Юрий Сёмин. Акс аз бойгонӣ

Семин дар бораи истеъфои Черевченко: “Локомотив” бояд ӯро баргардонад

70
(Таҷдидшуда 11:45 10.08.2016)
Мураббии футбол Юрий Семин сабаби ба истеъфо рафтани Игор Черевченкоро аз “Локомотив” шарҳ дод ва гуфт, ки чаро ӯ барои омода намудани футболбозони тоҷик ба Тоҷикистон намеравад.

ДУШАНБЕ, 10 авг — Sputnik. Бояд тамоми кӯшишро ба харҷ дод, то сармураббии "Локомотив" Игор Черевченко аз вазифааш даст накашад, иҳзор дошт мураббии Русия ва Тоҷикистон Юрий Семин зимни мусоҳиба бо Sputnik.

Черевченко баъди бозии "Локомотив" бо "Том" дар доираи даври дуюми чемпионати Русия аризаи истеъфо навишт. Дастпарварони ӯ дар даври дуюми бозӣ бо 2-гол бартарӣ доштанд, вале бозиро мусовӣ анҷом доданд.

"Эҳтимолан сабаби истеъфои ӯ, ки барои ҳамагон ногаҳонӣ буд, шикасти даста аст",-гуфт ӯ.

Роҳбарияти клуб низ дар чунин назар аст, ки Черевченко ба ҳиссиёт дода шуд ва кӯшиш доранд то ӯро ба клуб баргардонанд. Худи Черевченко сабаби истеъфояшро нагуфтааст. Ба қавли Семин "Локомотив" бояд кӯшиш кунад, то ӯро баргардонад.

"Ӯро бояд баргардонд, чун чемпионати Русия нав шурӯъ шуд. Дар ҳоли ҳозир "Локомотив" натиҷаҳои хуб нишон медиҳад",-қайд кард мураббӣ.

Баргаштан ба Тоҷикистон?

Сармураббии Тоҷикистону Русия Юрий Семин бовар дорад, ки "Черевченко барои мураббигӣ ба футболбозони тоҷик розӣ намешавад, чунки дар ин кишвар мутахассисони кордон зиёданд".

Ба гуфти ӯ Тоҷикистон барои рушди футбол тамоми шароитро дорад.

"Шароити рушд бузург аст, вале то ҳол пурра истифода нашудааст,-изҳор дошт Семин. Боду ҳавои мусоид, имкон медиҳад, ки  футболбозон тамоми сол ба футбол машғул шаванд. Дар даврони советӣ ин ҷо бозигарони хуб буданд, ки баъдтар мураббӣ шуданд. Ҳозир бошад, ҷавонони боистеъдод зиёданд. Дар Тоҷикистон ҳамеша ба рушди футбол диққат медоданд".

Мураббии шоиста ба корбарони ин соҳа дар Тоҷикистон  маслиҳат дод, то ҳарчӣ бештар футболро дар байни кӯдакону наврасон ташвиқу тарғиб намоянд ва мактабҳои варзиширо дар қаламрави кишвар зиёд кунанд.

Игор Черевченко писари собиқ бозигари дастаи футболи "Помир"-и Душанбе- Геннадйевич Черевченко буда,  21 августи соли 1974 дар Тоҷикистон таваллуд шудааст. Қадамҳои нахустинаш дар футбол аз мактаби варзишии Душанбе шуруъ шуда буд. Ӯ ҳамчун ҳимоятгар бозӣ мекард. Соли 1992 дар ҳайати "Помир" чемпиони кишвар ва ғолиби Ҷоми Тоҷикистон гардид.

Соли 1996  Черевченко ба дастаи "Локомотив"  даъват шуда, дар он ҷо ӯ бештар худро нишон дод ва дар ҳайати дастаи "роҳиоҳанчиён"  чаҳор маротиба Ҷоми Русия, се бор медали нуқра ва як дафъа медали биринҷиро ба даст овард.

Моҳи майи соли 2015  Игор Черевченко расман сармураббии дастаи "Локоматив" таъйин шуд.  Дар ин  бора ӯ ҳангомӣ огоҳӣ ёфт, ки дар шаҳри Душанбе қарор дошт. Қаблан вазифаи сармурабии  тими  роҳи оҳани Маскавро ду дастпарвари футболи тоҷик аз дастаи "Помир"-Юрий Сёмин  ва Рашид Раҳимов бар дӯш доштанд.

