Намояндаи доимии Русия дар ЮНЕСКО Киевро барои эълони таҳримҳо зидди Русия ваҳшӣ гуфт

244
(Таҷдидшуда 16:17 19.05.2020)
Намояндаи доимии Русия дар ЮНЕСКО Александр Кузнетсов дар бораи таҳримҳои "фарҳангӣ" -и зидди Русия дар Украина ибрози назар кард. Ӯ мегӯяд, Украина на танҳо бузургтарин марказҳои русия, балки фарҳанги ҷаҳониро ҳадаф гирифтанд

Амалкарди Украина мухолифи талаботи ҷомеа ҷаҳонӣ мебошад. Украина бо пиёда намудани таҳримоти зидди созмонҳои фарҳангӣ ва маърифатии Русия, мухолифати худро нисбати ҷомеа ҷаҳонӣ нишон медиҳад, зеро дар замони пандемия дастрасии мардум ба ёдгориҳо, осорхонаҳо ва объектҳои фарҳангӣ зарур аст, изҳор доштаст намояндаи доимии Русия дар ЮНИСЕФ Александр Кузнетсов аснои мусоҳиба бо хабарнигори РИА Новости Виктория Иванова.

- Александр Игоревич, дар охири ҳафтаи гузашта, Украина бар зидди муассисаҳои фарҳангӣ ва илмии Русия ба мӯҳлати се сол таҳримот ҷорӣ кард. Ҷамъияти географии Русия, Эрмитаж, осорхонаи Пушкин Институти археологияи АИ Пушкин, Донишгоҳи давлатии Маскав ба номи Ломоносов ва якчанд муассисаҳои дигар. Шумо ин амалкарди Киевро чӣ гуна  шарҳ медиҳед?

- Албатта, ин амали ғаразноки мақомоти Киев аст, ки на танҳо дар иртиботи байналмилалӣ, балки дар ҷомеаи маданӣ низ қобили қабул нест. Бисёре аз намояндагони Русия аллакай дар ин бора ибрози назар кардаанд, аз ин рӯ ман танҳо дар мавриди баҳодиҳии созмони ЮНЕСКО ба рафтори Украина нақл мекунам.

Ҳоло, тавре ки шумо медонед, Созмон фаъолона кор мекунад, то оқибатҳои пандемияи коронавирус арзишҳои фарҳангии ҷаҳонӣ зери хатари маҳвшавӣ қарор нагиранд. Хусусан, дар ин замони ҳассос, ки миллионҳо одамон ба онҳо дастрасӣ надоранд. Ин на танҳо дар бораи ёдгориҳои таърихие, ки ҳоло бар асари пандемия баста шудаанд, балки дар бораи музейҳо, театрҳо, толорҳои консертӣ ҳам аст. дар ҳамин робита якчанд ташаббусҳои мушаххас оид ба ин ҳисобҳо мавҷуд аст, аз ҷумла ташаббусҳои ходимони фарҳангии Русия.

Ва мо ҳоло бо Котиботи ЮНЕСКО муҳокима карда истодаем, ки чӣ гуна ин ҳама амалиётро беҳтар истифода барем, албатта бо истифодаи технологияҳои муосири иттилоотӣ, ки имкон медиҳад чорабиниҳои миқёсан дурдаст баргузор карда шаванд.

"Дар ин замина, маълум мешавад, ки Украина, бо амалҳои худ, аз тамоми ҷомеаи ҷаҳонии фарҳангӣ фарқ мекунад".

Амалкарди Украинаро метавон чунин баҳогузорӣ кард, ки гӯё  ваҳшие бо дастачӯб вориди толори фарҳангӣ буда, дар барномаи консертии мусиқии симфониявӣ ҷанҷол бардошт. Ва ин бисёр таассуфовар аст, чун дар гузашта, Украина дар фаъолияти ЮНЕСКО саҳми назаррас гузошта буд.

Ҳоло Украина на танҳо ба марказҳои калони  фарҳангии Русия, балки ба фарҳанги ҷаҳонӣ дар набард аст. Шояд онҳо ба ин амали пасташон иктифоъ накарда дар Майдон ба оташ задани  китобҳои классикони рус шурӯъ кунанд.  Ин ҳама таассуроти дардоварро ба бор меорад, афзудааст Кузнетсов.

- Оқибатҳои ин тасмим барои ҳамкориҳои байналмилалӣ чӣ гунаанд?

