Зан ва мард, кас аз бойгонӣ

Чаро ишқи писарони доишӣ бархе аз духтаронро шефта мекунад?

324
(Таҷдидшуда 22:27 01.08.2017)
Духтарони ҷавон дар ҷустуҷӯи ҳамсари меҳрубону шуҷоъ фирефтаи ваъдаҳои дурӯғи таблиғгарони ДОИШ мешаванд

ДУШАНБЕ, 1 авг — Sputnik. Рӯзҳои ахир дар Олмон овозае паҳн шудааст, ки гӯё чанде аз духтарони олмонӣ ба сафи гурӯҳи тундгарои "Давлати исломӣ" (мамнуъ дар Тоҷикистон) пайвастаанду ба Сурия рафтаанд.

Равоншинос ва омӯзгор Биргит Эбел дар суҳбат бо Sputnik Deutschland далоили "маҳбубияти" теруристҳоро бозгӯ кард.

Тасаввури дуруғини романтикӣ дар бораи Ховари Миёна

Яке аз далоиле, ки занони хориҷро ба сафи гурӯҳҳои ҷангҷӯён ҷалб мекунад, тасаввури дурӯғини онҳо дар бораи зиндагии мусулмонон аст. Онҳо фикр мекунанд, ки равобити миёни зану мард дар ислом романтиктар аст. Бештар вақт ингуна занон мехоҳанд нақшашон дар зиндагии хонаводагӣ "классикӣ" ё мутаъорифона бошад.

"Маълум мешавад, ин гуна занонро буҳроне фаро гирифтааст. Онҳо дар бештар вақт дар хонаводаҳои аз ҷиҳати равонӣ ноустувор тарбия гирифтаанд, ки волидонашон бисёр сахтгиранд, вале ба духтаронашон камтар таваҷҷуҳ мекунанд. Дар бархе аз маворид чунин духтарҳо бо бародарандару хоҳарандаронашон зиндагӣ мекунанд. Чунин духтарҳо дунёи дигареро барои худ ҷустуҷӯ мекунанд", — мегӯяд Биргит Эбел.

Ба гуфтаи вай, бисёре аз чунин духтарон бар асари таъсири таблиғгарони гурӯҳҳои тундрав худ ифротӣ мешаванд.

"Мардон медонанд, ки чунин духтарон орзу доранд зуд шавҳар кунанд. Аз ин рӯ бо ваъдаву ваъидҳои дурӯғин духтаронро мафтуну гумроҳ мекунанд", — мегӯяд вай.

Ба гуфтаи равоншинос Тобиас Майликке, ифротӣ шудани духтарҳо бештар дар паи тамоси мустақим бо таблиғгарон сурат мегирад.

"Аз пажӯишҳои мо бармеояд, ки мавориде, ки духтарҳо дар паи гуфтугӯҳои интернетӣ фиреб хӯрда бошанд, камтар ҳастанд, гарчи таблиғоти "Давлати исломӣ" дар шабакаҳои иҷтимоъӣ нақши бузурге дорад", — тавзеҳ дод вай.

Пропагандаи ДИ: силоҳ ва гурбачаҳо

ДОИШ дар наворҳои таблиғотияш ҷангҷӯёнашро бо силоҳи Калашников ва гурба дар даст намоиш медиҳад, мегӯяд Майликке.

"Духтаронеро медонем, ки дар хонавонаҳояшон падар мавқеъе надошт. Ин гуна духтарон ниёз ба пуштибоне доранд. Аз дигар сӯ доишиён бо баҳрабардорӣ аз гурбаҳо нақши марди меҳрубону пуштибонро меофаранд",- мегӯяд Эбел.

Афтодани духтарон ба доми ифротиён зуд барои атрофиён маълум мешавад. Онҳо бештар вақт аз дӯстону ошноёнашон дур мешаванд, пӯшишашон дигар мешавад ва дар гуфтор вожаҳои душворфаҳмеро ба кор мебаранд — ин ҳама нишонаҳо барои пайравони фирқаҳои динӣ ҳам сидқ мекунанд.

