Туҳфаи солинавӣ: шербачаҳо ва палангҳои навзод дар боғи "Тайган" - гузориши аксӣ

186

17:44 10.01.2021(Таҷдидшуда 17:25 10.01.2021)

Сокинони боғи сафари "Тайган" -и Қрим дар арафаи Соли нав сюрприз пешкаш карданд - 28 декабр дар он ҷо се шербача таваллуд шуд

Дар боғи машҳури "Тайган" - и Қрим, ки дар наздикии Белогорск ҷойгир аст, дар арафаи Соли нав се шербача ба дунё омаданд.

Ҷанҷоли хирсу паланг ба навор афтод

Навзодҳо писар ва ду духтар мебошанд. Шербачаҳо хубро хуб эҳсос мекунанд, гуфт директори боғ Олег Зубков.

Қаблан дар соли 2020 дар боғ чор шербача, бачаи амур ва чор бачаи шери сафед таваллуд шуда буданд.

Парки сафари "Тайган" боғи хусусии шерҳо, бузургтарин коллексияи даррандаҳо дар Урупо мебошад. Дар минтақаи Белогорски Қрим ҷойгир аст. Дар боғ тақрибан 60 шер, аз ҷумла афроди нодири сафедпӯст озодона зиндагӣ мекунанд.

Дар ин ҷо беш аз 2 ҳазор ҳайвонот ва парандагони дигар низ маскун ҳастанд.

Боғ майдони 32 гектарро дар бар мегирад, тақрибан 20 гектараш барои шерон, боқимондааш боғи ҳайвоноти статсионарӣ ва боғи ҳайвоноти тамоси кӯдакон мебошад.

186

Барчаспҳо:

Қрим, паланг, шер

Даҳ зеботарин шаҳри хурди ҷаҳон аз нигоҳи Small Cities Index

259

14:35 15.01.2021(Таҷдидшуда 15:27 15.01.2021)

Small Cities Index, ки қаблан 10 шаҳри калонтарини дунёро нашр карда буд, ин бор 10 шаҳраки хурди зеборо низ пешниҳод кард

Ин нашри ҷадид 10 шаҳраки зебои хурди ҷаҳонро пешкаш мегардонад, ки дорои тамаддуну фарҳанг, таърих ва инфрасохтори қадимаву боарзиш мебошанд.

Аз Ялта то Сочи: афсонаҳои шаҳрҳои ошиқона дар ҷануби Русия

Гузоришгарон гуфтаанд, ки давоми соли 2020 бисёре аз сокинони шаҳрҳои калон дар бораи зиндагӣ дар ҷойҳои оромтаре фикр карданд, ки фазо барои ҳаракат кардан ва ҳавои тоза барои нафасгирӣ доранд.

Ба гуфтаи онҳо дар нашри нав, шаҳрҳои бо ҳам алоқамандро интихоб кардаанд, ки имкониятҳои калони тиҷоратӣ, фарҳанги истиқболӣ ва дастрасӣ ба табиатро фароҳам меоранд.

Мо инчунин бо шаҳрвандоне вохӯрдем, ки аллакай дар ин ҷойҳо зиндагӣ ва обод карда истодаанд, гуфтаанд таҳиягунандагони гузориш.

Яке аз ҷанбаҳои зиндагии шаҳрҳои хурд, ки мо мехоҳем онро таъкид кунем, ин аст, ки ҷойгоҳ вақте беҳтарин кор мекунад, ки пешвоёни шаҳрвандии он бо мардумаш сахт алоқаманд бошанд.

Ба навиштаи онҳо зиндагӣ дар шаҳрҳои хурдтар осонтар аз шаҳрҳои бузург аст, зеро шаҳрдорон бо мардум ҳамеша дар ҳамбастагиянд ва тағйироту расидагӣ ба мушкилиҳо тез ба амал меояд.

