Президент Сирии Башар Асад. Архивное фото

Асад Эрдуғонро саркардаи низоъ дар Қарабоғ медонад

473
(Таҷдидшуда 16:51 06.10.2020)
Президенти Сурия Башор Асад раисиҷмуҳури Туркия Раҷаб Тайиб Эрдуғонро саркардаи низоъ дар Қарабоғи Кӯҳӣ гуфт

ДУШАНБЕ, 6 окт — Sputnik. Президенти Сурия Башор Асад дар суҳбат бо РИА Новости гуфт, низоъ дар Қарабоғи Кӯҳӣ бо ибтикори раисиҷмуҳури Туркия Раҷаб Тайиб Эрдуғон сар шуд.

"Ӯ террористонро дар Ливия дастгирӣ мекунад, ӯ саркардаи низоъ миёни Арманистон ва Озарбойҷон дар Қарабоғи Кӯҳӣ аст", - қайд кард президенти Сурия.

Ба гуфти ӯ ҷангҷӯёнро аз манотиқи Сурия ба Қарабоғи Кӯҳӣ интиқол медиҳанд ва Димишқ метавонад инро тасдиқ кунад.

"Мо метавонем инро тасдиқ кунем, вале на ба хотири он, ки далел дорем. Гоҳе далел нест, вале ишора ба он ҳаст", - қайд кард Асад.

Ба гуфти раҳбари Сурия, Туркия дар Сурия террористонро аз ҳар давлати дунё истифода мекард.

"Оне, ки Туркия дар Қарабоғи Кӯҳӣ низ ҳамон методҳоро ба кор мебарад, ба овардани далел ниёз надорад, бо эҳтимоли бузург чуноне ман гуфтам, маҳз Туркия ин минтақаро ба чунин мушкил мувоҷеҳ кард", - гуфт ӯ.

"Туркия мехост ба чизе ноил шавад ва имрӯз ҳам мехоҳад ҳамон методҳоро ба кор барад. Ва мо бо боварии том гуфта метавонем, ки ӯ террористҳои дар Русия ва дигар кишварҳо бударо дар Қарабоғи Кӯҳӣ истифода мекунад", - хулоса кард Асад.

Туркия - асбоби "кишварҳои доро"

Ба гуфти Асад, Эрдуғон ба хотири он ҷангро оғоз мекунад, то таваҷҷӯҳи туркҳоро, ки пас аз қазияи ошкор шудани алоқаи ӯ бо ҷангҷӯёни "Давлати исломӣ"* бархост, ба дигар тараф кашад.

"Ӯ ҷангро дар манотиқи гуногун барои он оғоз мекунад, то таваҷҷӯҳи дохилӣ, махсусан пас аз алоқаи баҳсноки ӯ бо "Давлати Исломӣ"* дар Сурияро, аз байн барад. Ҳама медонанд, ки "Давлати исломӣ"* нафти Сурияро тариқи Туркия савдо мекард. Ҳамин аст ҳадафи онҳо, ва ин хатарнок аст", - қайд кард раҳбари сурӣ.

Ҳаммаслакони Эрдуғон дар тарафтории терроризм ба гуфти Асад "кишварҳои доро" ҳастанд ва Анқара асбоби сиёсати онҳо шуд.

"Мафҳуми "ҷомеъаи байналмилалӣ" дар асл гурӯҳи начандон калони -  давлатҳои бузург ва кишварҳои сарватманд аст. Аксари ин ҷомеъаи ҷаҳонӣ - ҳаммаслакони Туркия - тарафдорони терроризм мебошанд. Ҳамин тавр, онҳо медонанд, ки Туркия чӣ кор мекунад , ба онҳо ҳар коре, ки Туркия анҷом медиҳад, писанд аст, Туркия - барои паҳн кардани сиёсати он кишварҳо дар ин манотиқ - асбоб аст", - гуфт Асад.

Шарҳи Кремл

Сухангӯи президенти Русия Дмитрий Песков фикри Башор Асадро дар бораи Қарабоғи Кӯҳӣ дар сӯҳбат бо РИА Новости, шарҳ дод.