- Ман ягон оқибати мушаххас дар арсаи ҳамкориҳои байналмилалиро намебинам - дар масъалаи фарҳанг ЮНЕСКО  пайваста ҳамбастагиро нишон медиҳад. Чанде пеш ман бо Директори генералии ин созмон Одри Азуле гуфтугӯ доштем ва ба хулосае омадем, ки  амалу афкори мо як аст, яъне чӣ гуна бояд дар замони баста будани бузургтарин объектҳои фарҳангӣ дастрасии мардум ба онҳо ва нигоҳ доштани маълумоти фарҳангиро муҳайё созем. Маҳз ба ин ҳадафҳо мо дар ояндаи наздик бо иштироки фаъоли Русия хоҳем расид.

- ЮНЕСКО дар посух ба дархости РИА Новости, бобати тавзеҳ додани амалҳои мақомоти Украинаро рад намуда, изҳор дошт, ки дар масъалаҳои кишварҳои ширкаткунанда бетараф аст.  Ба андешаи шумо, оё созмоне, ки бевосита марбут ба фарҳанг аст ба вазъи мавҷуда дахолат мекунад?

Ин ҷо ман бо мавқеи Котиботи ЮНЕСКО розӣ нестам ва борҳо дар ин бора ба онҳо гуфта будам. Ман гумон мекунам, ки ин як зуҳуроти стандартҳои дугона мебошад. Зеро ЮНЕСКО ба баъзе воқеаҳое, ки рух медиҳанд ва боиси нигаронии кишварҳои Ғарб мешавад, ҳатман расидагӣ мекунанд, вале вақте ки мо барои поймол кардани принсипҳо ва арзишҳои бунёдии ЮНЕСКО талош мекунем, Котибот хомӯш аст ва посух намедиҳад.

244
Барчаспҳо:
ЮНЕСКО, таҳрим, Украина, Русия
Руководитель отдела экономики Института стран СНГ Аза Мигранян

Коршинос: барномаи зиддибӯҳронии Тоҷикистон ду моҳ дер тасвиб шуд

187
Тоҷикистон аз ҳисоби кадом маблағҳо соҳибкоронро дастгирӣ хоҳад кард ва оё ин иқдомҳоро буҷаи кишвар мебардорад ё не - ба ин саволҳо коршинос, иқтисодшиноси Пажӯҳишгоҳи ИДМ Аза Мигранян посух гуфт

Ҳукумати Тоҷикистон барномаи зиддибӯҳронии замони пандемияи коронавирусро қабул кард, ки ба дастгирии соҳибкорон ва аҳолӣ равона гардидааст.

Имрӯз, 5 июн чанд фармони раисҷумҳури Тоҷикистон Эмомалӣ Раҳмон ба имзо расид, ки мувофиқи он чанд гурӯҳ соҳибкорон аз андоз озод карда шуда, ба қишри осебпазир кӯмакпулӣ таъин ва боло бурдани арзиши барқу хизматрасониҳои коммуналӣ мавқуф карда шуд.

Мигранян о том, за счёт чего в Таджикистане будут поддерживать бизнес

"Дар ҳар як кишвар захираи муайяне ҳаст, ки ба истилоҳ захираҳои ғайрибуҷавӣ гуфта мешавад. Ин гуна буҷа дар Тоҷикистон низ ҳаст", - гуфт Миграниян дар сӯҳбат бо Sputnik Тоҷикистон.

Ба гуфтаи коршинос, таҳлили он ки иқдомҳои зиддибӯҳронии Ҳукуматро буҷаи Тоҷикистон мебардорад ё не, ғайриминтақист, зеро феълан маълум нест, ки барои ин иқдоми Ҳукумат чӣ қадар маблағ лозим аст.
"Фаҳмиши норасоии буҷа нисбӣ аст. Ҳама гуна кишвар бо норасоии буҷа метавонад то дер  арзи вуҷуд дошта бошад", - таъкид мекунад коршинос.

 

Ба гуфтаи ӯ, ин ҷо гап дар бораи дастгирии аҳолӣ ва тиҷорати хурд меравад.

"Ҳамааш аз он вобаста аст, ки то кай дар Тоҷикистон маҳудиятҳои фаъолияти иқтисодӣ амалӣ мешавад. Агар маҳдудиятҳо фарогир бошанд, пас ин ҳамагӣ дастгирии хурдест. Агар маҳдудиятҳо кутоҳмуддат ва маҳдуд бошанд, ҳамин тавре ки ҳоло дар Тоҷикистон рӯи кор меоянд, ин дастгирӣ ба аҳолӣ ва тиҷорати хурд назаррас хоҳад шуд".

Вай афзуд, ки вақте ҷараёни даромад нест, ихтисори андоз, пардохтҳои ҳатмӣ ва харҷҳои гуногун метавонад ба қисми рақобатпазир дар кам шудани талабот ба маводи онҳо дар мӯҳлати муайян кӯмак кунад. Аммо ин истеҳсолоти заифро наҷот намедиҳад.

