"Саҳнаи Белорус" барои Лаҳистон: асари бумеранг

245
(Таҷдидшуда 18:24 03.11.2020)
Дар Лаҳистон барои пурра мамнӯъ кардани исқоти ҳамл ҳафтаҳо боз эътирозҳои густурда идома дорад. Лаҳистониҳо аз белорусҳо ибрат гирифтанд

ДУШАНБЕ, 3 ноя – Sputnik, Владимир Корнилов. Борҳо исбот шудааст: дар сиёсат асари бумеранг бисёр хуб кор мекунад, давлате, ки дар кишварҳои ҳамсоя тухми адоват мекошад дар замини худ ҳосилашро мегирад.

Вале ҳеҷ кас интизор набуд, саҳнае, ки Варшаваи расмӣ барои Белорус омода карда буд, инқадар зуд дар кишвари худаш намоиш дода мешавад.

Дар давоми ду моҳ пас аз интихобот дар Белорус, раҳбарияти ҳамаи сатҳҳои Лаҳистон бо шиорҳои бузург мегуфтанд, ки бояд "эътирозҳои осоишта" дар кишвари ҳамсояро, "барои ҳимояи занони Белорус, ки барои озодӣ қаҳрамонона мубориза мебаранд", дастгирӣ кард ва ба онҳо кумаки маънавӣ ва моддӣ расонид.

Вақте дар худи Лаҳистон "саҳнаҳои Белорус" такрор шуд, раҳбарони миллӣ дар бораи "эътирозҳои осоишта" тунд гуфтанд ва истифодаи бозуи полис ва таҳдид ба зиндонро такрор мекарданд.

Мешавад эътироз кард, ки ташбеҳи саҳнаҳо дар Минск ва Варшава бо сабаби фарқияти ангеза комилан нодуруст аст.

Аммо, диққат диҳед, ки созмондиҳандагони эътирозҳои занон, ки дар таърихи пасошӯравии Лаҳистон аз ҳама серодам буданд, пинҳон намедоранд, ки онҳо нусхабардории технологияҳои аз ҷониби ҳамтоёни беларуси худ истифодашаванда ва дар ВАО-и маҳаллӣ хеле фаъол таблиғ карда мешаванд.

Масалан, рӯзи якшанбе раҳбарони ғайрирасмии "страйка кобет" (корпартоии занон, ки кишварро такон доданд) худро бо пешниҳоди Шӯрои машваратӣ, монанд ба Шӯрои ҳамоҳангсозии оппозисиюни Белорус Светлана Тихановская, ба расмият дароварданд.

Раҳбари эътирозгарони Лаҳистон Марта Лемпарт изҳор дошт, ки ӯ дар асоси мудели рӯйдодҳои Минск амал мекунад: "Мо ба Белорус назар мекунем ва мебинем, ки ҳамоҳангсозии амалҳо то чӣ андоза муҳим аст".

Ва ҳадафи ниҳоии ин тазоҳурот ҳам тавъам аст: истеъфои ҳукумат. Мақомоти расмӣ, ки аз ҷониби Тихановская ва Лемпарт созмон дода шудаанд, ба гуфти онҳо бояд барои интиқоли осоиштаи ҳукумат мусоидат кунад, на бештар.

Ҳамин тавр, таърифи рӯйдодҳои Белорус дар расонаҳои Лаҳистон бо ширкати фаъолонаи Варшаваи расмӣ боиси он шуд, ки онҳоро худи лаҳистониҳо нусхабардорӣ мекунанд.

Тасодуфӣ нест, ки дар амалҳои "страйка" - и ахир шиорҳои зерин пайдо шуданд: "Моро ба ошӯбҳои романтикӣ тарбия карданд ва пасон ҳайрон мешаванд, ки мо эътироз мекунем".

Аммо чӣ гуна шиорҳои сиёсатмадорони лаҳистонӣ дигар мешавад, вақте онҳо дар бораи рӯйдодҳои Минску Варшава сухан мегӯянд! Чанд ҳафта пеш сарвазири кишвар Матеуш Мораветский дар бораи содир кардани револютсия ба Белорус сухан гуфт ва ҳатто барои намоиш додани "қаҳрамонии занони Белорус", озмуни расми беҳтарин эълон кард. Эҳтимол аст, ки баъзе аз ин тасвирҳо аз ҷониби занони Лаҳистон ҳангоми гирдиҳамоии оммавии рӯзи ҷумъа дар кӯчаҳои Варшава истифода шудаанд.

