Гирифтани пора. Акс аз бойгонӣ

Нисневич: коррупсия дар ОМ-мероси Иттиҳоди Шӯравӣ аст

110
(Таҷдидшуда 15:02 26.01.2017)
Коррупсия дар Тоҷикистон ва дигар кишварҳои Осиёи Марказӣ мероси Иттиҳоди Шӯравӣ аст, мегӯяд роҳбари маркази тадқиқотии сиёсати зидди фасоди Академияи илмҳои Русия, профессор Юлий Нисневич.

ДУШАНБЕ, 26 дек — Sputnik. Тоҷикистон дар рейтинги тозанашри ташкилоти ғайридавлатии Transparency International (Мубориза бо коррупсия) нисбат ба соли гузашта 15 зина поин рафта, мақоми 151-умро гирифтаст.

"Эҳтимол шумо шунидаед, ки дар Иттиҳоди Шӯравӣ коррупсия набуд. Ин дурӯғи маҳз аст. Гап сари он аст, ки фасод шакли дигар дошт. Манфиатҳо ва имтиёзҳо барои коргарон-ин низ як шакли коррупсия аст",-гуфт Нисневич дар сӯҳбат бо Sputnik Узбакистон.

Аз байни кишварҳои Осиёи Марказӣ сатҳи камтарини коррупсия дар Қазоқистон ба қайд гирифта шуда, ин кишвар дар зинаи 131-ум қарор гирифтааст. Баъд Қирғизистон-136 ҷойгир шудааст.

Тоҷикистон (151) аз байни кишварҳои Осиёи Марказӣ сеюмин кишвари мубориз бо фасод дониста шудааст. Поёнтар Туркманистон-154 ва Узбакистон-156 ҷойгир шудаанд.

Рейтинги Transparancy International бар асоси назарпурсии коршиносони ин ё он давлат ташкил дода мешавад. Барои дохил кардани кишвар ба рӯйхати такшилот бояд фикри на кам аз се манбаъ ба назар гирифта шавад.

Дар раддабандии тозанашри созмон Дания пешсаф буда, зинаҳои дуюму сеюмро Зеландияи Нав ва Финландия ишғол кардаанд. Чандин сол пайдарпай дар мақомҳои охирини рейтинг Кореяи Шимолӣ, Сомали ва Судон ҷойгиранд.

Ёдовар мешавем, ки президенти ҶТ Эмомалӣ Раҳмон зимни ироаи паёми солона ба парлумон, коррупсияро дар кишвар яке аз мушкилоти асосии ҷомеаи Тоҷикистон гуфт.

Президент қайд кард, ки бар асоси тадқиқот дар Тоҷикистон аз ҳама бештар дар сатҳи коррупсия дар фаъолияти мақомоти ҳифзи ҳуқуқу судҳо, соҳаҳои заминсозиву тандурустӣ, оид ба корҳои дин, танзими анъана ва ҷашну маросимҳои миллӣ, сабти асноди ҳолати шаҳрвандӣ ва комиссариатҳои ҳарбӣ ба қайд гирифта шудааст.

110
Барчаспҳо:
15 зина поён, зинаи 151, коррупсия, фасод, Transparancy International, Юлий Нисневич, Эмомалӣ Раҳмон, Осиёи Марказӣ, Тоҷикистон
Мавзуъ
Эмомалӣ Раҳмон: Кормандони коррупсия бояд шахсони пок бошанд
Афзоиши коррупсия: прокуратура 2, маориф 4 ва тиб 5 баробар ...
Джо Байден

Дар шикасти Байден намешавад русҳоро гунаҳкор кард

413
(Таҷдидшуда 18:41 22.10.2020)
Интихобот дар Амрико ба лаҳзаҳои ниҳоӣ расид: имрӯз Доналд Трамп ва Ҷо Байден бори охир дар рафти дебат дидор хоҳанд кард

ДУШАНБЕ, 22 окт – Sputnik. Мумкин аст, ҳамин дидор охирин бошад, чун вазъияти ИМА имрӯз чунон шадид аст, ки ин ду нафарро намешавад якҷо тасаввур кард.

