Ҳамасола, рӯзи 15 феврал Ёдбуди сарбозон - интернатсионалистон баргузор мешавад. Маҳз дар ҳамин рӯз, дар соли 1098 сарбозони Шӯравӣ хоки Афғонистонро тарк карданд.

Дар он рӯз генерал-лейтенант Борис Всеволодович Громов аз бронетранспортер ҷаҳида, купрукро убур намуд, ки он ҳамчун рамзи убур аз дарёи сарҳадии Амударё ҳисобида мешуд.

Пресс-служба ЦВО РФ

Пойгоҳи 201 хотираи сарбозони кушташуда дар Афғонистонро гиромӣ дошт

Ин чорабинӣ барои Иттиҳоди Шӯравӣ хотима ёфтани ҷанги Афғонистонро, ки нӯҳ сол тӯл кашид ва ҷони беш аз 15 ҳазор нафар шаҳрвандони Шӯравиро гирифт, нишон дод.

Дар пойгоҳи низомии 201-уми Русия, ки дар Тоҷикистон мустақар аст, сарбозони интернатсионалист қадрдонӣ карда шуданд.

Ин чорабинӣ ба хотири сарбозони рус, ки дар хоки афғонистон ҷанг карда, қурбон шуданд, гузаронида шуд.

Нахуст дар машқгоҳи Лоҳур фармондеҳии 201-уми Русия ҳамроҳ бо хизматчиёни ҳарбии қисми иктишоф ба собиқадорони ҷанг усули тайёрии ҷангӣ нишон дод.

Аз ҷумла, дар шароити кӯҳӣ, низомиён маҳорати роҳбарӣ ба убур кардани нишебҳоро нишон доданд.

Сари як пиёла чой: низомиёни рус куҳансарбози 109-солаи тоҷикро хабар гирифтанд - навор

Пас аз баргузории чорабиниҳо дар майдони тамрин, собиқадорон аз осорхонаи ҳарбии Пойгоҳи 201 дидан намуданд. Нимаи дуюми рӯз, хизматчиёни ҳарбӣ маҷмааи ёдгории Қаҳрамонони пойгоҳи низомии 201-ро зиёрат карда, дар назди оташи ҷовидон гул гузоштанд.

Ба ёди қурбониёни Афғонистон як дақиқа сукут эълон шуд.

ДУШАНБЕ, 6 мар – Sputnik. Кумитаи рушди сайёҳӣ бо мақсади боз ҳам ободтар намудани ноҳияи Ванҷ бо иштироки соҳибкорони муваффақи ноҳияи Ванҷ мизи мудаввар доир гардид.

Дар ҷаласа Раиси Кумитаи рушди сайёҳӣ Тоҷиддин Ҷӯразода, муовини Раиси Маҷлиси намояндагони Маҷлиси Олии Ҷумҳурии Тоҷикистон Қодири Қосим, Раиси ноҳияи Ванҷ Ҷаббори Қосим, соҳибкорони муваффақ ва фаъоли ноҳияи Ванҷ, ки дар пойтахт ва дигар минтақаҳо мамлакат фаъолият доранд, иштирок намуданд.

сомонаи Вазорати маориф ва илми Тоҷикистон

Беш аз 4400 дона: туҳфаи Раҳмон ба Ванҷ расид

Раиси Кумитаи рушди сайёҳӣ ҳадафи гирд овардани соҳибкоронро, омодагӣ ба таҷлили 30-солагии Истиқлоли давлатии Ҷумҳурии Тоҷикистон рабт дод.

Зикр гардид, ки имрӯз бо дастгирии давлату ҳукумати кишвар соҳибкорони маҳаллӣ дар рушди инфрасохтори ноҳия саҳми муносиб доранд. Ҳамзамон дар минтақаҳои дурдасти ноҳия аҳолии маҳаллӣ ба рушди инфрасохтори иҷтимоӣ, аз ҷумла меҳмонхонаву ошхонаҳо, марказҳои хизматрасонӣ, иншооти варзишӣ, боғчаҳо, марказҳои фароғатӣ, сартарошхонаву кошонаи ҳусн, ҳаммом ва бунгоҳҳои тиббӣ бо ҳуҷраҳои хатнаи писарбачагон ниёзи бештар доранд.

Дар ҷаласа ҳамзамон муовини Раиси Маҷлиси намояндагон Қодири Қосим ва Раиси ноҳияи Ванҷ Ҷаббори Қосим сухан карда, аз соҳибкорон даъват ба амал оварданд, ки бо дарназардошти имконият ва ҷалби бештари соҳибкорони муваффақ ва сокинони саховатпешаи ин минтақа дар татбиқи ҳадафи олии кишвар – баланд бардоштани сатҳи зиндагии аҳолӣ  ва пешрафти иқтисодию иҷтимоӣ тамоми нерӯи мавҷударо сафарбар карда, саҳми муносиб гузоранд.

Раҳмонзода гуфт, ба наздикӣ тӯҳфаи Президент ба Мурғобу Ванҷ ирсол мешавад: чист он?

Барои иҷрои Амри Президенти Ҷумҳурии Тоҷикистон дар бораи таҷлили 30–солагии Истиқлоли давлатии Ҷумҳурии Тоҷикистон нақша-чорабиниҳои мақомоти иҷроияи ҳокимияти давлатии ноҳияи Ванҷ оид ба анҷом додани корҳои ободонию созандагӣ бахшида ба 30 — солагии Истиқлоли давлатии Ҷумҳурии Тоҷикистон сохтмон ва бунёди 86 иншооти гуногуни таъйиноти иҷтимоию иқтисодиро дар бар мегирад.

Дар ин давра 31 иншоот дар соли 2018, 26 иншоот дар соли 2019,  22 иншоот дар соли 2020 мавриди истифода қарордода шуданд. Дар соли равон 6 иншоот ба нақша гирифта шуда, 4-тои он аллакай ба истифода дода шуд. Дар иншооти дигари ҷашнӣ корҳо бо маром идома дошта, то муҳлати муайяншуда мавриди баҳрабардорӣ  қарор дода мешаванд.