Сергей Караганов. Акс аз бойгонӣ

Караганов: авҷи терроризм дар ҷаҳон пешгӯишаванда буд

129
(Таҷдидшуда 10:29 04.04.2016)
Ақибмонии фарҳангию иҷтимоӣ ва иқтисодӣ аз ҷаҳони муосир, натоиҷи афзоиши номутавозуни демографияи Африқои Марказӣ ва Шимолӣ дар Ховари Миёна ба болоравии аъмоли террористию терроризм оварда расонид. Аммо дар доираҳои тасмимгиранда ҳеҷ кас инро дидану шунидан намехост, мегӯяд сиёсатшинос Сергей Караганов.

ДУШАНБЕ, 1 апр — Sputnik. Хабаргузори Sputnik бо декани факултаи иқтисоди ҷаҳон ва сиёсати ҷаҳонии Донишгоҳи миллии тадқиқотӣ Мактаби олии иқтисод (НИУ ВШЭ) вохӯрда дар бораи бӯҳрони муҳоҷират, ҳалли низоъи Сурия ва мақоми имрӯзаи Русия дар арсаи ҷаҳонӣ сӯҳбат кард.

-Аз Сурия берун гардидани неруҳои низомии Русия Ғарбро дар ҳайрат гузошт. Барои шарикони эътилофи мубориза бар зидди "ДИ" (Давлати исломӣ) ин қарори ногаҳонӣ буд. Президенти Русия иброз дошт, ки вазифаҳои асосӣ иҷро шуданд, вале баръало маълум аст, ки ҷангиёнро мағлуб накарданд. Каме онҳоро такон доданд, вале пурра шикаст нахурданд. Барои чӣ Русия саҳнаро тарк кард?

— Шукри Худо, ки қисман рафтанд. Ҳузури доимии Қувваҳои ҳавоии ҳарбии Русия дар ҷангҳои Ховари Миёна боиси талафоти зиёд мешуд.

Ва баъдан, дар назди ҳукумат масъалае бармехост, чӣ гуна ин минтақаро тарк кунад ва чӣ хел барои талафотҳои ҷонӣ қасос бигирад. Мо аллакай зарбаи сахтро ҳангоми парвози ҳавопаймоҳои ҷангиамон гирифтем ва ҳамкориамонро бо кишвари қаблан дӯст-Туркия вайрон кардем.

Дуюм ин ки ҚҲҲ ФР қисми зиёди террористонро нобуд сохтанд ва иродаашонро низ шикаст доданд. То ин дам онҳо худро қаҳрамон меҳисобиданд. Агар як соли дигар интизор мешудем, онҳо ба минтақаҳои собиқ кишварҳои ИҶШС (СССР) меомаданд. Дер ё зуд онҳо ба ин ҷо хоҳанд омад, вале на чун қаҳрамонон.

Мо роҳбарияти қонунии Сирияро наҷот додем ва аз забти минтақа аз сӯи гуруҳи ба ном "Давлати Исломӣ" онҳоро халос кардем. Мо нагузоштем, то Башар Асад, ки душмани Ғарб эълон шудаст, несту нобуд  шавад. Дар охир, мо амалиёти хуби ҳарбӣ, ки бароямон наонқадар гарон уфтод, гузаронидем.

Ин амалиёт бароямон чун омӯзиши ҳарбӣ буд, мо тавонистем намудҳои нави яроқу аслиҳаамонро, ки аҳамияти аз Сурия ҳам болотар дорад санҷем. Агар мо онҳоро бе ягон баҳона истифода мебурдем, ҳама дод мезаданд, ки Русия ҷаҳонро бо ҷанги ҳастаӣ таҳдид мекунад.

Ва аз ҳама асосӣ, Маскав барои ҳамкориҳо ба Ғарб заминаи мусоид  фароҳам овард. Мо бояд шариконамонро омӯзонем, то манфиатҳои моро қоил бошанд. Муқовимати ҳамешагӣ барои ягон кишвар самараи хуб намедиҳад.

-Дар натиҷаи амалиётҳои нотамоми низомӣ дар Ховари Миёна аҳолии зиёд бе хонаву дар монданд. Ҷараёни бесобиқаи муҳоҷират ба Аврупо ба вуҷуд, ки онро поён нест. То кай Аврупо метавонад ба воридшавии ҳаррӯзаи муҳоҷирон истодагарӣ кунад?