70
Барчаспҳо:
мактабҳои варзишӣ, дастпарварони футболи тоҷик, истеъфо, футбол, дастаи "Локомотив", Юрий Семин, Игор Черевченко, Тоҷикистон, Русия
Мавзуъ
Мухлисони тоҷик Игор Черевченкоро хуш пазируфтанд

"Ҳадди аққал бояд кӯшиш кард": коршинос дар бораи тамдиди созишномаи СНВ-3

47
(Таҷдидшуда 18:54 20.10.2020)
Кремл изҳороти ИМА дар бораи созишномаи СНВ-3 - ро шарҳ дода қайд кард, ки равобит барои суботи стратегӣ бо ИМА идома хоҳанд дод

ДУШАНБЕ, 20 окт — Sputnik. Дар суҳбат бо радиои Sputnik, сиёсатшинос Константин Блохин гуфт, гуфтушунид бо кадом сиёсатмадор дар ин бобат осотар хоҳад буд.

Гарчанде ҷониби Амрико аз пешниҳоди Владимир Путин дар бораи тамдиди созишномаи СНВ-3 ба муҳлати як сол даст кашид, Маскав умед дорад, ки алоқа бобати суботи стратегӣ ва тамдиди созишномаи СНВ-3 идома хоҳад ёфт, гуфт сухангӯи президенти Русия Дмитрий Песков.

Пештар Қасри Сафед изҳор дошт, ки аз пешниҳоди Путин барои тамдиди созишномаи ҷорӣ барои як сол, бидуни шарту шароити пешакӣ даст мекашад.

"Мо умед дорем, ки ба ҳар ҳол, равобит бо ҷаниби Амрико идома хоҳад ёфт. Дар умум, албатта чуноне президент гуфт, тамдиди ин созишнома имкон медиҳад, ки вақт, ҳамин 12 моҳро барои гуфтушуниди ҷиддӣ оиди масоили назорати силоҳ, аз худ кунем", - гуфт Песков.

Ӯ ҳамчунин таъкид кард, ки маҳрум кардани тамоми ҷаҳон аз ин "санги асосии субот ва амнияти ҷаҳонӣ" оқибатҳои хеле харобиовар хоҳад дошт.

"Барои ҳамин, албатта мо мехоҳем аз ҳамтоёни амрикоиямон омода будан барои тамдидро бишнавем", - қайд кард сухангӯи президент.

Ба гуфти ӯ, айни ҳол дар ин самт ягон пешравӣ дида намешавад. Вале чунин ҳолат маънои онро надорад, ки "равобитро пурра бояд қатъ кард".

Корманди илмии Маркази таҳқиқотии амнияти АИР, сиёсатшинос Константин Блохин дар суҳбат бо радиои Sputnik гуфт, тақдири ин созишнома аз он вобаст аст, ки дар интихоботи дар пешистодаи ИМА, кӣ пирӯз мешавад.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

"Намояндаи Ҳизби Ҷумҳурихоҳон Доналд Трамп дар навбати аввал Чинро бад мебинад ва СНВ-3 - ро бо Чин пайванд медиҳад. Дуюм, Ҳизби Ҷумҳурихоҳон кӯшиш дорад, назорати яроқро нобуд созад. Ёдрас мешавам, ки дар аҳди Ҷорҷ Буши хурдӣ, амрикоиҳо аз созишномаи ПРО баромаданд, худи Трамп созишнома оид ба мушакҳои дурпарто ва Созишнома оид ба осмони кушодро бекор кард. Агар ӯ дар интихобот пирӯз шавад, эҳтимои баромадан аз созишномаи СНВ-3 хеле зиёд аст , - гуфт Блохин.

Коршинос мегӯяд, агар намояндаи демократҳо Ҷо Байден пирӯз шавад, эҳтимоли тамдиди созишнома вуҷуд дорад.

"Чун анъана, ҳизби демократҳо тарафдори он аст, ки дар мавзӯи суботи стратегӣ бо ҷониби Русия гуфтушунид кунад. Ёдовар мешавам, ки маҳз дастгоҳи Обама ҳамроҳ бо Дмитрий Медведев созишномаи ҷориро имзо карда буданд. Вале, сарфи назар аз он, ки кӣ президент мешавад, бастани созишнома дар давоми чанд моҳ номумкин аст. Барои ҳамин бояд кӯшиш кард, то онро тамдид намуд, то дар давоми соли оянда созишномаи нав имзо шавад. Ин идея ҷолиб аст", - қайд кард коршинос.

