Абдулло Давлатов, акс аз бойгонӣ

Абдулло Давлатов: мо бо ифтихор Синоро тоҷик мегӯем, аммо...

993
(Таҷдидшуда 15:18 02.06.2017)
Дар ҳошияи фаро расидани моҳи шарифи Рамазон Spunik Тоҷикистон бо пизишки машҳури тоҷик Абдулло Давлатов дар бораи суд ва зарар, реҷаи таомхӯрӣ, парҳез ва пурхӯрӣ дар ҳангоми рӯзадорӣ сӯҳбат кард

Рӯзадорӣ аз дидгоҳи улуми пизишкӣ чӣ суд ва ё зиёне дорад?

Дар замони шуравӣ табибоне буданд, ки кӯшиш мекарданд аз зарари рӯзадорӣ бигӯянд ва бештар куллигӯӣ мекарданд. Пас аз фурӯпошии шуравӣ табибон кӯшиш карданд, ки аз фоидаҳои он бигӯянд, аммо онҳо низ куллигӯӣ мекарданд ва далелҳои заиф меоварданд.

Вале соли гузашта далелҳои қавие пайдо шуданд, ки фоидаҳои рӯзагириро исбот мекунад. Олимони ҷопонӣ ва амрикоӣ бо исботи ин падида барандаи ҷоизаи Нобел шуданд. Бояд таъкид кунам, ки онҳо мусулмон набуданд.

Олимон  исбот карданд, ки гуруснанишинӣ барои бадан бисёр ҳам муфид будааст. Соли гузашта олими ҷопонӣ Ёсинорӣ Осуми бо исботи фоидаҳои механизм ё раванди аутофагия ё худхорӣ барандаи ҷоизаи Нобел гашт.

Аутофагия — вожаест юнонӣ ба маънои "худхорӣ" — "авто" — "худ" ва "фагус" — "хӯрдан" аст.

Осуми собит кард, ки агар инсон гурусна монад, ҳуҷайраҳои бадан, моддаҳоеро, ки дар бадани инсон захира шуда мондаанду фоидае надоранд, балки зарар доранд, "мехӯранд".  Ё ки моддаҳоеро, ки ба ҳар роҳе вориди бадан шуданду дохили ҳуҷайраҳо ҷой гирифтаанд ё дар рӯда, дар пардаи шикам ё ки ба таври чарбу захира шудаанд, ҳангоми гурусна мондан организм онҳоро мехӯрдааст.

Ғайр аз ин ба воситаи гурусна мондан метавон вирус ва бактерияҳоро низ нобуд кард, ки ба бадани инсон пештар ба воситаи хӯрок ворид шудаанд, ҳалл нашуда дар бадан ҷой гирифтаанд. Яъне агар инсон гурусна монд, ҳамин раванди худхорӣ ё аутофагесия ба кор медаромадааст.

Масалан, дар оташдон аз ангишт истифода мебарем ва агар ангишт тамом шуд маҷбурем хасу хошокро ҷамъ карда бисӯзонем.

Бадани инсон ҳам ҳамин тавр кор мекунад. Агар одам ғизо истеъмол накард, организм барои нерӯву тавон ё энергия гирифтан дигар маводро ба кор мебардааст.

Акнун гап дар бораи он меравад, ки барои ин равандро фаъол кардан, бояд аз кадом хӯрок даст кашид ва чанд муддат ғизо нахӯрад. Ба гуфтаи пизишкон, барои аз ин раванд фоида бардоштан ва организми худро тоза карданд, бояд инсон дар як сол як моҳ ё 40 рӯз гуруснанишинӣ кунад ва дар як рӯз ин гуруснанишинӣ  бояд 17 соатро дар бар гирад ва бояд аз хӯрдани ҳама гуна ғизо ва об даст кашад. Яъне  ин ҳамон рӯзадорист, ки олимони ғайримусулмон онро гуруснанишинӣ номидаанд ва шояд хабар ҳам надоштанд, ки ин раванд дар ислом 1400 сол боз ҷорӣ мебошад.