— Ҷараёни муҳоҷиратро на фақат амалиётҳои ҳарбӣ ба бор оварданд. Ин масъала чанд реша дорад.

Қабл аз ҳамаи, ин ақибмонии фарҳангию иқтисодӣ ва иҷтимоии араб аз ҷаҳони муосир, васеъ шудани холигоҳ миёни Аврупо ва Осиё мебошад…

Баъдан, тайи солҳои зиёд афзоиши бузурги демографӣ дида мешавад. Дар Африқои Марказию Шимолӣ ва Ховари Миёна кӯдакони зиёд ба дунё омаданд, аммо ҷои кор барои онҳо вуҷуд надошт. Миллионҳо ҷавонон бо сабаби нарасидани маблағ наметавонистанд оиладор шаванд.

Авҷи терроризми ҷаҳонӣ пешгӯикунанда буд, вале бисёриҳо намехостанд воқеъиятро бубинанд ва эътироф кунанд. Дар миёни муҳоҷироне, ки худро сурӣ вонамуд мекунанд, миллатҳои дигар аз қабили покистониҳо, афғонҳо ва ироқиҳо низ вуҷуд доранд. Ин ҷараён кам намешавад. Фикр мекунам, баъди 2-3 соли дигар авҷи муҳоҷирати ҷадидро аз Африқо мебинем.

Акнун ба минтақаи наздик бармегардем…, бархе аз кишварҳои собиқ ИҶШС то ҳол ҳам дар мадори Русия қарор доранд. Шояд вақти раҳо кардани онҳо омад, то худашон рушд кунанд?

— Саволи хуб. Ин масъала дар доираи сиёсати ҷадиди хориҷии Русия дар ҷаласаи Маҷмаи Шӯрои мудофиаи сиёсати хориҷии кишвар бо иштироки Сергей Лавров ҳафтаи оянда баррасӣ хоҳад шуд.

Аз барҳам хурдани ИҶШС аллакай 25 сол гузашт ва ҳасратро бояд акнун фаромӯш кард. Аз як ҷиҳат ҳамин ҳасрат ба муносиби мо бо Украина таъсир расонд. Сиёсати оқилона лозим аст. "Қисса"-е вуҷуд дорад, ки бояд Осиёи Марказиро нигоҳ дорем. Бале, мо бояд амниятро дар ин кишварҳо пурзур кунем, чунки "Давлати Исломӣ" (ДИИШ) ба воситаи ин кишварҳо метавонад ворид шавад, аммо ҳар як ҷумҳурӣ бояд худ ҷавобгар бошад.

Мо иттифоқчиён ва иттифоқҳо дорем. Дар миёни онҳо бояд кишварҳое бошанд, ки манфиатоваранд, мо бошем бо вафодорӣ ва амният ҷавоб мегӯем.

-НАТО оҳиста-оҳиста Русияро иҳота мекунад. То чӣ андоза муттаҳидшавии аъзоёни ин эътилоф барои Русия хатарнок аст?

— НАТО то замоне, ки мо яроқи ҳастаӣ дорем, он қадар хатари бузург нест. Аммо агар Украина ба иттиҳод дохил шавад, эътилоф метавонад хашмгинтар шавад. Ин ҳодисаро мо ҳангоми бомбаборон кардани Югославия  аз сар гузаронидем.

ҷаласаи Шӯрои амнияти дастаҷамъии Созмони Аҳдномаи Амнияти Дастаҷамъӣ
© Официальная страница пресс-службы президента РТ в Facebook

НАТО-ро аз сарҳадҳоямон бояд дуртар нигоҳ дорем. Аз нуқтаи назари Амрико Паймони Атлантикаи Шимолӣ (НАТО)- ин воситаи маҳдуд кардани соҳибихтиёрии кишварҳои Аврупо ва таҳти таъсири сиёсии худ қарор додани онҳо мебошад. Барои аврупоиён ин имконияти напардохтани маблағ барои амният аст. Бо ибораи дигар Аврупо соҳибихтиёрии худро мефурӯшад.

-Оё баъди омадани ҳокимияти нав Кохи сафед сиёсати худро бо Кремл тағйир медиҳад?

— Ба куллӣ не. Зиёиёни амрикоӣ ба қисмҳо ҷудо шудааст, хуб намедонанд, ки чӣ мехоҳанд. Зиёиёни Амрико танҳо дар як масъала созиш доранд- зарурияти барқарор кардани бартарияти иёлотҳо, ки онро аз даст дода буданд. Эътиқоди нодурусте вуҷуд дорад, ки агар Русияро тела диҳӣ, вай мисли ИҶШС аз по меафтад.

