Вид на старую часть Таллина

Русгароёни эстонӣ ҷосусони Кремл будаанд

150
(Таҷдидшуда 17:17 13.11.2020)
Эҳтимол дорад, раъйпурсӣ дар бораи оила, ки тибқи қарори комиссияи интихоботӣ бояд 25 апрел дар Эстония баргузор мешуд, ба дигар вақт гузаронида шавад

ДУШАНБЕ, 13 ноя — Sputnik, Ирина Алкснис. Сабаб расмӣ - техникӣ. Тибқи қонунгузории ҷадид, то он замон бояд рӯйхати электронии интихобкунандагон тартиб дода шавад, то овоздиҳанда тавонад аз нуқтаи дилхоҳ ва танҳо як маротиба овоз диҳад.

Эҳтимол дорад, ки то замони муқарраршуда, низоми нав роҳандозӣ нашавад ва қонунӣ баргузор шудани раъйпурсӣ таҳти аломати савол мемонад. Мақомоти дахлдор пешниҳод доранд, ки барои алтернатив авохири моҳи май замони дигари баргузории раъйпурсӣ бошад.

Аммо гумон меравад, ки паси мушкилоти техникӣ дигар ангезаҳои нисбатан муҳими сиёсӣ меистад, ки бо плебиссити дарпешистода мақомоти кишвар дар вазъияти хеле нохуш қарор гирифт.

Се ҷумҳурии Балтика, дар арсаи байналмилалӣ, нақши пешакӣ муайяншудаи худро ҳамчун хатти аввали дифоъ аз Русияи даҳшатнокро иҷро мекунанд. 

Ба хотири ҳамин, бархе аз гуноҳҳояшон аз ҷумла - миллатгароӣ чун сиёсати давлатӣ, бахшида мешавад.

Вале ногаҳон маълум шуд, ки дар дили давлати Эстония ғояҳои ғайри қобили қабул алалхусус ҳамҷинсгароӣ сабзида ва қувват гирифтаааст.

Ҳанӯз соли 2014 дар кишвар қонун "Дар бораи ҳамзистӣ" қабул гардид, ки ба ҳамсарони ҳамҷинс иҷозат медод, ба истилоҳ ҳамзист шаванд. Пас аз якчанд сол, аввалин фарзандхондии ҳамҷинсгаро сурат гирифт.

Имсол президент Керсти Калжулаид аз ҷониби ҷомеаи маҳаллии ЛГБТ ҷоизаи "Қаҳрамони рангинкамон" - ро  дарёфт кард. Моҳи август бошад, нависанда Микк Пярнитс барои аз байн бурдани таҷовуз бо мукоофти давлатӣ қадрдонӣ шуд. Ҳодисаи охир ҷомеаи Русияро низ шокӣ кард, вақте нависанда ба маросими ҷоизасупорӣ бо пироҳани гӯлобӣ, туфлиҳои пошнабаланд ва гӯшвораҳои ҳалқа ҳозир шуд. Зимни суханронияш бошад, нависанда изҳороти дар доираи либералҳо мудро - "хонаводаи анъанавӣ  - хатарноктарин макон барои кӯдак аст", - ироа кард.

Аммо ногаҳон ретроградҳо, ки дар сохторҳои қудратӣ кам набудаанд, ба ҳамла гузаштанд.

Қувваи асосии пешбарандаи ин фикр Ҳизби консервативии халқӣ гардид. Ин ташкилот бо русгароӣ ва миллатгароӣ машҳур аст. Аз ҷумла мақсади аслии хешро ин созмон дар бозгардонии шаҳри Иван ва Печор, медонад. 

Ҳарчанд ҳизб ба узвияти эътилофи ҳоким дохил шавад ҳам, баргузории раъйпурсӣ маҳз аз ҷониби онҳо пешниҳод шуд, ки дар он шаҳрвандони ҷумҳурӣ бояд тасмим бигиранд, ки издивоҷ танҳо иттиҳоди як мард ва зан аст ё мафҳуми васеътар.

