Народный поэт Аскар Хаким

"Сахт зид буданд": Аскар Ҳаким гуфт, чигуна роҳи Раъноро аз Суғд то Душанбе боз кард

3957
(Таҷдидшуда 20:22 21.12.2020)
Аскар Ҳаким, шоири мардумии Тоҷикистон, ки дар озмуни "Фурӯғи субҳи доноӣ китоб аст" доварӣ мекард, гуфт, барандаи шоҳҷоизаи озмун то пирӯзӣ ба кадом мушкилиҳо рӯбарӯ гардид

ДУШАНБЕ, 21 дек — Sputnik. Чанд рӯз пеш дар Тоҷикистон озмуни сартосарии "Фурӯғи субҳи доноӣ китоб аст"-ро ҷамъбаст карданд. Ин озмун ҳамакнун соли дувум аст, ки дар кишвар бо пешниҳоди раисҷумҳури Тоҷикистон, Эмомалӣ Раҳмон баргузор карда мешавад. 

Имсол "Фурӯғи субҳи доноӣ" дар панҷ номинатсия ҷамъбаст гардида, дар давраи ниҳоӣ - ҷумҳуриявӣ барандагони ҷойҳои 1, 2 ва 3 муаррифӣ шуда, ҷоиза гирифтанд. "Шоҳҷоиза"-и озмун насиби Раъно Насриддинова, хонандаи синфи 11-уми мактаби миёна аз шаҳри Панҷакент гардид. 

Sputnik Тоҷикистон дар пайи ҷамъбасти ин озмуни бузург бо узви ҳакамони он, Аскар Ҳаким, шоири мардумии Тоҷикистон, барандаи ҷоизаи ба номи Абӯабдуллоҳ Рӯдакӣ ва собиқ раиси Иттифоқи нависандагони Тоҷикистон, дар бораи таассурот, барандаи шоҳҷоиза ва камбудиҳои озмун суҳбат карда, бархе пешниҳодҳояшро баён дошт.

Озмун то рафт комилтар мешавад

Аскар Ҳаким мегӯяд, инак соли дувум аст, ки "Фурӯғи субҳи доноӣ"-ро доварӣ мекунад ва бартариҳои зиёдеро дар озмуни имсола шоҳид шуд. Вай қайд мекунад, пеш аз ҳама озмун имсол мукаммал гардид - довталабонро аз рӯи синну сол ба гурӯҳҳо тақсим карданд ва дастуре омода шуд, ки иштирокчиён бояд онро ба инобат мегирфтанд ва як номинатсияи дигар - шоирони ҷавон ворид карда шуд. 

Тавре шоири мардумии Тоҷикистон меафзояд, бар ҳамаи ин нигоҳ накарда, имсол низ пешниҳодҳои комилтар намудани "Фурӯғи субҳи доноӣ" чи аз ҷониби ҳакамон ва чи аз ҷониби корбарони шабакаҳои иҷтимоӣ зиёд буданд.

Раҳмонзода рӯзи баргузории даври ниҳоии озмуни "Фурӯғи субҳи доноӣ..." - ро муайян кард

"Масалан, ҳоло ҳам зарур аст, ки хонандагони мактабҳои таҳсилоти ҳамагонӣ ақалан ба ду гурӯҳ ҷудо карда шаванд: – то синфи 8 ва аз синфи 8 то 11. Дар ин ҳолат қазоват ва доварӣ низ одилонатар хоҳад шуд, зеро дар хондану аз бар кардан, синну сол аҳамияти калон дорад", - таъкид мекунад шоири тоҷик.

Дар мавриди пешниҳодҳое, ки дар шабакаҳои иҷтимоӣ ироа гардиданд, аз ҷумла дар бораи иштироки довталабон аз Эрону Афғонистон, Аскар Ҳаким мегӯяд, "ғайриимкон аст".

"Ин кор - кори мушкил аст, зеро онҳо аз давлати дигар ҳастанд; як олам мушкилоти худашро дорад, ҳарфро гуфтанаш осон, вале иҷро карданаш, мушкил аст. Афзун бар ин,  барномаи таълими мо дигар ва аз онҳо дигар аст. Ин кор иҷронашаванда аст", - тавзеҳ медиҳад довари озмун.