"Мо бо ҳамаи изҳороти сарони кишварҳо бодиққат ошно мешавем , - гуфт Песков дар посух ба суоли "оё дар Кремл бо изҳороти Асад ошно шуданд.

Ҷангҷӯёни хориҷӣ

Президенти Фаронса Эммануэл Макрон пештар гуфта буд, ки 300 ҷангҷӯй тариқи шаҳри Ғазиантеп ба Боку интиқол дода шуданд. Ба гуфти ӯ инҳо ба гурӯҳе, ки дар Алеппо фаъол ҳастанд, тааллуқ доранд.

Пас аз изҳороти Макрон президенти Озарбойҷон Илҳом Алиев аз Порис талаби узрхоҳӣ кард ва гуфт, ки Озарбойҷон зархарид надорад. 

Пештар як манбаъ аз мухолифини Сурия, ки бо қазия ошност дар суҳбат бо хабаргузорӣ гуфт, дар Қарабоғи кӯҳӣ 93 зархарид аз Сурия кушта шуда, ҷасади 53 нафар ба кишвар оварда шуд.

Манбаъи дигар ба хабаргузори РИА Новости тасдиқ кард, ки то моҳи октябр ба Қарабоғ 322 зархарид аз Сурия ворид гардиданд.

ВУХ Русия дар навбати худ нисбати хабари интиқоли ҷангҷӯён ба манотиқи даргир изҳор ингаронӣ кард. Бино ба гузориши ҷониби Русия ба минтақаи даргир аз Сурия ва Ливия барои ҷангидан террористҳоро интиқол медиҳанд.

Шиддати муқовимат

Субҳи 27 сентябр вазъият дар Қарабоғи Кӯҳӣ бад шуд. Боку ва Ереван уҳдадорӣ барои шиддат гирифтани низоъро бори якдигар мекунанд. 

Вазъ аз он бадтар мешавад, ки Озарбойҷонро Туркия, ки узви НАТО аст, фаъолона дастгирӣ мекунад. Дар навбати худ, Арманистон узви СПАД аст. Ҷамъияти ҷаҳонӣ ҷонибҳои даргирро ба хотима додан ба низоъ даъват кард.

Қазияи Қарабоғи Кӯҳӣ

Низоъ ҳанӯз соли 1988 оғоз шуд, замоне, ки вилояти Қарабоғ дар бораи баромадан аз ҳайъати Озарбойҷон эълон кард. Дар паи даргирии хунин соли 1992-1994 Боку назорат дар ин минтақа ва ҳафт ноҳияи дигарро аз даст дод.

Аз соли 1992 инҷониб дар доираи созишномаи Минск бо раҳбарии Русия , Фаронса ва ИМА гуфтушунид барои бо роҳи сулҳ хотима бахшидан ба низоъ, идома дорад. Озарбойҷон ба ҳифзи тамомияти арзии худ исрор меварзад, дар ҳоле ки Арманистон манфиатҳои ҷумҳурии эътирофнашударо ҳимоят мекунад.

473
Барчаспҳо:
Қарабоғи Кӯҳӣ, низоъ, Раҷаб Тайиб Эрдуғон, Башор Асад
Джо Байден

Дар шикасти Байден намешавад русҳоро гунаҳкор кард

416
(Таҷдидшуда 18:41 22.10.2020)
Интихобот дар Амрико ба лаҳзаҳои ниҳоӣ расид: имрӯз Доналд Трамп ва Ҷо Байден бори охир дар рафти дебат дидор хоҳанд кард

ДУШАНБЕ, 22 окт – Sputnik. Мумкин аст, ҳамин дидор охирин бошад, чун вазъияти ИМА имрӯз чунон шадид аст, ки ин ду нафарро намешавад якҷо тасаввур кард.

Агар ҳам муъҷизае рух диҳаду Байден дар интихобот пирӯз шавад - Трамп метавонад натиҷаи интихоботро эътироф накунад ё ками камаш ҳамаи анъанаҳоро поймол карда, ба маросими савгандёдкунӣ ҳозир нашавад.

