Портфель с документами

Мақомдори афғон аз мушкилоти сармоягузорӣ то фиребкориву дағалбозии тоҷирони тоҷик

812
(Таҷдидшуда 19:16 17.06.2019)
Тоҷирони Афғонистон ба сармоягузори намудан ба иқтисоди Тоҷикистон алоқамандӣ доранд, аммо ҳангоме, ки ба бозори ҷумҳурӣ ворид мегарданд дучори як силсила мушкилот мешавад

ДУШАНБЕ, 17 июн — Sputnik. Сайфиддини Соис, раиси санъаткорҳои Бадахшони Афғонистон дар суҳбат бо Sputnik Тоыикистон гуфт, тоҷирони афғон аз ҳукумати Тоҷикистон хоҳиш намуданд, барои тоҷирон як фазое бисозанд, ки тоҷирон тавонанд дар ҷумҳурӣ бо роҳат сармоягузорӣ намоянд.

“Тоҷирони афғон дар Тоҷикистон ба як силсила мушкилот мунҷар мешаванд. Мо як нишонии мушахасе, ки мо ба онҷо муроҷиат намоем ва мушкилоти худро ҳал намоем, ҳануз пайдо накардем” - гуфт, вай.

Дар ҳамин ҳол, ба гуфтаи Сайфидини Соис тоҷирони афғон алоқаманд ҳастанд ба иқтисоди  Тоҷикистон сармоягузорӣ кунанд. Аммо ба гуфтаи вай бояд давлати Тоҷикистон барои тоҷирони афғон як фазои муносиб бисозад.

Вай афзуд, ки давлати Узбакистон барои ҷалби сармоягузорони афғон имтиёзҳои зиёде пешниҳод намудааст.

“Барои мисол Узбакистон барои сармоягузорон шароити хебе фароҳам овардааст. Раводиди Узбакистон барои тоҷирони афғон  аз 30 то 50 долларро ташкил медиҳад, дар ҳоле, ки консулгариҳо ва сафоратхонаҳое, ки дар дохили Афғонистон ҳастан барои раводид аз 400 то 500 доллар маблағ мегиранд. Инчунин тоҷирони афғон метавонанд дар Узбкистон замину хона бихаранд. Мо имкони зиндагӣ кардан дорем дар онҷо. Аммо мутаасифона чунин як заминае дар Тоҷикистон вуҷуд надорад, ки барои тоҷири Афғонистон заминасоз шавад”, таъкид кард раиси санъаткорҳои Бадахшони Афғонистон.

Инчунин мақомдори афғон илова кард, ки миёни тоҷирони Тоҷикистону Афғонистон як садоқати корӣ вуҷуд надорад.

“Аксаран тоҷирони Тоҷикистон моро фиребкориву дағалбозӣ мекунанд. Пулҳои тоҷирони афғонро  гирифта дубора барнамегардонанд. Ба ҳамин хотир мо ҳануз эътимод накардем, ки дар Тоҷикистон сармоягузори кунем”, - қайд кард Сайфиддини Соис.

Вай пешниҳод намуд, ки давлати Тоҷикистон барои ҷалби тоҷирони афғон бояд чанд корро анҷом диҳад.

Аввал мақомоти Тоҷикистон дар гирифтани раводид тағирот ворид намояд, то гирифтани раводид осонтар гардад. Кумитаҳои муштарак миёни тоҷирони Афғонистону Тоҷикистон эъҷод намояд. Утоқҳои тиҷорати ҳарду кишвар бояд робита эъҷод намоянд, то тавонанд тоҷиронро ташвиқ намоянд ва вориди бозори Тоҷикистон гарданд.

“Мо интизор дорем, ки дар қонунҳои Тоҷикистон барои тоҷирони Афғонистон як намуд сабукиҳо ворид гардад ва мо тавонем дар Тоҷикистон хона бихарем, зиндагӣ ва сармоягузорӣ кунем”, -зикр намуд вай.