Ду маротиба ба ҷонибдории Раъно Насриддинова хеста, сухан кардам

Ба гуфтаи шоири тоҷик, роҳи Раъно Насриддинова, то гирифтани ҷоизаи баландтарини китобхонӣ, чуноне ки дар як назари аввал менамояд, ҳамвор набуд: бархеҳо барои роҳ ёфтани вай ба давраи ҷумҳуриявӣ сахт зиддият нишон доданд.

Аммо, меафзояд Аскар Ҳаким, ӯ истеъдод ва дониши Насриддиноваро ба назар гирифта, сахт пофишорӣ кард, ки духтарак ҷоизаи махсусро гирад.

"Дар ҷамъбасти давраи вилоятии озмун, аз ҷониби раиси вилояти Суғд ба ғолиби озмун, ҷоизаи махсус ҷудо карда шуда буд ва барои ба кӣ додани ин ҷоиза дар байни ҳакамон мубоҳисаи дурудароз авҷ гирифт. Он ҷо  се нафар даъвогар буданд ва дар охир ду нафар даст кашиданд ва Раъно Насриддинова танҳо монд. Аъзои ҳакамон ба Насриддинова саволҳои худро пешниҳод карданд ва ӯ посух ҳам дод, аммо мутаассифона, бархе аз аъзои ҳакамон сахт зиддият нишон медоданд, ки ҷоизаи махсус ба Раъно Насриддинова дода шавад", - нақл мекунад Аскар Ҳаким.

Вай меафзояд, "ду маротиба ба ҷонибдории Раъно хеста ҳарф задам ва дар охир, вақте дидам, ки ба як хулоса омадан мушкил аст, ман чанд далел овардам ва гуфтам, ки аввалан Раъно Насриддинова бисёр соҳибистеъод аст ва баробари соҳибистеъдодӣ хело заҳмат кашидааст".

Кӣ донотар: оғози даври шаҳрии озмуни "Фурӯғи субҳи доноӣ китоб аст" дар Душанбе

"Дар як деҳаи дурдаст омӯхтани забони инглисӣ, русӣ ва тоҷикӣ ва бо ин се забон шеър навиштан ва ҳатто китобча ҳам чоп карда буд ва дар он китобаш ба шеърҳои тоҷикиаш Фарзона, шоири халқии Тоҷикистон баҳои баланд дода буд, шеърҳои русиаш Темур Зулфиқоров, шоир ва нависандаи забардасти забони русӣ баҳои хуб дода буд, ҳамин кофӣ буд, ки вай аз дигарон чанд сару гардан боло шинохта шавад", - мегӯяд шоири мардумӣ.

Ман дар охир маҷбур шудам, то ба раиси маҷлис муроҷиат кунам, ки ман аз шумо хоҳиш ва талаб дорам, ки ин пешниҳоди маро новобаста аз он ки баъзе аъзои ҳакамон зиддият нишон медиҳанд, овоз дода шавад. Ва ҳар касе, ки зид бошад овоз диҳад. Ва ниҳоят раиси маҷлис ин корро ба ҷо овард ва Раъно танҳо бо зиддияти як нафар барандаи ҷоизаи махсуси раиси вилояти Суғд шуд, таъкид мекунад Аскар Ҳаким.

Донишҷӯён хунукназарӣ карданд?

Абдуҷаббор Раҳмонзода, ёвари раисҷумҳури Тоҷикистон дар масоили фарҳангӣ эрод гирифт, ки дар озмун теъдоди ками донишҷӯён иштирок карданд. Шоири тоҷик мегӯяд, дар ҳақиқат донишҷӯён кам буданд ва ӯ сабабашро дарк кард.