Аммо аз ин ташаббус чанд рӯз тоза сипарӣ шуд, ки ӯ бо хашм дар бораи "ғайри қобили қабул" будани усулҳои эътирозҳои Лаҳистон менависад ва онҳоро "ваҳшоният ва қонуншиканӣ" номида, мақомоти ҳифзи ҳуқуқро ба татбиқи қонун ташвиқ мекунад.

Дар давоми чанд ҳафта раҳбарияти Лаҳистон талаб дошт, ки "режими Лукашенко" барои таъқиби мухолифин маҳкум карда шавад. Ва акнун муовини вазири адлия Михал Вос аз прокуратура даъват дорад, эътирозгарони худиро маҳкум кунад. 

"Ҳамаи прокурорҳои Лаҳистон бояд ба созмондиҳандагони эътирозҳои ғайрирасмӣ ҳамчунин ба ҷинояткорон муносибат кунанд. Барои таҳдид ба зиндагӣ ва саломатӣ онҳоро то ҳашт соли маҳрумият аз озодӣ интизор аст", - гуфт  ӯ дар суҳбат бо Радиои Maryja. Эҳтимол мақомоти Белорус ба худ суол карда буданд, ки "чунин кор имкон дорад?".

Мақомоти Лаҳистон саркӯбии эътирозгаронро ба вазъи душвори ҳамагирӣ рабт медиҳанд. Телевизиони давлатӣ хабар медиҳанд, чӣ тавр издиҳоми зиёди одамон дар давраи ҳамагирии шадид ба саломатии дигарон таъсири манфӣ мерасонад. Ҷолиб аст, ки худи ҳамон расонаҳо, ки эътирозҳои оммавиро дар Белорус дастгирӣ мекунанд, ба масъалаи ҳифзи саломатии иштирокчиёни ин амалҳо аслан дахолат надоштанд.

Аммо, биёед ба муаллифони лаҳистонии "саҳнаи Белорус" монанд нашавем ва иқрор шавем, ки эътирозгарони Варшава низ муқаддас нестанд ва баъзан ба амалҳои дағалона ва иғвоангезона даст мезананд. Онҳо ба кормандони мақомоти ҳифзи ҳуқуқ, мансабдорон ва калисои католикию  коҳинон ҳамла мекунанд. Аз ин рӯ, на ҳамаи онҳо эътирозщо осоиштаанд.

Вале бинед, ки ВАО - и ин кишвар ба иғвоҳои "фаъолон" - и Белорусро нодида мегирифт. 

Қайд кардан ҷолиб аст, ки дирижёрҳои аксияҳои Минск, (тавре худи онҳо эътироф карданд) дар Варшава бо пули Лаҳистон кор мекунанд, митингҳои оммавиро, ки дар паси тирезаи онҳо мегузаранд, намебинанд. Метавон гуфт, ки шабакаи Telegram - и Nexta ва сайтҳое, ки аз ҷониби Варшава расман маблағгузорӣ мешаванд, танҳо барои намоиши вазъи Беларус роҳандозӣ шудаанд.

Бо вуҷуди ин, набояд фаромӯш кард, ки чӣ гуна Nexta аз рӯйдодҳои ахири Бишкек мустақиман хабар медод, ва эътирозҳои камодами Русияро, ки ба Белорус ҳеҷ рабте надорад, намоиш медиҳад.

Ҳамаи ин ҳамчун эксклюзив бо нишони канали Варшава пешниҳод мешавад. Аммо вақте ки ҳазорҳо намоишҳо дар худи Варшава шурӯъ шуданд, ногаҳон маълум шуд, ки Nexta барои намоиши онҳо ҳеҷ стримери озод надорад.

