Эмомалӣ Раҳмон. Акс аз хадамоти матбӯъоти раиси ҷумуҳри Тоҷикистон

Райисҷумҳури Тоҷикистон "ДИ"-ро тоуни асри 21 хонд

14
(Таҷдидшуда 09:55 17.12.2014)
Райисҷумҳури Тоҷикистон гуфт, дар амалиётҳои ҷангии Сурия ва Ироқ беш аз 200 шаҳрванди ҶТ бо ҷонибдорӣ аз Давлати исломӣ ширкат доранд, ба ин сабаб мо бояд бетараф набошем ва пеши роҳи ин амали номатлубро бигирем.

ДУШАНБЕ, 15 дек — Sputnik. Президенти Тоҷикистон Эмомалӣ Раҳмон созмони террористии "Давлати исломӣ"-ро "тоуни асри 21 ва хатари ҷаҳонӣ" арзёбӣ кард. Дар ин бора, ӯ рӯзи 13 декабр, аснои суханронӣ дар анҷумани XII-и  ҲХДТ иброз дошт, иттилоъ медиҳад РИА Новости.

Эмомалӣ Раҳмон афзуд, чӣ "Толибон"-у чӣ "Ал-қоида" ва ё "Давлати исломӣ" ҳамаи онҳо як ҳадаф доранд, мушкил дар ин аст, ки бархе аз қувваҳо онҳоро алайҳи худи мусалмонон истифода мекунанд. Аз ин рӯ мо наметавонем нисбат ба равандҳои имрӯзаи сиёсии минтақа ва ҷаҳон бетараф бошем.

"Бар асари таъсиру пуштибонии доираҳои муайян дар баъзе манотиқи ҷаҳон нерӯҳое сар бардошта, фаъолона амал карда истодаанд, ки барои ҷомеаи ҷаҳон оқибатҳои фоҷиабор доранд. Имрӯз мо шоҳиди густариши бесобиқаи фаъолияти ҳаракату равияҳои экстремистӣ ва ифротгароии динӣ мебошем. Яке аз онҳо давлати ба ном исломии Шому Ироқ мебошад, ки ҳомиёну сарпарастони маънавии он ҷавонони зиёдеро қариб аз 80 кишвари гуногуни олам ба доми ғаразноки худ дароварда, ба ҷангҳои бисёр даҳшатноку ҷоҳилона бар зидди худи мардуми мусулмон сафарбар карда истодаанд.Мутаассифона, чунин аъмоли ваҳшатнок бо истифода аз номи ислом сурат мегирад, ки боиси бадномии дини мубини ислом ва мардуми мусулмон мегардад.Табиист, ки як қисми чунин ҷавонон минбаъд ба кишварҳои худ бармегарданд ва барои нооромиҳои иҷтимоӣ замина мегузоранд. Аз чунин ҳолат Тоҷикистони мо низ истисно нест",- гуфт ӯ.

Райисҷумҳури Тоҷикистон аз ин падидаи номатлуб изҳори нигаронӣ карда афзуд, дар амалиётҳои ҷангии Сурия ва Ироқ беш аз 200 шаҳрванди ҶТ бо ҷонибдорӣ аз Давлати исломӣ ширкат доранд, ба ин сабаб мо бояд бетараф набошем ва пеши роҳи ин равандро бигирем.

"Давлати исломӣ" як гурӯҳи тундрави мазҳабист, ки дар оғози соли равон аз баданаи шӯъбаи ироқии шабакаи террористии Ал-Қоида ҷудо шуда, тайи як муддати кӯтоҳ ва ба таври ногаҳонӣ қаламравҳои бузурге дар Ироқу Сурияро ишғол кард.

Ин гурӯҳ, ки ибтидо "Давлати исломии Ироқу Шом" ном дошт, баъди пешрафтҳояш дар ин ду кишвар аз азмаш барои сохтани хилофати воҳиди исломӣ хабар дод ва раҳбараш Абӯбакри Бағдодиро ҳатто "халифа" эълон кард. Бино ба як харитае, ки расонаҳои ғарбӣ нашр кардаанд, "хилофат"-и "Давлати исломӣ" бояд то 5 соли оянда ба тамоми қаламрави давлатҳои мусалмоннишин — аз Испанияву Саҳрои Кабир то Қафқозу Осиёи Марказӣ ва Ҳинд — доман паҳн кунад. Дар ин харита тамоми Осиёи Марказӣ ва Афғонистону Эрону Покистону Ҳинд дар як вилоят бо номи "Хуросон" тасвир шудаанд.