Президент Республики Таджикистан Эмомали Рахмон
Исполнительный орган государственной власти Согдийской области

"Шояд сабабаш дар он аст, ки донишҷӯён барномаи мукаммали худро доранд, ки дар давоми сол онро бояд аз худ кунанд ва тайёр шудан низ ба озмун вақти зиёд мехоҳад. Ман фикр мекунам ки донишҷӯ агар ба ин машғул шавад, барномаи донишгоҳро иҷро карданаш имкон надорад", - қайд мекунад ва изҳори умедворӣ мекунад, ки новобаста аз ин умед дорад, ки соли оянда донишҷӯён низ шомили озмун мешаванд.

"На ҳама розӣ": Аскар Ҳаким мегӯяд, озмуни китобхонӣ мағлуб надорад

Новобаста аз он, ки ғолибони "Фурӯғ" аз озмун изҳори хушнудӣ мекарданд, нафароне ҳам пайдо шуданд, ки онро ноодилона гуфтанд. Аскар Ҳаким мегӯяд, ин норозигиҳо - табиистанд.

"Ин табиати одамист. Ҳиҷ вақт аз ин гуна озмунҳо ҳама розӣ нахоҳад шуд, махсусан дар давраи ҷумҳуриявӣ. Ман дар ҳамон номинатсияе, ки баҳогузорӣ кардам, ман сад дар сад ба одилона гузаштани баҳогузории аъзои ҳакамон кафил ҳастам ва ҳеҷ кас аз будаш зиёдтар ва ё камтар ба иштирокчиён баҳогузорӣ накардааст", - таъкид мекунад Аскар Ҳаким.

Ба гуфтаи шоири мардумии Тоҷикистон, дар ин озмун мағлубе нест.

Ин “план”- и пахта нест: Чанд андешаи Ҳафиз Раҳмон оид ба озмуни “Фурӯғ”

"Оё китоб мехонад ва дониш пайдо мекунад, завқи зебошиносияшро, адабиётшиносиашро сайқал медиҳанду мағлуб мешаванд?!", - саволгузорӣ мекунад вай.

Дар ин озмун ҳамаи иштирокдорон, аллакай ғолибанд, қайд мекунад довари "Фурӯғи субҳи доноӣ" Аскар Ҳаким.

3957
Руководитель Школы востоковедения факультета мировой экономики и мировой политики Национального исследовательского университета Высшая школа экономики (НИУ ВШЭ) Алексей Маслов

Коршиноси рус сабаби беқурбшавии рекордии пулро дар Тоҷикистон гуфт

221
(Таҷдидшуда 20:27 16.01.2021)
Коршиноси рус, иҷрокунандаи вазифаи мудири Институти Шарқи дури Академияи илмҳои Русия Алексей Маслов дар бораи роҳҳои пешгирии таваррум гуфт

ДУШАНБЕ, 16 январ - Sputnik. Дар Тоҷикистон дар соли 2020 беқурбшавии пули миллӣ ба ҳадди ниҳоияш расид.

Бино бар иттилои Агентии омори назди раисҷумҳури Тоҷикистон, нишондод бар хилофи пешбиниҳо, ба 9,4 дар сад расид.

Пештар коршиносон гуфта буданд, ки сатҳи таваррум дар ҷумҳурӣ аз 7 дар сад боло нахоҳад рафт.

Дар давоми сол дар кишвар арзиши хӯрокворӣ ба маротиб гарон шуд. Афзун бар ин, на танҳо маҳсулоти воридотӣ, балки ватанӣ низ қимат гашт. 

Алексей Маслов, коршиноси рус, иҷрокунандаи вазифаи Институти Шарқи дури Академияи илмҳои Русия гуфт, ки кодом чораҷӯӣ метавонад беқурбшавии пулро дар Тоҷикистон боздорад.

Ҳамчунин коршинос тавзеҳ дод, ки чӣ боиси баланд рафтани он гардид.

"Якумаш, ин аз қатъ гаштани бисёре аз равандҳои берунии иқтисодӣ, пеш аз ҳама равандҳои содиротиву воридотӣ, аз ҷумла, қатъи интиқоли маҳсулот ба Тоҷикистон аз хориҷ вобаста аст. Дар натиҷа, ин ҳам ба  камшавии содирот ба Русия ва Чин ва кам шудани гирифтани мол аз Чин оварда расонид", - гуфт Маслов дар сӯҳбат бо Sputnik Тоҷикистон.

