Добычя нефти в океане

Чин ИМА ро дар истеҳсоли нафт танг кард: Русия аз ин манфиатдор аст?

290
(Таҷдидшуда 19:41 02.12.2020)
Пекин тавлидоти бензин ва сӯзишвории дизелиро дар мадди аввал гузошта, иқтидори коркарди нафтро афзоиш медиҳад

ДУШАНБЕ, 2 дек — Sputnik, Ирина Бадмаева. Аллакай соли оянда аз рӯи ин нишондод Чин аз ИМА пеш мегузарад. Ақиб мондани ИМА аз рӯи ММД низ аз эҳтимол дур нест. Вале, чуноне коршиносон қайд мекунанд дар ин росто мавҷи дуюми ҳамагирии коронавирус метавонад садди роҳи Чин шавад.

Иваз шудани раҳбар  

Бино бар омори давлатии Чин, моҳи октябр дар кишвар коркарди нафт то 2,5 дарсад афзоиш ёфта, ба нишондоди рекордии 14,09 миллион баррел дар як шабонарӯз баробар шуд. Моҳи сентябр ин нишондод дар ИМА танҳо 13,5 миллион буд.

Чиниҳоро чунин нишондод қонеъ намекунад. Дар гузориши ноябрии Ожонсии байналмилалии энержии Чин гуфта мешавад, ки авохири соли оянда боз ду заводи нави коркарди нафт ба баҳрабардорӣ мерасад, дар ҳоле, ки интизор буд корхонаҳо танҳо соли 2023 ба фаъолият оғоз кунанд.

Ҳамчунин, бунёди корхонаи дигар бо иқтидори 1,2 миллион баррел дар як рӯз, идома дорад. Масалан дар Бритониё дар умум ҳамин миқдор нафт коркард мешавад.

Чин аллакай даҳсолаҳо кӯшиш дорад, талаботи афзояндаро ба бензин ва сӯзишвории дизелӣ қонеъ кунад. Талошҳо барабас нарафтанд.

"Аз соли 2000 инҷониб кишвар се маротиба коркарди нафтро афзоиш дод. То соли 2025 коркарди нафт ба 20 миллион баррел дар як шабонарӯз баробар хоҳад шуд", - қайд мекунад Марк Гойхман, иқтисоддони асосии маркази таҳлилӣ ва иттилоотии ТелеТрейд.

Ба фикри мусоҳиб, ИМА аллакай дар соли 2021 мавқеъи худро, ки аз порсол доштанд аз даст медиҳад.

Амрикоиҳо корхонаҳои коркарди полоишро бинобар маржаи кам, ки пас аз нархи нафт коҳиш ёфт, бастанд. Масалан, 18 март нархи нафти Brent 15 дарсад коҳиш ёфт ва бори аввад аз соли 2003 инҷониб, барои як баррел 24,52 доллар ба фурӯш бароварда шуд.

Талаботи ҷаҳонӣ ба сӯзишворӣ низ коҳиш ёфт. Аз ин рӯ, коркарди нафт 1,7 миллион баррел рекордӣ кам шуд. Гузашта аз ин, ҳиссаи бузург танҳо ба полоишгоҳҳои амрикоӣ рост омад. "Баъзе корхонаҳо баста мешаванд, дар ҳоле, ки баъзеи дигар пас аз тӯфонҳое, ки ҳамасола дар соҳили Халиҷи Мексика паҳн мешаванд ниёз ба сармоягузорӣ ва навсозӣ доранд”, -  қайд мекунад Марк Гойхман.

Энержии сабз: кӣ бурд мекунаду кӣ бохт

Сабаби дигари муваффақияти Чин муборизаи муассир бо коронавирус аст, гуфт Алексей Антонов, сармуҳосиби "Алор Брокер". Иқтисоди Чин барқарор мешавад ва суботро нишон медиҳад, дар ҳоле, ки дар Урупо ва ИМА коҳиш меёбад.

Беҳуда нест, ки чиниҳо на танҳо дар коркарди нафт, балки дар металлургия низ пешсафанд. Марк Гойхман мегӯяд: "воқеъан маркази истеъмоли манбаъҳои аввалия, Чин ҳоло як соҳаи коркарди дорои арзиши баландтарро рушд медиҳад".

