Тканное панно с изображением Бободжана Гафурова в институте востоковедения

Бобоҷон Ғафуров ва нақши ӯ дар рушди Институти шарқшиносӣ дар шаҳри Маскав

507
(Таҷдидшуда 14:06 11.09.2019)
Бобоҷон Ғафуров – шарқшинос ва шахсияти маъруфи тоҷик дар пажиҳушу гироиши илмии даврони Шӯравӣ навовариҳои беназир анҷом дода, андешаи ҷомеаи ҷаҳониро нисбати тоҷикону Тоҷикистон дигар намуд

ДУШАНБЕ, 11 сен - Sputnik. Номи Бобоҷон Ғафуровро ҳар як шахсе, ки каму беш ба Тоҷикистон ошно аст медонад. Вай яке аз муътабартарин ашхос миёни фарзонафарзандони миллати тоҷик ба шумор меравад.

Ғафуровро дар Русия аз ҳама бештар ҳамчун мудир ва асосгузори Пажуҳишгоҳи шарқшиносии Академияи илмҳои Русия мешиносанд. Ин пажуҳишгоҳ яке калонтарин маркази илму тадқиқот ба шумор мерафт, ба пажуҳиши кишварҳо ва халқҳои Осиё ва Африқои Шимолӣ машғул буд. Меҳнати ӯ дар ин Пажуҳишгоҳ беназир дониста мешавад.

Рушди Пажуҳишгоҳи шарқшиносӣ дар замони Ғафуров

Шарқшиносӣ ҳамеша зери таваҷҷуҳ қарор дошт, барои ҳамин Институти халқҳои Осиё, ки дар соли 1950 аз Ленинград ба Маскав кучонида шуда буд ва роҳбари он аз тарафи сарвари Иттиҳоди Шӯравӣ таъйин карда мешуд.

Дар миёни солҳои 50 маълум гардида буд, ки фаъолияти Институти Шарқшиносӣ на он қадар хуб аст. Фаъолияти онро зиёд интиқод мекарданд, ҳатто худи Ғафуров низ чандин маротиба аз фаъолияти на он қадар қобили қабулашон танқид карда буд. Ба гуфтаи академик Рибков дар он даврон мазҳакаомез ин гап анъана шуда буд: “Шарқ бедор шуду Институти шарқшиносӣ то ҳол хоб аст”.

Ҳамин тариқ Бобоҷон Ғафуровро, ки тайи 10 сол роҳбари аввали Кумитаи Марказии Ҳизби Коммунистии Тоҷикистон буд мудири Институти шарқшиносӣ интихоб карда шуд.

Ғафуров тавонист дар як муддати кутоҳ вазъи пажуҳишгоҳро беҳтар гардонад. Аз фаъолияти ӯ як сол нагузашта бори аввал дар шаҳри Тошканд аввалин конфронсии илми иттиҳоди кишварҳо баргузор гардид.

Дар давоми як сол Ғафуров тавонист, ки шумораи кормандони Институтро аз 185 нафар ба 338 кас расонад.

Дар баробари ин вазъи молии институт беҳтар гаштан гирифту кормандонаш тез-тез ба хизматҳои илмӣ-амалӣ сафарбар гардидан гирифтанд.

Ғафуров сохтори дохилии Институти шарқшиносиро бо мақсади қавитар омӯхтани таъриху фарҳанги мамлакатҳои Шарқ мувофиқ гардонд. Дар назди Институт “Нашриёти адабиёти Шарқ” - ро ташкил намуд.

Аз ҷумла, 25 гурӯҳ корӣ (бахш) ташкил шуд (аз онҳо 3 гуруҳи корӣ дар Ленинград); 18 гурӯҳ дар 5 шуъбаи аз рӯи принсипи минтақавӣ фаъолияткунандаи мамлакатҳои Шарқи Араб, Шарқи Наздик ва Миёна, Ҳиндустон, Хитой, Шарқи Дур таъсис ёфт.

Дар давраи сарварии Б. Ғафуров шумораи кормандони илмии институт беш аз 9 баробар афзуда, соли 1977 ба 839 нафар расида буд.

Миёнаи солҳои 1950 нақшаи қабул ба шуъбаи аспирантураи институт аз 7 – 8 довталаб беш набуд. Б. Ғафуров ин нишондиҳандаро даҳ маротиба зиёд намуда, теъдоди қабули солонаро ба 70 – 80 нафар расонд.