259

© Sputnik / Vitaliy Belousov
Порто-шаҳрест дар соҳили шимолу ғарби Португалия, ки дорои пулҳои бошукӯҳ ва заводҳои винои бандарӣ мебошад.
Ноҳияи асримиёнагии Рибейра (аз португалӣ тарҷумаи "соҳили дарё") бо кӯчаҳои сангфарши худ бо қаҳвахонаҳо ва хонаҳои тоҷирон машҳур аст.
© CC BY-SA 3.0 / Mauro Mazzio
Болтсано шаҳрест дар музофоти Тироли Ҷанубӣ дар шимоли Италия. Он дар пойгоҳи Доломитҳо, дар водии зебоманзар дар байни токзорҳои кӯҳӣ ҷойгир аст.
© CC BY-SA 3.0 / STA3816 / Sakurai Futamigaura, Itoshima, Fukuoka, Japan
Итошима шаҳрест дар Ҷопон, ки дар префектураи Фукуока ҷойгир аст.
© CC BY-SA 3.0 / David Lienhard / Lucerne Kappelbridge Long Exposure
Лютсерн- як шаҳраки хурди Швейтсария дар соҳили кӯли ҳамном бо иҳотаи кӯҳҳои барфпӯш ҷойгир аст. Он бо ёдгориҳои хуби меъмории асрҳои миёна шинохта шудааст.
Алтстадти рангин (Шаҳри кӯҳна) дар шимол бо девори қалъаи Муссегг, ки дар асри 14 бунёд ёфтааст, дарозиаш 870 метр аст.
© Foto Pixabay/Nextvoyage
Берген-дуввумин шаҳри бузурги Норвегия, пойтахти Хордаланд ва калонтарин шаҳри Норвегияи Ғарбӣ мебошад. Он дар ғарби кишвар, соҳили баҳри Шимолӣ дар минтақаи Мидторланд ҷойгир аст. Соҳили асримиёнагии Берген яке аз ҷойҳои мероси ҷаҳонии ЮНЕСКО мебошад. Дар соли 2000, Берген пойтахти фарҳангии Аврупо эълон шуда буд.
© Depositphotos / A1804
Олборг- шаҳрест дар Дания, дар маркази Ютландияи Шимолӣ. Шумораи аҳолияш 104,885 нафар. Мавқеи ҷуғрофии он дар Лимфёрд шаҳрро дар бандари муҳим дар асрҳои миёна ва баъдтар ба маркази саноатӣ табдил дод.
© Sputnik / Alexey Vitvitsky
Базел-шаҳрест дар соҳили дарёи Рейн, дар шимолу ғарби Швейтсария, дар наздикии марз бо Фаронса ва Олмон.
Дили шаҳри қадимаи асримиёнагӣ майдони бозор аст, ки дар болои он толори шаҳраки санги сурхи асри 16 баланд мешавад.
© CC BY 2.0 / Dronepicr / Legislative Assembly of British Columbia
Виктория-шаҳрест дар ғарби дури Канада, маркази вилояти Колумбияи Бритониё. Дар канори ҷанубу шарқии ҷазираи Ванкувер ҷойгир аст.
© Foto Public Domain/Wouterhagens
Лёвен, дар адабиёти русизабон бо номи фаронсавии Лувен низ паҳн шудааст, ки яке аз марказҳои донишгоҳии Белгия, шаҳри асосии музофоти Фламандияи Брабант мебошад.

Аксҳои даҳшатовар: харобкориҳои заминларза дар Индонезия

127

13:37 15.01.2021(Таҷдидшуда 13:53 15.01.2021)

Дар Индонезия заминларзаи шадиде ба вуқӯъ пайваст, ки дар паи он беш аз 30 кас ҳалок шуд. Харобкориҳои заминҷунбиро аз гузориши аксии Sputnik Тоҷикистон бубинед

Маркази заминларза дар наздикии шаҳри Мамудзу дар ҷазираи Сулавеси ҷойгир буд.

Тибқи иттилои Агентии рафъи офатҳои табиӣ, қувваи офати табиӣ ба 6,2 расида, пас аз он беш аз 25 заминларза ва ярч ба қайд гирифта шудааст.

AFP / LOUIS ANDERSON

Ҳамаи мусофирони ҳавопаймои суқуткарда дар Индонезия ба ҳалокат расиданд

Заминларза чунон шадид буд, ки тақрибан 60 бино, аз ҷумла беморхонаҳоро хароб кард.

Ожонсии ҳавошиносӣ ҳушдор дод, ки заминларзаҳои нав метавонад боиси сунамӣ шаванд.

