Джо Байден

Оё "таҳримҳои дузахӣ" - и замони Байден ба Русия таҳдид мекунад?

267
(Таҷдидшуда 19:23 11.11.2020)
Ҳукумати ИМА соли оянда иваз мешавад, вале аз ҳозир аён аст: Ҷо Байден дар қиёс бо ҳамкасбони пешинаш бо Русия тундтар хоҳад буд

ДУШАНБЕ, 11 ноя – Sputnik, Наталя Дембинская. Ҷорӣ кардани таҳримоти ба унвон дузахӣ, маҳз пешниҳоди демократҳо буд. Ин ҳодисот ба иқтисоди Русия чӣ хатаре дорад?

Қарзи давлатии Русия

"Мо мавзеъгирии шадидро дар нисбати Русия интизор ҳастем. Дар гурӯҳи Байден бадбинӣ нисбати Маскав дар воқеъ ҳайратовар аст", - менависад Financial Times аз қавли дипломати баландпояи ғарб дар Вашингтон.

Вале декларатсияи сиёсӣ як ҷониби кор бошад, фаъолият дар курсии президентӣ тамоман дигар чиз. Байден ҷанговар бошад ҳам, Вашингтон барои аз пой афтонидани иқтисоди Русия маблағи кофӣ надорад, менависад Bloomberg.

Ҷиддитарин хатар - манъи қарзи давлатии Русия аст. Вале дар навбати аввал аз ин сармоягузорони амрикоӣ ва соҳибони қоғазҳои қимматнок зарар мебинанд. Ва онҳо метавонанд дастгоҳи Байденро ба додгоҳ кашанд.

Зиёде аз ин дар ҷавоб Русия пурра аз вомҳои хазинадории ИМА халос мешавад. Дар шароити камбуди буҷаи давлатӣ ин кор барои ИМА тамоман лозим нест.

"Амрикоиҳо чун урупоиён шояд барои эҳтимоли заҳролудкунии Навалний таҳрим ҷорӣ кунанд. Вале сухан дар бораи маҳдудиятҳои персоналӣ меравад, на секторӣ. Пасон кӯшиши барқарор кардани диалог бо Маскав сурат мегирад, ки аз натиҷаи он сиёсати Вашингтон вобаста хоҳад буд", - мегӯяд Виталий Макевич, президенти Шӯрои саноатии Русия ва Осиё. Ба гуфти ӯ манъи қарзи давлатӣ козир аст ва онро танҳо дар сурати гузаштан аз хати сурх, ба кор хоҳанд бурд.

"Маҷрои шимолӣ - 2"

Афзоиши фишор болои "Маҷрои шимолӣ - 2" эҳтимоли бештар дорад. Ҳанӯз соли 2016 Байден тарҳи энергетикии Русия барои Урупоро, созишномаи бад унвон карда буд. "Ин дар хусолаи кор вазъи Украинаро бад мекунад. Ба Урупо бошад таъминкунандагони гуногунҷабҳаи газ лозим аст", - гуфта буд ӯ ба сифати муовини президенти ИМА.

Моҳи октябр штаби интихоботии демократҳо боз ёдрас шуд, ки мавқеъи номзади онҳо дигар нашудааст: ӯ зидди интиқоли гази Русия аст ва кӯшиш мекунад "истиқлоли энергетикии Урупоро таҳким бахшад".

Вале, аз эҳтимол дур нест, ки ҳамаи ин сухани хушку холӣ аст ва дар асл раҳбари нави ИМА бо Русия савдо мекунад ва норозигиашро фаромӯш месозад. Чуноне губернатори пешени иёлоти Вирҷиния мегӯяд, Байден пинҳонӣ дар бораи ин тарҳ бо Русия мувофиқа хоҳад кард. Ва бар ивазаш ба фоидаи Вашингтон савдо хоҳад кард.

Равиши сабз ва ОПЕК

Дигар ҷониби бади президентии Байден ин - сиёсати энергетикӣ ба унвон равиши сабз мебошад. Ӯ нақша дорад барои пурра гузаштан ба истифодаи энергетикаи тозаи экологӣ то соли 2035 ду триллион доллар масраф кунад.