Агар ҳам муъҷизае рух диҳаду Байден дар интихобот пирӯз шавад - Трамп метавонад натиҷаи интихоботро эътироф накунад ё ками камаш ҳамаи анъанаҳоро поймол карда, ба маросими савгандёдкунӣ ҳозир нашавад.

Ва Байден ҳам ба ҳеҷ ваҷҳ ба маросими инаугуратсияи Трамп нахоҳад омад - ба ҳамин минвол рӯзи панҷшанбе барояшон рӯзе хоҳад буд, ки онҳо метавонанд бигӯянд, чӣ мехоҳанд. Ва онҳо аз ин имконият ба пуррагӣ истифода хоҳанд кард.

Трамп Байденро раҳбари гурӯҳи ҷинояткорон меномад ва талаб мекунад, ки ӯро ҳамроҳи писараш Хантер равонаи зиндон кунанд. Ҷо дар зиндон намешинад, вале вақте ӯ интихоботро бой медиҳад, расонаҳо мегӯянд, ки ӯро "сюрпризи октябрӣ" аз пой зад - яъне маводе, ки чанд рӯз қабл аз компютери Хантер дарёфт шуд, ки собиқ ноиби президентро дар фасод муттаҳам мекунад. Вале Байден бидуни ин маводҳо ҳам мағлуб мешуд, чун Трамп ба пирӯзӣ маҳкум шудааст.

Вале чигуна мешавад: назарпурсиҳо тамомии бартарияти Байденро нишон медиҳад? Набояд онҳо сохта бошанд?

Метавонанд. Чун онҳое, ки муқобили Трамп бозӣ мекунанд, метавонанд аз ҳар дурӯғе кор бигиранд.

"Ман натанҳо муқобили Байден, балки зидди расонаҳо, ширкатҳои бузурги технологӣ ("Фейсбук", "Твиттер", "Гугл") ва "ботлоқи вашингтонӣ" номзад мешавам, гуфт Трамп. Бале - ва беҳтарин тасдиқи ин вокуниши деви сесара ба далелҳои айбдоркунандаи зидди оилаи Байден буд.

Мавод дар "Ню-Йорк пост" - ро кӯшиш карданд, блок кунанд. "Гугл" онро наметавонист бихонад ва "Фейсбук" - у "Твиттер" иҷоза надоданд, ки он мавод дар саҳифаҳояшон паҳн шавад. Ва расонаҳо ҳам кӯшиш карданд, маводи баҳсбарангезро нодида бигиранд ва аксарияти сиёсатмадорон чунон вонамуд мекарданд, ки коре нашудааст.

Дар баробари ин, ҳамон замон ба тарафи Русия айбдориҳо садо доданд, маълум ки ин Русия боз ба корҳои дохилии Амрико дахолат кард ва Байденро муттаҳам намуд.

Дар ин бора натанҳо конгрессменҳо гуфтанд, балки кормандони мақомот низ. Кормандони пешин - чун директори Хадамоти ҷосусии ИМА Ҷон Рэтклифф изҳор дошт, ки маълумот дар ноутбуки Байден "қисми ягон маъракаи русиягӣ нест". Вале кормандони собиқ номаи кушод навишта гуфтаанд,, ки "таҷрибаи пешин моро водор месозад, ки дасти ҳукумати Русияро дар ин бор эҳсос кунем".

"Пайдо шудани номаҳои электронӣ дар саҳнаҳои сиёсии Иёлоти Муттаҳида, ки гӯё ба писари ноиби президенти ИМА Байден Хантер тааллуқ доранд, ки аксари онҳо аз даврае, ки ӯ дар раҳбарии ширкати Burisma дар Украина кор кардааст, нишонаҳои классикии маъракаи иттилоотии Русияро дорад".

