Як шаб дар Вуҳан: маркази коронавирус ба ҳаёти муқаррарӣ баргашт

232
(Таҷдидшуда 16:25 18.12.2020)
Моҳи декабр соли 2019 маҳз дар шаҳри Вуҳани Чин бори нахуст вируси коронаро дар бадани инсон пайдо карданд

Мақомоти Чин дар ҳол аз бурузи бемории наве дар ин шаҳр эълон кард. Вирус, ки ба суръати тез паҳн мегардид, боиси баста шудани дарвозаҳои шаҳрӣ, карантин кардани сокинон ва баста шудани тамоми ҷойҳои ҷамъиятӣ гардид.

Симои Вуҳан пас аз як соли пандемия - акс

Як сол пеш буд, ки давлати Чин шиносоии нахустин бемори мубтало ба коронаро дар ин шаҳр расман таъйид ва шаҳри 11 миллионнафарии Вуҳанро 60 рӯзи баъд, ҳудуди 11 ҳафта ба таври комил карантин кард.

Акнун, бо гузашти як сол ин шаҳр ба макони боздиди сайёҳони хориҷиву дохилӣ гардидааст.

Оморҳо ҳокист, устони Ҳубей ҳам, ки шаҳри Вуҳан маркази он аст аз замони иҷрои сиёсати тарвиҷи гардишгарӣ аз нимаи тобистони имсол то кунун беш аз 53 миллион гардишгарро ҷазб кардааст.

Шаҳри Вуҳан- макони густариши вируси корона ба пурбоздидтарин шаҳри Чин табдил ёфт

232
  • © REUTERS / Aly Song

    Киштӣ дарёи Янтзиро пас аз як соли бурузи COVID-10 дар Вуҳан убур мекунад

  • © REUTERS / Aly Song

    Мизоҷи клуби шабона дар назди бино дар сари чамбараки мошин

  • © REUTERS / Aly Song

    Мизоҷони маркази дилхушии ҳабона дар Вуҳан дар машқгоҳи тирандозӣ мусобиқа мекунанд

  • © REUTERS / Aly Song

    Одамон шабона дар боғ рақс мекунанд, ҳамагӣ як сол пас аз бурузи коронавирус

  • © REUTERS / Aly Song

    Мизоҷони клуби шабона дар Вуҳан рақс мекунанд

  • © REUTERS / Aly Song

    Мизоҷони бар ба рӯи ҳамдигар маскаи ширинии зодрӯзиро мемоланд

  • © REUTERS / Aly Song

    Одамон шабона дар ресторани кӯчагӣ хӯрок тановул мекунанд

  • © REUTERS / Aly Song

    Мард бо дандон шишаи пиворо мекушояд. Яке аз ресторанҳои Вуҳан

  • © REUTERS / Aly Song

    Ин духтар, ки зодрӯавзшро дар яке аз ресторанҳои Вуҳан таҷлил мекунад, мегӯяд, пас аз ҳодисаҳои солҳои гузашта гӯё худро дубора таваллудшуда ҳис мекунад

  • © REUTERS / Aly Song

    Таҷлили зодрӯз дар яке аз ресторанҳои Вуҳан

  • © REUTERS / Aly Song

    Дар кӯчаҳо метавон хӯроки тезтайёр харид ва истеъмол кард

  • © REUTERS / Aly Song

    Одамон аз киштӣ бурун меоянд

  • © REUTERS / Aly Song

    Хушҳолии мардум дар яке аз ресторанҳои Вуҳан

Барчаспҳо:
вируси корона, Чин
Мавзуҳо:
Пайомадҳои COVID-19 дар Тоҷикистон ва ҷаҳон (921)

Даҳ зеботарин шаҳри хурди ҷаҳон аз нигоҳи Small Cities Index

292
(Таҷдидшуда 15:27 15.01.2021)
Small Cities Index, ки қаблан 10 шаҳри калонтарини дунёро нашр карда буд, ин бор 10 шаҳраки хурди зеборо низ пешниҳод кард

Ин нашри ҷадид 10 шаҳраки зебои хурди ҷаҳонро пешкаш мегардонад, ки дорои тамаддуну фарҳанг, таърих ва инфрасохтори қадимаву боарзиш мебошанд.

Гузоришгарон гуфтаанд, ки давоми соли 2020 бисёре аз сокинони шаҳрҳои калон дар бораи зиндагӣ дар ҷойҳои оромтаре фикр карданд, ки фазо барои ҳаракат кардан ва ҳавои тоза барои нафасгирӣ доранд.

Ба гуфтаи онҳо дар нашри нав, шаҳрҳои бо ҳам алоқамандро интихоб кардаанд, ки имкониятҳои калони тиҷоратӣ, фарҳанги истиқболӣ ва дастрасӣ ба табиатро фароҳам меоранд.

Мо инчунин бо шаҳрвандоне вохӯрдем, ки аллакай дар ин ҷойҳо зиндагӣ ва обод карда истодаанд, гуфтаанд таҳиягунандагони гузориш. 