Дар омади гап, нишони эътирозҳои Беларус Светлана Тихановская ба занони лаҳистонӣ бо носипосии сиёҳ пардохт мекунад. Онҳо на як бору ду бор ӯро дастгирӣ кардаанд, аммо вай бо муборизаи полякҳо бо ҳуқуқ, ҳамраъйӣ накардааст. Мо ку сабабҳоро хуб дарк мекунем: ҳам Nexta ва ҳам мухолифини Белорус метарсанд, ки дар сурати ҳатто ишораи танқиди Варшаваи расмӣ аз сарчашмаи молиявӣ маҳрум мешаванд.

Таҳиягари дигари фаъоли "саҳнаҳои Белорус", Литва, ки ҳоло Тихановская дар он ҷо ба сар мебарад, ба ин рӯйдодҳо ҳамин тавр муносибат мекунад. Масалан, вазири корҳои хориҷии кишвар Линас Линкявичюс аз мунтазам интишор кардани изҳорот ба тарафдории эътирозгарони Минск хаста намешавад.

Гузашта аз ин, ӯ пайваста мафтунии худро ба "ҷасорати занони белорус" таъкид мекунад. Аммо вазир барои дастгирии занони Варшава як сухан ҳам нагуфт. Ё Литва аз сарнавишти ҳамсояи поляки худ камтар нигарон аст?

Чизи аз ҳама таъсирбахш он аст, ки чӣ гуна Лаҳистон, ки дахолати мустақими худро ба корҳои Белорус пинҳон намекунад, фавран ба ҷустуҷӯи "таъсири беруна" шурӯъ мекунад ва дар ин бора бонги изтироб мезанад.

Роҳбари ғайрирасмии давлат Ярослав Качинский, ки мухолифин ӯро  "диктатор" меномад (шинос, дуруст аст?), аллакай онҳоро "агентҳои Русия" гуфт. Ва ба гуфтаи сиёсатшинос Матеуш Пискорский, "дасти Маскав" дар амалҳои деҳқонони Лаҳистон низ ёфт шуд, ки эътирозҳои онҳо ҳафтаи гузашта боэътирозҳои занон рост омад.

Азбаски кишоварзон ба бекор кардани таҳримот алайҳи Русия даъват кардаанд, ин маънои онро дорад, ки онҳо низ "агентҳои Кремл" ҳастанд. Чунин ба назар мерасад, ки ин танҳо оғози "шикори ҷодугарони рус" аст. Гарчанде на Маскав ва на Минск барои ҳамоҳангсозии мустақими амалҳои Варшава барои сохтани манбаҳои интернетии шабеҳ ба Nexta шараф наёфтанд.

Аммо бо ҳамин мо аз онҳо фарқ мекунем. Русия кайҳо боз хуб дар карда, ки ларзиши киштии нозук бо номи "сулҳ" пеш аз ҳама барои онҳое, ки онро такон медиҳанд, хатар аст. Вируси майдонҳо, бетартибиҳо, зӯроварӣ бо суръати на камтар аз коронавирус паҳн мешавад ва он пеш аз ҳама ба онҳое таъсир мекунад, ки онро дар найчаи озмоишӣ офарида, ба ҳамсоякишвар сироят мекунанд. Лаҳистон - далели ин гуфтаҳост. Вай фикр мекард, ки дар Белорус танҳо тухм мекорад...

245
Барчаспҳо:
эътироз, тазоҳурот, исқоти ҳамл, Лаҳистон
Руководитель Школы востоковедения факультета мировой экономики и мировой политики Национального исследовательского университета Высшая школа экономики (НИУ ВШЭ) Алексей Маслов

Коршинос гуфт, Фонди захиравии президент барои чӣ лозим аст

416
(Таҷдидшуда 13:09 02.12.2020)
Алексей Маслов, профессори факултаи иқтисоди ҷаҳонӣ ва сиёсати ҷаҳонии Мактаби олии иқтисодӣ мегӯяд, ташкили Фонди захиравӣ нишон медиҳад, ки кишвар маблағ дорад

ДУШАНБЕ, 2 дек — Sputnik. Маблағгузории Фонди захиравии президентро дар соли 2021, ду миллион доллар бештар мекунанд, ки ин дар қиёс бо соли 2020 - 5,2% бештар аст.