"Фоидабинони пирӯзии эҳтимолии Байден ширкатҳои энержии барқароршаванда ва бахши инфрасохтор мебошанд. Ширкатҳои нафту газ, дорусозӣ худро бадтар эҳсос мекунанд ва ширкатҳои бузурги технологӣ метавонанд дар минтақаи хавфи танзими зиддиинҳисорӣ қарор гиранд. Барои бозори Русия, дар ин ҳолат, эҳтимолияти таҳримоти шадид меафзояд", - мегӯянд, таҳлилгарони "Финам" дар гузориши семоҳаи чоруми 2020.

"Хавфи аслӣ барои Русия баровардани андози карбон ба рӯзномаи ҷаҳонӣ мебошад, ки арзиши беҳтарини истеҳсоли Русия дар ҷаҳонро коҳиш медиҳад. Ин ба пулодгудозон ва металлургҳои ранга низ дахл дорад ", - гуфт Манкевич.

Ва дар охир Байден ба ОПЕК фишор хоҳад овард.

Масалан ӯ метавонад таҳримоти зидди Эрон ва Венесуэлларо бардорад ва нафти онҳо вориди бозори ҷаҳонӣ мешавад. 

"Эрон камаш дар як шабонарӯз 2 миллион баррел нафт ба бозор мебарорад. Ин метавонад тарҳи ОПЕК + - ро аз пой занад", - мегӯяд таҳлилгар Артем Звездин.

"Хатар вуҷуд дорад, ки шояд Русия аз ин тарҳ барояд ва дар ин сурат лоиҳа нобуд мешавад. Доналд Трамп буд, ки ширкати Маскавро дастгирӣ кард", - ёдовар шуд манбаъе дар суҳбат бо Reuters.

Созишнома дар бораи коҳиши истихроҷи нафт аз кор мемонад ва дар бозори ҷаҳонӣ мушкилот ба миён меоянд, ки ба даромади нафт таъсири манфӣ мерасонад. 

Вале ҳамаи ин танҳо пешгӯӣ аст. Эҳтимол дастаи Байден сари қудрат омада роҳи созандатаре пеш мегирад, чун шиорҳои баланд дар давраи маъракаи интихоботӣ хуб аст, вале дар сиёсати воқеъӣ чандон кумак намекунад.

267
Барчаспҳо:
таҳримоти иқтисодӣ, тамдиди таҳримот, таҳримот, ИМА, Русия
Добычя нефти в океане

Чин ИМА ро дар истеҳсоли нафт танг кард: Русия аз ин манфиатдор аст?

263
(Таҷдидшуда 19:41 02.12.2020)
Пекин тавлидоти бензин ва сӯзишвории дизелиро дар мадди аввал гузошта, иқтидори коркарди нафтро афзоиш медиҳад

ДУШАНБЕ, 2 дек — Sputnik, Ирина Бадмаева. Аллакай соли оянда аз рӯи ин нишондод Чин аз ИМА пеш мегузарад. Ақиб мондани ИМА аз рӯи ММД низ аз эҳтимол дур нест. Вале, чуноне коршиносон қайд мекунанд дар ин росто мавҷи дуюми ҳамагирии коронавирус метавонад садди роҳи Чин шавад.

Иваз шудани раҳбар  

Бино бар омори давлатии Чин, моҳи октябр дар кишвар коркарди нафт то 2,5 дарсад афзоиш ёфта, ба нишондоди рекордии 14,09 миллион баррел дар як шабонарӯз баробар шуд. Моҳи сентябр ин нишондод дар ИМА танҳо 13,5 миллион буд.

Чиниҳоро чунин нишондод қонеъ намекунад. Дар гузориши ноябрии Ожонсии байналмилалии энержии Чин гуфта мешавад, ки авохири соли оянда боз ду заводи нави коркарди нафт ба баҳрабардорӣ мерасад, дар ҳоле, ки интизор буд корхонаҳо танҳо соли 2023 ба фаъолият оғоз кунанд.

Ҳамчунин, бунёди корхонаи дигар бо иқтидори 1,2 миллион баррел дар як рӯз, идома дорад. Масалан дар Бритониё дар умум ҳамин миқдор нафт коркард мешавад.

Чин аллакай даҳсолаҳо кӯшиш дорад, талаботи афзояндаро ба бензин ва сӯзишвории дизелӣ қонеъ кунад. Талошҳо барабас нарафтанд.

"Аз соли 2000 инҷониб кишвар се маротиба коркарди нафтро афзоиш дод. То соли 2025 коркарди нафт ба 20 миллион баррел дар як шабонарӯз баробар хоҳад шуд", - қайд мекунад Марк Гойхман, иқтисоддони асосии маркази таҳлилӣ ва иттилоотии ТелеТрейд.