Зиёда аз ин асосгузори ин ҳизб ва вазири пешини корҳои дохилии Эстония - Март Ҳелме чанд изҳорот кард, ки аз гӯшҳои либералҳо ҳатто дуд баромад. Масалан ӯ гуфт: "бигзор ҳамҷинсгароёни норозӣ ба Шветсия фирор кунанд".

Ногуфта намонад, ки ба ин изҳороти баланд нигоҳ накарда, он замон вазир курсиашро нигоҳ дошт. Ӯ вазифаашро чанде пеш аз даст дод. Дар пасманзари изҳороташ, ки гуфт: "ҳеҷ шакке нест, ки интихобот дар ИМА тақаллубкорӣ шудааст" ва ҳатто Ҷо Байденро як мансабдори фасодзада номид. Барои чунин таҳқир ӯ бахшида нашуд.

Вале, ин мушкилоти раъйпурсиро барои мақомоти Эстония кам намекунад.

Ҷамъиятшиносӣ бешубҳа аз ҳукмронии ретроградҳои нотаҳаммулпазир дар ҷомеаи Эстония шаҳодат медиҳад, ки ба сабаби он "симои кишвар (ки аз оғози солҳои 90-ум сохта мешавад - шарҳ аз идора.) хароб мешавад".

Имрӯз, дар ҷумҳурӣ сафарбаркунии тамоми нерӯҳои либералӣ - сиёсатмадорон ва ходимони ҷамъиятӣ, олимон ва шахсиятҳои машҳури маҳаллӣ ташкил карда шудааст, ки онҳо бо саъйи муштарак бояд дар ҷараёни маъракаи васеъ аҳолиро ба тарафи худ кашанд.

Аз эҳтимол дур нест, ки дар давоми як моҳи дигар, маъракаҳои таблиғотӣ барои ба мақсад расидан ба онҳо кумак мекунанд.

Нисбати ҳизби консервативӣ ва шахсан Март Ҳелме, аллакай шубҳаҳо ҳаст - онҳо русофобҳо буда, дар воқеъ манфиати аҳолии русзабонро ифода мекунанд. Хуб, аз ин ҷо аллакай то муттаҳам кардан ба кори мустақим бо Маскав як қадам аст. Гузашта аз ин, собиқ роҳбари Вазорати корҳои дохилӣ, дар баробари зарба задан ба ҳамҷинсгароён, Владимир Путинро "ситоиш" кард ва ӯро "прагматик" номид.

Айбҷӯён бояд на ба шарқ, балки ба тарафи дигар нигаранд: ба он ҷое, ки мақомоти Лаҳистон ва Маҷористон хатти худро пайваста мекашанд, ки аз меъёрҳои либералӣ хеле дур аст. Эҳтимол дорад, ки Март Ҳелм ва шарикони ӯ аз онҳо илҳом гирифтаанд.

Ҳамзамон, барои Урупо ва Иёлоти Муттаҳида, шояд ин кор ҳатто аз даст доштани Кремл ба ҳама чиз ҳам, бартарин вариант бошад. Зеро агар дар Балтика эҳсосоти "агар Варшава ва Будапешт инро карда метавонанд, мо низ метавонем", маънои онро дорад,  дурнамои дастаҷамъии Ғарб ҳатто аз он ҷо хира ба назар мерасад.

150
Барчаспҳо:
Кремл, ҷосусӣ, рус, Русия, Эстония
Кандидат в президенты США Джо Байден

Байден ИМА - ро ба лухтаки Урупо табдил медиҳад

308
(Таҷдидшуда 12:05 01.12.2020)
Иттиҳоди Урупо дар симои раҳбари Шӯрои Урупо Шарл Мишел ба Ҷо Байден пешниҳод кард, ки "Иттифоқи қавии трансатлантикӣ" - ро барқарор созад

ДУШАНБЕ, 25 ноя - Sputnik, Ирина Алкснис. Агар Байден вориди Қасри Сафед шавад (бо назардошти рушди воқеъа ин кор ногузир аст) умеди барқарорсозии "Иттифоқи қавии трансатлантикӣ" - асос дорад. 

Номзадии эҳтимолии котиби давлатии  ИМА - Энтони Блинкен, ки маҳсулоти тозаи "ботлоқи Вашингтон" ва "ҳимоятгари эътилофҳои ҷаҳонӣ" аст, як нишони муҳим гардид.