Ҳамин тамоюлҳо дар Ҳиндустон ва Ховари Миёна низ ба назар мерасанд, қайд мекунад иқтисоддон. Ин боиси баста шудани як қатор иншооти фарсудаи ширкатҳои ғарбӣ ҳатто дар минтақаи Осиё, масалан, дар Сингапур мегардад.

Илова бар ин, Иёлоти Муттаҳида ва Ҷаҳони Қадим ботадриҷ аз карбогидридҳо ба манфиати манбаъҳои алтернативии энержӣ даст мекашанд. Чин бо ӯҳдадориҳои шадиди экологӣ вобаста нест.

ИМА ба энержии сабз такя мекунад, Чин бошад нақши майдони ифлоскунандаро иҷро мекунад. Кишварҳои аз ҷиҳати иқтисод рушдёфта аз ҳисоби маблағҳои боқимонда гузариш ба манбаъҳои барқароршавандаро маблағгузорӣ намуда, онҳоро ба пардохти "андозҳои экологӣ" маҷбур мекунанд. Дар дастгоҳи Кохи Сафед сиёсатмадори вазнин Ҷон Керрӣ, ки фиристодаи вижаи президенти нав дар масоили иқлим хоҳад шуд, ба масоили иқлим вобаста мешавад", - гуфт Антон Гринштейн, коршиноси ширкати сармоягузории Hamilton.

Барои Русия, ки ба нафт вобаста аст, сенарияи сабз пур аз хароҷоти афзояндаи ширкатҳо ва коҳиши даромади буҷа мебошад. "Ҳангоми нигоҳ доштани сохтори ашёи хом барои Иёлоти Муттаҳида нигоҳ доштани роҳбарии худ дар коркарди нафт барои иқтисоди дохилӣ муфидтар аст", - гуфт манбаъ.

Марк Гойхман меафзояд, ки Русия бояд дар бораи манбаъҳои дигари пур кардани хазина ҷиддӣ андешад, то камбуди даромади нафтро пас аз 15-20 сол иваз кунад.

Дар пасманзари афзоиши истеъмоли маҳсулоти нафтӣ дар Чин, ба самти содироти ашёи хом бояд машғул шуд.

Ҳамагирӣ: сенарияи осиёӣ

Бо вуҷуди ин, ҳама чиз табиати ба охир расиданро дорад. Аз эҳтимол дур нест, ки то соли 2025 афзоиши иқтидори истеҳсолӣ дар Чин аз талабот зиёдтар мешавад. Мувофиқи маълумоти корпоратсияи нафту гази Чин CNPC, пас аз панҷ сол мумкин аст, ки маҳсулоти нафтии изофӣ дар як рӯз 1,4 миллион баррелро ташкил диҳад.

"Ҳоло, дар шароити муносибатҳои шадид бо Иёлоти Муттаҳида, коргарони нафти Чинро хоҳиши бозӣ кардан бо маҳдудиятҳо фаро гирифтааст. Ва ба ин васила нуфузи давлатро баланд бардоштанд", - мегӯяд Алексей Антонов.

Аз ин рӯ, бо назардошти тамоюлҳои кунунӣ дар тӯли се – панҷ соли оянда тағйири роҳбариятро на танҳо дар соҳаи коркарди нафт, балки аз рӯи нишондиҳандаи асосии иқтисодӣ - андозаи ММД низ интизор шудан мумкин аст.

"То замони ҳамагирӣ барои Чин панҷ сол намерасид, то аз иқтисоди ИМА пеш гузарад. Акнун ба шарофати муборизаи самаранок бар зидди паҳншавии коронавирус чиниҳо метавонанд тезтар пешоҳанг шаванд , - таъкид мекунад Гринштейн.

Масъалаи дигар – оё ИМА омода аст, мавқеъашро аз даст диҳад. Ба гуфти коршинос Амрико талош кард мушкилро аз тариқи дипломатӣ ва иқтисодӣ ҳал кунад. Вале ин кор накард. Ва алъон ба ҷои президенти тоҷир президенти сиёсатмадор меояд.

Ғайр аз он, афзоиши якбораи талабот ба маҳсулоти нафтӣ дар Чин бо беҳтар шудани вазъи ҳамагирӣ алоқаманд аст. Аммо, авҷи мавҷи дуввум дар Осиё низ аз эҳтимол дур нест. Хуруҷи ин беморӣ аллакай дар Индонезия, Ҷопон ва Куреи Ҷанубӣ ба қайд гирифта шудааст. Ин метавонад таносуби нерӯҳоро байни Иёлоти Муттаҳида ва Чин ба куллӣ тағйир диҳад.