Болотар аз ин,  боз як чизи дигар исбот шудааст, ки агар ҳар ҳафта ду рӯз, инсон ғизояшро то 500 килокалория кам кунад, дар ин ҳолат низ худхорӣ (аутофагия) фаъол мешавад. Яъне ки ду руз чизе нахӯрад. Шоёни ёдоварист, ки дар ислом низ дар ҳафтае ду бор рӯза гирифтанро суннат номидаанд.

Болотар аз ин, дар канори пажӯҳишҳои доктор Осуми, пажӯҳишгарони зистшиносии иёлати Калифорнияи Амрико соли 2016 низ натиҷаҳои пажӯҳишҳои худро мунташир карда буданд ва дақиқ карданд, ки механизми Осуми барои дармони бемории склероз ё сахток бисёр муфид будааст. Гурӯҳе дигар аз пажӯҳишгарон дар ҳошияи корҳои Осуми гуфтанд, ки механизми худхорӣ барои дармони бемориҳои дил, мағзи сар ва ҷигар муфид будааст.

Хулоса ки тадқиқоти олимони ҷопонӣ, амрикоӣ ва канадаӣ, ки онҳо аз давлатҳои исломӣ ва пайрави ислом нестанд, исбот мекунад, ки рӯзадорӣ, ки ҳамон гуруснанишинист, барои пешгирӣ ва табобати бемориҳои дил, беморони саратон (инро пажӯҳишгарони канадаӣ гуфтанд), ҷигар, рагу пайванд, қанд ва ғайра бисёр муфид будааст. Ҳамаи ин бо далелҳо исбот шудаанд.

Дар бораи пурхӯрӣ ҳангоми ифтор ва суҳур чӣ мегӯед?

Нафси бад охир ба дорам мекашад…

Касоне ки ҳангоми ифтор пурхӯрӣ мекунанд, шояд фикр мекунанд, ки бо гирифтани рӯза қарзи худро адо карданд ва метавонанд шабҳангом то дилашон мехоҳад хӯрок хӯранд.

Бояд фаромӯш накард, ки рӯзадорӣ аз фоида холӣ нест. Аммо агар нафс ғолиб омад, ин маънои онро дорад, ки одам худ ба хештан зулм мекунад.

Ҳастанд касоне, ки бе рӯза гирифтан низ реҷаи хӯрокхӯриро риоя намекунанд ва бо ин роҳ бемориро ба худ ҷалб мекунанд.

Ғизои кам шифоанггез бошад,

Вале асли завол парҳез бошад.

Ё Сино мегӯяд:

Хоҳӣ, ки зи асбоби пурӣ парҳезӣ,

В-аз нанги табибони дағал бигрезӣ.

Ногашта тиҳӣ меъда ба хон наншинӣ

З-он пеш, ки меъда пур шавад, бархезӣ.

Чӣ дар моҳи мубораки Рамазон, чӣ дар дигар моҳҳо пур хӯрдан ё зиёд дар сари дастархон нишастан зарар дорад ва шикамро пур накарда нахестан ҳам беморзо аст, ки мо инро ҳар руз ба беморон таъкид мекунем.

Касоне, ки имони комил доранд, ҳеҷ вақт ин тавр рафтор намекунанд ва мусулмонони комил аз гуруснагӣ наметарсанд.

Бояд фаромӯш накард, ки гирифтани рӯза бо 17 соат гурусна нишастан ба итмом намерасад ва бояд қоидаҳои дигари онро низ риоя кард.

Ислом пеш аз ҳама омӯхтан аст, ба фикри ман тоҷикони мо, ки бо ифтихор Синоро тоҷик мегӯянд, бояд ҳаддақалл ҳамон ҳарфҳои Синоро омӯзанд ва дар хотир гиранд, ки таъкид карда буд:

Ногашта тиҳӣ меъда ба хон наншинед,

З-он пас ки меъда пур шавад бар хезад.

