Навхонадорон. Акс аз бойгонӣ

Табиб: нақшаи оиладорӣ Тоҷикистонро аз никоҳи хешу таборӣ наҷот медиҳад

469
(Таҷдидшуда 19:24 29.07.2016)
Ҳукумати кишварро мебояд барномаи махсус дар бораи оқибатҳои никоҳи хешу таборӣ омода намуда, мардумро аз он огоҳ созанд. Нақшаи оиладорӣ низ набояд фаромӯш шавад.

ДУШАНБЕ, 29 июл — Sputnik.  Моҳи январи соли 2016 ба кодекси оилаи Ҷумҳурии Тоҷикистон тағйиру иловаҳо дохил карда шуд, ки мувофиқи он никоҳи хешу таборӣ дар мамлакат манъ гардид.

Расман  хонадор шудан бо хешу табори наздик дар Тоҷикистон аз 1 июли соли равон манъ карда шуд. Дар давоми нимсолаи аввал дар Тоҷикистон 393 никоҳи хешу таборӣ сабт шудааст.

Қонуни мазкур бо мақсади кам кардани шумораи кӯдакони маъюб дар ҷумҳурӣ, ки аслан дар натиҷаи никоҳи хешу таборӣ ба дунё меоянд, аз ҷониби ҳукумати кишвар қабул гардидааст.

Барои решакан кардани никоҳи хешу таборӣ бояд чи кор кард?

Sputnik  Тоҷикистон дар ин бобат бо момодоя, мутахассис, табиб ва профессори шӯъбаи момодоягии Донишгоҳи дӯстии халқҳои Русия Олга Пустотина сӯҳбат кард.

Ба қавли ӯ сабаби никоҳи хешу таборӣ натанҳо анъанаҳои ҷойдошта ва мушкилоти молиявии баъзе аз оилаҳост, балки зиндагӣ дар қишлоқҷойҳои дур ки интихоби ҳамсарро душвор мекунад низ буда метавонад.

Ва дар охир ҳастанд нафароне, ки аз оқибати никоҳи хешу таборӣ огоҳӣ надоранд, илова кард профессор.

"Бояд ин масъаларо ҳамаҷониба ҳал кард. Натанҳо манъ намудани никоҳи хешутаборӣ, балки барои ба мардум фаҳмонида додани оқибатҳои он бояд барномаи махсуси ҳукумактӣ омода шавад. Дар бораи нақшаи хонадоршавӣ низ набояд фаромӯш шавад",-мегӯяд табиб.

Ба фикри ӯ кам кардани таваллуднокӣ, масалан аз 10-12 фарзанд ба 5-6 нафар ба кам шудани фавти модар ва кӯдак кумак мекунад.

Илова бар ин чунин роҳ метавонад, ба давомнокии умри занон таъсири мусбат расонида, хатари гирфтор шудан ба касалиҳои сироятиро аз байн барад.

"Аксар маврид занони Тоҷикистон баъди ҳомиладорӣ хуб барқарор нашуда, бе омодагии ҷисмонӣ такроран фарзанд таваллуд мекунанд.  Дар бастагӣ бо ин таваллуди барвақтӣ дар ҷумҳурӣ хеле зиёд ба назар мерасад",-илова намуд Пустотина.

Тағйиру иловаҳо ба кодекси оила аз моҳи июни соли 2016 фаъол шуданд. Ҳамин тавр никоҳ миёни хоҳару бародари амак, тағо, хола ва амма дар ҷумурӣ мувофиқи қонун манъ карда шуданд.

469
Барчаспҳо:
никоҳи хешутаборӣ, Доиншгоҳи дӯстии халқҳои Русия, Олга Пустотина, Тоҷикистон
Холод Леонид доктор экономических наук, экс-замминистра сельского хозяйства и продовольствия РФ

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

55
(Таҷдидшуда 18:37 01.08.2020)
Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия тавзеҳ дод, ки оё дар Тоҷикистон рушди содирот ба бозори дохилӣ таъсири манфӣ мерасонад ё не

Кӣ ба чунин натиҷа ноил шуд - табиат ё одамон бо кӯшиши худ ва истифодаи агротехнодогия, саволест, ки вақт металабад, таъкид мекунад, Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия ба Sputnik Тоҷикистон.

Холод рассказал, как укрепление сельхозсферы влияет на экономику Таджикистана

"Рушди 8 дар садии соҳаи аграрӣ натиҷаи хуб аст. Ин дастоварди муваққатӣ нест", - афзуд коршинос.
Холод гуфт, ки дар Тоҷикистон ҳосилро пештар аз Русия мебардоранд, ин аз он шаҳодат медиҳад ки омор аз натиҷаҳои бадастомада аст.

"Содирот чизи хуб аст, агар нархҳои дохилиро набардорад, молро дар худи дохили кишвар кам накунад,", - таъкид кард коршинос.

Хоҷагии қишлоқ яке аз соҳаҳои бузурги Тоҷикистон аст, ки рушди нишондодҳои он боиси мустаҳкам шудани пули миллӣ ва рушди иқтисоди кишвар мешавад.