Ва Байден ҳам ба ҳеҷ ваҷҳ ба маросими инаугуратсияи Трамп нахоҳад омад - ба ҳамин минвол рӯзи панҷшанбе барояшон рӯзе хоҳад буд, ки онҳо метавонанд бигӯянд, чӣ мехоҳанд. Ва онҳо аз ин имконият ба пуррагӣ истифода хоҳанд кард.

Трамп Байденро раҳбари гурӯҳи ҷинояткорон меномад ва талаб мекунад, ки ӯро ҳамроҳи писараш Хантер равонаи зиндон кунанд. Ҷо дар зиндон намешинад, вале вақте ӯ интихоботро бой медиҳад, расонаҳо мегӯянд, ки ӯро "сюрпризи октябрӣ" аз пой зад - яъне маводе, ки чанд рӯз қабл аз компютери Хантер дарёфт шуд, ки собиқ ноиби президентро дар фасод муттаҳам мекунад. Вале Байден бидуни ин маводҳо ҳам мағлуб мешуд, чун Трамп ба пирӯзӣ маҳкум шудааст.

Вале чигуна мешавад: назарпурсиҳо тамомии бартарияти Байденро нишон медиҳад? Набояд онҳо сохта бошанд?

Метавонанд. Чун онҳое, ки муқобили Трамп бозӣ мекунанд, метавонанд аз ҳар дурӯғе кор бигиранд.

"Ман натанҳо муқобили Байден, балки зидди расонаҳо, ширкатҳои бузурги технологӣ ("Фейсбук", "Твиттер", "Гугл") ва "ботлоқи вашингтонӣ" номзад мешавам, гуфт Трамп. Бале - ва беҳтарин тасдиқи ин вокуниши деви сесара ба далелҳои айбдоркунандаи зидди оилаи Байден буд.

Мавод дар "Ню-Йорк пост" - ро кӯшиш карданд, блок кунанд. "Гугл" онро наметавонист бихонад ва "Фейсбук" - у "Твиттер" иҷоза надоданд, ки он мавод дар саҳифаҳояшон паҳн шавад. Ва расонаҳо ҳам кӯшиш карданд, маводи баҳсбарангезро нодида бигиранд ва аксарияти сиёсатмадорон чунон вонамуд мекарданд, ки коре нашудааст.

Дар баробари ин, ҳамон замон ба тарафи Русия айбдориҳо садо доданд, маълум ки ин Русия боз ба корҳои дохилии Амрико дахолат кард ва Байденро муттаҳам намуд.

Дар ин бора натанҳо конгрессменҳо гуфтанд, балки кормандони мақомот низ. Кормандони пешин - чун директори Хадамоти ҷосусии ИМА Ҷон Рэтклифф изҳор дошт, ки маълумот дар ноутбуки Байден "қисми ягон маъракаи русиягӣ нест". Вале кормандони собиқ номаи кушод навишта гуфтаанд,, ки "таҷрибаи пешин моро водор месозад, ки дасти ҳукумати Русияро дар ин бор эҳсос кунем".

"Пайдо шудани номаҳои электронӣ дар саҳнаҳои сиёсии Иёлоти Муттаҳида, ки гӯё ба писари ноиби президенти ИМА Байден Хантер тааллуқ доранд, ки аксари онҳо аз даврае, ки ӯ дар раҳбарии ширкати Burisma дар Украина кор кардааст, нишонаҳои классикии маъракаи иттилоотии Русияро дорад".

Яъне, Русияро ба сохтани далелҳои носозгор нисбати Байден айбдор намекунанд - ҳарчанд чунин овоазҳо ҳаст - не, Русия танҳо паҳн кард. Аммо чӣ гуна - мешавад агар, ба гуфтаи Руди Ҷулиана (адвокати Трамп ва шаҳрдори собиқи Ню-Йорк), муҳтавои диски компютерии Ҳантер Байден ҳафт моҳ пеш ба ФБР супурда шуда бошад?

