Пардохти пули роҳкиро. Акс аз бойгонӣ

Кондуктору муҳосиб куҷо раванд: касбҳое, ки аз бозори меҳнати ҶТ ва ҷаҳон "гум" мешаванд

146
(Таҷдидшуда 16:14 12.09.2017)
Коршиносони Тоҷикистон рушди бозори кориро то соли 2030 баҳо доданд. Тамоюл рӯшан аст - техника дар ҳамаи соҳаҳо бозори меҳнатро барои одамон танг мекунад

ДУШАНБЕ, 11 сен — Sputnik. Таҳлилгарон дар бозори кории Тоҷикистон тағйиротҳои ҷиддиро пешгӯӣ мекунанд.

Дар Душанбе рӯйхати касбҳое, ки дар даҳсолаи оянда аз талаботи бозори меҳнат берун хоҳанд шуд, тартиб дода шудааст. Дар ин феҳрист кондуктор, ҳуқуқшинос, коргари бонк ва кассир номбар шудааст.

Радди пурраи ҳуҷҷатҳои коғазӣ ва гузаштан ба ҳисобкунии электронӣ артиши чандмилюнаи муҳосибонро аз байн хоҳад бурд.

Бояд қайд кард, ки дар ин росто мутахассисони Осиёи Марказӣ тамоюлҳои ҷадиди соҳаи иқтисоди Русияро пайгирӣ доранд. Ва ин пайгирӣ асос дорад: Маскав дар роҳи рушди автоматикунонии тамоми соҳаҳо қарор дорад.

Коршиносон сари мавзуъи кам шудани талабот ба муҳоҷирони тоҷик ва бефоида будани меҳнати онҳоро барои бозори кории Русия баррасӣ доранд.

Коршиноси мустақил Кубат Раҳимов ҳоло вазъи автоматикунонии бозори меҳнатро барои муҳоҷирон мусбат баҳо медиҳад.

Вале дар баробари ин қайд мекунад, ки омодагии тахассусии муҳоҷирон бояд дар баробари талаботи бозори меҳнати Русия ба роҳ монда шавад.

"Дар иқтисоди Русия тренди автоматикунонии бозори меҳнат мушоҳида мешавад. Дар ин росто бояд барои муайян кардани сифати муҳоҷироне, ки аз Тоҷикистон ба Русия меоянд, пажӯҳиши бузурге анҷом дод. Фикр мекунам нафароне бояд дар маркази диққат бошанд, ки имконияти гузариш ба гурӯҳи мутахассисони баландихтисос ва миёнаро доранд. Муттассифона дар айни замон кумак  ба ҳамаи гурӯҳи муҳоҷирон бисёр бушвор аст", — изҳор дошт Раҳимов дар суҳбат бо радиои Sputnik.

Коршинос қайд мекунад, ки бояд ба ҷавонон барои омӯхтани забони русӣ кумак карда, онҳоро барои касбҳои оянда омода кард.

Таҳлилгарон дар айни замон тағйироти бозори кориро барои 10-15 соли оянда пешгӯӣ мекунанд. Миқёси бекорӣ дар ояндаи дур чӣ гуна мешавад? Ба ин савол ҳоло коршиносон ҷавоб наёфтаанд. Онҳо фақат маслиҳат медиҳанд, ки тамоюлҳои бозори ҷаҳонӣ бояд омӯхта шавад. Ва дер ё зуд ин тамоюлҳо тоҷикистониёнро ҳам дар дохили кишвар ва ҳам дар бозори меҳнати муҳоҷиратӣ дахолат хоҳанд кард.