Ба гуфтаи коршинос, агар духтаре бихоҳад ба Ховари Миёна раваду ба ҷангҷӯён бипайвандад, онҷо ноумедӣ ва дилшикастагӣ интизораш хоҳанд буд.

"Мо дар раванди корамон бисёр занҳоеро дидаем, ки сарнавиштонро бо ДОИШ пайваставу ҳаёташонро сӯхтаанд. Онҳоро ба чандин мард ба занӣ додаву борҳо таҷовуз кардаанд. Бисёре аз онҳо чандин фарзанд зодаву бисёре аз навзодонашонро дар ҷангҳо аз даст додаанд", — гуфт дар фарҷом Майликке.

324
Барчаспҳо:
мард, муносибат, зан, ДОИШ, коршиносон, Дар ҷаҳон
Джо Байден

Дар шикасти Байден намешавад русҳоро гунаҳкор кард

411
(Таҷдидшуда 18:41 22.10.2020)
Интихобот дар Амрико ба лаҳзаҳои ниҳоӣ расид: имрӯз Доналд Трамп ва Ҷо Байден бори охир дар рафти дебат дидор хоҳанд кард

ДУШАНБЕ, 22 окт – Sputnik. Мумкин аст, ҳамин дидор охирин бошад, чун вазъияти ИМА имрӯз чунон шадид аст, ки ин ду нафарро намешавад якҷо тасаввур кард.

Агар ҳам муъҷизае рух диҳаду Байден дар интихобот пирӯз шавад - Трамп метавонад натиҷаи интихоботро эътироф накунад ё ками камаш ҳамаи анъанаҳоро поймол карда, ба маросими савгандёдкунӣ ҳозир нашавад.

Ва Байден ҳам ба ҳеҷ ваҷҳ ба маросими инаугуратсияи Трамп нахоҳад омад - ба ҳамин минвол рӯзи панҷшанбе барояшон рӯзе хоҳад буд, ки онҳо метавонанд бигӯянд, чӣ мехоҳанд. Ва онҳо аз ин имконият ба пуррагӣ истифода хоҳанд кард.

Трамп Байденро раҳбари гурӯҳи ҷинояткорон меномад ва талаб мекунад, ки ӯро ҳамроҳи писараш Хантер равонаи зиндон кунанд. Ҷо дар зиндон намешинад, вале вақте ӯ интихоботро бой медиҳад, расонаҳо мегӯянд, ки ӯро "сюрпризи октябрӣ" аз пой зад - яъне маводе, ки чанд рӯз қабл аз компютери Хантер дарёфт шуд, ки собиқ ноиби президентро дар фасод муттаҳам мекунад. Вале Байден бидуни ин маводҳо ҳам мағлуб мешуд, чун Трамп ба пирӯзӣ маҳкум шудааст.

Вале чигуна мешавад: назарпурсиҳо тамомии бартарияти Байденро нишон медиҳад? Набояд онҳо сохта бошанд?

Метавонанд. Чун онҳое, ки муқобили Трамп бозӣ мекунанд, метавонанд аз ҳар дурӯғе кор бигиранд.

"Ман натанҳо муқобили Байден, балки зидди расонаҳо, ширкатҳои бузурги технологӣ ("Фейсбук", "Твиттер", "Гугл") ва "ботлоқи вашингтонӣ" номзад мешавам, гуфт Трамп. Бале - ва беҳтарин тасдиқи ин вокуниши деви сесара ба далелҳои айбдоркунандаи зидди оилаи Байден буд.

Мавод дар "Ню-Йорк пост" - ро кӯшиш карданд, блок кунанд. "Гугл" онро наметавонист бихонад ва "Фейсбук" - у "Твиттер" иҷоза надоданд, ки он мавод дар саҳифаҳояшон паҳн шавад. Ва расонаҳо ҳам кӯшиш карданд, маводи баҳсбарангезро нодида бигиранд ва аксарияти сиёсатмадорон чунон вонамуд мекарданд, ки коре нашудааст.