Яъне Маскав ин маводҳоро баҷой нигоҳ медошт ва ба "сюрпризи октябрӣ" омода мешуд, ё дастгоҳи трамп ва мушовиронаш аз ҷумла Ҷулиана ин корро карданд? Бале, Ҷулиана зертобеи Путин аст...ва ин шӯхӣ нест: чуноне сенатор Крис Мерфи изҳор дошт, "ин бор русҳо қарор карданд, ки шаҳрвандони амрикоро чун ҷосусони худ созанд. Онҳо кӯшиш мекунанд, ки пропагандаи худро дар расонаҳо ҷой диҳанд. Ва онҳо комёб шуданд. Медонед, Руди Ҷулиана акнун ҷосуси Русия аст".

Бале, албата агар худи Трамп корманди Кремл бошад, дар бораи зертобиъинаш бояд чӣ гуфт. Ханда хандаю, вале худи ҳамин баҳогузории хатои воқеъият ва ҳодиса бо оилаи Байден аллакай нишонгари пирӯзии Трамп аст. Чун рақибони ӯ дар ҷаҳони хаёлӣ ба сар мебаранд - дар ҷаҳоне, ки дар он русҳо ба рафти интихоботи ИМА дахолат мекунад.

Вале, дар воқеъ мо чизи тамоман дигарро мебинем: роҳпаймоии ҷонибдорони Трамп дар сар тосари кишвар ва вохӯрии камёби Байден бо ҷонибдорони камаш. Трампро ҳатто мусулмонон ва дигар қавмҳои аққалият низ дастгирӣ мекунанд. Набуди пурраи далелҳо оиди алоқаи русҳо бо Трамп ва фасоду дуруғгӯии оилаи Байден. 

Ва муҳимтар аз ҳама, дар ҷаҳони воқеӣ, амрикоиҳо кайҳо боз, аз элитаи сиёсии худ -  "ботлоқи Вашингтон" -и дилсард шудаанд ва аз ин рӯ ягона алтернативаи ҷиддӣ ба Трамп метавонист Сандерс бошад. Аммо маҳз ба сабаби дар система набуданаш коллективи "Байден" ӯро ба интихобот роҳ надод.

Амрикоиҳои оддӣ на дар ҷаҳони таблиғотӣ, балки дар ҷаҳони воқеӣ зиндагӣ мекунанд ва аз ин рӯ натиҷаи интихоботи 3 ноябр барояшон пешакӣ муайян аст. Ҳатто сарфи назар аз кӯшиши гардиш додани овозҳо дар "иёлатҳои ноустувор" тавассути сафарбар кардани як интихобкунандаи ғайрифаъоли демократӣ ба овоздиҳӣ тавассути почта - зеро дар он ҷо низ афзоиши овозҳо ба тарафдории ҷумҳурихоҳон дида мешавад.

Ҷаҳони ихтироъшуда 3 ноябр мағлуб хоҳад шуд, ҳатто агар баъд хаос барпо кунаду воқеъиятро напазирад, он ҳеҷ куҷо намешавад.

Гидраи се сар ба интиқом умед мебандад ва барои он кор мекунад. Ҳам дар миқёси Амрико ва ҳам ҷаҳон - ва дар ин ҷо вай ҳақ дорад, ки дар нокомиҳояш русҳоро гунаҳгор кунад.

416
Барчаспҳо:
русҳо, гуноҳ, Русия, ИМА

"Ҳадди аққал бояд кӯшиш кард": коршинос дар бораи тамдиди созишномаи СНВ-3

90
(Таҷдидшуда 18:54 20.10.2020)
Кремл изҳороти ИМА дар бораи созишномаи СНВ-3 - ро шарҳ дода қайд кард, ки равобит барои суботи стратегӣ бо ИМА идома хоҳанд дод

ДУШАНБЕ, 20 окт — Sputnik. Дар суҳбат бо радиои Sputnik, сиёсатшинос Константин Блохин гуфт, гуфтушунид бо кадом сиёсатмадор дар ин бобат осотар хоҳад буд.