Ман фикр мекунам, ки баъди 5-7 сол мо ҳамкориҳои хуби созанда ва бигзор каме сард ҳам хоҳем дошт. Ягон азнавбарқроркуниҳо ёрӣ намерасонанд. Амрико баробариро намеписандад. Агар Амрико  баробарии Русияро эътироф кунад, вай бояд бартарияти Чинро, ки вақтҳои наздик пурқудраттарин кишвари дунё хоҳад шуд, низ қабул намояд.

- Ғарбу Русия бо вуҷуди гуногунии мавқеъҳояшон дар як масъала ҳамбастагӣ доранд: мубориза бо терроризм. Ин ҷо чӣ ниҳон аст?

— Барои ақиб рафтан ИМА тайёр нест. Ба ҳеч кас монанд набудан дар хуни америкоиҳо ҷой дорад, мисли кӯшиши мо ба соҳибихтиёрию амният. Терроризм чуноне, ки ман қайд кардам решаҳои чуқури иҷтимоию иқтисодӣ дорад. Мубориза вазнин мешавад. Террористонро бояд решакан кард, ҳар чӣ бештар, ҳамон қадар хубтар. Сарҳадҳоро бастан лозим, аҳолиро ба муборизаи шадид бояд тайёр кард. Талх аст дар бораи ин гуфтан, вале дар ин масъала усулҳои мусолиҳатомез ба кор намеоянд.

 

129
Барчаспҳо:
андеша, назар, мубориза, пешгӯӣ, терроризм, ҷанг, ВШУ, Донишгоҳи миллии тадқиқотӣ Мактаби олии иқтисод, НАТО, Сергей Караганов, Югославия, ИҶШС, Ховари Миёна, СССР, Ироқ, Сурия, ИМА, Русия
Мавзуҳо:
Низоъ дар Қарабоғи Кӯҳӣ: аз ҷанг то ҳамлаҳои хакерӣ (5)
Мавзуъ
Ифшои ному насаби ҳазорон ҷангии "Давлати исломӣ"
Джо Байден

Дар шикасти Байден намешавад русҳоро гунаҳкор кард

412
(Таҷдидшуда 18:41 22.10.2020)
Интихобот дар Амрико ба лаҳзаҳои ниҳоӣ расид: имрӯз Доналд Трамп ва Ҷо Байден бори охир дар рафти дебат дидор хоҳанд кард

ДУШАНБЕ, 22 окт – Sputnik. Мумкин аст, ҳамин дидор охирин бошад, чун вазъияти ИМА имрӯз чунон шадид аст, ки ин ду нафарро намешавад якҷо тасаввур кард.

Агар ҳам муъҷизае рух диҳаду Байден дар интихобот пирӯз шавад - Трамп метавонад натиҷаи интихоботро эътироф накунад ё ками камаш ҳамаи анъанаҳоро поймол карда, ба маросими савгандёдкунӣ ҳозир нашавад.

Ва Байден ҳам ба ҳеҷ ваҷҳ ба маросими инаугуратсияи Трамп нахоҳад омад - ба ҳамин минвол рӯзи панҷшанбе барояшон рӯзе хоҳад буд, ки онҳо метавонанд бигӯянд, чӣ мехоҳанд. Ва онҳо аз ин имконият ба пуррагӣ истифода хоҳанд кард.

Трамп Байденро раҳбари гурӯҳи ҷинояткорон меномад ва талаб мекунад, ки ӯро ҳамроҳи писараш Хантер равонаи зиндон кунанд. Ҷо дар зиндон намешинад, вале вақте ӯ интихоботро бой медиҳад, расонаҳо мегӯянд, ки ӯро "сюрпризи октябрӣ" аз пой зад - яъне маводе, ки чанд рӯз қабл аз компютери Хантер дарёфт шуд, ки собиқ ноиби президентро дар фасод муттаҳам мекунад. Вале Байден бидуни ин маводҳо ҳам мағлуб мешуд, чун Трамп ба пирӯзӣ маҳкум шудааст.

Вале чигуна мешавад: назарпурсиҳо тамомии бартарияти Байденро нишон медиҳад? Набояд онҳо сохта бошанд?

Метавонанд. Чун онҳое, ки муқобили Трамп бозӣ мекунанд, метавонанд аз ҳар дурӯғе кор бигиранд.