146
Барчаспҳо:
бозори меҳнат, Кубат Раҳимов, Ҷаҳон, Тоҷикистон, Русия
Замерзшие яблоки, архивное фото

Коршиноси тоҷик гуфт сармо ба ҳосил чӣ гуна зарар мерасонад

453
(Таҷдидшуда 20:52 25.02.2021)
Паст шудани ҳарорати ҳаво дар мамлакат барои кишоварзон номусоид арзёбӣ мешавад. Бо сабаби якбора пастшавии ҳарорати ҳаво дар минтацащои Тоыикистоон эҳтимоли зиён дидани зироати хоҷагии қишлоқ, гулҳои ороишӣ ва дарахтони мевадиҳанда дар назар аст

ДУШАНБЕ, 25 фев — Sputnik. Директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров  дар сӯхбат бо “Ховар” иброз дошт, ки боридани барф дар ин давра ба нашъу намои кишти зироат ва авҷи боғу токзор  бетаъсир намемонад.

Ба гуфти вай, дар оғози моҳи феврал ҳарорати ҳаво баланд гардида, боиси гулкунии дарахтони донакдор ва гулу буттаҳо гардид. Аз ин рӯ ба ин дарахтон хатари камшавии ҳосил таҳдид мекунад. Аммо агар ҳавои номусоид ду ё се рӯз идома ёбад, онгоҳ зиёни бештар боқӣ намемонад.

 Ҳикматулло Назиров аз ҷумла зикр кард, ки кишоварзон бояд талош намоянд, то маҳсулоти беҳтар ба даст оранд.

“Ҳамчунин дар ин шабу рӯз, махсусан қисми шабона бояд дар майдони дарахтон бо маҳсулоти органикӣ, аз қабили хасу хошок, навдаи дарахтон дудмониро ба роҳ монанд. Дудмонӣ дар қисми шабона ба он хотир тавсия мегардад, ки шабона ҳарорат назар ба рӯзона пасттар мешавад”, - гуфт донишманд.

 Ҳамчунин вай гуфт баъд аз бартараф гардидани ҳавои номусоид навдаҳои сармозадаи боғу токзорро буридан лозим аст.

“Дар ин ҳолат барои инкишофи минбаъдаи навдаи наврӯида замина пайдо мегардад. Инчунин гирди решаи дарахт ва токи ангурро дар рӯзҳои офтобӣ бояд чанд маротиба нарм намоянд, то намии реша кам гардад”, - қайд кард Ҳикматулло Назиров. 

акс аз саҳифаи корбари Facebook Ҳаётҷон Одил

Бино ба гуфтаи донишманд дар  ин рӯзҳо дар ноҳияҳои водигии вилояти Хатлону Суғд ва ноҳияҳои тобеи марказ дарахтони мевадиҳанда, аз қабили олу, гелос, зардолу ва шафтолу аллакай гул кардаанд.

Ва илова кард, ки дарахтони тухмакдор, аз қабили себ, нок ва биҳӣ ба сармо тобовар мебошанд ва онҳо аз ин барф  зиён намебинанд.

Ҳикматулло Назиров зикр намуд, ки боридани барф ва паст шудани ҳарорати ҳаво ба зироати картошка, ки дар баъзе ноҳияҳои мамлакат дар давраи гулкунӣ ва инкишоф қарор дорад, зиён мерасонад.

“Картошка яке аз маҳсулоти мавриди ниёзи аввали истеъмолӣ ба ҳисоб меравад. Олимони соҳаи кишоварзӣ тавсия медиҳанд, ки дар рӯзҳои офтобӣ қаторҳои кишти картошкаро бояд нарм кард, то намнокии реша кам гардад. Дар сурати зиёд будани намнокӣ картошка метавонад пӯсад. Инчунин дар болои онҳо пору ва коҳ пошидан лозим аст”, - гуфт донишманди тоҷик.

453
Барчаспҳо:
зироат, сармо, дарахтон, ҳосил, Тоҷикистон

"Коронавирус ҳеҷ куҷо намеравад": Мясников роҳи пирӯзӣ ба COVID-19-ро нишон дод

852
(Таҷдидшуда 15:10 14.02.2021)
Пизишк ва ровии номии рус доктор Александр Мясников гуфт, ки сокинони сайёраро пас аз пандемияи коронавирус чӣ интизор аст

ДУШАНБЕ, 14 фев — Sputnik. Пизишк ва ровии телевизион Александр Мясников дар саҳифаи Телеграмаш тавзеҳ додааст, ки коронавирус кай ақиб мезанад.