 

Институт востоковедения в Москве
© Sputnik / Стас Этвеш
Институт востоковедения в Москве

Ҳамин тариқ Ғафуров тайи 21 сол пажуҳишгоҳро роҳбарӣ намуда то соли 1977, яъне вафоташ дар пешрафти он хидмат кардаааст.

“Мудирияти Ғафуров давраи беҳтарин дар таърихи Институти шарқшиносӣ мебошад”, - ёдовар мешавад филолог ва японшиноси машҳур Владимир Михайлович Алпатов.

Бобоҷон Ғафуров соли 1956 аз вазифаи Котиби аввали КМ ҲК Тоҷикистон озод ва директори Институти шарқшиносии АИ ИҶШС таъйин гардид. Барои Б. Ғафуров ин тавр тағйир ёфтани масъулияти хизматӣ чун атои тақдир ҳисоб меёфт, ҳарчанд то дар доираҳои илмӣ эътироф шудан вақт лозим буд.

Бояд гуфт, ки дар ҳамаи дастовардҳои даҳсолаи баъдиҷангии ҶШС Тоҷикистон (солҳои 1946 - 1956) Бобоҷон Ғафуров ҳамчун роҳбари вақти ҷумҳурӣ нақши бениҳоят бузургу ҳалкунанда дошт. Дар чунин вазъ аз рӯи мантиқи вобаста ба низоми давлатдории замон зарурати ба кори дигар гузарондани академик Бобоҷон Ғафуров пеш наомада буд, аммо ӯро ҳамчун шахси донишманд ҳамчун роҳбари як пажуҳишгоҳ таъйин намуданд.

Дарвоқеъ, ба ин вазифа таъйин намудани Б. Ғафуров ба даврае рост омад, ки зарурати бардоштани нуфузи ин маркази муҳими илмӣ дар доираҳои мақомоти ҳизбию давлатӣ торафт равшантар эҳсос мешуд. Зеро нуфузи Институти шарқшиносӣ дар арафаи директори он таъйин гардидани Б. Ғафуров то дараҷае пойин рафта буд, ки дар зинаҳои болоии роҳбарияти мамлакат, ҳатто масъалаи барҳам додани он ва ба зиммаи академияҳои ҷумҳуриявиву факултетҳои таърихи донишкадаю донишгоҳҳои олӣ вогузор шудани масоили илмии шарқшиносӣ пеш омада буд. Ба гуфтаи академик Е.М. Жуков дараҷаи омӯзиши масъалаҳои Шарқ аз талаботи замон тамоман қафо монда буд.

Дар кадом ҳолат қарор доштани Институти шарқшиносӣ ва ба кадом сатҳ расидани онро дар давраи роҳбарии Б. Ғафуров (1956 - 1977) ёддошту гузоришоти ҳамкорони ӯ, ки тамоми фаъолияти худро барои рушди ин равияи илмӣ бахшидаанд, то андозае равшан кардаанд.

Яке аз ҳамкорони Б.Ғафуров, доктори илмҳои иқтисодӣ, профессор Г.К. Широков аз хизмати беҳамтои ӯ дар рушди шарқшиносӣ ёдовар шуда, чунин қайд кардааст: “Ба шарқшиносӣ омадани Б. Ғафуров барои таҳаввулоти ин соҳаи илм роҳи васеъ кушод. Ман махсус аз омадани ӯ ба Институти шарқшиносӣ не, балки аз шарқшиносӣ мегӯям. Чунки роҳбарӣ ба ин маркази калони илмӣ ва амалан таъсир гузоштан ба маҷаллаҳо ва нашриёт маънии роҳбарӣ намудан ба ҳамаи ин соҳаи илмро дошт”.

Маълум буд, ки барои тайёр кардани мутахассисони равияҳои нави илмие, ки Б. Ғафуров ба нақша гирифта буд, пойгоҳи мустаҳкам ташкил кардан лозим меомад. Аз ҷумла, доир ба давлатҳои нави аз мустамлика раҳо ёфтаву ба доираи таҳқиқот воридшуда, равияҳои илмии иқтисодиёт, сотсиология, сиёсатшиносӣ, забоншиносӣ ва ғайра на танҳо барои худи институт, инчунин, барои дигар марказҳои шарқшиносии Иттиҳоди Шӯравӣ мутахассисони соҳавӣ тайёр кардан зарур буд.