Гарчанде ҷониби Амрико аз пешниҳоди Владимир Путин дар бораи тамдиди созишномаи СНВ-3 ба муҳлати як сол даст кашид, Маскав умед дорад, ки алоқа бобати суботи стратегӣ ва тамдиди созишномаи СНВ-3 идома хоҳад ёфт, гуфт сухангӯи президенти Русия Дмитрий Песков.

Пештар Қасри Сафед изҳор дошт, ки аз пешниҳоди Путин барои тамдиди созишномаи ҷорӣ барои як сол, бидуни шарту шароити пешакӣ даст мекашад.

"Мо умед дорем, ки ба ҳар ҳол, равобит бо ҷаниби Амрико идома хоҳад ёфт. Дар умум, албатта чуноне президент гуфт, тамдиди ин созишнома имкон медиҳад, ки вақт, ҳамин 12 моҳро барои гуфтушуниди ҷиддӣ оиди масоили назорати силоҳ, аз худ кунем", - гуфт Песков.

Ӯ ҳамчунин таъкид кард, ки маҳрум кардани тамоми ҷаҳон аз ин "санги асосии субот ва амнияти ҷаҳонӣ" оқибатҳои хеле харобиовар хоҳад дошт.

"Барои ҳамин, албатта мо мехоҳем аз ҳамтоёни амрикоиямон омода будан барои тамдидро бишнавем", - қайд кард сухангӯи президент.

Ба гуфти ӯ, айни ҳол дар ин самт ягон пешравӣ дида намешавад. Вале чунин ҳолат маънои онро надорад, ки "равобитро пурра бояд қатъ кард".

Корманди илмии Маркази таҳқиқотии амнияти АИР, сиёсатшинос Константин Блохин дар суҳбат бо радиои Sputnik гуфт, тақдири ин созишнома аз он вобаст аст, ки дар интихоботи дар пешистодаи ИМА, кӣ пирӯз мешавад.

Сулҳҷӯи зӯргӯй: Трамп мехоҳад, сарбозони амрикоиро ба хона орад - YouTube
Ruptly / Sputnik / dvids / FoX News / us department of defense / twitter.com/realDonaldTrump

"Намояндаи Ҳизби Ҷумҳурихоҳон Доналд Трамп дар навбати аввал Чинро бад мебинад ва СНВ-3 - ро бо Чин пайванд медиҳад. Дуюм, Ҳизби Ҷумҳурихоҳон кӯшиш дорад, назорати яроқро нобуд созад. Ёдрас мешавам, ки дар аҳди Ҷорҷ Буши хурдӣ, амрикоиҳо аз созишномаи ПРО баромаданд, худи Трамп созишнома оид ба мушакҳои дурпарто ва Созишнома оид ба осмони кушодро бекор кард. Агар ӯ дар интихобот пирӯз шавад, эҳтимои баромадан аз созишномаи СНВ-3 хеле зиёд аст , - гуфт Блохин.

Коршинос мегӯяд, агар намояндаи демократҳо Ҷо Байден пирӯз шавад, эҳтимоли тамдиди созишнома вуҷуд дорад.

"Чун анъана, ҳизби демократҳо тарафдори он аст, ки дар мавзӯи суботи стратегӣ бо ҷониби Русия гуфтушунид кунад. Ёдовар мешавам, ки маҳз дастгоҳи Обама ҳамроҳ бо Дмитрий Медведев созишномаи ҷориро имзо карда буданд. Вале, сарфи назар аз он, ки кӣ президент мешавад, бастани созишнома дар давоми чанд моҳ номумкин аст. Барои ҳамин бояд кӯшиш кард, то онро тамдид намуд, то дар давоми соли оянда созишномаи нав имзо шавад. Ин идея ҷолиб аст", - қайд кард коршинос.

