Дар Кобул дар як рӯз чаҳор ҳамлаи террористӣ рух дод

83
(Таҷдидшуда 12:22 28.01.2021)
Манбаъҳо мегӯянд, ки дар ин ҳодиса мошини беморхонаи солимии равонӣ ҳадафи ҳамла қарор гирифт ва се табиб маҷрӯҳ шуданд

ДУШАНБЕ, 28 янв — Sputnik. Рӯзи гузашта дар шаҳри Кобул, пойтахти Афғонистон чаҳор таркиш рух додааст, гузориш медиҳад tolonews.com.

Таркиши чорум дар Кобул соати тақрибан 17:00 дар минтақаи Гулоии дорухонаи Кобул рух дод.

Манбаъҳо мегӯянд, ки дар ин ҳодиса мошини беморхонаи солимии равонӣ  ҳадафи ҳамла  қарор гирифт ва се табиб маҷрӯҳ шуданд.

Таркиши аввал тахминан соати 8-и субҳ дар минтақаи Диспечерии  ноҳияи 15-уми Кобул рух дод. Дар ин ҳодиса ду корманди полис ва як ғайри низомӣ маҷрӯҳ шуданд.

Пас аз як соати таркиши аввал, таркиши дуввум низ дар ноҳияи 15 -уми Кобул рух дод ва мошини Идораи муҳофизати омма мавриди ҳамлаи террористӣ қарор гирифт. Дар натиҷаи ин таркиш ду полис кушта ва се нафари дигар захмӣ шуданд.

Таркиши сеюм тақрибан соати 15 дар чорроҳаи Ансорӣ дар шаҳри нави Кобул рух дод. Дар ин ҳодиса касе осеб надидааст.

Дар ҳамин ҳол Tolo News навиштааст, ки мувофиқи маълумоти Комиссияи мустақили ҳуқуқи инсон, кушторҳои мақсаднок дар кишвар 50 фоиз афзудаанд.

Афзоиши ҳамлаҳои террористӣ ва кушторҳои мақсаднок дар кишвар боиси зиёд шудани танқиди ҳукумат ва мақомоти амниятии Афғонистон  гардидааст.

Иштирокчиёни ҷаласаи дирӯзаи кумитаи роҳбарияти Шӯрои олии оштии миллӣ низ қисмате аз баромадҳои худро ба ин масъала бахшидаанд.

Аз ҷумла Абдуллоҳ Абдуллоҳ, раиси Шӯрои олии оштии миллӣ, шиддат гирифтани ҳодисаҳои террористӣ ва кушторҳои ҳадафнокро эътироф кард ва гуфт, ки ин вазъ ғайри қобили қабул аст.

Абдуллоҳ Абдуллоҳ ба таҳқиқи қатлҳои ҳадафноки ахир дар Кобул ва вилоятҳо даъват кард: "Имрӯз бомбаҳо таркиданд. Бешубҳа қурбониҳо ҳастанд ва ин зиндагии мардуми Афғонистон аст".

Муҳаммад Муҳақиқ, роҳбари Ҳизби ваҳдати Исломии Афғонистон низ гуфт: "Рӯзе нест, ки дар Кобул таркиш ва куштор набошад. Субҳи имрӯз, вақте ки мо ба ин нишаст меомадем, дар ғарби Кобул ду таркиш рух дод".

Муовини собиқи раисиҷумҳур Муҳаммад Юнус Қонунӣ ва маршал Абдулрашид Дӯстум, роҳбари Ҳаракати миллии исломии Афғонистон таъкид карданд, ки нақшаҳои амнияти кишвар, махсусан пойтахт ноком шуданд ва бояд бознигарӣ шаванд.

Юнус Қонунӣ гуфт: "Мардум аз вазъи бади амниятӣ хаста шудаанд ва маъмурони давлатӣ бояд роҳи наҷот аз ин вазъро пайдо кунанд. Масъулини ҳукумати мо бояд барои наҷоти ин сарзамин чорае пайдо кунанд”.

83
Барчаспҳо:
дар як рӯз, ҳамлаи террористӣ, Кобул
День 7 марта

Ихтироъи дастгоҳи телефон: имрӯзи таърих

19
(Таҷдидшуда 19:02 06.03.2021)
Рӯзи ҳафтуми март дар Албания – Рӯзи омӯзгор, дар Лаос – Рӯзи собиқадорон, дар Туркманистон – Рӯзи кормандони комплекси нақлиёт ва алоқа мебошад

Рӯзи 7 март дар ҷаҳон чӣ рух дод

Соли 1876 дастгоҳи телефон ихтироъ карда шуд.