Ба фикри мусоҳиб, ИМА аллакай дар соли 2021 мавқеъи худро, ки аз порсол доштанд аз даст медиҳад.

Амрикоиҳо корхонаҳои коркарди полоишро бинобар маржаи кам, ки пас аз нархи нафт коҳиш ёфт, бастанд. Масалан, 18 март нархи нафти Brent 15 дарсад коҳиш ёфт ва бори аввад аз соли 2003 инҷониб, барои як баррел 24,52 доллар ба фурӯш бароварда шуд.

Талаботи ҷаҳонӣ ба сӯзишворӣ низ коҳиш ёфт. Аз ин рӯ, коркарди нафт 1,7 миллион баррел рекордӣ кам шуд. Гузашта аз ин, ҳиссаи бузург танҳо ба полоишгоҳҳои амрикоӣ рост омад. "Баъзе корхонаҳо баста мешаванд, дар ҳоле, ки баъзеи дигар пас аз тӯфонҳое, ки ҳамасола дар соҳили Халиҷи Мексика паҳн мешаванд ниёз ба сармоягузорӣ ва навсозӣ доранд”, -  қайд мекунад Марк Гойхман.

Энержии сабз: кӣ бурд мекунаду кӣ бохт

Сабаби дигари муваффақияти Чин муборизаи муассир бо коронавирус аст, гуфт Алексей Антонов, сармуҳосиби "Алор Брокер". Иқтисоди Чин барқарор мешавад ва суботро нишон медиҳад, дар ҳоле, ки дар Урупо ва ИМА коҳиш меёбад.

Беҳуда нест, ки чиниҳо на танҳо дар коркарди нафт, балки дар металлургия низ пешсафанд. Марк Гойхман мегӯяд: "воқеъан маркази истеъмоли манбаъҳои аввалия, Чин ҳоло як соҳаи коркарди дорои арзиши баландтарро рушд медиҳад".

Ҳамин тамоюлҳо дар Ҳиндустон ва Ховари Миёна низ ба назар мерасанд, қайд мекунад иқтисоддон. Ин боиси баста шудани як қатор иншооти фарсудаи ширкатҳои ғарбӣ ҳатто дар минтақаи Осиё, масалан, дар Сингапур мегардад.

Илова бар ин, Иёлоти Муттаҳида ва Ҷаҳони Қадим ботадриҷ аз карбогидридҳо ба манфиати манбаъҳои алтернативии энержӣ даст мекашанд. Чин бо ӯҳдадориҳои шадиди экологӣ вобаста нест.

ИМА ба энержии сабз такя мекунад, Чин бошад нақши майдони ифлоскунандаро иҷро мекунад. Кишварҳои аз ҷиҳати иқтисод рушдёфта аз ҳисоби маблағҳои боқимонда гузариш ба манбаъҳои барқароршавандаро маблағгузорӣ намуда, онҳоро ба пардохти "андозҳои экологӣ" маҷбур мекунанд. Дар дастгоҳи Кохи Сафед сиёсатмадори вазнин Ҷон Керрӣ, ки фиристодаи вижаи президенти нав дар масоили иқлим хоҳад шуд, ба масоили иқлим вобаста мешавад", - гуфт Антон Гринштейн, коршиноси ширкати сармоягузории Hamilton.

Барои Русия, ки ба нафт вобаста аст, сенарияи сабз пур аз хароҷоти афзояндаи ширкатҳо ва коҳиши даромади буҷа мебошад. "Ҳангоми нигоҳ доштани сохтори ашёи хом барои Иёлоти Муттаҳида нигоҳ доштани роҳбарии худ дар коркарди нафт барои иқтисоди дохилӣ муфидтар аст", - гуфт манбаъ.

Марк Гойхман меафзояд, ки Русия бояд дар бораи манбаъҳои дигари пур кардани хазина ҷиддӣ андешад, то камбуди даромади нафтро пас аз 15-20 сол иваз кунад.

Дар пасманзари афзоиши истеъмоли маҳсулоти нафтӣ дар Чин, ба самти содироти ашёи хом бояд машғул шуд.