"Ман натанҳо муқобили Байден, балки зидди расонаҳо, ширкатҳои бузурги технологӣ ("Фейсбук", "Твиттер", "Гугл") ва "ботлоқи вашингтонӣ" номзад мешавам, гуфт Трамп. Бале - ва беҳтарин тасдиқи ин вокуниши деви сесара ба далелҳои айбдоркунандаи зидди оилаи Байден буд.

Мавод дар "Ню-Йорк пост" - ро кӯшиш карданд, блок кунанд. "Гугл" онро наметавонист бихонад ва "Фейсбук" - у "Твиттер" иҷоза надоданд, ки он мавод дар саҳифаҳояшон паҳн шавад. Ва расонаҳо ҳам кӯшиш карданд, маводи баҳсбарангезро нодида бигиранд ва аксарияти сиёсатмадорон чунон вонамуд мекарданд, ки коре нашудааст.

Дар баробари ин, ҳамон замон ба тарафи Русия айбдориҳо садо доданд, маълум ки ин Русия боз ба корҳои дохилии Амрико дахолат кард ва Байденро муттаҳам намуд.

Дар ин бора натанҳо конгрессменҳо гуфтанд, балки кормандони мақомот низ. Кормандони пешин - чун директори Хадамоти ҷосусии ИМА Ҷон Рэтклифф изҳор дошт, ки маълумот дар ноутбуки Байден "қисми ягон маъракаи русиягӣ нест". Вале кормандони собиқ номаи кушод навишта гуфтаанд,, ки "таҷрибаи пешин моро водор месозад, ки дасти ҳукумати Русияро дар ин бор эҳсос кунем".

"Пайдо шудани номаҳои электронӣ дар саҳнаҳои сиёсии Иёлоти Муттаҳида, ки гӯё ба писари ноиби президенти ИМА Байден Хантер тааллуқ доранд, ки аксари онҳо аз даврае, ки ӯ дар раҳбарии ширкати Burisma дар Украина кор кардааст, нишонаҳои классикии маъракаи иттилоотии Русияро дорад".

Яъне, Русияро ба сохтани далелҳои носозгор нисбати Байден айбдор намекунанд - ҳарчанд чунин овоазҳо ҳаст - не, Русия танҳо паҳн кард. Аммо чӣ гуна - мешавад агар, ба гуфтаи Руди Ҷулиана (адвокати Трамп ва шаҳрдори собиқи Ню-Йорк), муҳтавои диски компютерии Ҳантер Байден ҳафт моҳ пеш ба ФБР супурда шуда бошад?

Яъне Маскав ин маводҳоро баҷой нигоҳ медошт ва ба "сюрпризи октябрӣ" омода мешуд, ё дастгоҳи трамп ва мушовиронаш аз ҷумла Ҷулиана ин корро карданд? Бале, Ҷулиана зертобеи Путин аст...ва ин шӯхӣ нест: чуноне сенатор Крис Мерфи изҳор дошт, "ин бор русҳо қарор карданд, ки шаҳрвандони амрикоро чун ҷосусони худ созанд. Онҳо кӯшиш мекунанд, ки пропагандаи худро дар расонаҳо ҷой диҳанд. Ва онҳо комёб шуданд. Медонед, Руди Ҷулиана акнун ҷосуси Русия аст".

Бале, албата агар худи Трамп корманди Кремл бошад, дар бораи зертобиъинаш бояд чӣ гуфт. Ханда хандаю, вале худи ҳамин баҳогузории хатои воқеъият ва ҳодиса бо оилаи Байден аллакай нишонгари пирӯзии Трамп аст. Чун рақибони ӯ дар ҷаҳони хаёлӣ ба сар мебаранд - дар ҷаҳоне, ки дар он русҳо ба рафти интихоботи ИМА дахолат мекунад.

Вале, дар воқеъ мо чизи тамоман дигарро мебинем: роҳпаймоии ҷонибдорони Трамп дар сар тосари кишвар ва вохӯрии камёби Байден бо ҷонибдорони камаш. Трампро ҳатто мусулмонон ва дигар қавмҳои аққалият низ дастгирӣ мекунанд. Набуди пурраи далелҳо оиди алоқаи русҳо бо Трамп ва фасоду дуруғгӯии оилаи Байден. 