290
Барчаспҳо:
коркард, нафт, Русия, Чин, Лима
Руководитель Школы востоковедения факультета мировой экономики и мировой политики Национального исследовательского университета Высшая школа экономики (НИУ ВШЭ) Алексей Маслов

Коршиноси рус сабаби беқурбшавии рекордии пулро дар Тоҷикистон гуфт

72
(Таҷдидшуда 15:00 16.01.2021)
Коршиноси рус, иҷрокунандаи вазифаи мудири Институти Шарқи дури Академияи илмҳои Русия Алексей Маслов дар бораи роҳҳои пешгирии таваррум гуфт

ДУШАНБЕ, 16 январ - Sputnik. Дар Тоҷикистон дар соли 2020 беқурбшавии пули миллӣ ба ҳадди ниҳоияш расид.

Бино бар иттилои Агентии омори назди раисҷумҳури Тоҷикистон, нишондод бар хилофи пешбиниҳо, ба 9,4 дар сад расид.

Пештар коршиносон гуфта буданд, ки сатҳи таваррум дар ҷумҳурӣ аз 7 дар сад боло нахоҳад рафт.

Дар давоми сол дар кишвар арзиши хӯрокворӣ ба маротиб гарон шуд. Афзун бар ин, на танҳо маҳсулоти воридотӣ, балки ватанӣ низ қимат гашт. 

Алексей Маслов, коршиноси рус, иҷрокунандаи вазифаи Институти Шарқи дури Академияи илмҳои Русия гуфт, ки кодом чораҷӯӣ метавонад беқурбшавии пулро дар Тоҷикистон боздорад.

Ҳамчунин коршинос тавзеҳ дод, ки чӣ боиси баланд рафтани он гардид.

"Якумаш, ин аз қатъ гаштани бисёре аз равандҳои берунии иқтисодӣ, пеш аз ҳама равандҳои содиротиву воридотӣ, аз ҷумла, қатъи интиқоли маҳсулот ба Тоҷикистон аз хориҷ вобаста аст. Дар натиҷа, ин ҳам ба  камшавии содирот ба Русия ва Чин ва кам шудани гирифтани мол аз Чин оварда расонид", - гуфт Маслов дар сӯҳбат бо Sputnik Тоҷикистон.

Ин равандҳо ба иқтисоди дохилӣ таъсири назаррас доранд. Бештари амволи тоҷикӣ, ба гуфтаи коршинос, бо далели баста будани марзҳо ба бозори беруна намебароянд. Барқароршавии ин равандро на зудтар аз мобайнҳои сол ва ё охири соли равон бояд интизор шуд, таъкид кард Маслов.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

Коршинос мегӯяд, ки аз ҳама роҳи самарабахши пешгирии беқурбшавӣ, ин рушди бозори дохила мебошад.

"Ин пеш аз ҳамаҳавасмандкунии рушди тиҷорати хурду миёна, ба таври максималӣ коҳиш додани андоз, озод кардани истеҳсолкунандагони хурд аз ҳама намуди андоз ва ғайра мебошад", - қайд кард вай.

Ин амал ба афзоиши маҳсулоти дохила, маҳз ба ҳамон, ки боиси инфлятсия гардидааст, оварда мерасонад.

"Ин гречка, равғани маска, маҳсулоти нонӣ ва ғайраҳо аст, ки бояд истеҳсоли онро афзоиш дод", - афзуд коршинос. 

72
Cудно работает на шельфе Балтийского моря на газопроводе Nord Stream 2, архивное фото

ИМА боз "Маҷрои Шимолӣ - 2" - ро "сахт" гирифт

175
Расонаҳо менависанд, ки ширкати даниягии Ramboll, ки дар сохтмони "Маҷрои Шимолӣ - 2" ширкат мекунад, аз таҳримҳои Вашингтон дар ҳарос шудааст.

ДУШАНБЕ, 15 янв — Sputnik, Наталя Дембинская. Дар воқеъ, аз 1 январ Иёлоти Муттаҳида чораҳоро зидди он давлатҳое, ки бо лоиҳа алоқаманданд, пурзӯр кардааст.

