Пандемия ҳаёти муқаррарии тамоми сокинони рӯи заминро тағйир дод. Ба ҷои сайругашт дар кӯчаҳо, шинакҳо бо дӯстон ва ба театру синамову ресторан рафтан, одамон бештар дар хона менишинанд.

Ruptly

Риши Баҳром дароз шуду ситора гашт: ҳамандоми Макгрегор дар кӯчаҳо - видео

Дар Теҳрон як артисти кӯчагӣ бо номи Муҳаммад мақсад гузошт, ки дар ин замони машкил ба мардум болидахотирӣ мебахшад.

Қариб ки ҳар рӯз ин мард худро рангу бор кардаву либоси қаҳрамони филми Ҷокерро, ки нақши қаҳрамони асосиро Хоакин Феникс бозидааст, ба бар карда, ба кӯча мебарояд.

Дар ҳамин ҳол, артист мардумро наметарсонад ва баръакс, кӯшиш мекунад, то онҳоро хандонидаву дар замони пандемия заррае барояшон хушбахтӣ бахшад.

Ҷокери эрониро аз гузориши аксии мо тамошо кунед.

ДУШАНБЕ, 22 янв — Sputnik. Ирек Файзуллин, вазири сохтмон ва хоҷагии манзили Русия иттилоъ дод, ки Ҳукумат ба ҷалби муҳоҷирон аз Тоҷикистон, Ӯзбекистон, Қазоқистон ва Туркия дар сохтмонҳо иҷозат дода, низоми вурудро тасвиб кард.

© Sputnik / Виталий Белоусов

Дастури Путин барои сода кардани ҷалби муҳоҷирон ба сохтмонҳо

Вазир дар мулоқот бо бахши соҳибкорӣ дар Палатаи савдо ва саноат тавзеҳ дод, ки тасмими вуруди муҳоҷирон барои кор дар сохтмонҳои Русия бо усули “идораи дастӣ” сурат хоҳад гирифт.

“Комиссия бо Тоҷикистон, Ӯзбекистон, Қазоқистон ва Туркия аллакай ташкил карда шуд. Мо ин равандро бо идораи дастӣ роҳандозӣ кардем”, - гуфт Файзуллин.

Ӯ таъкид кард, ки ширкатҳои бузурги сохтмонӣ ва мақомоти маҳаллӣ бояд дархост барои вуруди теъдоди муайяни муҳоҷиронро таҳия кунанд. Феълан раванди мувофиқакунӣ ҳудуди се ҳафтаро дар бар мегирад.  

Файзуллин инчунин илова намуд, ки баъди кушода шудани марзҳо низоми вуруди муҳоҷирони меҳнатии хориҷӣ бозбинӣ хоҳад шуд.

Ин тасмим дар ҳолест, ки қаблан Владимир Путин, раисиҷумҳури Русия, ба кабинаи вазирон дастур дод, ки ба масъалаи сода кардани ҷалби муҳоҷирони меҳнатӣ ба сохтмонҳо расидагӣ кунад.