Ва муҳимтар аз ҳама, дар ҷаҳони воқеӣ, амрикоиҳо кайҳо боз, аз элитаи сиёсии худ -  "ботлоқи Вашингтон" -и дилсард шудаанд ва аз ин рӯ ягона алтернативаи ҷиддӣ ба Трамп метавонист Сандерс бошад. Аммо маҳз ба сабаби дар система набуданаш коллективи "Байден" ӯро ба интихобот роҳ надод.

Амрикоиҳои оддӣ на дар ҷаҳони таблиғотӣ, балки дар ҷаҳони воқеӣ зиндагӣ мекунанд ва аз ин рӯ натиҷаи интихоботи 3 ноябр барояшон пешакӣ муайян аст. Ҳатто сарфи назар аз кӯшиши гардиш додани овозҳо дар "иёлатҳои ноустувор" тавассути сафарбар кардани як интихобкунандаи ғайрифаъоли демократӣ ба овоздиҳӣ тавассути почта - зеро дар он ҷо низ афзоиши овозҳо ба тарафдории ҷумҳурихоҳон дида мешавад.

Ҷаҳони ихтироъшуда 3 ноябр мағлуб хоҳад шуд, ҳатто агар баъд хаос барпо кунаду воқеъиятро напазирад, он ҳеҷ куҷо намешавад.

Гидраи се сар ба интиқом умед мебандад ва барои он кор мекунад. Ҳам дар миқёси Амрико ва ҳам ҷаҳон - ва дар ин ҷо вай ҳақ дорад, ки дар нокомиҳояш русҳоро гунаҳгор кунад.

412
Барчаспҳо:
русҳо, гуноҳ, Русия, ИМА

"Ҳадди аққал бояд кӯшиш кард": коршинос дар бораи тамдиди созишномаи СНВ-3

85
(Таҷдидшуда 18:54 20.10.2020)
Кремл изҳороти ИМА дар бораи созишномаи СНВ-3 - ро шарҳ дода қайд кард, ки равобит барои суботи стратегӣ бо ИМА идома хоҳанд дод

ДУШАНБЕ, 20 окт — Sputnik. Дар суҳбат бо радиои Sputnik, сиёсатшинос Константин Блохин гуфт, гуфтушунид бо кадом сиёсатмадор дар ин бобат осотар хоҳад буд.

Гарчанде ҷониби Амрико аз пешниҳоди Владимир Путин дар бораи тамдиди созишномаи СНВ-3 ба муҳлати як сол даст кашид, Маскав умед дорад, ки алоқа бобати суботи стратегӣ ва тамдиди созишномаи СНВ-3 идома хоҳад ёфт, гуфт сухангӯи президенти Русия Дмитрий Песков.

Пештар Қасри Сафед изҳор дошт, ки аз пешниҳоди Путин барои тамдиди созишномаи ҷорӣ барои як сол, бидуни шарту шароити пешакӣ даст мекашад.

"Мо умед дорем, ки ба ҳар ҳол, равобит бо ҷаниби Амрико идома хоҳад ёфт. Дар умум, албатта чуноне президент гуфт, тамдиди ин созишнома имкон медиҳад, ки вақт, ҳамин 12 моҳро барои гуфтушуниди ҷиддӣ оиди масоили назорати силоҳ, аз худ кунем", - гуфт Песков.

Ӯ ҳамчунин таъкид кард, ки маҳрум кардани тамоми ҷаҳон аз ин "санги асосии субот ва амнияти ҷаҳонӣ" оқибатҳои хеле харобиовар хоҳад дошт.

"Барои ҳамин, албатта мо мехоҳем аз ҳамтоёни амрикоиямон омода будан барои тамдидро бишнавем", - қайд кард сухангӯи президент.

Ба гуфти ӯ, айни ҳол дар ин самт ягон пешравӣ дида намешавад. Вале чунин ҳолат маънои онро надорад, ки "равобитро пурра бояд қатъ кард".

Корманди илмии Маркази таҳқиқотии амнияти АИР, сиёсатшинос Константин Блохин дар суҳбат бо радиои Sputnik гуфт, тақдири ин созишнома аз он вобаст аст, ки дар интихоботи дар пешистодаи ИМА, кӣ пирӯз мешавад.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

"Намояндаи Ҳизби Ҷумҳурихоҳон Доналд Трамп дар навбати аввал Чинро бад мебинад ва СНВ-3 - ро бо Чин пайванд медиҳад. Дуюм, Ҳизби Ҷумҳурихоҳон кӯшиш дорад, назорати яроқро нобуд созад. Ёдрас мешавам, ки дар аҳди Ҷорҷ Буши хурдӣ, амрикоиҳо аз созишномаи ПРО баромаданд, худи Трамп созишнома оид ба мушакҳои дурпарто ва Созишнома оид ба осмони кушодро бекор кард. Агар ӯ дар интихобот пирӯз шавад, эҳтимои баромадан аз созишномаи СНВ-3 хеле зиёд аст , - гуфт Блохин.