Алексей Маслов, профессори факултаи иқтисоди ҷаҳонӣ ва сиёсати ҷаҳонии Мактаби олии иқтисодӣ дар суҳбат бо Sputnik Тоҷикистон гуфт, ташкили Фонди захиравӣ барои кишварҳои пасошӯравӣ як падидаи муқаррарӣ аст. Ба гуфтаи коршинос, сарчашмаҳои даромад барои ин хазинаҳо бояд шаффофу дақиқ гуфта шаванд ва таъкид намуд, ки ташаккули чунин фондҳо аз ҳисоби андози шахсони воқеӣ чандон дуруст нест.

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

"Бояд гуфта шавад, ки аз кадом даромад ба хазина пул ҷудо мешавад. Чун маблағгузории фонди президент аз ҳисоби андози шахсони воқеӣ нодуруст хоҳад буд", - қайд кард Маслов.

Ба гуфтаи ӯ, чунин фонд дар мисоли Русия аз ҳисоби маблағҳое, ​​ки аз фурӯши нафту газ ба даст омадаанд, ташкил карда мешавад ва дар мавриди харҷу дахли Ҳукумат тасмим мегирад. Дар Тоҷикистон шахсан президент ин корро анҷом медиҳад.

Амри Раҳмон: аз фонди Президент барои китобхонҳо бештар аз 1 миллион сомонӣ ҷудо шавад

Дар маҷмуъ Маслов таъкид намуд, ки барои Тоҷикистон таҳкими фонди захиравӣ дар пасманзари тағйирёбии тиҷорати хориҷӣ, нархи ноустувори газ ва нафт, афзоиши қарзи Тоҷикистон ва қарзҳояш аз Чин муҳим мебошад.

"Фонди захиравии Президент метавонад ба ҳайси фонди эътидол хизмат мекунад. Ин нишон медиҳад, ки хазинаи кишвар маблағ дорад", - афзуд коршинос.

Ба гуфти Маслов, мавҷудияти чунин манбаъҳо барои кишварҳои пасошӯравӣ хос аст.

416
Барчаспҳо:
Эмомалӣ Раҳмон, Фонди президенти Тоҷикистон, фонди захиравӣ, коршиносон
Кандидат в президенты США Джо Байден

Байден ИМА - ро ба лухтаки Урупо табдил медиҳад

314
(Таҷдидшуда 12:05 01.12.2020)
Иттиҳоди Урупо дар симои раҳбари Шӯрои Урупо Шарл Мишел ба Ҷо Байден пешниҳод кард, ки "Иттифоқи қавии трансатлантикӣ" - ро барқарор созад

ДУШАНБЕ, 25 ноя - Sputnik, Ирина Алкснис. Агар Байден вориди Қасри Сафед шавад (бо назардошти рушди воқеъа ин кор ногузир аст) умеди барқарорсозии "Иттифоқи қавии трансатлантикӣ" - асос дорад. 

Номзадии эҳтимолии котиби давлатии  ИМА - Энтони Блинкен, ки маҳсулоти тозаи "ботлоқи Вашингтон" ва "ҳимоятгари эътилофҳои ҷаҳонӣ" аст, як нишони муҳим гардид.

Хушҳолии Урупои Шарқӣ аз дидани Ҷо Байден дар нақши президенти ИМА вақте маълум шуд, ки раҳбарони ин имнтақа яке паси дигар ӯро барои ба маснади раҳбарӣ интихоб шудан, муборакбод мегуфтанду Олмон, изҳор дошт, ки барои кор бо Трамп "дар муддати чор соли дигар" нақша надорад.

Маълум нест, чаро барои Урупо маҳз дар сари қудрат будани глобалистҳо - онҳое, ки хостори ҷаҳони якқутбӣ бо сарварии Вашингтон ҳастанд, хушоянд аст.

Мешавад гуфт, ки дар Урупо қувваҳои дастгири Амрико зиёд шудаанд, ки омодаанд давлатҳои худро қурбони сиёсати ИМА кунанд.