Ӯ таъкид кард, ки намудҳои нави коронавирус аз нафаре ба нафари дигаре хело зуд паҳн мегузарад дар ҳамин ҳол фисади марг зиёд нест.

Барои нафароне, ки эм шудаанд ва ё бемориро аз сар гузаронидаву антитела доранд, бо душмани нав дучор мешаванд.
Пизишк таъкид кард, ки ваксин имконияти мубориза бурдан бо намудҳои нави коронавирусро дорад.

Ба гуфтаи Мясников, ба буридани занҷираи паҳншавии намудҳои нави коронавирусро метавон танҳо ба воситаи эмкунии умумӣ ва комил кардани ваксина ноил шуд.

"Бояд дарк кард, ки намуди нави коронавирус аз замини мо ҳеҷ куҷо намеравад,  балки "кӯҳна" мешавад ва дар феҳрасти дарози вирусҳо, мисли зуком, ҷой мегирад", - таъкид кард коршинос.

Мясников дар охир афзудааст, ки одамон маҷбуранд бо  COVID-19 дар оянда низ якҷо зиндагӣ кунанд ва эмкунӣ аз он мавсимӣ мешавад. Ӯ ҳамчунин пешбинӣ мекунад, дар оянда шояд ваксинаи коронавирус ва зуком якҷо таҳия корда шавад.

852
Национальный банк Таджикистана

Бонки миллӣ арзиши рублу доллар ва евроро нисбат ба сомонӣ барои имрӯз эълон кард

0
(Таҷдидшуда 01:06 01.03.2021)
Бонки миллии Тоҷикистон арзиши сомониро нисбат ба асъори хориҷӣ барои имрӯз аввали ҳафтаи равон эълон кард

ДУШАНБЕ, 1 мар— Sputnik. Тибқи нишондоди Бонки миллии Тоҷикистон арзиши 1 рубли русӣ барои имрӯз 0.1507 сомонӣ нишон дода шудааст.

Ин ниҳод қурби миёнаи фурӯши 1 доллар дар муассисаҳои қарзии Тоҷикистонро аз 11.3045 то 11.3300 сомонӣ арзёбӣ кард.

Бонки миллӣ қурби миёнаи фурӯши 1 евроро 13.6897 то 13.9000 сомонӣ арзёбӣ кардааст. Харидуфурӯши 1 рублро бошад, Бонки миллӣ имрӯз дар бозори нақди кишвар аз 0.1507 то 0.1555 сомонӣ муқаррар кардааст.

Дар бонкҳои дигари кишвар, аз ҷумла "Бонки Эсхата" харидуфурӯши 1 рублро имрӯз аз 0,1510- 0,1535 сомонӣ муқаррар кардаанд.

Дар "Спитаменбонк" бошад, арзиши 1 рубл аз 0.1510 то 0.1540 ва дар "Алифбонк", 1 рубл аз 0,1500 то 0,1555 сомонӣ нишон дода шудааст.

Чаро қурби сомонӣ паст мешавад? Шарҳи намояндаи Бонки миллӣ

БМТ огоҳ менамояд, ки "берун аз сарбонк, филиал, марказҳои хизматрасонии бонкӣ, нуқтаи интиқоли пул ва банкомату терминалҳо анҷом додани амалиёти мубодилавӣ қатъиян манъ аст ва риоя накардани талаботи мазкур аз ҷониби шахсони воқеӣ қонуншиканӣ ба ҳисоб рафта, сабаби ба ҷавобгарии маъмурӣ ва ҷиноятӣ кашидан мегардад".

 

0