Яке аз ҷанбаҳои зиндагии шаҳрҳои хурд, ки мо мехоҳем онро таъкид кунем, ин аст, ки ҷойгоҳ вақте беҳтарин кор мекунад, ки пешвоёни шаҳрвандии он бо мардумаш сахт алоқаманд бошанд.

Ба навиштаи онҳо зиндагӣ дар шаҳрҳои хурдтар осонтар аз шаҳрҳои бузург аст, зеро шаҳрдорон бо мардум ҳамеша дар ҳамбастагиянд ва тағйироту расидагӣ ба мушкилиҳо тез ба амал меояд.

292
  • © Sputnik / Vitaliy Belousov

    Порто-шаҳрест дар соҳили шимолу ғарби Португалия, ки дорои пулҳои бошукӯҳ ва заводҳои винои бандарӣ мебошад.
    Ноҳияи асримиёнагии Рибейра (аз португалӣ тарҷумаи "соҳили дарё") бо кӯчаҳои сангфарши худ бо қаҳвахонаҳо ва хонаҳои тоҷирон машҳур аст.

  • © CC BY-SA 3.0 / Mauro Mazzio

    Болтсано шаҳрест дар музофоти Тироли Ҷанубӣ дар шимоли Италия. Он дар пойгоҳи Доломитҳо, дар водии зебоманзар дар байни токзорҳои кӯҳӣ ҷойгир аст.

  • Итошима шаҳрест дар Ҷопон, ки дар префектураи Фукуока ҷойгир аст.

  • Лютсерн- як шаҳраки хурди Швейтсария дар соҳили кӯли ҳамном бо иҳотаи кӯҳҳои барфпӯш ҷойгир аст. Он бо ёдгориҳои хуби меъмории асрҳои миёна шинохта шудааст.
    Алтстадти рангин (Шаҳри кӯҳна) дар шимол бо девори қалъаи Муссегг, ки дар асри 14 бунёд ёфтааст, дарозиаш 870 метр аст.

  • © Foto Pixabay/Nextvoyage

    Берген-дуввумин шаҳри бузурги Норвегия, пойтахти Хордаланд ва калонтарин шаҳри Норвегияи Ғарбӣ мебошад. Он дар ғарби кишвар, соҳили баҳри Шимолӣ дар минтақаи Мидторланд ҷойгир аст. Соҳили асримиёнагии Берген яке аз ҷойҳои мероси ҷаҳонии ЮНЕСКО мебошад. Дар соли 2000, Берген пойтахти фарҳангии Аврупо эълон шуда буд.

  • © Depositphotos / A1804

    Олборг- шаҳрест дар Дания, дар маркази Ютландияи Шимолӣ. Шумораи аҳолияш 104,885 нафар. Мавқеи ҷуғрофии он дар Лимфёрд шаҳрро дар бандари муҳим дар асрҳои миёна ва баъдтар ба маркази саноатӣ табдил дод.

  • © Sputnik / Alexey Vitvitsky

    Базел-шаҳрест дар соҳили дарёи Рейн, дар шимолу ғарби Швейтсария, дар наздикии марз бо Фаронса ва Олмон.
    Дили шаҳри қадимаи асримиёнагӣ майдони бозор аст, ки дар болои он толори шаҳраки санги сурхи асри 16 баланд мешавад.

  • Виктория-шаҳрест дар ғарби дури Канада, маркази вилояти Колумбияи Бритониё. Дар канори ҷанубу шарқии ҷазираи Ванкувер ҷойгир аст.

  • Лёвен, дар адабиёти русизабон бо номи фаронсавии Лувен низ паҳн шудааст, ки яке аз марказҳои донишгоҳии Белгия, шаҳри асосии музофоти Фламандияи Брабант мебошад.

Аксҳои даҳшатовар: харобкориҳои заминларза дар Индонезия

141
(Таҷдидшуда 13:53 15.01.2021)
Дар Индонезия заминларзаи шадиде ба вуқӯъ пайваст, ки дар паи он беш аз 30 кас ҳалок шуд. Харобкориҳои заминҷунбиро аз гузориши аксии Sputnik Тоҷикистон бубинед

Маркази заминларза дар наздикии шаҳри Мамудзу дар ҷазираи Сулавеси ҷойгир буд.

Тибқи иттилои Агентии рафъи офатҳои табиӣ, қувваи офати табиӣ ба 6,2 расида, пас аз он беш аз 25 заминларза ва ярч ба қайд гирифта шудааст.

Заминларза чунон шадид буд, ки тақрибан 60 бино, аз ҷумла беморхонаҳоро хароб кард.

Ожонсии ҳавошиносӣ ҳушдор дод, ки заминларзаҳои нав метавонад боиси сунамӣ шаванд.

Теъдоди дақиқи кушташудагон ва маҷрӯҳон ҳанӯз ҳисоб карда мешавад. Тибқи маълумоти охирин, ҳадди аққал 34 нафар қурбонии заминларза шуданд, 700 нафари дигар маҷрӯҳ гардиданд.