Вай афзуд тоҷирони афғон алоқаманд ҳастанд дар Тоҷикистон сармоягузорӣ намоянд. Вай гуфт Тоҷикистону Афғонистон забони муштарак доранд ва ниёз ба тарҷумон надорем, инчунин мо фарҳунгу хусусиятҳои калони муштарак дорем ва мо алоқаманд ҳастем, ки аз сармояҳое, ки ба ҷумҳурӣ ворид мегарданд ҳам тоҷирони афғон ва ҳам тоҷикон суд бигиранд.

Лозим ба ёдоварист, ки ахиран 14-15-ӯми июн дар шаҳри Кӯлоб Форуми байналмилалии соҳибкорон баргузор гардид.

Дар доираи Форум як қатор санадҳои дуҷонибаи ҳамкорӣ, аз ҷумла Созишномаи қолабӣ байни Ҳукумати Тоҷикистон ва Корпоратсияи байналмилалии исломӣ оид ба маблағгузории тиҷорат (ITFC)”, “Созишномаи сармоягузорӣ байни Ҳукумати Тоҷикистон ва ширкати дорои масъулияти маҳдуди “Каши Синюй Дади Майнинг” ба имзо расид.

Инчунин дар форуми мазкур Ёддошти тафоҳум оид ба татбиқи лоиҳаҳои муштараки сармоягузорӣ бо ширкат оид ба захираҳои “Тибет-Эверест”, “Созишнома оид ба ҳамкорӣ байни мақомоти шаҳри Кӯлоби вилояти Хатлон ва Ҷамъияти дорои масъулияти маҳдуди “Ориён-Рустам” оид ба сохтмон ва ба истифода додани корхонаи истеҳсоли маҳсулоти хурокворӣ” ва Ёддошти тафоҳум оид ба ҳамкорӣ байни мақомоти вилояти Хатлон ва вилояти Балхи Афғонистон ба имзо расонида шуд.

Ёдрас мешавем, ки дар давоми ду моҳи соли равон ба иқтисоди Тоҷикистон беш аз 1,5 миллиард сомонӣ (160,4 миллион доллар) сармоя ворид гаштааст

Дар ду моҳи соли 2019 нисбат ба ҳамин давраи соли гузашта ба иқтисоди Тоҷикистон 16,1 дарсад сармоя бештар ворид гаштааст

Дар ҳамин ҳол, дар ҳамин давра иншоотҳои соҳаи истеҳсолоти  кишвар беш аз 1 миллиард сомонӣ ва соҳаи ғайриистеҳсолӣ беш аз 428,9 миллион сомониро аз худ карданд.

Барои сохтмони иншоотҳои энергетикӣ 835 миллион сомонӣ ва дар соҳаи нақлиёту алоқа 44,6 миллион сомонӣ масраф шудааст.

Ёдрас мешавем, қаблан сарвазири Тоҷикитстон Қоҳир Расулзода, эълон карда буд, ки ҳаҷми сармоягузориҳои Русия ба ҷумҳурӣ 1,67 миллиард долларро ташил медиҳад. Аз ин рақам 925 миллион доллар ин сармоягузориҳои мустақимро ташкил медиҳад.

812
Барчаспҳо:
афғонӣ, тоҷик, сармоягузорӣ, тоҷирон, Афғонистон, Тоҷикистон
Замерзшие яблоки, архивное фото

Коршиноси тоҷик гуфт сармо ба ҳосил чӣ гуна зарар мерасонад

453
(Таҷдидшуда 20:52 25.02.2021)
Паст шудани ҳарорати ҳаво дар мамлакат барои кишоварзон номусоид арзёбӣ мешавад. Бо сабаби якбора пастшавии ҳарорати ҳаво дар минтацащои Тоыикистоон эҳтимоли зиён дидани зироати хоҷагии қишлоқ, гулҳои ороишӣ ва дарахтони мевадиҳанда дар назар аст

ДУШАНБЕ, 25 фев — Sputnik. Директори Институти боғпарварию сабзавоткории Академияи илмҳои кишоварзии Тоҷикистон, доктори илмҳои кишоварзӣ Ҳикматулло Назиров  дар сӯхбат бо “Ховар” иброз дошт, ки боридани барф дар ин давра ба нашъу намои кишти зироат ва авҷи боғу токзор  бетаъсир намемонад.