Коршинос мегӯяд, агар намояндаи демократҳо Ҷо Байден пирӯз шавад, эҳтимоли тамдиди созишнома вуҷуд дорад.

"Чун анъана, ҳизби демократҳо тарафдори он аст, ки дар мавзӯи суботи стратегӣ бо ҷониби Русия гуфтушунид кунад. Ёдовар мешавам, ки маҳз дастгоҳи Обама ҳамроҳ бо Дмитрий Медведев созишномаи ҷориро имзо карда буданд. Вале, сарфи назар аз он, ки кӣ президент мешавад, бастани созишнома дар давоми чанд моҳ номумкин аст. Барои ҳамин бояд кӯшиш кард, то онро тамдид намуд, то дар давоми соли оянда созишномаи нав имзо шавад. Ин идея ҷолиб аст", - қайд кард коршинос.

START III ягона Созишномаи мавҷудаи маҳдудкунандаи яроқ миёни Русия ва ИМА мебошад. Муҳлати созишнома 5 феврали соли 2021 ба итмом мерасад ва агар он тамдид нашавад, дар ҷаҳон абзоре барои маҳдуд кардани силоҳҳои бузургтарин қудратҳои ҳастаӣ боқӣ намемонад.

START III - 5 феврали соли 2011 эътибор пайдо кард. Дар он пешбинӣ шудааст, ки ҳарду ҷониб арсеналҳои ҳастаии худро тавре коҳиш медиҳад, ки дар давоми ҳафт сол ва дар оянда шумораи умумии силоҳ аз 700 мушаки баллистикии байниқитъавӣ, мушакҳои баллистикӣ дар киштиҳои зериобӣ ва бомбаандози вазнин, инчунин 1550 кулоҳак ва 800 партоби мустақар ва мустақаршуда зиёд набошад.

85
Барчаспҳо:
ИМА, Русия
Хабиб Нурмагомедов

Хабиб зидди Гетҷи: навори пурраи муҳориба

0
(Таҷдидшуда 03:27 25.10.2020)
Ҳабиб Нурмуҳаммадов бори дигар дар майдон пирӯзӣ ба даст овард ва ба Ҷастин Гетҷи имкон надод, ки бар ӯ дастболо шавад

ДУШАНБЕ, 25 окт — Sputnik. Мубориза миёни ду варзишгар хеле шадид оғоз шуд ва Нурмуҳаммадо бошад аз усулҳои маъмулаш кор мегирифт. Гетҷи низ аз худ маҳорат нишон дода, ба ҳамлаҳои Ҳабиб ҷавоб медода ва ҳатто як-ду лаҳзаи хатарнокро низ ба вуҷуд овард.

Дар даври аввал Ҳабиб аз рақибаш бартарӣ дош.

Марҳилаи дувуми панҷ дақиқагӣ низ ба ҳамин монанд оғоз ёфт - Нурмагомедов рақиби худро фишор дод, аммо табодули шадиди муштзанӣ ба вуқӯъ наомад

Паҳлавони Доғистон кӯшиш кард, ки рақиби худро бо услуби ғайриоддӣ зарба зада, аммо дар охир аз усули анъанавияш кор гирифт.

Пас аз 1,5 дақиқаи даври дуюм, Хабиб Гетҷиро ба кунҷи майдон афтонид ва ҳангоми талоши раҳоӣ кардани ҳарифаш ӯро буғӣ кард. Дар натиҷа Гетҷи мағлубиятро пазируфт ва ғолибият насиби Ҳабиб гашт.

Пас аз анҷоми муҳориба ӯ гуфт ғалабаашро ба падари марҳумаш мебахшад ва аз внҷоми корномаи варзишияш хабар дод.

Уқоб боз болои қулла аст: Ҳабиб Гетҷиро бо усули "буғӣ" шикаст дод-видео

Ӯ гуфт, ба модараш ваъда додааст, ки ин охирин муҳорибааш хоҳад буд.

0