Хилватшох Махмуд

Хилватшоҳ Маҳмуд: “Ожонси мубориза бо фасод баста шавад”

897
(Таҷдидшуда 17:40 28.04.2017)
Дар Тоҷикистон 17 тан аз кормандони Ожонси назорати давлатии молӣ ва мубориза бо фасод ба иттиҳоми ҷаъли аснод ва ришваситонӣ дастгиру боздошт шудаанд, вале дар ин ниҳод гуфтаанд, ки ин кормандон пеш аз ин ки боздошт шаванд аз кор бар канор шуда буданд
ДУШАНБЕ, 28 апр — Sputnik. Ин хабар дар ҷомеъаи Тоҷикистон сару садоҳои зиёдеро ба бор овард. Хабарнигори Sputnik Тоҷикистон сари ин мавзуъ бо коршинос ва рӯзноманигори тоҷик Хилватшоҳ Маҳмуд суҳбат кард.

Хилватшоҳ Маҳмуд иброз дошт, ки пас аз ин сару садоҳо атрофи ин ниҳод, аввалин андешае, ки ба зеҳнаш омад ин буд, ки "Агентии назорати давлатии молиявӣ ва мубориза бо коррупсияи Ҷумҳурии Тоҷикистон" бояд баста шавад.

"Пеш аз таъсиси ин ожонс дар кишвар чанд ниҳоди дигар тамомии он масъулият ва вазоиферо доштанду доранд, ки ин агентӣ ба уҳда гирифт. Соддатар агар бигӯем, дар Кумитаи давлатии амнияти миллӣ, Додситонии кулл, Вазорати умури дохила ва Утоқи муҳосибаи Тоҷикистон шуъба ва раёсатҳои мубориза бо фасод (коррупсия) вуҷуд дорад. Ҳоло дигар чӣ ҷои нигоҳ доштани як идораи зиёдатӣ дар чунин шароит боқӣ мемонад?", — мепурсад коршинос.

Вай суханони раисҷумҳур Эмомалӣ Раҳмон дар ҷаласаи моҳи январи имсолро, ки ба муносибати 10-умин солгарди таъсиси Ожонс баргузор шуда буд, ёдоварӣ кард, ки "…худи кормандони ин ниҳод бояд шахсони пок бошанд, манфиатҳои давлатро аз манфиатҳои шахсӣ боло донанд, даст ба қонуншиканӣ назананд ва барои кормандони дигар мақомоти давлатӣ намуна бошанд".

"Фикр мекунам, зарурати таъсис ва ё созмондиҳии ниҳоди дигар вуҷуд надорад. Агар ваколату вазоифи раёсату шуъбаҳои марбута дар он чор сохтори давлатӣ, ки номашонро дар боло гирифтем, мушаххас шавад, рӯшан аст, ки кор ба гунаи беҳтар ва ба самти мусбат ҷараён хоҳад гирифт. Ин ниҳодҳо агар тайи се моҳ як маротиба аз фаъолияти анҷомдода дар ин росто ба раисҷумҳур, ҳукумат ва маҷлис гузориш диҳанд ва ин омор расонаӣ шавад, дақиқан ба нафъи кор аст", — гуфт ӯ, вале таъкид кард: "аммо ин назари инфиродии ман аст ва пешниҳоди як шаҳрванд, на чизе бештар аз он".

Хилватшоҳ Маҳмуд бар ин бовар аст, ки барои решакан кардани фасоду фасодкорӣ дар кишвар бастани ожонс басанда набуда, бояд ҳама қишрҳои ҷомеа бо фасод мубориза баранд:

"Барои аз байн бурдани фасоду фасодкорӣ, ришваситонӣ ва базаҳкориҳои фасодзо, на танҳо хадамоти давлатӣ ва ниҳодҳои ҳукуматӣ, балки кулли ҷомеъа вазифадор аст. Агар ҷомеъаи шаҳрвандӣ, қишрҳои мухталифи шаҳрвандони кишвар даст ба дасти ҳам дода, бо ин падида мубориза накунанд, решакан кардани фасод амрест муҳол".

Ба қавли ӯ, агар бо бастани шудани ин ниҳод дар кишвар сатҳи фасод паст нашавад ҳам, маблағе, ки барои музд, сафарҳои хизматӣ ва ҷоизаҳои масъулони ин ниҳод сарф мешуд, ба фоидаи будҷа равона мегардад.