Аз ин рӯ, Б. Ғафуров барои зиёд намудани теъдоди аспирантон чораҷӯӣ намуда, бо роҳҳои гуногун, аз ҷумла бо роҳи машварат бо мутасаддиёни банақшагирӣ ва маблағгузории давлатӣ дар як муддати кӯтоҳ теъдоди қабул ба аспирантураро ба маротиб зиёд намуд.

Академик Бободжан Гафуров, архивное фото
© Sputnik / В. Лаврищев
Академик Бободжан Гафуров, архивное фото

Дар давраи сарварии Б. Ғафуров шумораи кормандони илмии институт беш аз 9 баробар афзуда, соли 1977 ба 839 нафар расида буд. Маълум аст, ки бе ҷамъоварии маводи зарурӣ доир ба таъриху фарҳанги мамлакатҳои Шарқ таҳқиқоти ҷиддӣ пеш бурдан ғайриимкон буд. Ин заруратро ба назар гирифта, Б. Ғафуров бо ҳар восита дар солҳои 60 – 70 – уми асри гузашта ҳамасола ба хориҷа сафари илмӣ анҷом додани 120 - 140 нафар ходимони институтро таъмин менамуд.

“Тоҷикон” ва ё пешравӣ дар шарқшиносии ҷаҳонӣ

Бояд гуфт, ки бо нашри китоби “Тоҷикон” дар бораи таърих ва кӣ будани халқе бо номи тоҷик дар Осиёи Марказӣ Ғафуров ин милатро ба ҷаҳониён ошно кард.

Китоби “Тоҷикон”, ки дар соли 1972 нашр гардида буд то ҳол қимматашро гум накардааст. Дар ин китоб Ғафуров исбот кардааст, ки тоҷик милатест, ки фарҳангу тамаддунаш асрҳо пеш рушду нуму карда буданд.

Бояд гуфт, ки Бобоҷон Ғафуров ҳамчун таърихшинос, исломшинос рисолаҳои илмиии номзадӣ ва докторӣ ҳимоя карда буд.

Ӯ соли 1974 тариқи хидмати давлатӣ-илмӣ ба Арабистони Саудӣ сафар намуда хонаи Худоро зиёрат карда буд. Ӯ худро ҳоҷӣ низ меҳисобид.

507
Барчаспҳо:
Пажуҳишгоҳи рушди маориф, Маскав, Шарқи дур, тоҷикон, Бобоҷон Ғафуров, Тоҷикистон
Мавзуҳо:
Таърихи Тоҷикистон дар харитаи Маскав (22)

Байден ИМА - ро ба лухтаки Урупо табдил медиҳад

279
(Таҷдидшуда 16:17 25.11.2020)
Иттиҳоди Урупо дар симои раҳбари Шӯрои Урупо Шарл Мишел ба Ҷо Байден пешниҳод кард, ки "Иттифоқи қавии трансатлантикӣ" - ро барқарор созад

ДУШАНБЕ, 25 ноя - Sputnik, Ирина Алкснис. Агар Байден вориди Қасри Сафед шавад (бо назардошти рушди воқеъа ин кор ногузир аст) умеди барқарорсозии "Иттифоқи қавии трансатлантикӣ" - асос дорад. 

Номзадии эҳтимолии котиби давлатии  ИМА - Энтони Блинкен, ки маҳсулоти тозаи "ботлоқи Вашингтон" ва "ҳимоятгари эътилофҳои ҷаҳонӣ" аст, як нишони муҳим гардид.

Хушҳолии Урупои Шарқӣ аз дидани Ҷо Байден дар нақши президенти ИМА вақте маълум шуд, ки раҳбарони ин имнтақа яке паси дигар ӯро барои ба маснади раҳбарӣ интихоб шудан, муборакбод мегуфтанду Олмон, изҳор дошт, ки барои кор бо Трамп "дар муддати чор соли дигар" нақша надорад.

Маълум нест, чаро барои Урупо маҳз дар сари қудрат будани глобалистҳо - онҳое, ки хостори ҷаҳони якқутбӣ бо сарварии Вашингтон ҳастанд, хушоянд аст.