Яъне, Русияро ба сохтани далелҳои носозгор нисбати Байден айбдор намекунанд - ҳарчанд чунин овоазҳо ҳаст - не, Русия танҳо паҳн кард. Аммо чӣ гуна - мешавад агар, ба гуфтаи Руди Ҷулиана (адвокати Трамп ва шаҳрдори собиқи Ню-Йорк), муҳтавои диски компютерии Ҳантер Байден ҳафт моҳ пеш ба ФБР супурда шуда бошад?

Яъне Маскав ин маводҳоро баҷой нигоҳ медошт ва ба "сюрпризи октябрӣ" омода мешуд, ё дастгоҳи трамп ва мушовиронаш аз ҷумла Ҷулиана ин корро карданд? Бале, Ҷулиана зертобеи Путин аст...ва ин шӯхӣ нест: чуноне сенатор Крис Мерфи изҳор дошт, "ин бор русҳо қарор карданд, ки шаҳрвандони амрикоро чун ҷосусони худ созанд. Онҳо кӯшиш мекунанд, ки пропагандаи худро дар расонаҳо ҷой диҳанд. Ва онҳо комёб шуданд. Медонед, Руди Ҷулиана акнун ҷосуси Русия аст".

Бале, албата агар худи Трамп корманди Кремл бошад, дар бораи зертобиъинаш бояд чӣ гуфт. Ханда хандаю, вале худи ҳамин баҳогузории хатои воқеъият ва ҳодиса бо оилаи Байден аллакай нишонгари пирӯзии Трамп аст. Чун рақибони ӯ дар ҷаҳони хаёлӣ ба сар мебаранд - дар ҷаҳоне, ки дар он русҳо ба рафти интихоботи ИМА дахолат мекунад.

Вале, дар воқеъ мо чизи тамоман дигарро мебинем: роҳпаймоии ҷонибдорони Трамп дар сар тосари кишвар ва вохӯрии камёби Байден бо ҷонибдорони камаш. Трампро ҳатто мусулмонон ва дигар қавмҳои аққалият низ дастгирӣ мекунанд. Набуди пурраи далелҳо оиди алоқаи русҳо бо Трамп ва фасоду дуруғгӯии оилаи Байден. 

Ва муҳимтар аз ҳама, дар ҷаҳони воқеӣ, амрикоиҳо кайҳо боз, аз элитаи сиёсии худ -  "ботлоқи Вашингтон" -и дилсард шудаанд ва аз ин рӯ ягона алтернативаи ҷиддӣ ба Трамп метавонист Сандерс бошад. Аммо маҳз ба сабаби дар система набуданаш коллективи "Байден" ӯро ба интихобот роҳ надод.

Амрикоиҳои оддӣ на дар ҷаҳони таблиғотӣ, балки дар ҷаҳони воқеӣ зиндагӣ мекунанд ва аз ин рӯ натиҷаи интихоботи 3 ноябр барояшон пешакӣ муайян аст. Ҳатто сарфи назар аз кӯшиши гардиш додани овозҳо дар "иёлатҳои ноустувор" тавассути сафарбар кардани як интихобкунандаи ғайрифаъоли демократӣ ба овоздиҳӣ тавассути почта - зеро дар он ҷо низ афзоиши овозҳо ба тарафдории ҷумҳурихоҳон дида мешавад.

Ҷаҳони ихтироъшуда 3 ноябр мағлуб хоҳад шуд, ҳатто агар баъд хаос барпо кунаду воқеъиятро напазирад, он ҳеҷ куҷо намешавад.

Гидраи се сар ба интиқом умед мебандад ва барои он кор мекунад. Ҳам дар миқёси Амрико ва ҳам ҷаҳон - ва дар ин ҷо вай ҳақ дорад, ки дар нокомиҳояш русҳоро гунаҳгор кунад.