Дар баробари ин, ҳамон замон ба тарафи Русия айбдориҳо садо доданд, маълум ки ин Русия боз ба корҳои дохилии Амрико дахолат кард ва Байденро муттаҳам намуд.

Дар ин бора натанҳо конгрессменҳо гуфтанд, балки кормандони мақомот низ. Кормандони пешин - чун директори Хадамоти ҷосусии ИМА Ҷон Рэтклифф изҳор дошт, ки маълумот дар ноутбуки Байден "қисми ягон маъракаи русиягӣ нест". Вале кормандони собиқ номаи кушод навишта гуфтаанд,, ки "таҷрибаи пешин моро водор месозад, ки дасти ҳукумати Русияро дар ин бор эҳсос кунем".

"Пайдо шудани номаҳои электронӣ дар саҳнаҳои сиёсии Иёлоти Муттаҳида, ки гӯё ба писари ноиби президенти ИМА Байден Хантер тааллуқ доранд, ки аксари онҳо аз даврае, ки ӯ дар раҳбарии ширкати Burisma дар Украина кор кардааст, нишонаҳои классикии маъракаи иттилоотии Русияро дорад".

Яъне, Русияро ба сохтани далелҳои носозгор нисбати Байден айбдор намекунанд - ҳарчанд чунин овоазҳо ҳаст - не, Русия танҳо паҳн кард. Аммо чӣ гуна - мешавад агар, ба гуфтаи Руди Ҷулиана (адвокати Трамп ва шаҳрдори собиқи Ню-Йорк), муҳтавои диски компютерии Ҳантер Байден ҳафт моҳ пеш ба ФБР супурда шуда бошад?

Яъне Маскав ин маводҳоро баҷой нигоҳ медошт ва ба "сюрпризи октябрӣ" омода мешуд, ё дастгоҳи трамп ва мушовиронаш аз ҷумла Ҷулиана ин корро карданд? Бале, Ҷулиана зертобеи Путин аст...ва ин шӯхӣ нест: чуноне сенатор Крис Мерфи изҳор дошт, "ин бор русҳо қарор карданд, ки шаҳрвандони амрикоро чун ҷосусони худ созанд. Онҳо кӯшиш мекунанд, ки пропагандаи худро дар расонаҳо ҷой диҳанд. Ва онҳо комёб шуданд. Медонед, Руди Ҷулиана акнун ҷосуси Русия аст".

Бале, албата агар худи Трамп корманди Кремл бошад, дар бораи зертобиъинаш бояд чӣ гуфт. Ханда хандаю, вале худи ҳамин баҳогузории хатои воқеъият ва ҳодиса бо оилаи Байден аллакай нишонгари пирӯзии Трамп аст. Чун рақибони ӯ дар ҷаҳони хаёлӣ ба сар мебаранд - дар ҷаҳоне, ки дар он русҳо ба рафти интихоботи ИМА дахолат мекунад.

Вале, дар воқеъ мо чизи тамоман дигарро мебинем: роҳпаймоии ҷонибдорони Трамп дар сар тосари кишвар ва вохӯрии камёби Байден бо ҷонибдорони камаш. Трампро ҳатто мусулмонон ва дигар қавмҳои аққалият низ дастгирӣ мекунанд. Набуди пурраи далелҳо оиди алоқаи русҳо бо Трамп ва фасоду дуруғгӯии оилаи Байден. 

Ва муҳимтар аз ҳама, дар ҷаҳони воқеӣ, амрикоиҳо кайҳо боз, аз элитаи сиёсии худ -  "ботлоқи Вашингтон" -и дилсард шудаанд ва аз ин рӯ ягона алтернативаи ҷиддӣ ба Трамп метавонист Сандерс бошад. Аммо маҳз ба сабаби дар система набуданаш коллективи "Байден" ӯро ба интихобот роҳ надод.