START III ягона Созишномаи мавҷудаи маҳдудкунандаи яроқ миёни Русия ва ИМА мебошад. Муҳлати созишнома 5 феврали соли 2021 ба итмом мерасад ва агар он тамдид нашавад, дар ҷаҳон абзоре барои маҳдуд кардани силоҳҳои бузургтарин қудратҳои ҳастаӣ боқӣ намемонад.

START III - 5 феврали соли 2011 эътибор пайдо кард. Дар он пешбинӣ шудааст, ки ҳарду ҷониб арсеналҳои ҳастаии худро тавре коҳиш медиҳад, ки дар давоми ҳафт сол ва дар оянда шумораи умумии силоҳ аз 700 мушаки баллистикии байниқитъавӣ, мушакҳои баллистикӣ дар киштиҳои зериобӣ ва бомбаандози вазнин, инчунин 1550 кулоҳак ва 800 партоби мустақар ва мустақаршуда зиёд набошад.

47
Барчаспҳо:
ИМА, Русия
Ведущий научный сотрудник Института экономики Российской академии наук (РАН), заведующая отделом экономики Института стран СНГ, главный редактор научно-аналитического журнала Геоэкономика энергетики Аза Мигранян

Коршинос гуфт иқтисоди Тоҷикистонро баъд аз интихоби Эмомалӣ Раҳмон чӣ интизор аст

365
(Таҷдидшуда 23:30 14.10.2020)
Ба гуфтаи мутахассиси Пажуҳишгоҳи кишврҳои ИДМ Аза Мигронян, барои ҳифзи роҳи сиёсати пешгирифта, раисҷумҳур бояд дар иқтисоди миллӣ тағйиротҳои ҷиддӣ ворид намояд

Интихоботи президентии гузашта эътимоди мардум ба раисҷумҳуро тасдиқ кард, вале барои нигоҳ доштани ин эътимод ҳукумати Тоҷикистон дар 7 соли оянда бояд дар роҳи аз байн бурдани мушкилиҳои иқтисодииҷумҳурӣ ҷиддан талош намояд.

 

Эксперт рассказала о перспективах таджикской экономики после избрания Рахмона

“Умедворам, ки дар ҳафт соли оянда Эмомалӣ Раҳмон бо ислоҳотҳои иқтисодии назаррас вазъи Тоҷикистонро беҳбуд хоаҳд кард. Ӯ бояд фаъолияти озоди соҳибкоронро таъмин кунад ва фишори давлат низ ба тонҳо коҳиш ёбад”, таъкид доштааст коршинос Аза Мигранян.

Вай гуфт, иқтисоди Тоҷикистон пойбанди қарзҳои хориҷӣ ва интиқоли пули муҳоҷирони меҳнатӣ аст ва дар ин ҳафт сол бояд дар мадди аввал маҳз ҳамин мушкил комилан аз байн бурда шавад.

 

365
Барчаспҳо:
ислоҳот, Эмомалӣ Раҳмон, интихобот, коршинос, иқтисод, Тоҷикистон
День 21 октября

Ҷашнҳои рӯзи 21 октябр дар Тоҷикистон ва ҷаҳон

0
(Таҷдидшуда 18:50 20.10.2020)
Рӯзи 21 октябр дар Иёлоти Муттаҳидаи Амрико ҳамчун рӯзи ширинӣ ва дар Бритониёи Кабир рӯзи себ таҷлли мешавад

Рӯзи 21 октябр дар ҷаҳон чӣ рух дод

Соли 1969 дар  Тошканд аввалин Кинофестивали байналмилалии давлатҳои Осиё, Африқо ва Амрикои Лотинӣ доир шуд.

Город Ташкент, архивное фото
Город Ташкент, архивное фото

Соли 1994 Академияи телевизионии Русия ҷоизаи ҳамасолаи "ТЭФИ"-ро таъсис дод.