413
Барчаспҳо:
русҳо, гуноҳ, Русия, ИМА

"Ҳадди аққал бояд кӯшиш кард": коршинос дар бораи тамдиди созишномаи СНВ-3

85
(Таҷдидшуда 18:54 20.10.2020)
Кремл изҳороти ИМА дар бораи созишномаи СНВ-3 - ро шарҳ дода қайд кард, ки равобит барои суботи стратегӣ бо ИМА идома хоҳанд дод

ДУШАНБЕ, 20 окт — Sputnik. Дар суҳбат бо радиои Sputnik, сиёсатшинос Константин Блохин гуфт, гуфтушунид бо кадом сиёсатмадор дар ин бобат осотар хоҳад буд.

Гарчанде ҷониби Амрико аз пешниҳоди Владимир Путин дар бораи тамдиди созишномаи СНВ-3 ба муҳлати як сол даст кашид, Маскав умед дорад, ки алоқа бобати суботи стратегӣ ва тамдиди созишномаи СНВ-3 идома хоҳад ёфт, гуфт сухангӯи президенти Русия Дмитрий Песков.

Пештар Қасри Сафед изҳор дошт, ки аз пешниҳоди Путин барои тамдиди созишномаи ҷорӣ барои як сол, бидуни шарту шароити пешакӣ даст мекашад.

"Мо умед дорем, ки ба ҳар ҳол, равобит бо ҷаниби Амрико идома хоҳад ёфт. Дар умум, албатта чуноне президент гуфт, тамдиди ин созишнома имкон медиҳад, ки вақт, ҳамин 12 моҳро барои гуфтушуниди ҷиддӣ оиди масоили назорати силоҳ, аз худ кунем", - гуфт Песков.

Ӯ ҳамчунин таъкид кард, ки маҳрум кардани тамоми ҷаҳон аз ин "санги асосии субот ва амнияти ҷаҳонӣ" оқибатҳои хеле харобиовар хоҳад дошт.

"Барои ҳамин, албатта мо мехоҳем аз ҳамтоёни амрикоиямон омода будан барои тамдидро бишнавем", - қайд кард сухангӯи президент.

Ба гуфти ӯ, айни ҳол дар ин самт ягон пешравӣ дида намешавад. Вале чунин ҳолат маънои онро надорад, ки "равобитро пурра бояд қатъ кард".

Корманди илмии Маркази таҳқиқотии амнияти АИР, сиёсатшинос Константин Блохин дар суҳбат бо радиои Sputnik гуфт, тақдири ин созишнома аз он вобаст аст, ки дар интихоботи дар пешистодаи ИМА, кӣ пирӯз мешавад.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

"Намояндаи Ҳизби Ҷумҳурихоҳон Доналд Трамп дар навбати аввал Чинро бад мебинад ва СНВ-3 - ро бо Чин пайванд медиҳад. Дуюм, Ҳизби Ҷумҳурихоҳон кӯшиш дорад, назорати яроқро нобуд созад. Ёдрас мешавам, ки дар аҳди Ҷорҷ Буши хурдӣ, амрикоиҳо аз созишномаи ПРО баромаданд, худи Трамп созишнома оид ба мушакҳои дурпарто ва Созишнома оид ба осмони кушодро бекор кард. Агар ӯ дар интихобот пирӯз шавад, эҳтимои баромадан аз созишномаи СНВ-3 хеле зиёд аст , - гуфт Блохин.

Коршинос мегӯяд, агар намояндаи демократҳо Ҷо Байден пирӯз шавад, эҳтимоли тамдиди созишнома вуҷуд дорад.

"Чун анъана, ҳизби демократҳо тарафдори он аст, ки дар мавзӯи суботи стратегӣ бо ҷониби Русия гуфтушунид кунад. Ёдовар мешавам, ки маҳз дастгоҳи Обама ҳамроҳ бо Дмитрий Медведев созишномаи ҷориро имзо карда буданд. Вале, сарфи назар аз он, ки кӣ президент мешавад, бастани созишнома дар давоми чанд моҳ номумкин аст. Барои ҳамин бояд кӯшиш кард, то онро тамдид намуд, то дар давоми соли оянда созишномаи нав имзо шавад. Ин идея ҷолиб аст", - қайд кард коршинос.