Теъдоди дақиқи кушташудагон ва маҷрӯҳон ҳанӯз ҳисоб карда мешавад. Тибқи маълумоти охирин, ҳадди аққал 34 нафар қурбонии заминларза шуданд, 700 нафари дигар маҷрӯҳ гардиданд.

Сахт андуҳгин шудем: ҳамдардии Эмомалӣ Раҳмон бо Ҷоко Видодо

Бо фармони президенти Индонезия Ҷоко Видодо, вазири корҳои иҷтимоӣ Три Рисмахарини ба Сулавеси рафт.

Ин фоҷиаи дуюм дар таи даҳ рӯзи ахир дар Индонезия мебошад.

Рӯзи 9 январ дар Индонезия ҳавопаймои мусофирбари Боинг 737 замони парвоз аз Ҷакарта ба Понтианак суқут кард.

Дар дохили ҳавопаймои мусофирбари ширкати Sriwijaya Air, 65 мусофир аз ҷумла 12 ҳайъати сарнишин буданд, ки ҳама ҳалок шуданд.

127

© AFP 2020 / Firdaus
Наҷотдиҳандагон ҷасади кушташудаҳоро аз таги харобаҳои бемористон дар шаҳри Мамадҷуи Индонезия ҷустуҷӯ доранд.
© REUTERS / Basarnas Sulbar
Наҷотдиҳандагон ҷасади кушташудаҳоро аз таги харобаҳо дар шаҳри Мамадҷуи Индонезия ҷустуҷӯ доранд.
© AP / Sadly Ashari Said
Наҷотдиҳандагон ҷасади кушташудаҳоро аз таги харобаҳо дар шаҳри Мамадҷуи Индонезия ҷустуҷӯ доранд.

Барчаспҳо:

оқибатҳо, оқибат, заминларза, Индонезия

В московском Музее Востока открылась выставка В тени вершин

Ифтитоҳи намоишгоҳи саноати дастӣ ва маҳсулоти кишоварзии Афғонистон дар Душанбе

21:00 16.01.2021(Таҷдидшуда 20:10 16.01.2021)

Намоишгоҳи саноати дастӣ ва маҳсулоти кишоварзии Афғонистон дар шаҳри Душанбе баргузор шуд

ДУШАНБЕ, 16 янв — Sputnik. Маҳсулоти 27 ширкати афғонистонӣ ва корҳои дастии афғонҳои муқими Тоҷикистон дар 40 ғурфаи ин намоишгоҳ арза шудааст, иттилоъ додааст АМИТ “Ховар”.

Дар Афғонистон барои поси хотири Аҳмадшоҳи Масъуд намоиши аксҳо баргузор гардид

Ёде аз Аҳмадшоҳи Масъуд дар Панҷшер: намоиши аксҳо дар оромгоҳи ӯ

Бино бар иттилои манбаъ, ширкатҳои афғонистонӣ дар ин намоишгоҳ колоҳое монанди саноати дастӣ, фарши дастбоф, зарфҳои суфолӣ ва мисӣ, либосҳои суннатӣ ва маҳсулоти кишоварзиро дар маърази диди умум қарор додаанд.

Муҳаммадзоҳир Ағбар, сафири Афғонистон дар Душанбе дар маросими ифтитоҳи ин намоишгоҳ гуфт, ки дар ояндаи наздик низ намоишгоҳи сангҳои қимматӣ ва нимақиматии кишвараш дар пойтахти Тоҷикистон баргузор мешавад.

Вай таъкид кард, ки баргузории чунин намоишгоҳҳо мӯҷиби тақвияти ҳамкориҳои иқтисодӣ ва тиҷории Афғонистону Тоҷикистон хоҳад шуд.

Сафирон ва масъулони теъдоде аз кишварҳои хориҷии муқими Душанбе, намояндагони утоқи саноат ва бозаргонии Тоҷикистон ва фаъолони бахши хусусии ин кишвар аз намоишгоҳи саноати дастӣ ва маҳсулоти кишоварзии Афғонистон боздид карданд.

Барчаспҳо:

баргузор, саноат, Душанбе, намоишгоҳ, Афғонистон