Ин равандҳо ба иқтисоди дохилӣ таъсири назаррас доранд. Бештари амволи тоҷикӣ, ба гуфтаи коршинос, бо далели баста будани марзҳо ба бозори беруна намебароянд. Барқароршавии ин равандро на зудтар аз мобайнҳои сол ва ё охири соли равон бояд интизор шуд, таъкид кард Маслов.

Бонки миллӣ гуфт дар беқурбшавии сомонӣ ва болоравии арзиши доллар кӣ гунаҳгор аст

Коршинос мегӯяд, ки аз ҳама роҳи самарабахши пешгирии беқурбшавӣ, ин рушди бозори дохила мебошад.

"Ин пеш аз ҳамаҳавасмандкунии рушди тиҷорати хурду миёна, ба таври максималӣ коҳиш додани андоз, озод кардани истеҳсолкунандагони хурд аз ҳама намуди андоз ва ғайра мебошад", - қайд кард вай.

Ин амал ба афзоиши маҳсулоти дохила, маҳз ба ҳамон, ки боиси инфлятсия гардидааст, оварда мерасонад.

"Ин гречка, равғани маска, маҳсулоти нонӣ ва ғайраҳо аст, ки бояд истеҳсоли онро афзоиш дод", - афзуд коршинос. 

221
Cудно работает на шельфе Балтийского моря на газопроводе Nord Stream 2, архивное фото

ИМА боз "Маҷрои Шимолӣ - 2" - ро "сахт" гирифт

180
Расонаҳо менависанд, ки ширкати даниягии Ramboll, ки дар сохтмони "Маҷрои Шимолӣ - 2" ширкат мекунад, аз таҳримҳои Вашингтон дар ҳарос шудааст.

ДУШАНБЕ, 15 янв — Sputnik, Наталя Дембинская. Дар воқеъ, аз 1 январ Иёлоти Муттаҳида чораҳоро зидди он давлатҳое, ки бо лоиҳа алоқаманданд, пурзӯр кардааст.

Аммо, сохтмон идома дорад. Дар Урупо ҳавасҳо дубора ба ин ҷӯш мезананд: дар ҳоле, ки олмониҳо барои ҳимоят аз таҳримот як сандуқ омода мекунанд, бритониёиён мехоҳанд аз амрикоиҳо пайравӣ кунанд ва шведҳо аз сар задани "ҷанги газӣ" метарсанд. Дар ниҳоят бо лоиҳа чӣ мешуда бошад?

Қисми заминии "Маҷрои Шимолӣ - 2" бомуваффақият анҷом ёфт. Ҳоло қубурҳо дар обҳои Олмон, сипас дар Дания гузошта мешаванд. Лоиҳа ба ниҳоят расида истодааст. Аммо Вашингтон инро эътироф карданӣ нест. Қонуни нав дар бораи дифои буҷа, ки аз 1 январ амал мекунад, таҳримҳои иловагӣ алайҳи лӯлаи гази Русияро дар бар мегирад.

Аз ҷумла, сухан дар бораи ташкилотҳое меравад, ки хидматҳои санҷишӣ ё сертификатсияро пешниҳод мекунанд. Ширкати норвегии DNV GL аллакай эълом дошт, ки тамоми фаъолиятҳои санҷиши лӯлаи газро қатъ мекунад ва наметавонад онро тасдиқ кунад.

Чуноне раҳбари ҷумҳурихоҳон Митч Макконелл қаблан гуфт, қонуни дифоъи буҷа барои амнияти миллӣ муҳим аст ва "ҷилавгирӣ аз абарқудратҳои рақиб мисли Чин ва Русия" қабул шудааст. Ин санад бартарии ИМА-ро "дар баҳр, хушкӣ, ҳаво, фазои киберӣ ва кайҳон" мустаҳкам мекунад.

"Газпром" бояд тақрибан 150 километри дигар лӯла кашад: 120 дар Дания ва дар Олмон каме бештар аз 30 қубур. Лӯлаи газ 94% омода шудааст.