Мешавад гуфт, ки дар Урупо қувваҳои дастгири Амрико зиёд шудаанд, ки омодаанд давлатҳои худро қурбони сиёсати ИМА кунанд.

Масалан ҳукумати Олмон бори дигар мавқеъи худро дар бораи ғайри қобили қабул будани таҳримҳои экстерриториявӣ, ки дар Иёлоти Муттаҳида алайҳи "Маҷрои Шимолӣ 2" таҳия мешаванд, тасдиқ кард.

Ҳамин тавр, Урупо мехоҳад манофеъи худ ва нақши геополитикии худро дар ҷаҳон нигоҳ дорад, вале ҳамзамон бозгашти қувваҳоеро ба сари қудрати Вашингтон , ки аслан ин қудратро намехоҳанд пазиранд, дастгирӣ мекунад.

Роҳи ҳалли ин зиддияти аҷибро дар рӯйдодҳои чор соли пеш бояд ҷӯё шуд.

Баробари ба Қасри Сафед ворид шудан, Доналд Трамп аз имзои бархе аз созишномаҳои байналмилалӣ бо ширкати ИМА даст кашид. Сарнавишти иттифоқи машҳури трансатлантикии тиҷорат ва сармоягузорӣ, ки то он замон обрӯи бад дошт, низ ба дасти ӯ афтод.

Суханчинҳо огоҳ мекарданд, ки Амрико бо кумаки он тамоми захоири Урупоро ба сӯи худ хоҳад кашид.

Вале, Трамп, ки дар давраи сари қудрат буданаш аз ҳамаи имконот барои ҷалби сармоя ба давлаташ моҳирона истифода мекард, дарҳол ва бедудилагӣ аз "мурғе", ки бояд чанд сол барои ИМА тухмҳои тиллоӣ мекард, даст кашид. Зиёда аз ин, ӯ чандин маротиба изҳор дошт, ки ин созишномаҳо дар асл барои ИМА фоидаовар нестанд. Аз афташ суханони тоҷири ватандӯст бовар карданист.

Тасаввури ғалат дар бораи ҳамаи глобалистҳо (ҳатто амрикоиҳо) ин аст, ки ҳамаи онҳо ба манфитаи миллӣ кор мекунанд. Барои онҳо ИМА чун армияи бузурги ҷаҳон шояд бисёр муҳим бошад. Аммо худ як кишвари азиме, бо 330 миллион нафар аҳолӣ бори гаронест, ки сармоягузорӣ ба он барои ҳалли мушкилоташ қобили қабул нест.

Аммо манфиатҳои воқеӣ ва эҳсосоти сентименталии глобалистҳо ҳамчун шаҳрвандони ҷаҳон метавонанд бо ҷойҳои тамоман дигар алоқаманд бошанд. Масалан Энтони Блинкен, замони кӯдакии худро  дар Порис гузаронидааст ва ба ташаккули шахсияти ӯ падарандараш, ки урупоист, сахт таъсир кардааст. Ҳамин тариқ, шубҳаҳо дар бораи он, ки ӯ ҳамчун котиби давлатӣ то чӣ андоза манфиатҳои миллии Иёлоти Муттаҳидаро пеш мекунад, комилан табиист.

Дар ин сурат мавқеъи Урупо маъно пайдо мекунад. Урупо дар даҳсолаи охир дар алоқамандӣ  бо Амрико ба ҳадаф расиданро омӯхтааст. Танҳо созишномаи ҳастаии Эронро ба ёд меорем, ки онро аксар вақт яке аз пирӯзиҳои раёсати ҷумҳурии Обама меноманд, аммо дар асл Иттиҳоди Урупо манфиати бештар дошт.

Гузашта аз ин, ИА ҳанӯз ҳам аз бисёр ҷиҳат ба ИМА ниёз дорад. Аз ҷумла, кӯшишҳои Урупо барои созмони артиши худ - на тақлид, ки имрӯз вуҷуд дорад, балки нерӯи воқеии низомӣ ҷиддӣ ба назар намерасад. Ба ин маъно барои урупоиҳо алтернатива нест ва дар ояндаи наздик пешбинӣ ҳам намешавад.

Аммо Трамп ҷиддан мехост, Ҷаҳони Қадимро барои пардохти нархи "чатр" - и низомӣ маҷбур кунад, вале акнун Брюссел ва Берлин имкон доранд бо "ботлоқи Вашингтон" ба таври мусолиматомез дар ин масъала муросо кунанд.