Хушҳолии Урупои Шарқӣ аз дидани Ҷо Байден дар нақши президенти ИМА вақте маълум шуд, ки раҳбарони ин имнтақа яке паси дигар ӯро барои ба маснади раҳбарӣ интихоб шудан, муборакбод мегуфтанду Олмон, изҳор дошт, ки барои кор бо Трамп "дар муддати чор соли дигар" нақша надорад.

Маълум нест, чаро барои Урупо маҳз дар сари қудрат будани глобалистҳо - онҳое, ки хостори ҷаҳони якқутбӣ бо сарварии Вашингтон ҳастанд, хушоянд аст.

Мешавад гуфт, ки дар Урупо қувваҳои дастгири Амрико зиёд шудаанд, ки омодаанд давлатҳои худро қурбони сиёсати ИМА кунанд.

Масалан ҳукумати Олмон бори дигар мавқеъи худро дар бораи ғайри қобили қабул будани таҳримҳои экстерриториявӣ, ки дар Иёлоти Муттаҳида алайҳи "Маҷрои Шимолӣ 2" таҳия мешаванд, тасдиқ кард.

Ҳамин тавр, Урупо мехоҳад манофеъи худ ва нақши геополитикии худро дар ҷаҳон нигоҳ дорад, вале ҳамзамон бозгашти қувваҳоеро ба сари қудрати Вашингтон , ки аслан ин қудратро намехоҳанд пазиранд, дастгирӣ мекунад.

Роҳи ҳалли ин зиддияти аҷибро дар рӯйдодҳои чор соли пеш бояд ҷӯё шуд.

Баробари ба Қасри Сафед ворид шудан, Доналд Трамп аз имзои бархе аз созишномаҳои байналмилалӣ бо ширкати ИМА даст кашид. Сарнавишти иттифоқи машҳури трансатлантикии тиҷорат ва сармоягузорӣ, ки то он замон обрӯи бад дошт, низ ба дасти ӯ афтод.

Суханчинҳо огоҳ мекарданд, ки Амрико бо кумаки он тамоми захоири Урупоро ба сӯи худ хоҳад кашид.

Вале, Трамп, ки дар давраи сари қудрат буданаш аз ҳамаи имконот барои ҷалби сармоя ба давлаташ моҳирона истифода мекард, дарҳол ва бедудилагӣ аз "мурғе", ки бояд чанд сол барои ИМА тухмҳои тиллоӣ мекард, даст кашид. Зиёда аз ин, ӯ чандин маротиба изҳор дошт, ки ин созишномаҳо дар асл барои ИМА фоидаовар нестанд. Аз афташ суханони тоҷири ватандӯст бовар карданист.

Тасаввури ғалат дар бораи ҳамаи глобалистҳо (ҳатто амрикоиҳо) ин аст, ки ҳамаи онҳо ба манфитаи миллӣ кор мекунанд. Барои онҳо ИМА чун армияи бузурги ҷаҳон шояд бисёр муҳим бошад. Аммо худ як кишвари азиме, бо 330 миллион нафар аҳолӣ бори гаронест, ки сармоягузорӣ ба он барои ҳалли мушкилоташ қобили қабул нест.

Аммо манфиатҳои воқеӣ ва эҳсосоти сентименталии глобалистҳо ҳамчун шаҳрвандони ҷаҳон метавонанд бо ҷойҳои тамоман дигар алоқаманд бошанд. Масалан Энтони Блинкен, замони кӯдакии худро  дар Порис гузаронидааст ва ба ташаккули шахсияти ӯ падарандараш, ки урупоист, сахт таъсир кардааст. Ҳамин тариқ, шубҳаҳо дар бораи он, ки ӯ ҳамчун котиби давлатӣ то чӣ андоза манфиатҳои миллии Иёлоти Муттаҳидаро пеш мекунад, комилан табиист.