Сарфи назар аз кӯшишҳои Вашингтон барои пешгирӣ аз анҷоми лоиҳа, ки аз ҷониби панҷ ширкати бузурги энергетикии Урупо маблағгузорӣ мешавад, кор дар обҳои ҳудуди Олмон пас аз танаффуси яксола рӯзи 11 январ аз сар гирифта шуд. Аз 15 январ дар соҳили Дания низ қубурҳо гузошта мешаванд.

Ба қубургузори "Фортуна" аз ҷониби Мурман ва Пажӯҳишгари Балтикаи Хадамоти наҷоти баҳрии Русия ва инчунин дигар киштиҳои ёрирасон кумак расонида мешавад. Дар баҳр дар ду тарафи хатти қубуркашӣ минтақаи холигии муваққатӣ, ки паҳноияш 200 метр аст, сохта мешавад.

Тавре директори кулли "Газпром" Елена Бурмистрова қаблан гуфта буд, мӯҳлати ба анҷом расонидани сохтмон аз як қатор ҳолатҳо, алахусус обу ҳаво вобаста аст.

Механизми дифоъ

Дар ҳамин ҳол, дар ИМА боз ба ширкатҳои урупоӣ, ба гуфтаи Вашингтон дар сохтмони "Маҷрои Шиомлӣ - 2" ба Русия кумак мекунанд, таҳдид менамоянд.

"Мо мекӯшем, онҳоро дар бораи хатар огоҳ кунем ва онҳоро даъват кунем, ки пеш аз дер шудан аз ҳамкорӣ даст кашанд",- гуфт як манбаъ дар Департаменти давлатӣ аз қавли Reuters. Ба гуфти хабаргузорӣ дар рӯзҳои наздик, Кохи Сафед рӯйхати созмонҳои носазоро нашр хоҳад кард.

Вазорати корҳои хориҷии Русия таъкид мекунад, ки Маскав сарфи назар аз фишорҳои Вашингтон ба шарикони ғарбии Русия, ба муваффақияти "Маҷрои Шимолӣ - 2" шубҳа надорад.

Дар Олмон "Маҷрои Шимолӣ -2" -ро лоиҳаи иқтисодӣ мешуморанд ва таҳримҳои ИМА-ро қабул намекунанд. Дар ин бора бори дигар муовини намояндаи расмии Девони Вазирони Олмон Улрике Деммер ёдоварӣ кард. Гузашта аз ин, дар аввали моҳи январ парлумони иёлати федеролии Мекленбург-Верпоммерн бо аксарияти овозҳо ташаббуси ҳукумати минтақаро дар бораи ташкили фонди экологии "Иқлим ва ҳифзи муҳити зист" дастгирӣ кард.

Ин фондро барои канорагирӣ аз таҳримҳои ИМА ташкил кардаанд. Ташкилот метавонад таҷҳизоти барои сохтмон заруриро харидорӣ кунад. Ва пеш аз ҳама, лӯлаи газро барои муҳити атроф безарар эътироф мекунад. Бино ба гузориши хабаргузории Bild, ин имкон медиҳад, ки "Маҷрои Шимолӣ -2" ҳамчун "унсури асосии ҳифзи муҳити зист" қабул карда шавад.

Иқтисоддон гуфт, дар робита ба "Маҷрои шимолӣ 2" аз Байден бояд чиро интизор шуд

Ин бунёд ният дорад як корхонаеро сабти ном кунад, ки танҳо бо "Маҷрои Шимолӣ -2" сарукор дорад. Ширкатҳое, ки ба онҳо таҳримҳо таҳдид мекунанд, бо ҷониби Русия тавассути василаҳои иқтисодии пешниҳодкардаи ин корхона ҳамкорӣ хоҳанд кард.

Вақтро аз даст медиҳад

Оё олмониҳо вақт доранд, ки худро аз таҳримҳо муҳофизат кунанд? Нозирон тақсим шуданд. Аз як сӯ, ин фонд сармоягузорӣ ва салоҳиятҳоро ба даст овард, ки талошҳои Вашингтонро беэътибор мекунад, мегӯяд директори ТМТ Даниил Ростовцев.