Амрикоиҳои оддӣ на дар ҷаҳони таблиғотӣ, балки дар ҷаҳони воқеӣ зиндагӣ мекунанд ва аз ин рӯ натиҷаи интихоботи 3 ноябр барояшон пешакӣ муайян аст. Ҳатто сарфи назар аз кӯшиши гардиш додани овозҳо дар "иёлатҳои ноустувор" тавассути сафарбар кардани як интихобкунандаи ғайрифаъоли демократӣ ба овоздиҳӣ тавассути почта - зеро дар он ҷо низ афзоиши овозҳо ба тарафдории ҷумҳурихоҳон дида мешавад.

Ҷаҳони ихтироъшуда 3 ноябр мағлуб хоҳад шуд, ҳатто агар баъд хаос барпо кунаду воқеъиятро напазирад, он ҳеҷ куҷо намешавад.

Гидраи се сар ба интиқом умед мебандад ва барои он кор мекунад. Ҳам дар миқёси Амрико ва ҳам ҷаҳон - ва дар ин ҷо вай ҳақ дорад, ки дар нокомиҳояш русҳоро гунаҳгор кунад.

411
Барчаспҳо:
русҳо, гуноҳ, Русия, ИМА

"Ҳадди аққал бояд кӯшиш кард": коршинос дар бораи тамдиди созишномаи СНВ-3

85
(Таҷдидшуда 18:54 20.10.2020)
Кремл изҳороти ИМА дар бораи созишномаи СНВ-3 - ро шарҳ дода қайд кард, ки равобит барои суботи стратегӣ бо ИМА идома хоҳанд дод

ДУШАНБЕ, 20 окт — Sputnik. Дар суҳбат бо радиои Sputnik, сиёсатшинос Константин Блохин гуфт, гуфтушунид бо кадом сиёсатмадор дар ин бобат осотар хоҳад буд.

Гарчанде ҷониби Амрико аз пешниҳоди Владимир Путин дар бораи тамдиди созишномаи СНВ-3 ба муҳлати як сол даст кашид, Маскав умед дорад, ки алоқа бобати суботи стратегӣ ва тамдиди созишномаи СНВ-3 идома хоҳад ёфт, гуфт сухангӯи президенти Русия Дмитрий Песков.

Пештар Қасри Сафед изҳор дошт, ки аз пешниҳоди Путин барои тамдиди созишномаи ҷорӣ барои як сол, бидуни шарту шароити пешакӣ даст мекашад.

"Мо умед дорем, ки ба ҳар ҳол, равобит бо ҷаниби Амрико идома хоҳад ёфт. Дар умум, албатта чуноне президент гуфт, тамдиди ин созишнома имкон медиҳад, ки вақт, ҳамин 12 моҳро барои гуфтушуниди ҷиддӣ оиди масоили назорати силоҳ, аз худ кунем", - гуфт Песков.

Ӯ ҳамчунин таъкид кард, ки маҳрум кардани тамоми ҷаҳон аз ин "санги асосии субот ва амнияти ҷаҳонӣ" оқибатҳои хеле харобиовар хоҳад дошт.

"Барои ҳамин, албатта мо мехоҳем аз ҳамтоёни амрикоиямон омода будан барои тамдидро бишнавем", - қайд кард сухангӯи президент.

Ба гуфти ӯ, айни ҳол дар ин самт ягон пешравӣ дида намешавад. Вале чунин ҳолат маънои онро надорад, ки "равобитро пурра бояд қатъ кард".

Корманди илмии Маркази таҳқиқотии амнияти АИР, сиёсатшинос Константин Блохин дар суҳбат бо радиои Sputnik гуфт, тақдири ин созишнома аз он вобаст аст, ки дар интихоботи дар пешистодаи ИМА, кӣ пирӯз мешавад.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

"Намояндаи Ҳизби Ҷумҳурихоҳон Доналд Трамп дар навбати аввал Чинро бад мебинад ва СНВ-3 - ро бо Чин пайванд медиҳад. Дуюм, Ҳизби Ҷумҳурихоҳон кӯшиш дорад, назорати яроқро нобуд созад. Ёдрас мешавам, ки дар аҳди Ҷорҷ Буши хурдӣ, амрикоиҳо аз созишномаи ПРО баромаданд, худи Трамп созишнома оид ба мушакҳои дурпарто ва Созишнома оид ба осмони кушодро бекор кард. Агар ӯ дар интихобот пирӯз шавад, эҳтимои баромадан аз созишномаи СНВ-3 хеле зиёд аст , - гуфт Блохин.