Ва ҳанӯз ҳам, барои муқобили Русия - дар масоили геополитикӣ, иқтисодӣ ва низомӣ ИМА ба Иттиҳоди Урупо ниёз дорад. Дар акси ҳол, Маскав дар самти ғарбӣ шароити мусоид фароҳам мекунад, ки ин ба пойтахтҳои Урупои Ғарбӣ наонқадар писанд меояд.

Дар натиҷа, як ҳолати ғайримуқаррарӣ ба миён меояд: дар ҳоле, ки Урупо дар назари аксарият барои Иёлоти Муттаҳида як маводи истеъмолӣ менамояд, дар асл, бояд диламон ба ИМА бисӯзад, ки метавонад қурбони хиёнати элитаҳои урупоӣ гардад.

279
Барчаспҳо:
Урупо
Отражение мужчины на фоне флага ЕС

Коронавирус нишасти G20 - ро сироят кард. Вале Ғарб ваксинаи Русияро тоқат надорад

223
(Таҷдидшуда 19:26 23.11.2020)
Ба кӯшиши софдилонаи ширкатдорон нигоҳ накарда, саммити маҷозии G20 ҳалокати ҷаҳонишавиро таъкид кард

ДУШАНБЕ, 23 ноя — Sputnik, Иван Данилов. Гап сари фитнае муқобили "ҷаҳони якқутбии амрикоӣ" ё кӯшиши барқарор кардани "муқобилияти деворӣ" монанди миёнаҳои дуюми асри 20 нест. Акси глобализатсия ва бисёрқутбӣ новобаста аз андешаҳо дар марказҳои ақлонии Амрико ва Брюссел аллакай воқеъияти ҳол шудааст.

Мушкил сари ин ки, мавзӯъи ягонаи сиёсӣ нест ҳамон тавре, ки як забон барои баррасии он вуҷуд надорад. Ва зиёда аз ин, "як кунҷи геопалитикӣ" ҳам нест, ки ҷомеаи ҷаҳонӣ ба он пайравӣ кунад.

Мушкили умумӣ шурӯъ аз ҳамагирии коронавирус то бӯҳрони иқтисодӣ ҳаст, вале ҳалли якхели он натанҳо ки нест, балки буда ҳам наметавонад. Барои он ки, низоми муносиботи миёни давлатҳо ба режими бозӣ аз сари нав омадааст, яъне комёбии як давлат чун мағлубияти рақибон пиндошта мешавад ва он ҷониб омодагии комил барои қурбонӣ кардани баъзе манфиатҳои умумиро нишон медиҳад (на мулоҳизаҳои башардӯстона) танҳо барои он, ки яке аз рақибони геополитикӣ натавонист як навъ тасвир, пирӯзии сиёсӣ ё иқтисодиро нависад.

Чанд мисоли чашмрас бояд гуфта шавад.

Дар нишасти G20, раҳбари Чин пешниҳод кард, ки як навъ механизми рақамӣ эҷод карда шавад, то ҳаракати байни кишварҳоро боздорад, вале ба иқтисоди ҷаҳонӣ, тиҷорати байналмилалӣ ва барқарорсозии туризм кумаки калон расонад (ки ин барои бисёриҳо, аз ҷумла кишварҳои камбизоат хеле муҳим аст).

Дар ин росто Чин, ташкили механизми байналмилалии шинохти "рамзи QR-и саломатӣ" -ро пешниҳод кард, ки бар пояи натиҷаи санҷишҳои тестӣ асос хоҳад ёфт.

"Умедворам, ҳарчӣ бештари кишварҳо ва минтақаҳои ҷаҳон ба он ҳамроҳ мешаванд" - гуфт Си Ҷинпин.

Дар сатҳи объективӣ эҷоди як навъ "тасдиқи рақамӣ" - и байналмилалӣ ва  эътирофшуда дар бораи он ки як сайёҳ, дипломат ё соҳибкор солим аст  ва метавонад марзҳи кишварҳоро убур кунад (ё ба ватани худ баргардад) бидуни карантин -  фикри хуб аст.