Аммо, сохтмон идома дорад. Дар Урупо ҳавасҳо дубора ба ин ҷӯш мезананд: дар ҳоле, ки олмониҳо барои ҳимоят аз таҳримот як сандуқ омода мекунанд, бритониёиён мехоҳанд аз амрикоиҳо пайравӣ кунанд ва шведҳо аз сар задани "ҷанги газӣ" метарсанд. Дар ниҳоят бо лоиҳа чӣ мешуда бошад?

Қисми заминии "Маҷрои Шимолӣ - 2" бомуваффақият анҷом ёфт. Ҳоло қубурҳо дар обҳои Олмон, сипас дар Дания гузошта мешаванд. Лоиҳа ба ниҳоят расида истодааст. Аммо Вашингтон инро эътироф карданӣ нест. Қонуни нав дар бораи дифои буҷа, ки аз 1 январ амал мекунад, таҳримҳои иловагӣ алайҳи лӯлаи гази Русияро дар бар мегирад.

Аз ҷумла, сухан дар бораи ташкилотҳое меравад, ки хидматҳои санҷишӣ ё сертификатсияро пешниҳод мекунанд. Ширкати норвегии DNV GL аллакай эълом дошт, ки тамоми фаъолиятҳои санҷиши лӯлаи газро қатъ мекунад ва наметавонад онро тасдиқ кунад.

Чуноне раҳбари ҷумҳурихоҳон Митч Макконелл қаблан гуфт, қонуни дифоъи буҷа барои амнияти миллӣ муҳим аст ва "ҷилавгирӣ аз абарқудратҳои рақиб мисли Чин ва Русия" қабул шудааст. Ин санад бартарии ИМА-ро "дар баҳр, хушкӣ, ҳаво, фазои киберӣ ва кайҳон" мустаҳкам мекунад.

"Газпром" бояд тақрибан 150 километри дигар лӯла кашад: 120 дар Дания ва дар Олмон каме бештар аз 30 қубур. Лӯлаи газ 94% омода шудааст.

Сарфи назар аз кӯшишҳои Вашингтон барои пешгирӣ аз анҷоми лоиҳа, ки аз ҷониби панҷ ширкати бузурги энергетикии Урупо маблағгузорӣ мешавад, кор дар обҳои ҳудуди Олмон пас аз танаффуси яксола рӯзи 11 январ аз сар гирифта шуд. Аз 15 январ дар соҳили Дания низ қубурҳо гузошта мешаванд.

Ба қубургузори "Фортуна" аз ҷониби Мурман ва Пажӯҳишгари Балтикаи Хадамоти наҷоти баҳрии Русия ва инчунин дигар киштиҳои ёрирасон кумак расонида мешавад. Дар баҳр дар ду тарафи хатти қубуркашӣ минтақаи холигии муваққатӣ, ки паҳноияш 200 метр аст, сохта мешавад.

Тавре директори кулли "Газпром" Елена Бурмистрова қаблан гуфта буд, мӯҳлати ба анҷом расонидани сохтмон аз як қатор ҳолатҳо, алахусус обу ҳаво вобаста аст.

Механизми дифоъ

Дар ҳамин ҳол, дар ИМА боз ба ширкатҳои урупоӣ, ба гуфтаи Вашингтон дар сохтмони "Маҷрои Шиомлӣ - 2" ба Русия кумак мекунанд, таҳдид менамоянд.

"Мо мекӯшем, онҳоро дар бораи хатар огоҳ кунем ва онҳоро даъват кунем, ки пеш аз дер шудан аз ҳамкорӣ даст кашанд",- гуфт як манбаъ дар Департаменти давлатӣ аз қавли Reuters. Ба гуфти хабаргузорӣ дар рӯзҳои наздик, Кохи Сафед рӯйхати созмонҳои носазоро нашр хоҳад кард.

Вазорати корҳои хориҷии Русия таъкид мекунад, ки Маскав сарфи назар аз фишорҳои Вашингтон ба шарикони ғарбии Русия, ба муваффақияти "Маҷрои Шимолӣ - 2" шубҳа надорад.

Дар Олмон "Маҷрои Шимолӣ -2" -ро лоиҳаи иқтисодӣ мешуморанд ва таҳримҳои ИМА-ро қабул намекунанд. Дар ин бора бори дигар муовини намояндаи расмии Девони Вазирони Олмон Улрике Деммер ёдоварӣ кард. Гузашта аз ин, дар аввали моҳи январ парлумони иёлати федеролии Мекленбург-Верпоммерн бо аксарияти овозҳо ташаббуси ҳукумати минтақаро дар бораи ташкили фонди экологии "Иқлим ва ҳифзи муҳити зист" дастгирӣ кард.