Коршинос мегӯяд, агар намояндаи демократҳо Ҷо Байден пирӯз шавад, эҳтимоли тамдиди созишнома вуҷуд дорад.

"Чун анъана, ҳизби демократҳо тарафдори он аст, ки дар мавзӯи суботи стратегӣ бо ҷониби Русия гуфтушунид кунад. Ёдовар мешавам, ки маҳз дастгоҳи Обама ҳамроҳ бо Дмитрий Медведев созишномаи ҷориро имзо карда буданд. Вале, сарфи назар аз он, ки кӣ президент мешавад, бастани созишнома дар давоми чанд моҳ номумкин аст. Барои ҳамин бояд кӯшиш кард, то онро тамдид намуд, то дар давоми соли оянда созишномаи нав имзо шавад. Ин идея ҷолиб аст", - қайд кард коршинос.

START III ягона Созишномаи мавҷудаи маҳдудкунандаи яроқ миёни Русия ва ИМА мебошад. Муҳлати созишнома 5 феврали соли 2021 ба итмом мерасад ва агар он тамдид нашавад, дар ҷаҳон абзоре барои маҳдуд кардани силоҳҳои бузургтарин қудратҳои ҳастаӣ боқӣ намемонад.

START III - 5 феврали соли 2011 эътибор пайдо кард. Дар он пешбинӣ шудааст, ки ҳарду ҷониб арсеналҳои ҳастаии худро тавре коҳиш медиҳад, ки дар давоми ҳафт сол ва дар оянда шумораи умумии силоҳ аз 700 мушаки баллистикии байниқитъавӣ, мушакҳои баллистикӣ дар киштиҳои зериобӣ ва бомбаандози вазнин, инчунин 1550 кулоҳак ва 800 партоби мустақар ва мустақаршуда зиёд набошад.

85
Барчаспҳо:
ИМА, Русия
Члены террористического движения Талибан в Афганистане

Толибон раиси як минтақаи ҳаммарз бо Тоҷикистонро рабуданд

0
(Таҷдидшуда 18:53 24.10.2020)
Давраи навбатии тақобули толибҳо ва ҳукумати Афғонистон дар минтақаҳои ҳаммарз бо Тоҷикистон: мансабдори минтақавӣ дуздида шуд

ДУШАНБЕ, 24 окт — Sputnik. Толибон иҷрокунандаи вазифаи раиси Ишкошимро дар музофоти шимолии Таҳор рабуданд, хабар медиҳад нашрияи Ariana News.

Саифурраҳмон аз ҷониби ҷангиён рӯзи панҷшанбе соатҳои 16:00 дуздида шудааст.

Бино бар иттилои шоҳидон, толибҳо мансабдорро вақте ки аз ҷои кор ба манзилаш бармегашт, бурдаанд.

Котиби матбуоти полиси Таҳор Халил Асир далели дуздида шудани раиси Ишкошимро таъйид кард, аммо аз ироаи маълумоти бештар худдорӣ намуд.

“Толибон қудрат мехоҳанд, на сулҳ! Амрико моро фиреб дод” – мусоҳиба бо Фаҳими Куҳдоманӣ

Ин ҳодисаро бо муташанниҷ шудани тақобули толибҳо ва қувваҳои ҳукуматӣ дар минтақаҳои ҳаммарз бо Тоҷикистон, аз ҷумла музофоти Таҳор иртибот медиҳанд, аммо тасдиқи расмии ин маълумот нест.

 

0