Вале имконият барои роҳандозии ин барнома дар сатҳи глобалӣ нест, новобаста аз он ки ин чораандешӣ ин замон лозим аст ва метавонад осон таҷриба шавад. Вале, ин идея дар амал татбиқ намешавад, танҳо ба он хотир, ки аз нуқтаи назари раҳбарони Ғарб ин пешниҳоди расмии Чин (яъне пешниҳоде, ки рушди баланди технологияҳои инфрматсионии Чинро таъкид мекунад).

Мисоли дигар дар бораи дастнорас будани ваксинаи алайҳи коронавирус барои кишварҳои камбизоат мебошад, ки дар сурати эм накардан метавонанд манбаъи сироятёбӣ гарданд. Владимир Путин дар суханронии худ аз зарурати таъмин кардани тамоми ҷаҳон бо ваксина гуфт:

"Русия қарори калидии тарҳи саммити ҳозираро, ки ба дастрас кардани ваксинаҳои самарабахш ва бехатар ба ҳамагон нигаронида шудааст, дастгирӣ мекунад. Бе шубҳа доруҳо барои эмкунӣ бояд дастоварди ҳамагон бошад. Ва Русия албатта ба кишварҳои ниёзманд ваксинаҳои аз тарафи олимон сохташударо дастрас мекунад: ин аввалин ваксинаи ба қайд гирифташуда дар ҷаҳон "Sputnik V" буда, ваксинаи дуюми Русия "EpiVacCorona" -и Маркази илмии Новосибирск низ омода аст ва ваксини сеюми Русия дар роҳ аст.

Миқёси пандемия моро вазифадор мекунад, ки тамоми захираҳои мавҷударо истифода барем. Ҳадафи умумии мо - сохтани ваксинаҳо ва таъмин намудани тамоми аҳолии сайёра бо он мебошад. Ин маънои онро дорад, ки кор барои ҳамагон, кофӣ аст ва ин дар ҳолест, ки рақобат эҳтимолан ногузир аст, аммо мо бояд пеш аз ҳама аз мулоҳизаҳои башардӯстона сар барорем ва инро дар мадди аввал гузорем".

Дар сатҳи декларативӣ ҳамааш хуб хоҳад буд, вале "бистгонаи бузург" дар умум барои дар амал татбиқ намудани тарҳ, ки бунёди хазинаи умумиро барои харидории ваксина ва таъмин намудани кишварҳои ниёзманд дар назар дораду маҳз харидории ваксинаи сохти русии "Sputnik V" - ро, ки нисбат ба аналогҳои амрикоӣ ва урупоӣ арзонтар мебошад, ризо намешавад.

Агар ба ин мушкилӣ аз нуқтаи назари ИМА ва Брюссел назар кунем боз мефаҳмем, ки гап сари - русиягӣ (эҳтимолан сохти чинӣ низ онҳоро хуш нест), будани ваксина аст.

Владимир Путин даъват кард, ки рақобатро як сӯ гузошта гуманизмро пеша кунанд, аммо имкони шунидани муроҷиати ӯ ниҳоят ночиз аст, алахусус бо назардошти маъракаи таблиғотӣ дар расонаҳои ғарбӣ барои бадном кардани ваксинаҳои Русия ва Чин.

Рӯйхати мавзӯъҳоеро, ки дар он ҳеҷ гуна муколамаи моҳиятӣ дар саммити G20 вуҷуд надоштанд (ва як қатор монологҳои пешвоёни ҷаҳонӣ буданд) идома додан мумкин аст: ин аст ислоҳоти СУС ва мушкилоти қарзҳои асъории кишварҳои рӯ ба тараққӣ ва тамоюли ҷаҳонӣ ба протексионизм.

Роҳбарони Ғарб мавқеи хеле возеҳ доранд: онҳо бисёр гап мезананд, касеро намешунаванд ва пешниҳодҳои онҳо ба формулаи оддӣ мепечанд: "ҳама бояд тавре ки мо мегӯем, кор анҷом диҳанд, он гоҳ ҳамааш хуб хоҳад шуд" ва ба ин маъно, мавқеи Вашингтон пас аз иваз шудани президент. тағйир нахоҳад ёфт.