Боз ҳам суханони ҳамон олимонро бояд дар хотир гирифт, ки гуфта буданд, агар хоҳед, ки баданатон як соли дигар солим бошад, пас гуруснанишнӣ кунед ва бо ин роҳ организми худро поксозӣ кунед. Ва ин имконро ба мо ислом ва моҳи шарифи Рамазон медиҳад, ки мо бояд аз он дуруст истифода барем ва ҳамон шаб, ки дар ихтиёри мост, даст ба пурхӯрӣ назанем. Вагарна рӯзадорӣ дар ду дунё суде нахоҳад овард.

Хӯрдани кадом ғизоро дар моҳи шариф тавсия медиҳед?

Аслан ҳар чӣ ки дил мекашад, метавон аз ҳамон истифода бурд. Албатта, дар ин мавзуъ ҳама олимон ҳамандеша нестанд. Баъзеҳо тавсия додаанд, ки барои таъмин шудани бадани инсон бо ҳамаи микроэлементҳо ва витаминҳо рӯзадор бояд дар як шабонарӯз як қошуқ асал, як каф чормағз, як себ ва як сабзӣ истеъмол кунад.

993
Барчаспҳо:
пурхӯрӣ, ғизо, моҳи шарифи Рамазон, Абдулло Давлатов, Тоҷикистон-Русия
Мавзуҳо:
Моҳи мубораки Рамазон - 2017 (25)
Холод Леонид доктор экономических наук, экс-замминистра сельского хозяйства и продовольствия РФ

Коршинос гуфт, ки чигуна устувории хоҷагии қишлоқ дар Тоҷикистон ба иқтисод таъсир мекунад

56
(Таҷдидшуда 18:37 01.08.2020)
Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия тавзеҳ дод, ки оё дар Тоҷикистон рушди содирот ба бозори дохилӣ таъсири манфӣ мерасонад ё не

Кӣ ба чунин натиҷа ноил шуд - табиат ё одамон бо кӯшиши худ ва истифодаи агротехнодогия, саволест, ки вақт металабад, таъкид мекунад, Леонид Холод, коршиноси рус, доктори илмҳои иқтисод, муовини вазири хоҷагии қишлоқ ва озуқаи Русия ба Sputnik Тоҷикистон.

Холод рассказал, как укрепление сельхозсферы влияет на экономику Таджикистана

"Рушди 8 дар садии соҳаи аграрӣ натиҷаи хуб аст. Ин дастоварди муваққатӣ нест", - афзуд коршинос.
Холод гуфт, ки дар Тоҷикистон ҳосилро пештар аз Русия мебардоранд, ин аз он шаҳодат медиҳад ки омор аз натиҷаҳои бадастомада аст.

"Содирот чизи хуб аст, агар нархҳои дохилиро набардорад, молро дар худи дохили кишвар кам накунад,", - таъкид кард коршинос.

Хоҷагии қишлоқ яке аз соҳаҳои бузурги Тоҷикистон аст, ки рушди нишондодҳои он боиси мустаҳкам шудани пули миллӣ ва рушди иқтисоди кишвар мешавад.

56
Генеральный директор авиакомпании Таджик Эйр Дилшод Исматуллозода

Рӯзҳои сахти "Тоҷикэйр": қарз аз маош ва рухсатии бемузди кормандон

709
Ширкати ҳавонавардии "Тоҷикэйр" ҳудуди 90% дарсади кормандонашро дар пайи қатъи парвозҳо ба рухсатии бемузд фиристодааст

ДУШАНБЕ, 27 июл — Sputnik. Дилшод Исматуллозода, директори кулли ширкати "Тоҷикэйр", ки дар нишасти матбуотӣ суҳбат мекард, дар шарҳи ин матлаб гуфт, моҳи март вақте парвозҳо қатъ карда шуданд, ҳамчунин зарурат – ба рухсатии бемузд фиристодани 80 – 90% кормандони ширкат пеш омадааст.

