқлол"), Манучеҳр Сафаров ("Локомотив-Помир"), Алишер Баротов ("Хуҷанд");

Ниммуҳофизон: Парвизҷон Умарбоев ("Локомотив", Пловдив, Булғоистон), Эҳсони Панҷшанбе ("Навбаҳор", Узбекистон), Комрон Турсунов ("ТРАУ", Ҳиндустон), Илҳом Баротов ("Истаравшан"), Амирбек Ҷӯрабоев, Муҳаммадҷон Раҳимов (ҳама аз "Истиқлол"), Шервони Мабатшоев (КМВА), Абдулмумин Забиров ("Хуҷанд"), Шарафҷон Солеҳов ("Файзканд"), Хуршед Абдуллоев ("Душанбе-83");

Ҳамлагарон: Манучеҳр Ҷалилов, Шериддин Бобоев, Рустам Соиров (ҳама аз "Истиқлол"), Тоҳир Малодустов ("Хуҷанд"), Ислом Зоиров ("Локомотив-Помир").

Сармураббӣ – Усмон Тошев.

91
Барчаспҳо:
бозии дӯстона, Футбол, АМА

Аҳмадзода бо сохтмони тарабхонаи “Форел” шинос шуд

276
(Таҷдидшуда 19:00 03.12.2020)
Раҷаббой Аҳмадзода, раиси вилояти Суғд, бо ҷараёни корҳои сохтмонӣ дар тарабхонаи “Форел” шинос шуд

ДУШАНБЕ, 3 дек — Sputnik. Тибқи иттилои котиботи ҳукумати Суғд, тарабхонаи “Форел” дар доираи корҳои ободониву созандагӣ ба истиқболи 30-солагии Истиқлолияти давлатии Ҷумҳурии Тоҷикистон сохта мешавад.

Таъкид шудааст, ки ҳадафи сохтмон ҷалби сайёҳон, бахусус ҷаҳонгардони хориҷӣ буда, дар атрофи тарабхона ташкили мавзеъҳои истироҳатӣ, аз ҷумла як шиногоҳ ба нақша гирифта шудааст.

Манбаъ илова намуд, ки тарабхона аз таҳхона ва ду ошёна иборат буда, масоҳати он  960 метри мураббаъро ташкил медиҳад.

Ба раиси вилоят иттилоъ дода шудаст, ки бо мавриди истифода қарор гирифтани тарабхонаи муосир то 30 нафар сокинон соҳиби ҷойи кор хоҳанд шуд.

Раҷаббой Аҳмадзода ба масъулин ҷиҳати анҷоми босифати корҳо, истифодаи масолеҳи баландсифат, ороиши бино бо истифода аз унсурҳои миллӣ супоришҳо дод.

Қаблан шаҳрдори Хуҷанд бо сохтмони ин тарабхона шинос шуд. Он вақт хабар доданд, ки тарабхона то ҷашни Наврӯз ба истифода дода хоҳад шуд.

276
Барчаспҳо:
Суғд, шумораи ками тарабхона, сохтмон, Тоҷикистон
Глава Согда вручает стипендии студентам и аспирантам

Стипендияи раиси Суғд ба маблағи 134 ҳазор сомонӣ супорида шуд

134
(Таҷдидшуда 18:50 03.12.2020)
Стипендияи раиси вилояти Суғд ба донишҷӯён, магистрантон ва аспирантони муассисаҳои таҳсилоти олӣ ва миёнаи касбӣ супорида шуд

ДУШАНБЕ, 3 дек — Sputnik. Раҷаббой Аҳмадзода, раиси вилояти Суғд, ба 130 нафар донишҷӯёну магистрантон ва аспирантони муассисаҳои таҳсилоти олӣ ва миёнаи касбии вилоят дар маҷмуъ ба маблағи 134 ҳазору 500 сомонӣ стипендия супорид.

Тибқи иттилои котиботи ҳукумати Суғд, барандаҳои стипендия аз ҷониби комиссия интихоб ва пешбарӣ мешаванд.

Иттилоъ дода шуд, ки дар миқёси вилоят алҳол 7 муассисаи таҳсилоти олии касбӣ ва 22 муассисаи таҳсилоти миёнаи касбӣ фаъолият мебаранд, ки дар ин муассисаҳо аз рӯи 130 ихтисос мутахассис тайёр карда мешавад.  

Котиботи ҳукумати Суғд афзуд, дар соли хониши 2020-2021 шумораи умумии донишҷӯёни муассисаҳои таҳсилоти олӣ ва миёнаи касбии вилоят дар маҷмӯъ беш аз 69 ҳазору 642 нафарро ташкил медиҳад.

Ҳамчунин зикр шуд, ки дар ҳудуди вилоят имрӯз 1267 нафар магистрант ва 82 нафар аспирантон ба таҳсилу таҳқиқ машғуланд.

134
Барчаспҳо:
сомонӣ, маориф, Тоҷикистон
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

2845
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

2845