Набудани моҳияти нишасти G20 далели равшани он аст, ки ҷаҳон на ба сӯи рақобати "блокҳои геополитикӣ" ва ҳатто камтар ба сӯи барқарорсозии "ҷаҳони Амрико" (тавре, ки Вашингтон ба он умедвор аст), балки ба сӯи ҷаҳоне меравад, ки дар он танҳо гуфтушунидҳои дуҷонибаи байни кишварҳои мушаххас имконпазир аст. Расман, ҷаҳони G20, ба истилоҳ, Гурӯҳи бист (G20) вуҷуд дорад, аммо дар амал чуноне сиёсатмадори амрикоӣ Ян Бремер мегӯяд "ҷаҳони G-сифр" аст: ҷаҳоне, ки дар маҷмӯъ ҳама барои худ кор мекунад ва суръат бахшидани ин тағйирот эҳтимолан мероси асосии таърихии коронавирус хоҳад буд.

223
Барчаспҳо:
Русия, Ғарб, вируси корона
Мэр города Исфара Баходурзода Баховаддин Баходур

Шаҳрдори нави Исфара муаррифӣ шуд: Баҳодурзода Баҳоваддин Баҳодур кист?

77
(Таҷдидшуда 13:52 26.11.2020)
Субҳи имрӯз дар толори мақомоти шаҳри Исфара шаҳрдори нави Исфара аз ҷониби муовини Сарвазири Тоҷикистон Сатториён Матлубахон ва муовини аввали раиси вилояти Суғд Хол Ҳайдар муаррифӣ шуд

ДУШАНБЕ, 26 ноя — Sputnik. Бино бар иттилои Иқбол Тешаев, сухангуи шаҳрдории Исфара гуфт, ки дар ибтидо муовини сарвазири Тоҷикистон Сатториён Матлубахон ҳозиринро бо фармонҳои Эмомалӣ Раҳмон, раисҷумҳури кишвар дар бораи ба вазифаи иҷрокунандаи раиси шаҳри Исфара таъин шудани Баҳодурзода Баҳоваддин Баҳодур шинос кард.

Бояд гуфт, ки шаҳрдори қаблии шаҳри Исфара Сулаймонзода Акрам Раҳим бинобар ба кори дигар гузаштан аз вазифаи раиси шаҳр озод шуд ва ба ҷои ӯ Баҳодурзода Баҳоваддин Баҳодур иҷрокунандаи ҳамин вазифа таъин шуд.

Иҷрокунандаи вазифаи раиси шаҳр Баҳодурзода Баҳоваддин Баҳодур зикр намудааст, ки ӯ дар фаъолияти минбаъдаи меҳнатиаш ба ҳайси раиси шаҳри Исфара тамоми донишу малака ва маҳорату таҷрибаи худро барои ободонӣ ва шукуфоии ин шаҳр равона сохта, сазовори боварии ҳам мардум ва ҳам роҳбарияти ҷумҳурӣ хоҳад гашт.

Манбаъ иттилоъ додааст, ки Баҳоваддин Баҳодурзода 10 феврали соли 1976 таваллуд шудааст. Миллаташ тоҷик, маълумоташ олӣ. Соли 1999 Донишгоҳи давлатии ҳуқуқ, бизнес ва сиёсати Тоҷикистонро бо ихтисоси ҳуқуқшинос хатм намудааст.

Баҳоваддин Баҳодурзода фаъолияти меҳнатиашро соли 1999 ба ҳайси мутахассиси Раёсати адлияи вилояти Суғд оғоз намуда, сипас дар солҳои гуногун дар вазифаҳои машваратчии Раёсати адлияи вилояти Суғд, машваратчии калони Раёсати адлияи вилояти Суғд, муовини сардори Раёсати адлияи вилояти Суғд ва нотариуси давлатии идораи нотариалии давлатии ноҳияи Ҷаббор Расулов кор кардааст.

Аз соли 2013 то 14 феврали соли 2019 дар вазифаи сардори Раёсати адлияи вилояти Суғд фаъолият дошт. Бо қарори Раиси вилояти Суғд аз 14 феврали соли 2019 муовини Раиси вилоят таъин гардидааст.

Рӯзи 24-уми ноябри соли 2020 бо Фармони Эмомалӣ Раҳмон, раисҷумҳури кишвар ба мансаби иҷрокунандаи вазифаи раиси шаҳри Исфара таъин шуд.

77
Барчаспҳо:
раис, муаррифӣ, сарвазир, Исфара, Тоҷикистон