55
Генеральный директор авиакомпании Таджик Эйр Дилшод Исматуллозода

Рӯзҳои сахти "Тоҷикэйр": қарз аз маош ва рухсатии бемузди кормандон

704
Ширкати ҳавонавардии "Тоҷикэйр" ҳудуди 90% дарсади кормандонашро дар пайи қатъи парвозҳо ба рухсатии бемузд фиристодааст

ДУШАНБЕ, 27 июл — Sputnik. Дилшод Исматуллозода, директори кулли ширкати "Тоҷикэйр", ки дар нишасти матбуотӣ суҳбат мекард, дар шарҳи ин матлаб гуфт, моҳи март вақте парвозҳо қатъ карда шуданд, ҳамчунин зарурат – ба рухсатии бемузд фиристодани 80 – 90% кормандони ширкат пеш омадааст.

"Аммо замоне, ки парвозҳои чартерӣ шурӯъ шуданд, мо аксарияти онҳоро дигарбора ба кор ҷалб намудем. Аз моҳи август вақте парвозҳои мунтазам сар шаванд, ҳамаи коргаронамон сари кор хоҳанд буд", - гуфт Дилшод Исматуллозода.

"Тоҷикэйр" аз соли гузашта ба ин сӯ бо мушкили молӣ мувоҷеҳ шудааст. 4 январи соли 2019 ин ширкат муваққатан парвозҳояшро қатъ карда, аз 2 сентябри ҳамон сол онҳоро дубора аз сар гирифт.

Аммо қатъи дубораи парвозҳои байнулмилалӣ дар моҳи марти соли равон дар пайи густариши "вируси корона" дар ҷаҳон ширкатро дигарбора ба мушкил мувоҷеҳ сохт.

Ширкати “Тоҷик Эйр” парвозҳояшро ба Деҳлӣ барқарор мекунад

Директори кулли ширкат мегӯяд, ҳолати бефаъолиятӣ ширкатро ба қарз афканд, аз ҷумла бештар аз 12 миллион сомонӣ аз музди меҳнат пеши кормандонаш бидеҳкор шуд.

"Пас аз шурӯъи дигарбораи кор мо тавонистем 4 миллион сомонӣ қарзи пештара аз ҳисоби музди меҳнати кормандон ва ҳам 8 миллиону 200 ҳазор сомонии дигар маош пардохт кунем. Умедворем, ки пас аз барқарор шудани парвозҳо ҳармоҳа маоши кормандонро мепардозем ва парвозҳои мунтазам имкон медиҳанд, ки қарзҳои пешинаро низ адо кунем", - гуфт ӯ.

"Тоҷикэйр" як ширкати давлатии ҳавонавардии Тоҷикистон буда, тибқи иттилои Агентии авиатсияи гражданӣ, дар парки худ як ҳавопаймои коршоями "Боинг 757 – 200" ва як ҳавопаймои "Ан – 28" дорад ва бақия ҳавопаймову чархболҳои ширкат дар таъмир мебошанд.

704
Барчаспҳо:
кормандон, маош, қарз, Тоҷик Эйр
Люди в масках в городе

Эълони омори тозаи сироят, фавт ва шифоёбӣ аз коронавирус дар Тоҷикистон

80
(Таҷдидшуда 19:58 09.08.2020)
Вазорати тандурустии Тоҷикистон хабар медиҳад, ки дар як шабонарӯзи охир 45 нафар аз бемории коронавирус шифо ёфта, ба хонаҳояшон рухсат дода шуданд

ДУШАНБЕ, 9 авг — Sputnik. Вазорати тандурустии Тоҷикистон иттилоъ медиҳад, ки дар давоми 24 соати гузашта, 89 нафар гумонбарон зери назорати табибон қарор дошта, 45 нафар баъд аз муолиҷа ба хонаҳояшон рухсат дода шуданд.

Тибқи иттилои ин ниҳод, дар як шабонарӯзи охир дар ҷумҳурӣ 40 ҳодисаи нави бемории COVID-19 дарёфт гардида, дар маҷмӯъ шумораи гирифторони ин беморӣ ба 7785 нафар баробар гардид.

"То санаи 9 август дар мамлакат 6573 (84,4%) нафар аз бемории COVID-19 шифо ёфта, бар асари он 62 нафар фавтидаанд", - омадааст дар хабарнома.

Вазорат ёдоварӣ карда, ки  Ҳукумати Ҷумҳурии Тоҷикистон ва Вазорати тандурустӣ ва ҳифзи иҷтимоии аҳолӣ айни замон ҷиҳати пешгирӣ ва табобати коронавируси нави CОVID-19 тамоми тадбир ва чораҳои заруриро амалӣ намудаистодаанд.

Ин ниҳод даъват карда, ҷиҳати пешгирии сирояти мазкур пеш аз ҳама қоидаҳои беҳдошти шахсиро қатъиян риоя намоянд, зеро, дар урфият беҳуда нагуфтаанд, ки табиби ҳар шахс худи ӯст.

80
Барчаспҳо:
вируси нав, омор, Тоҷикистон, Вазорати тандурустӣ
Мавзуҳо:
Пайомадҳои COVID-19 дар Тоҷикистон ва ҷаҳон