"Аммо замоне, ки парвозҳои чартерӣ шурӯъ шуданд, мо аксарияти онҳоро дигарбора ба кор ҷалб намудем. Аз моҳи август вақте парвозҳои мунтазам сар шаванд, ҳамаи коргаронамон сари кор хоҳанд буд", - гуфт Дилшод Исматуллозода.

"Тоҷикэйр" аз соли гузашта ба ин сӯ бо мушкили молӣ мувоҷеҳ шудааст. 4 январи соли 2019 ин ширкат муваққатан парвозҳояшро қатъ карда, аз 2 сентябри ҳамон сол онҳоро дубора аз сар гирифт.

Аммо қатъи дубораи парвозҳои байнулмилалӣ дар моҳи марти соли равон дар пайи густариши "вируси корона" дар ҷаҳон ширкатро дигарбора ба мушкил мувоҷеҳ сохт.

Ширкати “Тоҷик Эйр” парвозҳояшро ба Деҳлӣ барқарор мекунад

Директори кулли ширкат мегӯяд, ҳолати бефаъолиятӣ ширкатро ба қарз афканд, аз ҷумла бештар аз 12 миллион сомонӣ аз музди меҳнат пеши кормандонаш бидеҳкор шуд.

"Пас аз шурӯъи дигарбораи кор мо тавонистем 4 миллион сомонӣ қарзи пештара аз ҳисоби музди меҳнати кормандон ва ҳам 8 миллиону 200 ҳазор сомонии дигар маош пардохт кунем. Умедворем, ки пас аз барқарор шудани парвозҳо ҳармоҳа маоши кормандонро мепардозем ва парвозҳои мунтазам имкон медиҳанд, ки қарзҳои пешинаро низ адо кунем", - гуфт ӯ.

"Тоҷикэйр" як ширкати давлатии ҳавонавардии Тоҷикистон буда, тибқи иттилои Агентии авиатсияи гражданӣ, дар парки худ як ҳавопаймои коршоями "Боинг 757 – 200" ва як ҳавопаймои "Ан – 28" дорад ва бақия ҳавопаймову чархболҳои ширкат дар таъмир мебошанд.

709
Барчаспҳо:
кормандон, маош, қарз, Тоҷик Эйр
Народный поэт Таджикистана Гулназар Келди

Низом Қосим гуфт, ки Гулназар Келдӣ дар куҷо ба хок супурда хоҳад шуд

118
(Таҷдидшуда 18:41 13.08.2020)
 Ҷанозаи Гулназар Келдӣ, Шоири халқӣ ва муаллифи Суруди миллии Тоҷикистон ба хонааш оварда, сипас ба қабристон интиқол ёфт

ДУШАНБЕ, 13 авг — Sputnik. Ба қавли яке аз шоҳидони ин маросим, ҷанозаи Гулназар Келдӣ аз Шифохонаи "Истиқлол" аввал ба манзилаш, воқеъ дар кӯчаи Исмоили Сомонӣ, 10 интиқол ёфт.

"Низом Қосим, раиси Иттиҳоди нависандагон, як нутқи кутоҳе ироа намуда, эълон кард, ки гирдиҳамоии хайрбод бо Шоири халқии Тоҷикистон дар қабристони Лучоб баргузор хоҳад шуд”, - гуфт ӯ.

Бино ба ин иттилои манбаъ, дар маросими видоъ бо Гулназар Келдӣ аз ҷониби мақомоти расмӣ Асадулло Раҳмон, мушовири кадрӣ ва Абдуфаттоҳ Шарифзода, сухангӯи президенти Тоҷикистон, Низом Қосим, раиси Иттифоқи нависандагон, Шариф Самӣ, раиси ноҳияи Исмоили Сомонӣ ва теъдоде аз адибону шоирони номдори кишвар, назири Камол Насрулло, Меҳмон Бахтӣ, Ато Ҳамдам, Салими Зарафшонӣ, Урун Кӯҳзод ва дигарон ширкат хоҳанд кард.

118
Барчаспҳо:
Гулназар Келдӣ, Низом Қосим