Дар ин сурат мавқеъи Урупо маъно пайдо мекунад. Урупо дар даҳсолаи охир дар алоқамандӣ  бо Амрико ба ҳадаф расиданро омӯхтааст. Танҳо созишномаи ҳастаии Эронро ба ёд меорем, ки онро аксар вақт яке аз пирӯзиҳои раёсати ҷумҳурии Обама меноманд, аммо дар асл Иттиҳоди Урупо манфиати бештар дошт.

Гузашта аз ин, ИА ҳанӯз ҳам аз бисёр ҷиҳат ба ИМА ниёз дорад. Аз ҷумла, кӯшишҳои Урупо барои созмони артиши худ - на тақлид, ки имрӯз вуҷуд дорад, балки нерӯи воқеии низомӣ ҷиддӣ ба назар намерасад. Ба ин маъно барои урупоиҳо алтернатива нест ва дар ояндаи наздик пешбинӣ ҳам намешавад.

Аммо Трамп ҷиддан мехост, Ҷаҳони Қадимро барои пардохти нархи "чатр" - и низомӣ маҷбур кунад, вале акнун Брюссел ва Берлин имкон доранд бо "ботлоқи Вашингтон" ба таври мусолиматомез дар ин масъала муросо кунанд.

Ва ҳанӯз ҳам, барои муқобили Русия - дар масоили геополитикӣ, иқтисодӣ ва низомӣ ИМА ба Иттиҳоди Урупо ниёз дорад. Дар акси ҳол, Маскав дар самти ғарбӣ шароити мусоид фароҳам мекунад, ки ин ба пойтахтҳои Урупои Ғарбӣ наонқадар писанд меояд.

Дар натиҷа, як ҳолати ғайримуқаррарӣ ба миён меояд: дар ҳоле, ки Урупо дар назари аксарият барои Иёлоти Муттаҳида як маводи истеъмолӣ менамояд, дар асл, бояд диламон ба ИМА бисӯзад, ки метавонад қурбони хиёнати элитаҳои урупоӣ гардад.

308
Барчаспҳо:
Урупо
Отражение мужчины на фоне флага ЕС

Коронавирус нишасти G20 - ро сироят кард. Вале Ғарб ваксинаи Русияро тоқат надорад

239
(Таҷдидшуда 19:26 23.11.2020)
Ба кӯшиши софдилонаи ширкатдорон нигоҳ накарда, саммити маҷозии G20 ҳалокати ҷаҳонишавиро таъкид кард

ДУШАНБЕ, 23 ноя — Sputnik, Иван Данилов. Гап сари фитнае муқобили "ҷаҳони якқутбии амрикоӣ" ё кӯшиши барқарор кардани "муқобилияти деворӣ" монанди миёнаҳои дуюми асри 20 нест. Акси глобализатсия ва бисёрқутбӣ новобаста аз андешаҳо дар марказҳои ақлонии Амрико ва Брюссел аллакай воқеъияти ҳол шудааст.

Мушкил сари ин ки, мавзӯъи ягонаи сиёсӣ нест ҳамон тавре, ки як забон барои баррасии он вуҷуд надорад. Ва зиёда аз ин, "як кунҷи геопалитикӣ" ҳам нест, ки ҷомеаи ҷаҳонӣ ба он пайравӣ кунад.

Мушкили умумӣ шурӯъ аз ҳамагирии коронавирус то бӯҳрони иқтисодӣ ҳаст, вале ҳалли якхели он натанҳо ки нест, балки буда ҳам наметавонад. Барои он ки, низоми муносиботи миёни давлатҳо ба режими бозӣ аз сари нав омадааст, яъне комёбии як давлат чун мағлубияти рақибон пиндошта мешавад ва он ҷониб омодагии комил барои қурбонӣ кардани баъзе манфиатҳои умумиро нишон медиҳад (на мулоҳизаҳои башардӯстона) танҳо барои он, ки яке аз рақибони геополитикӣ натавонист як навъ тасвир, пирӯзии сиёсӣ ё иқтисодиро нависад.

Чанд мисоли чашмрас бояд гуфта шавад.

Дар нишасти G20, раҳбари Чин пешниҳод кард, ки як навъ механизми рақамӣ эҷод карда шавад, то ҳаракати байни кишварҳоро боздорад, вале ба иқтисоди ҷаҳонӣ, тиҷорати байналмилалӣ ва барқарорсозии туризм кумаки калон расонад (ки ин барои бисёриҳо, аз ҷумла кишварҳои камбизоат хеле муҳим аст).

