Чанде пеш раисҷумҳури Тоҷикистон Эмомалӣ Раҳмон тағйирот ба Кодекси ҶТ дар бораи қонуншиканиҳои маъмуриро, ки аз ҷониби парлумони кишвар тасдиқ гардид, имзо кард.
Мувофиқи он, барои паҳн кардани маълумоти бардурӯғ ба воситаи расонаҳо дар бораи пандемия ҷарима аз 580 сомонӣ барои шахсони воқеӣ ва 11600 сомонӣ барои шахсони ҳуқуқӣ пешбинӣ шудааст.
Афзун бар ин, барои напӯшидани ниқоб дар ҷойҳои ҷамъиятӣ шаҳрвандонро метавонанд аз 116 то 290 сомонӣ ҷарима кунанд.
Аммо, феълан, вақте ки пандемияи коронавирус дар кишвар каме коҳиш меёбад, ин маҳудудият аллакай мантиқ надорнд, ғайр аз пур кардани буҷа, мегӯяд муовини раиси Ҳизби сотсиал-демократи Тоҷикистон, коршинос Шокирҷон Ҳакимов.
"Ин иқдом камсамар ва мантиқан нодуруст аст. Вақте ки феълан дар Тоҷикистон ҳаво гарм аст ва маризӣ то рафт кам мешавад, мақомот қарор доданд, ки ба қонунгузорӣ меъёри вижа ворид кунанд ва дар ҳамин ҳол даромади аҳолӣ ва ришваситониро дар сатҳи мақомоти ҳифзи ҳуқуқ ба назар нагирифтанд", - таъкид мекунад Ҳакимов.
Тағйирот пас аз нашр тавзеҳи он дар расонаҳои давлатӣ ҳукми қонунӣ мегирад.