"Бо вуҷуди ин, ташаббус бо ин фонд боиси норозигии ҷомеа, бахусус "сабзҳо" шудааст. Муҳити зист дар ин тарҳ саҳм гузоштанро ба як лоиҳае, ки ба ақидаи онҳо, "тамоман" сабз нест, балки барои муҳити зист хатарнок аст, ғайримуқаррарӣ мешуморад", - мегӯяд таҳлилгар. Ҳоло ҳама чиз аз он вобаста аст, ки оё ҷонибдорони МШ-2 метавонанд бо мардум ба мувофиқа расанд.

Ҳамзамон, коршиноси мустақили саноатӣ Леонид Хазанов итминон медиҳад, ки Берлин ба ҳеҷ ваҷҳ ба Вашингтон гузашт намекунад: Олмон ба сӯзишвории кабуди Русия ниёз дорад, ки аз сӯзишвории Амрико арзонтар аст. Ва боз ҳам бештар ҳифзи муносибатҳои иқтисодӣ бо Русия зарур аст: ин бозор барои ширкатҳои олмонӣ стратегӣ аст.

"Албатта, ин бунёд таҳти таҳримот қарор хоҳад гирифт, аммо онҳо асаре нахоҳанд дошт. Ва бар хилофи пудратчиёни онҳо бояд лоиҳаи қонуни наверо омода кунанд, онро тавассути Конгресс қабул намоянд ва имзои президентро интизор шаванд. Ин метавонад то шаш моҳ тӯл кашад, ки дар ин муддат Маҷрои Шимолӣ - 2" ба анҷом хоҳад расид" , - мегӯяд коршинос.

Бо вуҷуди ин, ӯ мушкилотро дар марҳилаи ба истифодадиҳӣ истисно намекунад - танҳо ба сабаби таҳримоте, ки ба дифоъи буҷаи ИМА ворид карда мешаванд.

Тарс ва нафрат

Бритониёиҳо мехоҳанд ба амрикоиҳо пайравӣ кунанд. Ба гуфтаи вакили бритониёӣ Даниэл Кочинский, лӯлаи гази Русия "бениҳоят хатарнок" аст, зеро он на тавассути шабакаҳои газ ва нафт, ки дар қаламрави кишварҳои НАТО ҷойгиранд балки "мустақиман ба Русия" мегузарад. Ба гуфти ӯ, Бритониёро акнун узвият дар Иттиҳоди Урупо маҳдуд намекунад ва аз ин рӯ "мо бояд дӯстони амрикоиро пайравӣ кунем ва алайҳи ҳар як ширкате, ки дар сохтмони МШ -2 даст дорад, таҳримот ҷорӣ кунем.

Дар ҳамин ҳол, дар Шветсия метарсанд, ки раёсати Ҷо Байден "ҷанги газӣ" -ро дар наздикии ин кишвар бар сари лӯла оғоз мекунад. Тавре ки Свенска Дагбладет қайд кард, демократии амрикоӣ нисбат ба Доналд Трамп "рақиби ҳатто сахттари ӯ" аст. Ва барои Скандинавия ин масъала аллакай ҳалли худро ёфтааст: ҳукумат гузоштани қубурҳоро тавассути минтақаи иқтисодии Шветсия тасдиқ кард.

Сиёсати энержии Байден, ба истилоҳ, роҳи сабз, ҷанбаи манфии раёсати ӯ дониста мешавад. Демократҳо нақша доранд, ки то соли 2035 барои гузаштан ба энергияи тоза ду триллион доллар сарф кунанд. Ва то соли 2050 - партовҳоро ба сифр баробар намоянд. Аммо, ин ҳам ба нафъи  Русия бозӣ мекунад: "Маҷрои Шимолӣ - 2" метавонад на танҳо гази табиӣ, балки гидрогенро низ интиқол диҳад. Дар Урупо талабот ба сӯзишвории гидрогенӣ эҳтимолан хеле зиёд аст.