Ин фондро барои канорагирӣ аз таҳримҳои ИМА ташкил кардаанд. Ташкилот метавонад таҷҳизоти барои сохтмон заруриро харидорӣ кунад. Ва пеш аз ҳама, лӯлаи газро барои муҳити атроф безарар эътироф мекунад. Бино ба гузориши хабаргузории Bild, ин имкон медиҳад, ки "Маҷрои Шимолӣ -2" ҳамчун "унсури асосии ҳифзи муҳити зист" қабул карда шавад.

Иқтисоддон гуфт, дар робита ба "Маҷрои шимолӣ 2" аз Байден бояд чиро интизор шуд

Ин бунёд ният дорад як корхонаеро сабти ном кунад, ки танҳо бо "Маҷрои Шимолӣ -2" сарукор дорад. Ширкатҳое, ки ба онҳо таҳримҳо таҳдид мекунанд, бо ҷониби Русия тавассути василаҳои иқтисодии пешниҳодкардаи ин корхона ҳамкорӣ хоҳанд кард.

Вақтро аз даст медиҳад

Оё олмониҳо вақт доранд, ки худро аз таҳримҳо муҳофизат кунанд? Нозирон тақсим шуданд. Аз як сӯ, ин фонд сармоягузорӣ ва салоҳиятҳоро ба даст овард, ки талошҳои Вашингтонро беэътибор мекунад, мегӯяд директори ТМТ Даниил Ростовцев.

"Бо вуҷуди ин, ташаббус бо ин фонд боиси норозигии ҷомеа, бахусус "сабзҳо" шудааст. Муҳити зист дар ин тарҳ саҳм гузоштанро ба як лоиҳае, ки ба ақидаи онҳо, "тамоман" сабз нест, балки барои муҳити зист хатарнок аст, ғайримуқаррарӣ мешуморад", - мегӯяд таҳлилгар. Ҳоло ҳама чиз аз он вобаста аст, ки оё ҷонибдорони МШ-2 метавонанд бо мардум ба мувофиқа расанд.

Ҳамзамон, коршиноси мустақили саноатӣ Леонид Хазанов итминон медиҳад, ки Берлин ба ҳеҷ ваҷҳ ба Вашингтон гузашт намекунад: Олмон ба сӯзишвории кабуди Русия ниёз дорад, ки аз сӯзишвории Амрико арзонтар аст. Ва боз ҳам бештар ҳифзи муносибатҳои иқтисодӣ бо Русия зарур аст: ин бозор барои ширкатҳои олмонӣ стратегӣ аст.

"Албатта, ин бунёд таҳти таҳримот қарор хоҳад гирифт, аммо онҳо асаре нахоҳанд дошт. Ва бар хилофи пудратчиёни онҳо бояд лоиҳаи қонуни наверо омода кунанд, онро тавассути Конгресс қабул намоянд ва имзои президентро интизор шаванд. Ин метавонад то шаш моҳ тӯл кашад, ки дар ин муддат Маҷрои Шимолӣ - 2" ба анҷом хоҳад расид" , - мегӯяд коршинос.

Бо вуҷуди ин, ӯ мушкилотро дар марҳилаи ба истифодадиҳӣ истисно намекунад - танҳо ба сабаби таҳримоте, ки ба дифоъи буҷаи ИМА ворид карда мешаванд.

Тарс ва нафрат

Бритониёиҳо мехоҳанд ба амрикоиҳо пайравӣ кунанд. Ба гуфтаи вакили бритониёӣ Даниэл Кочинский, лӯлаи гази Русия "бениҳоят хатарнок" аст, зеро он на тавассути шабакаҳои газ ва нафт, ки дар қаламрави кишварҳои НАТО ҷойгиранд балки "мустақиман ба Русия" мегузарад. Ба гуфти ӯ, Бритониёро акнун узвият дар Иттиҳоди Урупо маҳдуд намекунад ва аз ин рӯ "мо бояд дӯстони амрикоиро пайравӣ кунем ва алайҳи ҳар як ширкате, ки дар сохтмони МШ -2 даст дорад, таҳримот ҷорӣ кунем.