"Ҳадди аққал бо баста шудани як чунин ниҳод аз ҳисоби маошу нигаҳдории идораҳои зиёд, нақлиёту дигар васоил (сафарҳои хидматӣ, ҷоизаҳо…) маблағи ҳангуфте ба фоидаи будҷа сарфа мегардад", — гуфт рӯзноманигори тоҷик.

Ӯ ҳамчунин ёдоварӣ кард, ки раиси Маҷлиси намояндагон Шукурҷон Зуҳуров низ дар ишора ба рухдодҳои ахир гуфта, онҳое, ки бояд бо фасоду фасодкорӣ мубориза баранд, мутаасифона, худ ба фасод даст задаанд.

897
Барчаспҳо:
фасодзада, фасодзудоӣ, пешниҳод, Ожонси мубориза бо фасод, Хилватшоҳ Маҳмуд, Тоҷикистон
Мавзуъ
Боздоштҳо дар Ожонси назорати молӣ: муборизон бо фасод худ фосид будаанд?
Холод Леонид доктор экономических наук, экс-замминистра сельского хозяйства и продовольствия РФ

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

57
(Таҷдидшуда 18:37 01.08.2020)
Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия тавзеҳ дод, ки оё дар Тоҷикистон рушди содирот ба бозори дохилӣ таъсири манфӣ мерасонад ё не

Кӣ ба чунин натиҷа ноил шуд - табиат ё одамон бо кӯшиши худ ва истифодаи агротехнодогия, саволест, ки вақт металабад, таъкид мекунад, Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия ба Sputnik Тоҷикистон.

Холод рассказал, как укрепление сельхозсферы влияет на экономику Таджикистана

"Рушди 8 дар садии соҳаи аграрӣ натиҷаи хуб аст. Ин дастоварди муваққатӣ нест", - афзуд коршинос.
Холод гуфт, ки дар Тоҷикистон ҳосилро пештар аз Русия мебардоранд, ин аз он шаҳодат медиҳад ки омор аз натиҷаҳои бадастомада аст.

"Содирот чизи хуб аст, агар нархҳои дохилиро набардорад, молро дар худи дохили кишвар кам накунад,", - таъкид кард коршинос.

Хоҷагии қишлоқ яке аз соҳаҳои бузурги Тоҷикистон аст, ки рушди нишондодҳои он боиси мустаҳкам шудани пули миллӣ ва рушди иқтисоди кишвар мешавад.

57
Генеральный директор авиакомпании Таджик Эйр Дилшод Исматуллозода

Рӯзҳои сахти "Тоҷикэйр": қарз аз маош ва рухсатии бемузди кормандон

709
Ширкати ҳавонавардии "Тоҷикэйр" ҳудуди 90% дарсади кормандонашро дар пайи қатъи парвозҳо ба рухсатии бемузд фиристодааст

ДУШАНБЕ, 27 июл — Sputnik. Дилшод Исматуллозода, директори кулли ширкати "Тоҷикэйр", ки дар нишасти матбуотӣ суҳбат мекард, дар шарҳи ин матлаб гуфт, моҳи март вақте парвозҳо қатъ карда шуданд, ҳамчунин зарурат – ба рухсатии бемузд фиристодани 80 – 90% кормандони ширкат пеш омадааст.

"Аммо замоне, ки парвозҳои чартерӣ шурӯъ шуданд, мо аксарияти онҳоро дигарбора ба кор ҷалб намудем. Аз моҳи август вақте парвозҳои мунтазам сар шаванд, ҳамаи коргаронамон сари кор хоҳанд буд", - гуфт Дилшод Исматуллозода.

"Тоҷикэйр" аз соли гузашта ба ин сӯ бо мушкили молӣ мувоҷеҳ шудааст. 4 январи соли 2019 ин ширкат муваққатан парвозҳояшро қатъ карда, аз 2 сентябри ҳамон сол онҳоро дубора аз сар гирифт.

Аммо қатъи дубораи парвозҳои байнулмилалӣ дар моҳи марти соли равон дар пайи густариши "вируси корона" дар ҷаҳон ширкатро дигарбора ба мушкил мувоҷеҳ сохт.