Насби қубурҳои "Маҷрои шимолӣ - 2" наздик омадаст

Худи ИМА ба имконпазирии ҳамаи он чизе, ки Кохи Сафед ба "Маҷрои Шимолӣ - 2" ваъда додааст, шубҳа дорад. Тавре ки сенатори собиқ аз Вирҷиния Ричард Блэк итминон медиҳад, Байден хостори он аст, ки бо Маскав оромона гуфтушунид кунад. Ва дар навбати худ, вай кӯшиш хоҳад кард, ки барои Вашингтон баъзе фоидаҳо ба даст орад.

180
Барчаспҳо:
таҳримот, шикоят, Русия, ИМА
Ёдгор Файзов, председатель ГБАО

Қонунро иҷро намекунанд: интиқоди Ёдгор Файзов аз бархе роҳбарону раисони ноҳияҳои ВМКБ

0
(Таҷдидшуда 16:41 21.01.2021)
Раиси ВМКБ аз шикояти зиёд шаҳрвандон дар бораи нақзи Қонуни Тоҷикистон “Дар бораи муроҷиатҳои шахсони воқеӣ ва ҳуқуқӣ” ва Дастурамали коргузорӣ бо муроҷиатҳои шаҳрвандон аз ҷониби бархе роҳбарони идораву муассисаҳо ва раисони ноҳияҳои вилоят таъкид кард

ДУШАНБЕ, 21 янв— Sputnik. Ёдгор Файзов, раиси ВМКБ дар машварати ​васеи назди раиси вилоят  супориш дод, ки масъалаи мазкур​ таҳти назорати ҷиддӣ қарор​ гирифта, Қонуни Тоҷикистон “Дар бораи муроҷиатҳои шахсони воқеӣ ва ҳуқуқӣ”-ро бо масъулияти баланд иҷро намоянд.

Бино бар иттилои дафтари матбуоти мақомоти Вилояти Мухтори Кӯҳистони Бадахшон  дар ин ҷаласа Ёдгор Файзов бо изҳори нигаронӣ аз иштироки ғайрифаъоли​ табақаҳои гуногуни​ вилоят дар озмунҳои ҷумҳуриявӣ ба хусус дар озмунҳои “Фурӯғи субҳи доноӣ китоб аст” ва​ “Тоҷикистон - Ватани азизи ман” гуфт, ки​ дар баробари толибилмони муассисаҳои таълимӣ бояд​ донишҷӯёни донишгоҳ, коллеҷи тиббӣ ва аъзои бахши бадахшонии Иттифоқи нависандагони Тоҷикистон низ дар чунин озмунҳо иштирок намуда, маҳорати​ баланди донишандӯзӣ нишон диҳанд.​

​Гуфта шудааст, ки дар ҷаласаи мазкур ҳамчунин масъалаи омодагӣ ба даъвати баҳории ҷавонписарон ба сафи Қувваҳои мусаллаҳ​ дар ҳудуди ВМКБ​ зимни машварати васеъ​ мавриди таҳлил қарор дода шуда​, муовини комиссари ҳарбии вилоят Давлатбеки Абру​ дар ин бора маълумот пешниҳод намуд.

Қайд шудааст, ки давоми се соли охир​ даъвати ҷавонписарон ба сафи Қувваҳои мусаллаҳи кишвар дар ҳудуди вилоят дар муддати 1 рӯз иҷро гардида, ҷавонписарони ватандӯсту худогоҳи кишвар барои хизмати Ватан - ​ ихтиёрона ба хизмат  сафарбар гардиданд.​

Раиси ВМКБ​ Ёдгор Файзов роҳбарони шаҳру​ ноҳия ва комиссарони ҳарбиро даъват кард, ки барои​ ​ ​бо сифати баланд иҷро намудани нақшаи даъвати​ баҳорӣ ба сафи Кувваҳои мусаллаҳи мамлакат аз имрӯз омодагӣ дида,​ анъанаи​ иҷрои нақшаи даъват дар рӯзи аввалро идома диҳанд.

0
Барчаспҳо:
шаҳрванд, ноҳия, раис, интиқод, ВМКБ, Тоҷикистон