Ба гуфти вай, дар оғози моҳи феврал ҳарорати ҳаво баланд гардида, боиси гулкунии дарахтони донакдор ва гулу буттаҳо гардид. Аз ин рӯ ба ин дарахтон хатари камшавии ҳосил таҳдид мекунад. Аммо агар ҳавои номусоид ду ё се рӯз идома ёбад, онгоҳ зиёни бештар боқӣ намемонад.

 Ҳикматулло Назиров аз ҷумла зикр кард, ки кишоварзон бояд талош намоянд, то маҳсулоти беҳтар ба даст оранд.

“Ҳамчунин дар ин шабу рӯз, махсусан қисми шабона бояд дар майдони дарахтон бо маҳсулоти органикӣ, аз қабили хасу хошок, навдаи дарахтон дудмониро ба роҳ монанд. Дудмонӣ дар қисми шабона ба он хотир тавсия мегардад, ки шабона ҳарорат назар ба рӯзона пасттар мешавад”, - гуфт донишманд.

 Ҳамчунин вай гуфт баъд аз бартараф гардидани ҳавои номусоид навдаҳои сармозадаи боғу токзорро буридан лозим аст.

“Дар ин ҳолат барои инкишофи минбаъдаи навдаи наврӯида замина пайдо мегардад. Инчунин гирди решаи дарахт ва токи ангурро дар рӯзҳои офтобӣ бояд чанд маротиба нарм намоянд, то намии реша кам гардад”, - қайд кард Ҳикматулло Назиров. 

акс аз саҳифаи корбари Facebook Ҳаётҷон Одил

Бино ба гуфтаи донишманд дар  ин рӯзҳо дар ноҳияҳои водигии вилояти Хатлону Суғд ва ноҳияҳои тобеи марказ дарахтони мевадиҳанда, аз қабили олу, гелос, зардолу ва шафтолу аллакай гул кардаанд.

Ва илова кард, ки дарахтони тухмакдор, аз қабили себ, нок ва биҳӣ ба сармо тобовар мебошанд ва онҳо аз ин барф  зиён намебинанд.

Ҳикматулло Назиров зикр намуд, ки боридани барф ва паст шудани ҳарорати ҳаво ба зироати картошка, ки дар баъзе ноҳияҳои мамлакат дар давраи гулкунӣ ва инкишоф қарор дорад, зиён мерасонад.

“Картошка яке аз маҳсулоти мавриди ниёзи аввали истеъмолӣ ба ҳисоб меравад. Олимони соҳаи кишоварзӣ тавсия медиҳанд, ки дар рӯзҳои офтобӣ қаторҳои кишти картошкаро бояд нарм кард, то намнокии реша кам гардад. Дар сурати зиёд будани намнокӣ картошка метавонад пӯсад. Инчунин дар болои онҳо пору ва коҳ пошидан лозим аст”, - гуфт донишманди тоҷик.

453
Барчаспҳо:
зироат, сармо, дарахтон, ҳосил, Тоҷикистон

"Коронавирус ҳеҷ куҷо намеравад": Мясников роҳи пирӯзӣ ба COVID-19-ро нишон дод

853
(Таҷдидшуда 15:10 14.02.2021)
Пизишк ва ровии номии рус доктор Александр Мясников гуфт, ки сокинони сайёраро пас аз пандемияи коронавирус чӣ интизор аст

ДУШАНБЕ, 14 фев — Sputnik. Пизишк ва ровии телевизион Александр Мясников дар саҳифаи Телеграмаш тавзеҳ додааст, ки коронавирус кай ақиб мезанад.