Ҳамагирӣ: сенарияи осиёӣ

Бо вуҷуди ин, ҳама чиз табиати ба охир расиданро дорад. Аз эҳтимол дур нест, ки то соли 2025 афзоиши иқтидори истеҳсолӣ дар Чин аз талабот зиёдтар мешавад. Мувофиқи маълумоти корпоратсияи нафту гази Чин CNPC, пас аз панҷ сол мумкин аст, ки маҳсулоти нафтии изофӣ дар як рӯз 1,4 миллион баррелро ташкил диҳад.

"Ҳоло, дар шароити муносибатҳои шадид бо Иёлоти Муттаҳида, коргарони нафти Чинро хоҳиши бозӣ кардан бо маҳдудиятҳо фаро гирифтааст. Ва ба ин васила нуфузи давлатро баланд бардоштанд", - мегӯяд Алексей Антонов.

Аз ин рӯ, бо назардошти тамоюлҳои кунунӣ дар тӯли се – панҷ соли оянда тағйири роҳбариятро на танҳо дар соҳаи коркарди нафт, балки аз рӯи нишондиҳандаи асосии иқтисодӣ - андозаи ММД низ интизор шудан мумкин аст.

"То замони ҳамагирӣ барои Чин панҷ сол намерасид, то аз иқтисоди ИМА пеш гузарад. Акнун ба шарофати муборизаи самаранок бар зидди паҳншавии коронавирус чиниҳо метавонанд тезтар пешоҳанг шаванд , - таъкид мекунад Гринштейн.

Масъалаи дигар – оё ИМА омода аст, мавқеъашро аз даст диҳад. Ба гуфти коршинос Амрико талош кард мушкилро аз тариқи дипломатӣ ва иқтисодӣ ҳал кунад. Вале ин кор накард. Ва алъон ба ҷои президенти тоҷир президенти сиёсатмадор меояд.

Ғайр аз он, афзоиши якбораи талабот ба маҳсулоти нафтӣ дар Чин бо беҳтар шудани вазъи ҳамагирӣ алоқаманд аст. Аммо, авҷи мавҷи дуввум дар Осиё низ аз эҳтимол дур нест. Хуруҷи ин беморӣ аллакай дар Индонезия, Ҷопон ва Куреи Ҷанубӣ ба қайд гирифта шудааст. Ин метавонад таносуби нерӯҳоро байни Иёлоти Муттаҳида ва Чин ба куллӣ тағйир диҳад.

263
Барчаспҳо:
коркард, нафт, Русия, Чин, Лима
Руководитель Школы востоковедения факультета мировой экономики и мировой политики Национального исследовательского университета Высшая школа экономики (НИУ ВШЭ) Алексей Маслов

Коршинос гуфт, Фонди захиравии президент барои чӣ лозим аст

530
(Таҷдидшуда 13:09 02.12.2020)
Алексей Маслов, профессори факултаи иқтисоди ҷаҳонӣ ва сиёсати ҷаҳонии Мактаби олии иқтисодӣ мегӯяд, ташкили Фонди захиравӣ нишон медиҳад, ки кишвар маблағ дорад

ДУШАНБЕ, 2 дек — Sputnik. Маблағгузории Фонди захиравии президентро дар соли 2021, ду миллион доллар бештар мекунанд, ки ин дар қиёс бо соли 2020 - 5,2% бештар аст.

Алексей Маслов, профессори факултаи иқтисоди ҷаҳонӣ ва сиёсати ҷаҳонии Мактаби олии иқтисодӣ дар суҳбат бо Sputnik Тоҷикистон гуфт, ташкили Фонди захиравӣ барои кишварҳои пасошӯравӣ як падидаи муқаррарӣ аст. Ба гуфтаи коршинос, сарчашмаҳои даромад барои ин хазинаҳо бояд шаффофу дақиқ гуфта шаванд ва таъкид намуд, ки ташаккули чунин фондҳо аз ҳисоби андози шахсони воқеӣ чандон дуруст нест.

Иқтисоди пинҳонию боҷу аксизҳо: вазир гуфт, аз куҷо дар соли 2021 даромадро зиёд мекунанд?

"Бояд гуфта шавад, ки аз кадом даромад ба хазина пул ҷудо мешавад. Чун маблағгузории фонди президент аз ҳисоби андози шахсони воқеӣ нодуруст хоҳад буд", - қайд кард Маслов.