Дар ҳамин ҳол, дар Шветсия метарсанд, ки раёсати Ҷо Байден "ҷанги газӣ" -ро дар наздикии ин кишвар бар сари лӯла оғоз мекунад. Тавре ки Свенска Дагбладет қайд кард, демократии амрикоӣ нисбат ба Доналд Трамп "рақиби ҳатто сахттари ӯ" аст. Ва барои Скандинавия ин масъала аллакай ҳалли худро ёфтааст: ҳукумат гузоштани қубурҳоро тавассути минтақаи иқтисодии Шветсия тасдиқ кард.

Сиёсати энержии Байден, ба истилоҳ, роҳи сабз, ҷанбаи манфии раёсати ӯ дониста мешавад. Демократҳо нақша доранд, ки то соли 2035 барои гузаштан ба энергияи тоза ду триллион доллар сарф кунанд. Ва то соли 2050 - партовҳоро ба сифр баробар намоянд. Аммо, ин ҳам ба нафъи  Русия бозӣ мекунад: "Маҷрои Шимолӣ - 2" метавонад на танҳо гази табиӣ, балки гидрогенро низ интиқол диҳад. Дар Урупо талабот ба сӯзишвории гидрогенӣ эҳтимолан хеле зиёд аст.

Насби қубурҳои "Маҷрои шимолӣ - 2" наздик омадаст

Худи ИМА ба имконпазирии ҳамаи он чизе, ки Кохи Сафед ба "Маҷрои Шимолӣ - 2" ваъда додааст, шубҳа дорад. Тавре ки сенатори собиқ аз Вирҷиния Ричард Блэк итминон медиҳад, Байден хостори он аст, ки бо Маскав оромона гуфтушунид кунад. Ва дар навбати худ, вай кӯшиш хоҳад кард, ки барои Вашингтон баъзе фоидаҳо ба даст орад.

175
Барчаспҳо:
таҳримот, шикоят, Русия, ИМА
Медицинские работники в отделении реанимации и интенсивной терапии в госпитале для больных COVID-19

Ҳолатҳои нави сироятёбӣ ба коронавирус дар Чин: мутахассисони СҶБ вориди Вуҳон шуданд

0
(Таҷдидшуда 15:33 16.01.2021)
Созмони ҷаҳонии беҳдошт ахиран омори нави гирифторон ба коронавирус дар ҷаҳонро эълон кард

ДУШАНБЕ, 16 январ – Sputnik. Тибқи иттилои Созмони ҷаҳонии беҳдошт то санаи 15 январ шумори сироятшудагон  ба 91 миллиону  816 ҳазору 091 нафар расид.

Тибқи иттилои манбаъ, ҷонбохтагон 1  миллиону 986 ҳазору 871 нафар расидаааст.

Дар ҳамин ҳол, шумори муолиашудагон ба беш аз 67 миллиону нафар расидааст.

Кумитаи ҳолатҳои фавқулоддаи Тоҷикистон хабар додааст, ки намояндагони Созмони ҷаҳонии беҳдошт барои муайян кардани ҷойю макони аввали зуҳури вируси корона ба Вуҳони Чин ворид шуданд.

Тибқи иттилои расида ин коршиносон дар ҳайати 14 нафар ба Чин рафтанд, гуфтушуниди дурудароз билохира самар дод ва Чин 14 январи соли равон ба коршиносону мутахассисони байналмилалӣ иҷозаи вуруд дод.

Дар ин ҳайат вирусшиносон аз Амрико, Австралия, Олмон, Ҷопон, Британияи Кабир, Русия, Нидерландия, Қатар ва Ветнам шомиланд.

Ҳамзамон манбаъ иттилоъ додааст, ки дар Чин бори аввал аз моҳи марти соли гузашта то ба имрӯз шумори зиёди гирифторони нав ба коронавирус ба қайд гирифта шуд. Мақомот гуфтанд, ки шабонарӯзи гузашта 144 нафар чун мубталои нав сабт шуд (моҳи марти соли гузашта 202 нафар буд).  Дар қиёс ба мамолики дигар ин омор чандон зиёд ҳам нест, вале ҳукуматдорони Чин онро чун як бонги изтироб қабул мекунанд.

0
Барчаспҳо:
омор, вируси корона, ҷаҳон, вирус, Чин