Масалан ҳукумати Олмон бори дигар мавқеъи худро дар бораи ғайри қобили қабул будани таҳримҳои экстерриториявӣ, ки дар Иёлоти Муттаҳида алайҳи "Маҷрои Шимолӣ 2" таҳия мешаванд, тасдиқ кард.

Ҳамин тавр, Урупо мехоҳад манофеъи худ ва нақши геополитикии худро дар ҷаҳон нигоҳ дорад, вале ҳамзамон бозгашти қувваҳоеро ба сари қудрати Вашингтон , ки аслан ин қудратро намехоҳанд пазиранд, дастгирӣ мекунад.

Роҳи ҳалли ин зиддияти аҷибро дар рӯйдодҳои чор соли пеш бояд ҷӯё шуд.

Баробари ба Қасри Сафед ворид шудан, Доналд Трамп аз имзои бархе аз созишномаҳои байналмилалӣ бо ширкати ИМА даст кашид. Сарнавишти иттифоқи машҳури трансатлантикии тиҷорат ва сармоягузорӣ, ки то он замон обрӯи бад дошт, низ ба дасти ӯ афтод.

Суханчинҳо огоҳ мекарданд, ки Амрико бо кумаки он тамоми захоири Урупоро ба сӯи худ хоҳад кашид.

Вале, Трамп, ки дар давраи сари қудрат буданаш аз ҳамаи имконот барои ҷалби сармоя ба давлаташ моҳирона истифода мекард, дарҳол ва бедудилагӣ аз "мурғе", ки бояд чанд сол барои ИМА тухмҳои тиллоӣ мекард, даст кашид. Зиёда аз ин, ӯ чандин маротиба изҳор дошт, ки ин созишномаҳо дар асл барои ИМА фоидаовар нестанд. Аз афташ суханони тоҷири ватандӯст бовар карданист.

Тасаввури ғалат дар бораи ҳамаи глобалистҳо (ҳатто амрикоиҳо) ин аст, ки ҳамаи онҳо ба манфитаи миллӣ кор мекунанд. Барои онҳо ИМА чун армияи бузурги ҷаҳон шояд бисёр муҳим бошад. Аммо худ як кишвари азиме, бо 330 миллион нафар аҳолӣ бори гаронест, ки сармоягузорӣ ба он барои ҳалли мушкилоташ қобили қабул нест.

Аммо манфиатҳои воқеӣ ва эҳсосоти сентименталии глобалистҳо ҳамчун шаҳрвандони ҷаҳон метавонанд бо ҷойҳои тамоман дигар алоқаманд бошанд. Масалан Энтони Блинкен, замони кӯдакии худро  дар Порис гузаронидааст ва ба ташаккули шахсияти ӯ падарандараш, ки урупоист, сахт таъсир кардааст. Ҳамин тариқ, шубҳаҳо дар бораи он, ки ӯ ҳамчун котиби давлатӣ то чӣ андоза манфиатҳои миллии Иёлоти Муттаҳидаро пеш мекунад, комилан табиист.

Дар ин сурат мавқеъи Урупо маъно пайдо мекунад. Урупо дар даҳсолаи охир дар алоқамандӣ  бо Амрико ба ҳадаф расиданро омӯхтааст. Танҳо созишномаи ҳастаии Эронро ба ёд меорем, ки онро аксар вақт яке аз пирӯзиҳои раёсати ҷумҳурии Обама меноманд, аммо дар асл Иттиҳоди Урупо манфиати бештар дошт.

Гузашта аз ин, ИА ҳанӯз ҳам аз бисёр ҷиҳат ба ИМА ниёз дорад. Аз ҷумла, кӯшишҳои Урупо барои созмони артиши худ - на тақлид, ки имрӯз вуҷуд дорад, балки нерӯи воқеии низомӣ ҷиддӣ ба назар намерасад. Ба ин маъно барои урупоиҳо алтернатива нест ва дар ояндаи наздик пешбинӣ ҳам намешавад.

Аммо Трамп ҷиддан мехост, Ҷаҳони Қадимро барои пардохти нархи "чатр" - и низомӣ маҷбур кунад, вале акнун Брюссел ва Берлин имкон доранд бо "ботлоқи Вашингтон" ба таври мусолиматомез дар ин масъала муросо кунанд.