START III ягона Созишномаи мавҷудаи маҳдудкунандаи яроқ миёни Русия ва ИМА мебошад. Муҳлати созишнома 5 феврали соли 2021 ба итмом мерасад ва агар он тамдид нашавад, дар ҷаҳон абзоре барои маҳдуд кардани силоҳҳои бузургтарин қудратҳои ҳастаӣ боқӣ намемонад.

START III - 5 феврали соли 2011 эътибор пайдо кард. Дар он пешбинӣ шудааст, ки ҳарду ҷониб арсеналҳои ҳастаии худро тавре коҳиш медиҳад, ки дар давоми ҳафт сол ва дар оянда шумораи умумии силоҳ аз 700 мушаки баллистикии байниқитъавӣ, мушакҳои баллистикӣ дар киштиҳои зериобӣ ва бомбаандози вазнин, инчунин 1550 кулоҳак ва 800 партоби мустақар ва мустақаршуда зиёд набошад.

90
Барчаспҳо:
ИМА, Русия
Эмомали Рахмон в Мекке, архивное фото

Раҳмон ва Абдулқодирзода дар феҳрасти 500 мусалмони таъсиргузори дунё

199
(Таҷдидшуда 10:55 27.10.2020)
Пажуҳишгоҳи исломии Уммон исми Эмомалӣ Раҳмон, раисиҷумҳур ва Саидмукаррам Абдулқодирзода, раиси Шӯрои уламои Маркази исломии Тоҷикистонро ба феҳрасти “500 мусулмони таъсиргузор барои соли 2021” шомил кардааст.

ДУШАНБЕ, 27 окт — Sputnik. Рейтинги таъсирузортарин мусалмонони ҷаҳон, рӯзи гузашта нашр шуд, ки раисиҷумҳури кишвар бори шашум шомили он гаштааст.

Исми Эмомалӣ раҳмон аз соли 2012 ва номи Саидмукаррам Абдулқодирзода бошад аз соли 2015 ба феҳрасти 500 мусалмони таъсиргузор роҳ ёфтаанд.

Дар сархати ин феҳрист дар соли ҷорӣ раисиҷумҳури Туркия Раҷаб Тайиб Эрдуғон қарор дорад. Пас аз ӯ шоҳи Арабистони Саудӣ Салмон ибни Абдул-Азиз ва Оятуллоҳ Сайид Алии Хоманаӣ, роҳбари аъзами Эрон ҷой гирифтаанд.

Оқохони IV Шоҳ Карим ал-Ҳусайнӣ, имоми 49-умини исмоилиён дар зинаи 39-ум мақом гирифтааст. Гузоришгарон мегӯянд, аз Оқохони IV беш 15 миллион нафар дар саросари ҷаҳон пайравӣ мекунанд, ки қисме аз онҳо дар Бадахшони Тоҷикистон иқомат доранд.

Ба панҷгонаи аввал щамзамон шоҳи Урдун Абдуллоҳи II ибни Ҳусейн ал-Ҳошимӣ ва Шайх Муҳаммад Тақӣ Усмонӣ, ки яке аз олимони машҳури ислом мебошад, шомил шудаанд.

Ба TOP-50 инчунин сарвазири Покистон Имрон Хон, валиаҳди Арабистони Саудӣ Муҳаммад бин Салмон, футболбози мисрии клуби англисии Ливерпул Муҳаммад Салоҳ ва ҳамзамон размикори шинохтаи доғистони Ҳабиб Нурмуҳаммадов шомил шудаанд .

Фардо дер мешавад: 5 пешниҳоди Шӯрои уламо ба мардуми Тоҷикистон

Дар ин рӯйхат инчунин Раҷаб Тайиб Эрдуғон, раисиҷумҳури Туркия, Ашраф Ғанӣ Аҳмадзай, раисиҷумҳури Афғонистон, Илҳом Алиев, раисиҷумҳури Озарбойҷон, Қурбонгулӣ Бердимуҳаммедов, раисиҷумҳури Туркманистон ворид шудаанд.

Ёдовар мешавем, ки TOP-500 аз бонуфузтарин мусалмонони ҷаҳон сар аз соли 2009 ҳамасола нашр мешавад.

199