"Сухан дар бораи дастгириҳои иҷтимоӣ бо мақсади тавонмандии харидории аҳолӣ меравад. Ин чораҷӯиҳо барои бештари кишварҳои ҷаҳон стандартӣ мебошанд", - тавзеҳ медиҳад ӯ.

 

Ин иқдомҳои Тоҷикистон ду моҳ дер қабул шуданд, гуфт дар анҷом Мигранян.

187
Женщина в защитной маске в городе Душанбе

СУТ аз хатари воридшавии коронавирус аз хориҷ ба Тоҷикистон гуфт

458
(Таҷдидшуда 17:59 03.06.2020)
Коршиносони Созмони ҷаҳонии тандурустӣ аз хатари ҳолатҳои нави воридшавии коронавирус аз хориҷ ба Тоҷикистон гуфт

ДУШАНБЕ, 3 июн — Sputnik. Доктор Олег Стороженко, иштирокдори ҳайъати СУТ дар Тоҷикистон, корманди штаби мутобиқатии назорати пандемияи КОВИД-19 дар сӯҳбат бо Sputnik Тоҷикистон вазъи паҳншавии коронавирус дар Афғонистон ва таъсири он ба Тоҷикистонро тавзеҳ дод.

Коршинос таъкид кард, ки аз ҳамсоякишварҳои Тоҷикистон на танҳо Афғонистон, балки дигар ҷумҳуриҳо ба мушкилии коронавирус дучоранд ва ҳамарӯза дар онҳо ҳолатҳои нави сироятёбӣ ба қайд гирифта мешавад.

"Ҳангоми боздид аз Тоҷикистон мо имконият доштем, ки чанд гузаргоҳро назорат кунем. Дар онҳо тамоми меъёрҳои лозима риоя мегардиданд, қавонини байналмилалии тиббиву санитарӣ санҷида шудаанд.  Ин чораҷӯиҳо дар сарҳад хуб аст, аммо кофӣ нест. Бояд вазъ дар марз ва дохили кишварро доим назорат бурд", - мегӯяд коршинос.

Намояндаи СУТ афзуд, ки бояд маълумот дар бораи паҳншавии коронавирус дар Тоҷикистон дастрас бошад. Хусусан бояд аз минтақаҳои марзӣ ба монанди Помир, ки бо Афғонистон ҳамсарҳад ас хабардор буд.

Стороженко таъкид кард, ки дар мубориза бо коронавирус таҳлили вазъ муҳим аст: вазъи хадамоти лабараторӣ ва муассисаҳои тиббӣ бояд санҷида шаванд.

Коронавирус ба буҷаи шаҳри Хуҷанд таъсир кард: шаҳр ба мушкилоти муваққатӣ рӯ ба рӯ шуд

 

458
Свеча

Мусибат дар хонаводаи Мӯъмин Қаноат: набераи 42 - солааш ҷаҳони фониро падруд гуфт

230
(Таҷдидшуда 23:48 06.06.2020)
Баҳрин нахустнабераи шоири зиндаёд Мӯъмин Қаноат дар синни 42 - солагӣ аз олам ҷашм пӯшид. Иллати марги ӯ маризии гурда арзёбӣ мешавад

ДУШАНБЕ, 6 июн – Sputnik. Хабари фавти бармаҳали Баҳрин - нахустнабераи Мӯъмин Қаноат шоири зиндаёдро адиби тоҷик Аҳмадшоҳи Комилзода дар сафҳаи Фейсбукии худ коридаст.

акс аз сафҳаи фейсбукии Комилзода Аҳмадшоҳ
Баҳрин нахустнабераи Мӯъмин Қаноат

Ба навишати Комилзода, набераи устоди зиндаёд Мӯъмин Қаноат ҳамагӣ 42 - сол умр дошта, бар асари бемории шадиди гурда, рӯзи 6 - уми июн аз олам чашм пӯшид. 

"Баҳрин ҷавони донишманд, донанда ва тарҷумони хуби се забон – порсии тоҷикӣ, русӣ ва англисӣ буд, ки бо ин се забон кору тарҷума мекард", - навиштааст Комилзода.

Хезед бобо Дарвоз мерем: арӯси хонаводаи Мӯъмин Қаноат аз вопасин суханҳои шоир нақл кард

Аз марҳум ду фарзанд Суруш ва Мумтоз, ки яке 15 - сола ва дувумӣ 13 - солаанд, ятим монданд.

Дӯстони Баҳрин, даргузашти ӯро ҳамчун шахсияти соҳибхираду соҳибғурур ва нафари ботамкин, як мусибати бузурги ҷуброннопазир арзёбӣ мекунанд.

230