Ширкати “Тоҷик Эйр” парвозҳояшро ба Деҳлӣ барқарор мекунад

Директори кулли ширкат мегӯяд, ҳолати бефаъолиятӣ ширкатро ба қарз афканд, аз ҷумла бештар аз 12 миллион сомонӣ аз музди меҳнат пеши кормандонаш бидеҳкор шуд.

"Пас аз шурӯъи дигарбораи кор мо тавонистем 4 миллион сомонӣ қарзи пештара аз ҳисоби музди меҳнати кормандон ва ҳам 8 миллиону 200 ҳазор сомонии дигар маош пардохт кунем. Умедворем, ки пас аз барқарор шудани парвозҳо ҳармоҳа маоши кормандонро мепардозем ва парвозҳои мунтазам имкон медиҳанд, ки қарзҳои пешинаро низ адо кунем", - гуфт ӯ.

"Тоҷикэйр" як ширкати давлатии ҳавонавардии Тоҷикистон буда, тибқи иттилои Агентии авиатсияи гражданӣ, дар парки худ як ҳавопаймои коршоями "Боинг 757 – 200" ва як ҳавопаймои "Ан – 28" дорад ва бақия ҳавопаймову чархболҳои ширкат дар таъмир мебошанд.

709
Барчаспҳо:
кормандон, маош, қарз, Тоҷик Эйр
Посол Ирана в Таджикистане Мухаммажтаки Собири

Таслияти сафири Эрон дар Тоҷикистон аз даргузашти Гулназар Келдӣ

0
(Таҷдидшуда 14:47 15.08.2020)
Сафири Эрон дар Тоҷикистон дар паёме даргузашти Гулназар Келдӣ, нависанда, шоири шаҳир ва сарояндаи суруди миллии Тоҷикистонро таслият гуфт

ДУШАНБЕ, 15 авг — Sputnik. Ба нақл аз хабаргузории “Парстудей”, Муҳаммадтақии Собирӣ дар ин паём изҳор дошт, ки бо даргузашти Гулназар Келдӣ, ҷомеаи илмӣ ва фарҳангии Тоҷикистон яке аз шахсиятҳои худро аз даст дод.

“Ин муҳаққиқи номошнои тоҷик, даврони умри пур хайру баракаташро дар ҷиҳати эътилои забон ва адаби муштаракамон сипарӣ намуд ва осор ва ёдгорҳои арзишманди ӯ дар ҳавзаи адабиёти порсӣ на танҳо дар Тоҷикистон, балки дар Эрон низ бисёр шинохташуда ва мавриди таваҷҷуҳ мебошад”, афзудааст сафири Эрон дар Тоҷикистон.

Собирӣ афзуд, инҷониб зимни арзи таслият ба бозмондагон, миллат ва кишвари дӯст ва ҳамфарҳанг ва ҳамзабони Тоҷикистон, аз Худованди бузург барои он марҳум оромиши абадӣ ва ҷаннати маконӣ ва барои бозмондагонаш сабру шикебоӣ орзу мекунам.

Гулназар Келдӣ, шоири мардумии Тоҷикистон дар сентябри 1945 дар минтақаи Айнии вилояти Суғд ба дунё омад ва 24 сол дошт, ки нахустин маҷмӯаи ашъораш бо нома «Расми сарбозӣ» интишор ёфт ва мавриди истиқболи шоирони замон воқеъ шуд.

Дастархон, Нардабон, Ағба, Паҳно, Лангар, Пайи дарё ва Ҷашми нигин аз ҷумла маҷмӯаи шеърҳои мунташиршудаи Гулназар Келдӣ ҳастанд.

Гулназар Келдӣ аз ҷумлаи саршиностарин шоирони Тоҷикистон буд, ки ашъораш ба хатти форсӣ дар Эрон ва Афғонистон ба чоп расид ва шеърҳои чандин шоири машҳури русро низ ба форсии тоҷикӣ тарҷума кард.

Гулчине аз ашъори устод Гулназар Келдӣ бо номи «Забони ошиқӣ» ба кӯшиши марҳум Қайсари Аминпур, шоири барҷастаи муосири эронӣ, дар интишороти Сурӯши Эрон ба чоп расидааст.

0
Барчаспҳо:
сафир, паём, Гулназар Келдӣ, ҳамдардӣ, таслият, Эрон, Тоҷикистон