Соли 1926 миёни Лондон ва Ню Йорк  алоқаи радиотелефонӣ барқарор карда шуд.

Соли 1966 Президенти вақти Фаронса Шарл Де Голл дар бораи мақсади баромадани Фаронса аз ҳайати ташкилоти ҳарбии Созмони Паймони Атлантикаи Шимолӣ хабар дод.

Соли 2013  маҷмӯаи ашъори шоирони муосири тоҷик бо номи "Бо чашми Рӯдакӣ" дар Беларус ба нашр расид. Ин китобро нашриёти "Звезда"-и Минск интишор карда, ба он адабиётшиноси маъруф Алес Карлюкевич пешгуфтор навиштааст.

Рӯзи 7 март дар Тоҷикистон чӣ рух дод

Соли 2013 дар чемпионати минтақавии Осиё дар пойтахти Шри Ланка-шаҳри  Коломбо дастаи футболи  ҷавонзанони Тоҷикистон (U-14) дастаи Бутанро бо ҳисоби 2:1 мағлуб намуд.

Соли 2016 хабар дода шуд, ки бо дастгирии сафорати Тоҷикистон дар назди кафедраи "Омӯзиши Осиёи Марказӣ"-и факултети "Муносибатҳои байналмилалӣ" — и Донишгоҳи Кангнами шаҳри Ёнгини Ҷумҳурии Корея шуъбаи забони тоҷикӣ ифтитоҳ карда шуд.

Соли 2017 дар шаҳри Душанбе машварати сиёсии байниидоравии Тоҷикистону Финландия баргузор гардид.

Ҷашнҳои рӯзи 7 март

  • Дар Албания – Рӯзи омӯзгор.
  • Дар Лаос – Рӯзи собиқадорон.
  • Дар Туркманистон – Рӯзи кормандони комплекси нақлиёт ва алоқа.

Рӯзи 7 март кӣ ба дунё омадааст

Шамсиддин Ашӯров (1962)- актёри театр.

Зулфия Баҳриддинова (1922-2013) – Рассоми халқии Тоҷикистон, Ходими шоистаи ҳунари ҷумҳурӣ, дорандаи Ҷойизаи давлатии ба номи Рўдакӣ.

Алӣ Бобоев (1936) – геолог, дорандаи Ҷойизаи давлатии ба номи Сино.

Сарвар Бурҳонова (1913-1998)- Китобдори Шоистаи Тоҷикистон.

Василий Кузин (1904 – 1978) – кинорежиссёр ва киноаператор, Ходими шоистаи ҳунари Тоҷикистон.

Ҷўра Латифов (1938) доктори илми таърих, профессор.

Дониёр Набиев (1962) – доктори илми техникӣ.

Ҳусейнов Мирзо Довуд (1894 – 1938) – арбоби ҳизбӣ (солҳои 1929-1932 Котиби якуми КМ ПК Тоҷикистон).

Достӣ Шарифов (1936) – муаррих, профессор.

19
Барчаспҳо:
ҷашн, Ҷаҳон, Тоҷикистон
Тарма дар роҳи Душанбе - Чаноқ

Дар Бадахшони Афғонистон 15 нафар зери тарма ҷон доданд

75
Тарма дар як гӯшаи дурдасти вилояти Бадахшони Афғонистон фаромадаст, ки зери назорати толибон қарор дорад

ДУШАНБЕ, 6 мар – Sputnik. Дар Афғонистон 15 нафар бар асари фаромадани баҳман ва ё тарма ҷон аз даст доданд.

Ба иттилои мақомоти Афғонистон, тарма рӯзи 4 март дар як гӯшаи дурдасти вилояти Бадахшони Афғонистон фаромад, ки он зери назорати толибон қарор дорад.

Макони фаромадани тарма рустои Зарандоб, ки дар ноҳияи Роғистон ҷойгир аст, гуфта мешавад. Дар ин макон кони тилло ҷойгир аст.

Масъулони Кумитаи ҳолатҳои фавқулодаи он кишвар хабар доданд, ки нахуст ҷасади 12 нафар аз зери тарма берун оварда шуд.

Сипас теъдоди қурбониёни ин офати табиӣ ба 15 нафар расид. Ҳамзамон панҷ нафари дигар бар асари фаромадани баҳман маҷрӯҳ шудаанд.

Дар Бадахшони Тоҷикистон бошад, рӯзи 24 феврал якбора 16 тарма дар масири Хоруғ - Ишкошим фаромад ва хушбахтона талафоти ҷонӣ дар пай надошт. Тарма танҳо барои чанд муддат баста шуд ва сипас бо талоши поксозони роҳ ин мушкилӣ бартарафгардид.

75
Барчаспҳо:
тарма, Афғонистон