Дар ин росто Чин, ташкили механизми байналмилалии шинохти "рамзи QR-и саломатӣ" -ро пешниҳод кард, ки бар пояи натиҷаи санҷишҳои тестӣ асос хоҳад ёфт.

"Умедворам, ҳарчӣ бештари кишварҳо ва минтақаҳои ҷаҳон ба он ҳамроҳ мешаванд" - гуфт Си Ҷинпин.

Дар сатҳи объективӣ эҷоди як навъ "тасдиқи рақамӣ" - и байналмилалӣ ва  эътирофшуда дар бораи он ки як сайёҳ, дипломат ё соҳибкор солим аст  ва метавонад марзҳи кишварҳоро убур кунад (ё ба ватани худ баргардад) бидуни карантин -  фикри хуб аст.

Вале имконият барои роҳандозии ин барнома дар сатҳи глобалӣ нест, новобаста аз он ки ин чораандешӣ ин замон лозим аст ва метавонад осон таҷриба шавад. Вале, ин идея дар амал татбиқ намешавад, танҳо ба он хотир, ки аз нуқтаи назари раҳбарони Ғарб ин пешниҳоди расмии Чин (яъне пешниҳоде, ки рушди баланди технологияҳои инфрматсионии Чинро таъкид мекунад).

Мисоли дигар дар бораи дастнорас будани ваксинаи алайҳи коронавирус барои кишварҳои камбизоат мебошад, ки дар сурати эм накардан метавонанд манбаъи сироятёбӣ гарданд. Владимир Путин дар суханронии худ аз зарурати таъмин кардани тамоми ҷаҳон бо ваксина гуфт:

"Русия қарори калидии тарҳи саммити ҳозираро, ки ба дастрас кардани ваксинаҳои самарабахш ва бехатар ба ҳамагон нигаронида шудааст, дастгирӣ мекунад. Бе шубҳа доруҳо барои эмкунӣ бояд дастоварди ҳамагон бошад. Ва Русия албатта ба кишварҳои ниёзманд ваксинаҳои аз тарафи олимон сохташударо дастрас мекунад: ин аввалин ваксинаи ба қайд гирифташуда дар ҷаҳон "Sputnik V" буда, ваксинаи дуюми Русия "EpiVacCorona" -и Маркази илмии Новосибирск низ омода аст ва ваксини сеюми Русия дар роҳ аст.

Миқёси пандемия моро вазифадор мекунад, ки тамоми захираҳои мавҷударо истифода барем. Ҳадафи умумии мо - сохтани ваксинаҳо ва таъмин намудани тамоми аҳолии сайёра бо он мебошад. Ин маънои онро дорад, ки кор барои ҳамагон, кофӣ аст ва ин дар ҳолест, ки рақобат эҳтимолан ногузир аст, аммо мо бояд пеш аз ҳама аз мулоҳизаҳои башардӯстона сар барорем ва инро дар мадди аввал гузорем".

Дар сатҳи декларативӣ ҳамааш хуб хоҳад буд, вале "бистгонаи бузург" дар умум барои дар амал татбиқ намудани тарҳ, ки бунёди хазинаи умумиро барои харидории ваксина ва таъмин намудани кишварҳои ниёзманд дар назар дораду маҳз харидории ваксинаи сохти русии "Sputnik V" - ро, ки нисбат ба аналогҳои амрикоӣ ва урупоӣ арзонтар мебошад, ризо намешавад.

Агар ба ин мушкилӣ аз нуқтаи назари ИМА ва Брюссел назар кунем боз мефаҳмем, ки гап сари - русиягӣ (эҳтимолан сохти чинӣ низ онҳоро хуш нест), будани ваксина аст.

Владимир Путин даъват кард, ки рақобатро як сӯ гузошта гуманизмро пеша кунанд, аммо имкони шунидани муроҷиати ӯ ниҳоят ночиз аст, алахусус бо назардошти маъракаи таблиғотӣ дар расонаҳои ғарбӣ барои бадном кардани ваксинаҳои Русия ва Чин.