Ва ҳанӯз ҳам, барои муқобили Русия - дар масоили геополитикӣ, иқтисодӣ ва низомӣ ИМА ба Иттиҳоди Урупо ниёз дорад. Дар акси ҳол, Маскав дар самти ғарбӣ шароити мусоид фароҳам мекунад, ки ин ба пойтахтҳои Урупои Ғарбӣ наонқадар писанд меояд.

Дар натиҷа, як ҳолати ғайримуқаррарӣ ба миён меояд: дар ҳоле, ки Урупо дар назари аксарият барои Иёлоти Муттаҳида як маводи истеъмолӣ менамояд, дар асл, бояд диламон ба ИМА бисӯзад, ки метавонад қурбони хиёнати элитаҳои урупоӣ гардад.

314
Барчаспҳо:
Урупо
Дорога с машинами в Душанбе

Дар Тоҷикистон андоз аз истифодабарандагони роҳҳои мошингард бекор карда мешавад

0
(Таҷдидшуда 16:51 02.12.2020)
Ҳамчунин имрӯз дар Душанбе тарҳи қонунҳо оид ба ислоҳи қонунҳои бақайдгирии давлатии асноди ҳолати шаҳрвандӣ, маводи доруворӣ ва фаъолияти фармасевтӣ ва ҳимояи ҳуқуқи истеъмолкунандагон баррасӣ шудааст

ДУШАНБЕ, 2 дек — Sputnik. Дар Тоҷикистон андоз аз истифодабарандагони роҳҳои мошингард бекор карда мешавад.

"Аз 31 декабри соли равон мутобиқи сархати сеюми моддаи 252-и Кодекси андози Ҷумҳурии Тоҷикистон андоз аз истифодабарандагони роҳҳои мошингард бекор карда мешавад", - омадааст дар хабарнома.

Бино ба гузориши АМИТ "Ховар" ин матлаб зимни баргузории  ҷаласаи навбатии иҷлосияи дуюми Маҷлиси намояндагони Маҷлиси Олии Ҷумҳурии Тоҷикистон, даъвати шашум, ки имрӯз таҳти раёсати Раиси Маҷлиси намояндагони Маҷлиси Олии Ҷумҳурии Тоҷикистон Маҳмадтоир Зокирзода доир шуд, баён гардидааст.

Гуфта мешавад, дар ҷаласаи мазкур дар баробари дигар лоиҳаҳои қонунҳо, лоиҳаи Қонуни Ҷумҳурии Тоҷикистон "Дар бораи ворид намудани тағйирот ба Кодекси андози Ҷумҳурии Тоҷикистон" мавриди баррасии вакилон қарор гирифтааст.

Дар ҷаласа муовини вазири молияи Тоҷикистон Карим Гулмуродзода ва вакили Маҷлиси намояндагон Ғиёсиддин Ашуров  зикр намудаанд, ки лоиҳаи Қонун "Дар бораи ворид намудани тағйирот ба Кодекси андози Ҷумҳурии Тоҷикистон" бо тартиби ҳуқуқи ташаббуси қонунгузорӣ аз тарафи Ҳукумат барои баррасӣ ба Маҷлиси намояндагони Маҷлиси Олии Ҷумҳурии Тоҷикистон пешниҳод шудааст.

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

Манбаъ афзуда, ки ин тарҳ бо мақсади тамдид намудани муҳлати амали андоз аз истифодабарандагони роҳҳои мошингард таҳия гардидааст.

Дар ҷаласа вакилон ҳамчунин тарҳи қонунҳо "Оид ба ворид намудани тағйиру иловаҳо ба Қонуни Ҷумҳурии Тоҷикистон "Дар бораи бақайдгирии давлатии асноди ҳолати шаҳрвандӣ",  "Оид ба ислоҳи Қонун "Дар бораи маводи доруворӣ ва фаъолияти фармасевтӣ" ва "Оид ба ислоҳи Қонун "Дар бораи ҳимояи ҳуқуқи истеъмолкунандагон" - ро мавриди баррасӣ қарор додаанд.

0
Барчаспҳо:
роҳи мошингард, бекор кардан, андоз, Тоҷикистон