Вручение телевизионной премии ТЭФИ 2017
© Sputnik / Владимир Астапкович
Вручение телевизионной премии "ТЭФИ 2017"

Рӯзи 21 октябр дар Тоҷикистон чӣ рух дод

Соли 2009 дар Душанбе созишнома миёни Ҳукумати Тоҷикистон ва Бонки рушди УрОсиё (БРАО) дар бораи фаъолият ва кушодани дафтари Бонк дар Тоҷикистон ба имзо расид

© Sputnik / Стас Этвеш / Вишнякова Мария

Соли 2010 дар шаҳри Душанбе Кумита оид ба ҳимояи ҳуқуқи журналистон зери номи “Кумитаи 29 сентябр” таъсис ёфт.

Соли 2010 дар шаҳри Душанбе татбиқи "Барномаи сиёсати хориҷии Ҷумҳурии Тоҷикистон дар самти муҳоҷирати меҳнатӣ барои солҳои 2006-2010" муҳокима карда шуд.

Соли 2014 Донишгоҳи (славянии) Тоҷикистону Русия ва Донишгоҳи "Сока" — и  Ҷопон созишномаи ҳамкорӣ ба имзо расониданд.

Здание Российско-Таджикского (славянского) университета, архивное фото
© Sputnik Амир Исаев
Здание Российско-Таджикского (славянского) университета, архивное фото

Соли 2015 дар Осорхонаи миллии Тоҷикистон намоиши "Шамоил. Асрҳои Х1Х-ХХ. Сухан ва тасвир" оғоз гардида, 20 ноябр ба анҷом расид.

© Sputnik / Стас Этвеш / Вишнякова Мария

Соли 2016 масоили вақт ва дурнамои ҳамкории Тоҷикистону Аморати Муттаҳидаи Араб баррасӣ шуданд.

Соли 2016 вазоратҳои корҳои хориҷии Ҷумҳурии Тоҷикистон ва Ҷумҳурии Туркия барномаи ҳамкории мутақобила барои солҳои 2017-2020 –ро ба имзо расониданд.

Соли 2015 дар чойхонаи миллии қасри таърихии Арбоб Президенти Ҷумҳурии Тоҷикистон Эмомалӣ Раҳмон бо роҳбарону фаъолони вилояти Суғд машварати корӣ доир намуданд.

Дворец Арбоб в Худжанде
© Sputnik / Стас Этвеш
Дворец Арбоб в Худжанде

Соли 2016 дар Қасри миллат дар мулоқоти Эмомалӣ Раҳмон ва Вазири корҳои хориҷии Туркия Мавлют Човушоғлу масоили вақт ва дурнамои ҳамкории ду давлат ва дигар мавзӯъҳои муҳим баррасӣ шуданд.

Ҷашнҳои рӯзи 21 октябр

  • Дар ИМА — Рӯзи ширинӣ.
  • Дар Британияи Кабир —  Рӯзи себ.
  • Рӯзи қувваҳои мусаллаҳ дар Гондурас.
  • Рӯзи инқилоб дар Сомалӣ ва Судон.

Рӯзи 21 октябр дар Тоҷикистон кӣ ба дунё омадааст

Нарзулло Азимов (1934)- адабиётшинос, профессор.

Зинаида Захарова (1929) – актрисаи театр, Ҳунарпешаи Шоистаи Тоҷикистон.

Маҳмуд Исмоилов (1929-2011) – доктори илми биологӣ, профессор, узви вобастаи АИ Тоҷикистон, Ходими шоистаи илми ҷумҳурӣ.

Солеҳҷон Фармонов (1922) – актёри театр, Ҳунарпешаи шоистаи Тоҷикистон.

Марианна Фофанова (1921) – шоира, мутарҷим, Корманди шоистаи маданияти Тоҷикистон.

Григорий Ясвоин (1884 – 1963) – доктори илми тиб, профессор, Ходими шоистаи Тоҷикистон.

0
Барчаспҳо:
Ҷаҳон, Тоҷикистон, ҷашн
Мавзуъ
Ҷашнҳои рӯзи 14 октябр дар Тоҷикистон ва ҷаҳон
Ҷашнҳои рӯзи 15 октябр дар Тоҷикистон ва ҷаҳон
Ҷашнҳои рӯзи 16 октябр дар Тоҷикистон ва ҷаҳон
Ҷашнҳои рӯзи 17 октябр дар Тоҷикистон ва ҷаҳон
Ҷашнҳои рӯзи 18 октябр дар Тоҷикистон ва ҷаҳон
Ҷашнҳои рӯзи 19 октябр дар Тоҷикистон ва ҷаҳон
Ҷашнҳои рӯзи 20 октябр дар Тоҷикистон ва ҷаҳон