Ӯ таъкид кард, ки намудҳои нави коронавирус аз нафаре ба нафари дигаре хело зуд паҳн мегузарад дар ҳамин ҳол фисади марг зиёд нест.

Барои нафароне, ки эм шудаанд ва ё бемориро аз сар гузаронидаву антитела доранд, бо душмани нав дучор мешаванд.
Пизишк таъкид кард, ки ваксин имконияти мубориза бурдан бо намудҳои нави коронавирусро дорад.

Ба гуфтаи Мясников, ба буридани занҷираи паҳншавии намудҳои нави коронавирусро метавон танҳо ба воситаи эмкунии умумӣ ва комил кардани ваксина ноил шуд.

"Бояд дарк кард, ки намуди нави коронавирус аз замини мо ҳеҷ куҷо намеравад,  балки "кӯҳна" мешавад ва дар феҳрасти дарози вирусҳо, мисли зуком, ҷой мегирад", - таъкид кард коршинос.

Мясников дар охир афзудааст, ки одамон маҷбуранд бо  COVID-19 дар оянда низ якҷо зиндагӣ кунанд ва эмкунӣ аз он мавсимӣ мешавад. Ӯ ҳамчунин пешбинӣ мекунад, дар оянда шояд ваксинаи коронавирус ва зуком якҷо таҳия корда шавад.

853
Мужчина совершает молитву на кладбище

Даргузашти Фотима Ғуломова, ҳунарманди тоҷик пас аз як моҳи марги шавҳар

510
(Таҷдидшуда 22:08 01.03.2021)
Фотима Ғуломова, ҳунарманди номии тоҷик, модари коргардони тавонои тоҷик Барзу Абдураззоқов ва ҳамсари Ҳабибулло Абдураззоқов аст

ДУШАНБЕ, 1 мар – Sputnik. Фотима Ғуломова, ҳунарпешаи номдори театру синамо, модари коргардони машҳур Барзу Абдураззоқов ва ҳамсари Ҳабибулло Абдураззоқов, ҳунарманди номии театру синамо пас аз бештар аз як моҳи марги шавҳараш даргузашт.

Фотима Ғуломова, ҳунарманди номии тоҷик
Акс аз саҳифаи фейсбукии Хуршед Мустафоев
Фотима Ғуломова, ҳунарманди номии тоҷик

Аз даргузашти ҳунарпеша корбарони шабакаҳои иҷтимоӣ, ҳаводорони саҳна ва дӯстони фарзандаш Барзу Абдураззоқов хабар додаанд.

Писари дигари ҳунарманд Шаҳбоз Абдураззоқов ин хабарро тасдиқ карда, гуфтааст, модараш дар пайи беморӣ ҷон ба Ҷонофарин супурд.

Фотима Ғуломова 87 сол дошт ва бештар аз 40 сол дар саҳнаи Театри давлатии академии драмавии ба номи Лоҳутӣ фаъолият карда буд.

Фарзандонаш Барзу Абдураззоқов, коргардони тавонои тоҷик, корманди идораи Созмони Милал Шаҳбоз Абдураззоқов ва проффессори Консерваторияи Шветсия Ниссор Абдураззоқов ҳастанд.

Ӯ дар намоишҳои "Бой ва ғулом", "Шоҳ Лир", "Рӯдакӣ", "Рустам ва Суҳроб", "Мо аз боми ҷаҳон" нақшҳои асосӣ ва хотирмонро бозидааст.

Хомушии ситораи дигар: нақшҳои беҳтарини Ҳабибулло Абдуразоқов – видео

Марги Фотима Ғуломова дар ҳолест, ки ҳанӯз бештар аз як моҳ қабл, 19 январ ҳамсараш, ҳунарманди тавонои синамо ва театр Ҳабибулло Абдураззоқов даргузашта буд.

510