Рӯйхати мавзӯъҳоеро, ки дар он ҳеҷ гуна муколамаи моҳиятӣ дар саммити G20 вуҷуд надоштанд (ва як қатор монологҳои пешвоёни ҷаҳонӣ буданд) идома додан мумкин аст: ин аст ислоҳоти СУС ва мушкилоти қарзҳои асъории кишварҳои рӯ ба тараққӣ ва тамоюли ҷаҳонӣ ба протексионизм.

Роҳбарони Ғарб мавқеи хеле возеҳ доранд: онҳо бисёр гап мезананд, касеро намешунаванд ва пешниҳодҳои онҳо ба формулаи оддӣ мепечанд: "ҳама бояд тавре ки мо мегӯем, кор анҷом диҳанд, он гоҳ ҳамааш хуб хоҳад шуд" ва ба ин маъно, мавқеи Вашингтон пас аз иваз шудани президент. тағйир нахоҳад ёфт.

Набудани моҳияти нишасти G20 далели равшани он аст, ки ҷаҳон на ба сӯи рақобати "блокҳои геополитикӣ" ва ҳатто камтар ба сӯи барқарорсозии "ҷаҳони Амрико" (тавре, ки Вашингтон ба он умедвор аст), балки ба сӯи ҷаҳоне меравад, ки дар он танҳо гуфтушунидҳои дуҷонибаи байни кишварҳои мушаххас имконпазир аст. Расман, ҷаҳони G20, ба истилоҳ, Гурӯҳи бист (G20) вуҷуд дорад, аммо дар амал чуноне сиёсатмадори амрикоӣ Ян Бремер мегӯяд "ҷаҳони G-сифр" аст: ҷаҳоне, ки дар маҷмӯъ ҳама барои худ кор мекунад ва суръат бахшидани ин тағйирот эҳтимолан мероси асосии таърихии коронавирус хоҳад буд.

239
Барчаспҳо:
Русия, Ғарб, вируси корона
Хонандагони мактаб

Соҳибкоре дар дурдасттарин деҳаи Мастчоҳ бинои нави таълимӣ бунёд кард

0
(Таҷдидшуда 19:59 01.12.2020)
Раиси ноҳия Бобозода Хайрулло зимни ифтитоҳи мактаб ба соҳибкор, роҳбари ҶДММ "Роҳи Сомон" Амонов Фаррух барои бунёди бинои нав изҳори сипос намуд

ДУШАНБЕ, 1 дек — Sputnik. Дар ноҳияи Куҳистони Мастчоҳ бинои нави мактаби №18-и деҳаи Деҳҳавзи Ҷамоати деҳоти Лангар ба баҳрабардорӣ расид.

Бино ба гузориши хадамоти матбуотии раиси вилояти Суғд, ин иншоот аз ҷониби соҳибкор Фаррух Амонов бунёд гардидааст. 

"Бинои нави таълимӣ дорои 6 синфхона бо 110 ҷойи нишаст ва 2 ҳуҷраи корӣ барои омўзгорон буда, бо тамоми таҷҳизот таъмин гардидааст", - омадааст дар хабарнома.

Раиси ноҳия Бобозода Хайрулло зимни ифтитоҳи мактаб, аз сиёсати маорифпарваронаи Эмомалӣ Раҳмон ёдовар шуда, ба соҳибкор, роҳбари ҶДММ "Роҳи Сомон" Амонов Фаррух барои бунёди бинои нав изҳори сипос намудааст.

Хушхабар: Хайрхоҳе мактаби куҳнаи деҳаи Равмеди Рӯшонро аз нав месозад-видео

Деҳҳавз яке аз дурдастарин деҳаҳои ноҳияи Куҳистони Масчтоҳ буда, дар ҳудуди Ҷамоати деҳоти Лангар қарор дорад.

Манбаъ афзуда, ки бинои нави мактаб дар доираи бунёдкориҳо ба истиқболи 30-солагии Истиқлоли давлатии Тоҷикистон сохта шудааст.

0
Барчаспҳо:
нав, бунёд, мактаб, Мастчоҳ