14
Барчаспҳо:
ишғол, ҷангҳо, анҷуман, Давлати исломӣ, Ал-қоида, ҲХДТ, Толибон, Эмомалӣ Раҳмон, Осиёи Марказӣ, Испания, Шом, Ироқ, Сурия, Тоҷикистон
Министры иностранных дел России и Таджикистана Сергей Лавров и Сироджиддин Аслов

Нотаи Тоҷикистон ба Русия: Душанбе тарафи сеюмро дар марз номақбул хонд

1090
(Таҷдидшуда 21:05 29.05.2020)
Вазорати умури хориҷии Тоҷикистон изҳороти Сергей Лавров, вазири умури хориҷии Русия дар мавриди миёнаравӣ дар масоили марзи Тоҷикистону Қирғизистонро номақбул хонда, таъкид кардааст, ки гуфтушунидҳои марзӣ кори дохилии ду давлат мебошад

ДУШАНБЕ, 29  май — Sputnik. Вазорати умури хориҷии Тоҷикистон 29 май бо ирсоли як нота ба Вазорати умури хориҷии Русия пешниҳоди миёнаравии Сергей Лавровро ғайри қобили қабул хондаст.

Душанбе дар нота ба унвонии Маскав инчунин таъкид кардааст, ки масъалаи марз дар ҷаласаи Шӯрои вазирони умури хориҷии СПАД баррасӣ нашуда буд, ки баъдан Лавров дар бораи он изҳори назар кард.

Тоҷикистон дар нота унвонии Русия баён доштаст, ки ҷалби тарафи сеюмро ба ҷараёни гуфтушунид дар масоили марзии Тоҷикистону Қирғизистонро мувофиқи мақсад намедонад.

Таъкид шуд, масоили аломатгузорию муайянсозии марз кори дохилии кишварҳои узви СПАД буда, танҳо тариқи дуҷониба амалӣ мешавад.

ВУХ афзуд, ба самъи ҷониби Русия расонда шуд, ки гуфтушунидҳои марзии Тоҷикистону Қирғизистон мунтазам дар доираи Комиссияи байниҳукуматӣ бо такя ба таҷрибаи пешрафтаи ҷаҳонию воситаҳои ҳуқуқӣ амалӣ мешаванд.

Қаблан Сергей Лавров, вазири умури хориҷии Русия дар пайи ҷаласаи СПАД зимни нишасти матбуотӣ аз Тоҷикистон ва Қирғизистон даъват кард, ки дар марз аз истифодаи силоҳ даст кашанд ва Русия омода аст, ҳамчун миёнрав бошад.

"Ин вазъ дар марзи Тоҷикистону Қирғизистон, мутаассифона бори аввал нест. Мо аз шариконамон даъват меорем, ки онҳо роҳи маслиҳатомезро пеш гиранд ва ҳарчи тавонанд аз истифодаи қувва худдорӣ кунанд. Мо омодаем ҳамчун миёнрав хизмат кунем. Ҳарчи зудтар вазъият ба эътидол ояд, ҳарчи беҳтар аст. Дар ин бора имрӯз ба дӯстонамон ҳам гуфем", - таъкид кардааст Лавров.

Ин дар ҳолест, ки  24 май дар марзи Тоҷикистону Қирғизистон таниши навбатӣ ба миён омад, ки дар натиҷа ҷавонзани 25-сола шаҳрванди Тоҷикистон маҷруҳ шуд.

1090
Барчаспҳо:
Тоҷикистон
Премьер-министр Таджикистана Кохир Расулзода

Расулзода бо ҳамтоёнаш оқибатҳои буҳронро баррасӣ кард

142
(Таҷдидшуда 16:56 29.05.2020)
Қоҳир Расулзода, сарвазири Тоҷикистон, 28 май дар машварати сатҳи баланди виртуалӣ таҳти унвони “Маблағгузорӣ барои рушд дар даврони COVID-19 ва марҳалаҳои минбаъда” суханронӣ намуд

ДУШАНБЕ, 29  май — Sputnik. Чорабинии мазкур бо ибтикори дабири кулли СММ Антониу Гутерриш, сарвазири Канада Ҷастин Трюдо ва сарвазири Ҷамайка Эндрю Холнесс доир карда  шуд, хабар додааст “Ховар”.

Манбаъ афзуд, ки дар машварат, аз ҷумла роҳбарон ва сарвазирони Тоҷикистон, Олмон, Фаронса, Ҷопон, Италия, Британияи Кабир, Покистон , Қирғизистон, Беларус, Арабистони Саудӣ ва ғайра, инчунин роҳбарони Хазинаи байналмилалии асъор, Созмони ҳамкории иқтисодӣ ва рушд, Бонки ҷаҳонӣ  ва дигар институтҳои молиявии ҷаҳон ширкат  варзиданд.

“Сарвазири Ҷумҳурии Тоҷикистон  зимни суханронии хеш дар машварат оид ба иқдомҳои Ҷумҳурии Тоҷикистон ва ҷомеаи ҷаҳонӣ дар заминаи пешгирии шуюи бемории ҳамагири COVID-19 ва паёмадҳои иқтисодӣ ва иҷтимоии он ба кишвар изҳори назар кард”, - омадааст дар иттилоия.

Манбаъ тавзещ дод, ки машварат дар се бахш гузаронида шуда, қарору тасмимҳои вобаста ба вазъи фавақулодаи бар асари пандемияи COVID-19 баамаломада ва рафъи оқибатҳои он мавриди баррасӣ қарор гирифтанд.

142
Барчаспҳо:
оқибатҳо, СММ, Тоҷикистон