Сахт андуҳгин шудем: ҳамдардии Эмомалӣ Раҳмон бо Ҷоко Видодо

Бо фармони президенти Индонезия Ҷоко Видодо, вазири корҳои иҷтимоӣ Три Рисмахарини ба Сулавеси рафт.

Ин фоҷиаи дуюм дар таи даҳ рӯзи ахир дар Индонезия мебошад.

Рӯзи 9 январ дар Индонезия ҳавопаймои мусофирбари Боинг 737 замони парвоз аз Ҷакарта ба Понтианак суқут кард.

Дар дохили ҳавопаймои мусофирбари ширкати Sriwijaya Air, 65 мусофир аз ҷумла 12 ҳайъати сарнишин буданд, ки ҳама ҳалок шуданд.

141
  • © AP / Rudy Akdyaksyah

    Наҷотдиҳандагон ҷасади кушташудаҳоро ҷустуҷӯ доранд. Шаҳри Мамадҷуи Индонезия.

  • © REUTERS / Antara Foto/Akbar Tado

    Оқибатҳои заминларзаи шадид дар шаҳри Мамадҷуи Индонезия.

  • © REUTERS / Basarnas Sulbar

    Наҷотдиҳандагон ҷасади кушташудаҳоро ҷустуҷӯ доранд. Шаҳри Мамадҷуи Индонезия.

  • © AFP 2020 / Firdaus

    Наҷотдиҳандагон ҷасади кушташудаҳоро ҷустуҷӯ доранд. Шаҳри Мамадҷуи Индонезия.

  • © AFP 2020 / Firdaus

    Наҷотдиҳандагон ҷасади кушташудаҳоро аз таги харобаҳои бемористон дар шаҳри Мамадҷуи Индонезия ҷустуҷӯ доранд.

  • © REUTERS / Basarnas Sulbar

    Наҷотдиҳандагон ҷасади кушташудаҳоро аз таги харобаҳо дар шаҳри Мамадҷуи Индонезия ҷустуҷӯ доранд.

  • © AP / Sadly Ashari Said

    Наҷотдиҳандагон ҷасади кушташудаҳоро аз таги харобаҳо дар шаҳри Мамадҷуи Индонезия ҷустуҷӯ доранд.

  • © AP / Rudy Akdyaksyah

    Сокинон биноҳои харобшуда дар шаҳри Мамадҷу ва Сулавесии Индонезияро тамошо доранд.

  • © REUTERS / Antara Foto/Akbar Tado

    Сокинон биноҳои харобшуда дар шаҳри Сулавесии Индонезияро тамошо доранд.

  • © REUTERS / Antara Foto/Akbar Tado

    Сокинон биноҳои харобшуда дар шаҳри Сулавесии Индонезияро тамошо доранд.

Барчаспҳо:
оқибатҳо, оқибат, заминларза, Индонезия
Медицинские работники в отделении реанимации и интенсивной терапии в госпитале для больных COVID-19

Ҳафта бе COVID-19: Вазорат мегӯяд, дар ҷумҳурӣ ягон кас гирифтор нест

0
(Таҷдидшуда 19:18 17.01.2021)
Вазорати тандурустӣ ва ҳифзи иҷтимоии аҳолии Тоҷикистон мегӯяд, шабонарӯзи гузашта дар ҷумҳурӣ ягон ҳолати гирифторӣ ба коронавирус ба қайд гирифта нашудааст

ДУШАНБЕ, 17 янв — Sputnik. Тибқи иттилои Вазорати тандурустӣ ва ҳифзи иҷтимоии аҳолии Тоҷикистон, дар ҷумҳурӣ як ҳафтаи охир ягон ҳолати гирифторӣ ба бемории коронавирус сабт нашудааст. Расман бори охир дар Тоҷикистон рӯзи 10 январ ҳолатҳои гирифторӣ ба коронавирус сабт шуда буд, ки се ададро ташкил дод.

Дар маҷмуъ Вазорати тандурустии Тоҷикистон мегӯяд, аз охири апрели соли гузашта то ҳол дар ҷумҳурӣ 13 ҳазору 308 нафар гирифтори коронавирус шудааст.

Манбаъ таъкид кард, ки то ҳол 13 ҳазору 218 нафар шифо ёфта, аз беморхонаҳо мураххас шудаанд.  Инчунин 90 нафар бар асари ин беморӣ ҷон додаанд.

Бар асоси омори ироакардаи Вазорати тандурустӣ, айни ҳол дар ҷумҳурӣ ягон кас гирифтори COVID-19 нест.

Бо вуҷуд мақомоти тандурустии Тоҷикистон аз шаҳрвандон даъват доранд, ки дар ғафлат намонанд, қоидаҳои беҳдоштиро риоя намоянд.

0
Барчаспҳо:
вируси нав, беморӣ, Тоҷикистон