START III ягона Созишномаи мавҷудаи маҳдудкунандаи яроқ миёни Русия ва ИМА мебошад. Муҳлати созишнома 5 феврали соли 2021 ба итмом мерасад ва агар он тамдид нашавад, дар ҷаҳон абзоре барои маҳдуд кардани силоҳҳои бузургтарин қудратҳои ҳастаӣ боқӣ намемонад.

START III - 5 феврали соли 2011 эътибор пайдо кард. Дар он пешбинӣ шудааст, ки ҳарду ҷониб арсеналҳои ҳастаии худро тавре коҳиш медиҳад, ки дар давоми ҳафт сол ва дар оянда шумораи умумии силоҳ аз 700 мушаки баллистикии байниқитъавӣ, мушакҳои баллистикӣ дар киштиҳои зериобӣ ва бомбаандози вазнин, инчунин 1550 кулоҳак ва 800 партоби мустақар ва мустақаршуда зиёд набошад.

85
Барчаспҳо:
ИМА, Русия
Японские граждане в масках

Олимони Ҷопон нишон доданд, ки коронавирус чӣ гуна паҳн мешавад - навор

125
(Таҷдидшуда 15:41 25.10.2020)
Олимони Ҷопон нишон доданд, ки дар сурати напӯшидани ниқоби тиббӣ, коронавирус чӣ гуна паҳн мешавад ва одамони солимро сироят мекунад

ДУШАНБЕ, 25 окт — Sputnik. Ниқоби тиббӣ муассиртарин "силоҳ" барои пешгирӣ аз паҳншавии коронавирус мебошад. Инро бори дигар олимони ҷопонӣ собит намуданд.

Онҳо зимни як таҳқиқот муайян намуданд, ки нафари мубтало бо коронавирус, дар сурати напӯшидани ниқоби тиббӣ чӣ гуна вирусро паҳн мекунад. Вирус аснои сӯҳбат кардан ва ё суруд хондану сулфидан, зуд ба атроф паҳн мешавад.

Чун паҳншавии ин вирус бо чашм ноайн аст, аз ин рӯ аксар одамон пӯшидани ниқоби тиббиро, роҳи ҳалли пешгирӣ аз ин дард намебинанд. Онҳо бехабар аз онанд, ки вирус дар сурати напӯшидани ниқоб, бо чӣ гуна суръат паҳн мешавад.

Як фавт ва 40 маризи нав: омори коронавирус дар Тоҷикистон барои имрӯз

Бо мақсади ба таври равшан нишон додани шиддати паҳншавии COVID-19, олимони Ҷопон рӯ оварданд ба технологияҳои навин. Барои ин, муҳаққиқон ба имкониятҳои суперкомпютери Fugaku, ки намоиши ҳаракати зарраҳои вирусиро дар лаҳзаи сухан гуфтан, суруд хондан ва ё сулфа кардани одам нишон медиҳад, рӯ оварданд.

"Агар мо нишон диҳем, ки чӣ гуна вирус метавонад паҳн шавад ва онро бо тамоми ҷаҳон мубодила кунем, пас шояд одамон ҷиддияти таҳдидро мустақилона тасаввур кунанд ва аз нуқтаи назари илмӣ андешанд, ки чӣ гуна чораҳо пешгирикунандаро андешид", - гуфт роҳбари гурӯҳи тадқиқотӣ, профессор Kobe University & RIKEN Макото Субокуро.

Гузашта аз ин, олимон риоя кардани фосилаи иҷтимоиро низ зарур медонанд. Ба изҳори онҳо, вирус аснои суҳбат ва сулфа кардан, дар сурати риоя кардани фосилаи иҷтимоӣ ба замин меафтад ва қобилияти аз замин боло шуданро надорад.

125
Барчаспҳо:
навор, маризӣ, олимон, Ҷопон
Мавзуҳо:
Пайомадҳои COVID-19 дар Тоҷикистон ва ҷаҳон