Ба гуфтаи ӯ, чунин фонд дар мисоли Русия аз ҳисоби маблағҳое, ​​ки аз фурӯши нафту газ ба даст омадаанд, ташкил карда мешавад ва дар мавриди харҷу дахли Ҳукумат тасмим мегирад. Дар Тоҷикистон шахсан президент ин корро анҷом медиҳад.

Амри Раҳмон: аз фонди Президент барои китобхонҳо бештар аз 1 миллион сомонӣ ҷудо шавад

Дар маҷмуъ Маслов таъкид намуд, ки барои Тоҷикистон таҳкими фонди захиравӣ дар пасманзари тағйирёбии тиҷорати хориҷӣ, нархи ноустувори газ ва нафт, афзоиши қарзи Тоҷикистон ва қарзҳояш аз Чин муҳим мебошад.

"Фонди захиравии Президент метавонад ба ҳайси фонди эътидол хизмат мекунад. Ин нишон медиҳад, ки хазинаи кишвар маблағ дорад", - афзуд коршинос.

Ба гуфти Маслов, мавҷудияти чунин манбаъҳо барои кишварҳои пасошӯравӣ хос аст.

530
Барчаспҳо:
Эмомалӣ Раҳмон, Фонди президенти Тоҷикистон, фонди захиравӣ, коршиносон
Люди в защитных костюмах проводят церемонию погребения человека умершего от COVID-19

Шӯрои уламо фатвои мурдаҳои бе намози ҷаноза гӯронидаро дод

2770
Шӯрои уламои Тоҷикистон гуфт, ки дар ҳолати ба қабр гузоштани майит бидуни хондани намози ҷаноза мусалмонон чи кор карда метавонанд

ДУШАНБЕ, 3 дек — Sputnik.  Шӯрои уламои Маркази  исломии Тоҷикистон дар посух ба суоли як корбараш гуфтааст, ки дар ҳолати гӯронидани мурдае бидуни хондани намози ҷаноза чи кор метавон кард.

Усмон ном корбаре аз уламои Маркази исломии Тоҷикистон пурсидааст: агар нафаре аз касалии гузаранду фавтад, бе хондани намози ҷаноза гӯрониданаш ҷоиз аст.

"Шахсе, ки аз ягон бемории гузаранда, яъне аз вабо вафот мекунад ва ӯро ҷаноза намекунанд, барои майит ягон зарар дорад?", - навиштааст вай.

Дар посух Шуро роҳи адои ин намозро дар ҳолати зикргардида нишон додаанд.

Ба гуфтаи улумои дин, он намозро метавон пас аз гӯронидан дар сари қабр адо кард.

"Намози ҷаноза яке аз он ҳуқуқе аст, ки майит бар зиммаи дигар мусулмонон дорад. Бинобар ин, касе, ки бидуни ҷаноза дафн шуда бошад, бар сари қабраш намози ҷанозаи ў хонда мешавад", - омадааст дар посухи онҳо.

Пештар сокинони Тоҷикистон изҳори нигаронӣ доштанд, нафарони дар пайи сироят аз коронавирус фавтидаро бе хондани намози ҷаноза ба қабр мегузоранд.

Ёдрас мешавем, Кумитаи дини Тоҷикистон бо нашри як иттилоия тафсилоти маросими дафни фавтидагон аз коронавирус - аз шустан то кафан кардану ҷаноза ва дар қабргузориро баён доштааст.

Намозҳои ҷаноза хатар доранд?: мақомоти Суғд аз сокинон хост дар намозҳо эҳтиёт намоянд

"Дини ислом дафн кардани шахси фавтидаро фарзи кифоя ҳукм кардааст, ки агар дар он чанд нафар иштирок кунанд, кофӣ аст. Бинобар ин, бо дарназардошти шароити кунунӣ намози ҷаноза дар назди қабристон ё ҷойҳои махсус бо иштироки теъдоди ками хешовандон ва дӯстони наздик хонда шавад, беҳтар аст. Тибқи таълимоти мазҳаби ҳанафӣ дуо аз ҳар ҷо қабул мегардад. Бинобар ин, дигарон дар ҳаққи майит дуо кунанд, кифоя аст", - омадааст дар дастурамали кумита.

Намози ҷанозаро имом бо риояи талаботи шариат анҷом дода, дар масофаи на камтар аз 2 метр аз тобут меистад.

Муфтиёт дастурамал барои ҷаноза ва маросими дафни фавтидагон аз коронавирусро таҳия кард

 

2770